Одложено судењето против Нетанјаху во случаите за мито и измама

Сведочењето на израелскиот премиер Бенјамин Нетанјаху во рамки на судскиот процес за корупција е откажано само еден час пред планираниот почеток, јавуваат израелски медиуми.

— реклама —

Според извештаите, одложувањето е побарано од неговиот адвокат Ами Хадад, повикувајќи се на неутврдени безбедносни причини. Судското рочиште било закажано по подолга пауза предизвикана од војната со Иран.

— реклама —

Нетанјаху се соочува со обвиненија за поткуп, измама и злоупотреба на доверба во три одделни случаи познати како „Случај 1000“, „Случај 2000“ и „Случај 4000“, при што обвинителството тврди дека постоеле обиди за влијание врз медиуми и телекомуникациски компании во замена за политички и деловни придобивки.

— реклама —

Во случајот 4000 се наведува дека тој наводно ги фаворизирал регулаторните одлуки во корист на поранешниот сопственик на порталот „Вала“ и телекомуникацискиот гигант „Безек“, во замена за позитивно медиумско известување.

— реклама —

Покрај домашните судски постапки, против Нетанјаху постои и меѓународен правен притисок, откако Меѓународниот кривичен суд во ноември 2024 година издаде налог за негово апсење поради наводи за воени злосторства и злосторства против човештвото поврзани со Појасот Газа.