Османи: Мицкоски ме обвинува за протоколот со Бугарија, кој беше едногласно одобрен од Владата

Поранешниот министер за надворешни работи, Бујар Османи, реагираше на изјавите на премиерот Христијан Мицкоски, кој, според него, лично го посочил како виновник за потпишувањето на протоколот со Бугарија.

— реклама —

Османи нагласи дека документот бил едногласно одобрен од Владата и поддржан од 67 пратеници во Собранието. Тој направи споредба со сличен протокол потпишан во 2019 година од министер Македонец, кој, како што вели, никогаш не бил доведен во прашање.

— реклама —

„Па, што се смени: протоколот или етничката припадност на министерот што го потпиша?“, праша Османи.

Тој оцени дека, кога премиерот прави разлика меѓу граѓаните според нивната етничка припадност, прашањето не е само кого обвинува, туку и кого претставува.

— реклама —