Општина Бутел реагира за градежни активности на државно земјиште во Бутел 2

Почетните градежни активности на државно земјиште во населбата Бутел 2 предизвикаа реакции кај жителите, по што Општина Бутел упати јавно предупредување до лицата што ги изведуваат работите.

— реклама —

Градоначалникот Дарко Костовски соопшти дека досега пристигнале пријави од повеќе од десетина загрижени граѓани. Од Општината побараа веднаш да се запрат активностите сè додека не се утврди дали градбата е законска.

— реклама —

— реклама —

Костовски предупреди дека, доколку се утврди дека станува збор за бесправна градба и работите продолжат, Општина Бутел во координација со Министерството за внатрешни работи ќе преземе мерки во рамките на своите надлежности.

Меѓу најавените мерки се поднесување кривична пријава до надлежните органи и отстранување на сè што е бесправно изградено, согласно со законските постапки.

— реклама —

Од Општина Бутел порачуваат дека нема да толерираат узурпација на државно земјиште и незаконско градење.