Откажани 35 летови поради дефект во контролата на воздушниот сообраќај во Велика Британија

Технички проблеми во контролните центри предизвикаа доцнења и откажувања на десетици летови во Шкотска, Северна Ирска и Англија.

— реклама —

Националната служба за воздушен сообраќај (NATS) соопшти дека проблемите се отстранети и дека се работи на што побрзо нормализирање на воздушниот сообраќај.

— реклама —

Според податоците на аналитичката компанија Cirium, досега се откажани вкупно 35 летови на аеродромите во Велика Британија.

Од NATS наведуваат дека со аеродромите и авиокомпаниите работат на безбедно укинување на ограничувањата и намалување на дополнителните доцнења. На патниците им се препорачува да го проверат статусот на својот лет директно кај авиокомпанијата.

— реклама —

Ова е втор технички дефект во рок од две недели што предизвикува нарушувања во воздушниот сообраќај на аеродромите низ Велика Британија.

— реклама —

Авиокомпаниите EasyJet и British Airways го критикуваа NATS поради пропустите што доведоа до откажување на летови.