Општина Ѓорче Петров: Бесплатен ранец, финансиска поддршка и ужинка за секое прваче

Општина Ѓорче Петров и оваа година ќе обезбеди пакет поддршка за сите првачиња кои во септември ќе ја започнат новата учебна година.

— реклама —

Како што соопштија од општината, секое прваче ќе добие бесплатен училишен ранец со училишен прибор, финансиска поддршка во износ од 3.000 денари, како и бесплатна училишна ужинка.

— реклама —

Градоначалникот Александар Стојкоски истакна дека целта на мерката е на сите деца да им се овозможи еднаков и достоинствен почеток на образованието.

— реклама —

„Првиот училишен ден е еден од најважните моменти во животот на секое дете. Наша обврска е да создадеме услови секое прваче безгрижно и со насмевка да зачекори во училишните клупи. Затоа континуирано инвестираме во образованието и во мерки што им помагаат на децата и на нивните семејства“, изјави Стојкоски.

Од Општина Ѓорче Петров наведуваат дека со оваа мерка продолжуваат со поддршката на семејствата и вложувањето во образованието, со цел да обезбедат еднакви можности и поквалитетни услови за сите ученици.