Огнен биланс до 13 часот: Две активни жаришта, шест пожари изгаснати

До 13:00 часот денеска на територијата на државата се евидентирани вкупно девет пожари на отворен простор, од кои два се сè уште активни, еден е ставен под контрола, а шест се целосно изгаснати, информира Центарот за управување со кризи (ЦУК).

— реклама —

Според информациите, активни се пожарите во Општина Старо Нагоричане, над ресторанот „Баба Цана“, каде што гори ниска вегетација и стрниште, како и во Општина Свети Николе, помеѓу селата Црнилиште и Сарамзалино, покрај патот Велес–Штип, каде се зафатени ниска вегетација, сува трева и лозови насади.

— реклама —

— реклама —

Под контрола е пожарот во Општина Македонски Брод, во атарот на селото Белица, каде гореле ниска вегетација, сува трева и лисна постилка.

— реклама —

Во меѓувреме, изгаснати се шест пожари, и тоа во Струмица, на улицата „Климент Охридски“, во две одделни интервенции во Валандово – зад објектот „ДИМ Комерц“ и кај селото Честово, како и во Пехчево, Прилеп и Куманово, каде што гореле ниска вегетација, сува трева, грмушки, мешана шума и отпад.