Охридското Езеро и натаму се повлекува

Водостојот на Охридското Езеро подолг период континуирано се намалува и според последните мерења веќе е само пет сантиметри над повеќегодишниот просек за октомври.

— реклама —

Според мерењата на УХМР од 2 октомври, нивото на езерото се наоѓа на кота од 693,36 метри надморска височина. Повеќегодишниот просек за октомври изнесува 693,31 метар.

— реклама —

Во однос на минимално дозволеното ниво, кое е на кота од 693,10 метри, актуелниот водостој е повисок за 26 сантиметри.

Најголем пад на нивото бил забележан во периодот од 11 до 13 август, кога водостојот се намалил за десет сантиметри.

— реклама —

Од тој период продолжува трендот на опаѓање на нивото на водата.

Иако Охридското Езеро сè уште е над повеќегодишниот просек за октомври, намалувањето на водостојот веќе е забележливо долж брегот.