„Охридски комуналец“ ќе постави информативни табли на критичните локации за диви депонии

Јавното претпријатие „Охридски комуналец“ најавува поставување нови информативни табли на најкритичните локации низ Охрид, како дел од активностите за справување со дивите депонии и опасностите што тие ги претставуваат за здравјето на граѓаните и животната средина.

— реклама —

— реклама —

Од претпријатието посочуваат дека значителни финансиски ресурси постојано се трошат за повторно подигање на нелегално одложен отпад, средства кои, доколку се користат рационално, можат да бидат насочени кон унапредување на услугите што им се нудат на граѓаните.

— реклама —

— реклама —

„Охридски комуналец“ апелира до жителите да не создаваат диви депонии и доколку имаат потреба од одлагање отпад, навремено да го контактираат претпријатието на телефонскиот број 075 495 428, со цел отпадот да биде згрижен на соодветен и безбеден начин.