Осум лица уапсени во акција на полицијата, пронајдена дрога во Скопје и Тетово

Осум лица биле лишени од слобода во текот на изминатото деноноќие во одделни полициски акции спроведени во Скопје и тетовско, откако кај нив била пронајдена дрога, соопшти Министерството за внатрешни работи.

— реклама —

Во Скопје, на повеќе локации, полициски службеници од СВР Скопје ги привеле Ј.Ч. (47), А.Б. (19), Ф.Р. (27), Н.К. (19), М.О. (26), сите од Скопје, како и В.М. (35) од селото Морани. При преглед кај нив биле пронајдени и одземени кафеава прашкаста материја, бела прашкаста материја и марихуана.

— реклама —

— реклама —

Во посебна акција, на 26 јули околу 01:45 часот во селото Камењане, полициски службеници од Полициското одделение Камењане ги лишиле од слобода Б.И. (21) и О.М. (18), двајцата од Тетово. Кај нив, исто така, биле пронајдени бела прашкаста материја и марихуана.

— реклама —

Приведените биле задржани во полициска станица, а по целосното документирање на случаите против нив ќе бидат поднесени соодветни пријави.