Охридското Езеро 11 сантиметри над просечното августовско ниво

Охридското Езеро и натаму се одржува над просечното августовско ниво, покажуваат најновите податоци на Управата за хидрометеоролошки работи.

— реклама —

Денеска нивото на езерото изнесува 693,57 метри надморска височина, што е 11 сантиметри над просекот за август, утврден на 693,46 метри.

— реклама —

— реклама —

Во однос на дозволениот минимум од 693,10 метри, нивото е повисоко за 47 сантиметри.

И температурата на водата е над просечната. Утринава во 7.30 часот биле измерени 26 степени Целзиусови, што е за 2,5 степени повеќе од просечните 23,5 степени за август.