АА

(Видео) Пратеник беше искаран од Мицкоски оти се појави само со албанско знаме на собраниска говорница, па му донесоа да стави и македонско

Пратеникот од Алијансата на Албанците, Ријад Шаќири, се појави на собраниска седница со албанско знаме закачено на реверот од костумот, без истакнато македонско знаме, што предизвика реакција од премиерот Христијан Мицкоски.Мицкоски од говорницата изјави дека очекува следниот пат, покрај етничкото знаме, да биде истакнато и државното, посочувајќи дека пратениците добиваат плата од буџетот на државата и ги претставуваат сите граѓани.Шаќири возврати дека го носи својот национален симбол и дека се гордее со својата етничка припадност, додавајќи дека значката ја добил од премиерот на Албанија и дека ќе носи и македонско знаме доколку му биде обезбедено.По оваа размена на реплики, на говорницата му беше донесен брош со македонското знаме, кој Шаќири го прифати, се заблагодари и го постави на костумот.

Македонија | пред 3 седмици

„Вленизација“ на Кожув: Алијансата за Албанците го обвинува Изет Меџити за молк пред еколошки масакар

Крилото на Алијансата за Албанците предводено од Арбен Таравари најостро реагираше на, како што го нарекоа, „невидено уништување на животната средина“ на планината Кожув, каде компанија во сопственост на Ѓоко Стерјоски – сопственик на мрежата на казина и обложувалници „Спортлајф“ – наводно сече илјадници квадратни метри шума заради приватни бизнис-интереси.Од Алијансата предупредуваат дека оваа активност сериозно го загрозува биодиверзитетот и еко-системот во регионот и ја поткопува квалитетот на животот на локалното население.Посебно остри критики упатија кон министерот за животна средина, Изет Меџити, кого го обвинија за молк и „неприфатливо однесување“.„Овој молк укажува на политичка и финансиска заробеност и го прави Меџити заложник на индустријата за игри на среќа, неспособен да преземе мерки за заштита на животната средина“, велат од партијата.Во реакцијата се вели дека ова прашање не е само еколошко, туку и социјално и национално, и се нагласува дека Кожув не е „приватна сопственост за бизнис-интереси, туку заедничко богатство што мора да се заштити од уништување“.Од Алијансата најавуваат дека во следните денови ќе објават нови податоци за поврзаноста на претставници на коалицијата ВЛЕН со индустријата на казина и ќе продолжат да ја следат темата со цел да се обезбеди институционална и политичка одговорност.

Македонија | пред 8 месеци

На Таравари му е скандалозно: 95% од вработените во институциите се Македонци, а само 5% Албанци

Во институциите се отвораат стотици работни места, а пропорцијата на застапеност е некаде околу 5% Албанци и 95% Македонци, вели лидерот на едното крило на Алијанса за Албанците, Арбен Таравари синоќа за косовската „Канал 10“.„Ова е скандалозно и ако останевме во ВЛЕН и во Владата, како ќе ги поминеме локалните избори кои се на 12 или 19 октомври и како ќе им кажеме на граѓаните да гласаат за нас?!“, прашал Таравари.Тој додаде и дека единствената грешка што ја направиле како ВЛЕН било што со ВМРО-ДПМНЕ брзо станале владина коалиција и со единствен услов европскиот пат.

Македонија | пред 9 месеци

АА-Дијаспора: вЛЕН соучесник во бришење на дијаспората, повлечете ја одлуката

„Со голема загриженост ги следиме политичките случувања во нашата земја, каде за кратко време новата Влада донесе некои одлуки на штета на Албанците и другите заедници. Неодамна оваа Влада ја донесе најсериозната одлука за нас како дијаспора, промените во Балансерот, бришејќи не од официјалната статистика и со тоа ни го ускрати правото на застапеност и да бидеме дел од општата популација во државата. Оваа голема неправда не само што е дозволена, туку и ја спроведува и коалицијата вЛЕН, која сега исто така учествува во ваквото одлучување“, велат од Ограноци на Алијансата за Албанците во дијаспората и додаваат:„Ние, како дијаспора, потсетуваме дека сме граѓани на Северна Македонија и директен придонесуваме во сите процеси во земјата, како во економските преку ремитенци и во многу случаи и со директни инвестиции, како и во многу други сфери од јавниот живот. Ние сме директно поврзани со нашата татковина, во многу моменти сме директно вклучени и бараме да се врати еднаквиот третман со другите граѓани. Коалицијата вЛЕН најмногу ја злоупотреби дијаспората за предизборни цели, а сега не само што врти грб, туку сака да не направи и непостоечки. Сите ограноци на Алијансата за Албанците во дијаспората реагираат гласно на неодамнешната одлука за бришење на албанската дијаспора од официјалната статистика за правична застапеност, а за оваа одлука ќе ги алармираме и европските и светските центри за одлучување како и сите здруженија на албанската дијаспора.Овие нелегитимни одлуки на Владата ги гледаме како чекор кон спречување на нашето враќање во татковината и се сомневаме дека се кријат уште поопасни сценарија.Ги повикуваме сите други политички сили, граѓански организации и секој сонародник да го крене својот глас и да не дозволи оваа неправда која ги уништува над две деценискиѕе достигнувања за интеграција на дијаспората и откривање на реалниот процент на населението во Северна Македонија“.

пред 1 година

Села го победи Таравари на суд: ќе ги земе печатите, партискиот претседател молчи

Тетовскиот суд донел одлука за спорот помеѓу претседателот на Алијансата за Албанците, Арбен Таравари и претседателот на партиското Собрание, Зијадин Села. Според неофицијалните информации, Села добива легитимитет, а со тоа и неговите одлуки се летимни. Ова би значело дека тој ги добива и партиските печати, а Таравари излегува од игра.„Скопје1“ го контактираше Таравари за да побара информации, но од него не добивме одговори.Расколот дојде откако Таравари и неговото крило решија да се придружат на коалицијата „Вреди“ составена од албанската опозиција, додека Села, отиде со ДУИ и Али Ахмети.На седница на партиското Собрание кое го одржа Села, беше изгласано дека Таравари треба да замине од претседателската функција, но таа одлука не беше легитимна за првиот човек на партијата.

Македонија | пред 1 година

Крилото на Таравари ги поништи одлуките на Села, а донесе и нови

„Денес, на 16 февруари 2024 година, на покана на претседателот д-р Арбен Таравари и врз основа на неговите статутарни надлежности, Алијансата за Албанците го одржа четвртипт вонреден Конгрес во Скопје, на кој присуствуваа 421 делегат или огромното мнозинство од членовите на највисокото партиско тело“, стои во соопштението од Алијансата на Албанците, односно таборот на Таравари.Тие додаваат: „По усвојувањето на Деловникот за работа на Конгресот, делегатите едногласно донесоа неколку одлуки.Се усвои кандидатурата за претседател на државата на претседателот на партијата Арбен Таравари, како предлог на Претседателството на Алијансата за Албанците, поддржано од Европското движење за промени, во рамките на претседателските избори од 24 април. и 8 мај 2024 година.Се поништија одлуките на нелегитимниот состанок на Партиското собрание, одржано на 10 февруари 2024 година, бидејќи истите се карактеризираа со бројни статутарни прекршувања, манипулации и веќе докажани фалсификати, за кои денеска Алијансата за Албанците најави поднесување кривично обвинение против сторителите.Беше усвоена измената на Статутот на Алијансата за Албанците, со која се укинуваат статутарните измени одобрени на третиот вонреден конгрес одржан на 24 декември 2022 година и се враќа прелиминарната верзија на статутот, усвоена на 27 март 2022 година на вториот партиски конгрес, со цел отстранување на дисфункционалностите во партиското одлучување. Една од непосредните импликации на овие промени е укинувањето на функцијата претседател на Собранието и на овластувањата на телото однапред познато како тесно Претседателство на партијата.Во прекрасна атмосфера и еуфорија, претседателот д-р Арбен Таравари им се заблагодари на делегатите за едногласната поддршка и истакна дека промената е веќе започната и дека Алијансата за Албанците ќе води позитивна кампања, отворајќи ги вратите за сите оние кои ја посакуваат долгоочекуваната промена“.

Македонија | пред 2 години

Таравари му наоѓа прекршувања на Села, собирот му го нарече „таканаречено Собрание“

„Во седиштето на Алијансата за Албанците во Тетово денеска беа презентирани статутарните и законските прекршувања на таканареченото Собрание на партијата што се одржа на 10 февруари 2024 година во Скопје“, вели таборот од Арбен Таравари во име на партијата и додава:Подолу ги имате статутарните и законските прекршувања презентирани од страна на Азир Алиу:(I) Првото прекршување на статутот е направено со самото свикување на партиското Собрание, каде беше прекршен член 71 точка в со што се определуваат одговорностите на претседателот на Собранието во врска со свикувањето на седниците на Собранието и ВЕЛИ: „ Претседателот на Собранието во координација со Претседателот на партијата, одлучуваат по точките од дневниот ред на седниците на партиското Собрание“.(II) Иницијативата за разрешување на претседателот на Партијата мора да се заснова на начелата од член 50 од статутот, каде СЕ ВЕЛИ: „Претседателот на Партијата се разрешува во следниве случаи1. Тешко кршење на Статутот и платформата на партијата,2. Доколку е осуден со затвор за сторено какво било кривично дело,3. Во случај на доброволна оставка,4. Во случаи кога неговото здравје го спречува да ја врши функцијата претседател“(III) Исто така е прекршен член 49 кој јасно одредува дека: „Правно – статутарната причина во врска со иницијативата за разрешување (на претседателот) ја толкува статутарната комисија“, со тоа што не е побарано од статутарната комисија, која е избрана на седница на Собранието на партијата со одлука бр. 42-02/2023 на 21 јануари 2023 година, во состав: Ардиан Лимани – претседател и членовите: Сирија Рашиди, Башким Бакиу, Кујтим Незири и Аднан НезириИсто така, ве информираме дека Составот на статутарната комисија не е изменет, бидејќи истиот се избира според член 145, КОЈ ВЕЛИ „... статутарната комисија се предложува од страна на Претседателот на партијата...“, а Претседателот на партијата не предложил нов состав на статутарната комисија.(IV) За да се оцени законитоста на гласањето за иницијативата за разрешување на Претседателот на партијата, треба да се утврди списокот на членовите на Собранието присутни на седница, бидејќи член 48 на статутот вели ВАКА „иницијативата за прекин на мандатот на Претседателот се донесува со 2/3 од составот на партиското Собрание“. Следствено на ова врз база на списокот на присутни членови на Собранието, ИСТИОТ треба да се верификува доколку:1. Собранието имало кворум; и2. Ако за ова иницијатива гласале најмалку 94 легитимни членови од вкупно 143 колку членови се евидентирани.Имајќи го предвид фактот дека 75 членови на Собранието се потпишувале на декларацијата за поддршка на Претседателот на партијата г-дин ТАРАВАРИ и според нашите сознанија, од овие 75 потписници, само еден член на Собранието, Беким Поцеста, присуствувал на седницата на Собранието (и гласал против иницијативата за разрешување), може да се констатира дека максималниот број на легитимни членови, присутни во ова седница, не може да биде поголем од 69 членови. Следствено на горенаведеното, одлуката не е донесена според горенаведената процедура, а исто така сакам да истакнам дека истата преставува тешка повреда на статутот.(V) Член 31 одредува кој може да свикува вонреден Конгрес, и ВЕЛИ: „Вонреден Конгрес се свикува во следните случаи: 1. По барање на Претседателот на партијата, 2. По барање на 2/3 од составот на партиското Собрание“. Така да, бидејки се повикуваат на Вонреден конгрес, а истиот не е свикан од страна на Претседателот на партијата г-дин ТАРАВАРИ, истиот треба да биде свикан според процедурите на точка 2 со кое се бара 2/3 од составот на партиското Собрание.Според горенаведеното и фактот дека не гласале 2/3 од легитимните членови на партиското Собрание, Ве информираме дека ова е тешко статутарно прекшување но и кривично дело, бидејќи се манипулира со списокот на членовите на Собранието.Алијансата за Албанците предводена од претседателот Арбен Таравари има мнозинство во Конгресот, Собранието и Претседателството и секоја одлука што ја носат партиските органи е според Статутот.Покрај статутарните прекршувања кои се констатирани и се во фаза на утврдување, кривични дела можат да претставуваат и одлуките донесени од таканареченото Собрание од 10 февруари 2024 година доколку се докаже дека за иницијативата за разрешување на претседателот како и за повикот на Конгресот, не гласале 2/3 од партиските легитимни претставници во Собранието.Правниот застапник на Алијансата за Албанците Абидин Абдули, истакна дека Собранието одржано на 10 февруари годинава освен што е нелегитимно содржи и многу елементи на кривични дела.„Во записникот од Конгресот кој се одржа на 27 март 2022 година од членовите на Собранието избрани на тој конгрес, потоа од членовите избрани на 17 септември 2022 година и на 21 јануари 2023 година, произлегува дека мнозинството од пријавените членовите не учествувале на тоа собрание. Пред вас ги имам изјавите дадени во нотар од 70 членови кои изјавуваат дека не учествувале на Собранието одржано на 10 февруари годинава. Со ова можеме да заклучиме дека Собранието одржано на 10 февруари немаше доволно 2/3 да се свика Конгресот на 18 февруари, а собранието одржано на 10 февруари немаше ниту половина од членовите, така што Собранието е нелегитимно", рече правниот застапник на Алијанса за Албанците, Абидин Абдули.

Македонија | пред 2 години

Алијансата „пука“: Таборот на Села тврди дека собирот на Таравари е незаконски, а легалниот конгрес ќе се одржи задутре

„Денеска бевме сведоци на уште еден апсурд од свој вид. Двајца поранешни владини функционери и еден поранешен член, ниту еден од нив партиски функционер, ниту член на Собрание, се обидоа да го оспорат законското право на дејствување на претседателот на Собранието, на пратениците и на сите членови и функционери избрани од легитимните партиски тела. Се што кажаа е невистинито и обид за манипулација“, стои во соопштението од Алијанса на Албанците.Тие додаваат: Прво, Собранието го свикува претседателот на Собранието, додека за консултација со претседателот на партијата чекавме два месеци да се свика Претседателството, чекавме со недели на состанок, но и претходно се консултиравме. Нелегитимна и нелегална е средбата свикана во Куманово каде немаше ниту покана, ниту записник, ниту печат, ниту потпис, ниту законска процедура. Што се однесува до Конгресот, тој го свикува претседателот на партијата или 2/3 од членовите на Собранието. Конгресот го свикаа 2/3 од присутните пратеници во единственото легално Собрание свикано од претседателот на Собранието, Зиадин Села. Целата јавност е сведок за фалсификување потписи и членови на Собранието од нивна страна, преку сведочењата на самите членови кои исто така јавно излегоа и покажаа дека нивните потписи биле злоупотребени во Куманово од неовластени лица. И ова, да, претставува кривично дело. Што се однесува до таканаречениот Конгрес кој го свикаа, од вчера за денес има голем број прекршувања. Како прво не беа поканети делегатите на Конгресот, ниту највисоките функционери, ниту пратениците, ниту мнозинството делегати, што покажува дека се подготвува следниот фалсификат. Дополнително, во членот 28 од Статутот е наведено дека работата на Конгресот, до изборот на претседавач со работата, ја води генералниот секретар. Кој ќе го отвори и води таканаречениот Конгрес што ќе се одржи денеска?Сакаме да ја информираме јавноста, членовите на Алијансата за Албанците и делегатите на Конгресот, дека денешната средба е нелегитимна и незаконска. Единствениот легален конгрес се одржува во недела, на 18 февруари, со почеток во 13:00 часот во Салата на опера и балет во Скопје. Секој друг повик е кршење на Статутот и незаконски собир.

Македонија | пред 2 години

И за вонредни конгреси натпревар: Таравари денес, Села во недела

Доцна синоќа, Информативната служба на Алијансата на Албанците, соопшти дека Алијанса на чело со Арбен Таравари денеска во 19 часот во хотелот „Александар палас“, ќе го одржи четвртиот вонреден конгрес на партијата.Информацијата на Фејсбук ја објави и пратеникот Халил Снопче, кој е од крилото на Таравари.„Врз основа на член 31, точка 1 од Статутот на Алијансата за Албанците, претседателот на партијата д-р Арбен Таравари повика на вонреден конгрес во петок, 16 февруари 2024. Промената започна!“, напиша Снопче.Се огласи и министерот за правда, Кренар Лога, од таборот на Зијадин Села, соопштувајќи дека конгресот на Алијанса за Албанците е закажан да се одржи во недела во 13 часот во Националната опера и балет во Скопје.Во недела се одржува 4. конгрес на Алијанса за Албанците. Нема промена на датум и локација. Добредојдовте во нашиот дом! Секоја друга информација која кружи освен оваа официјална информација е лажна и обид за измама и дефокусирање на членството“.

Македонија | пред 2 години

Таравари тврди дека Села нема поддршка за да го разреши: Кај народот водам 90:10

Претседателот на Алијансата на Албанците, Арбен Таравари, тврди дека тој има поголема поддршка кај партиските структури и членовите, наспроти Зијадин Села. Смета дека не може да биде сменет од челното место. Кажа дека сега се работи на кредибилитетот на партијата.„Тоа е легитимно право внатре во партијата, секогаш имаме разногласие. Нема ништо лошо во тоа. Јас ја гледам поддршката и во централното Собрание на партијата каде сме 60 наспроти 40. Во членството е исто така некаде 60-70. А кај народот е 90 спрема 10. Алијанса е формирана анти ДУИ и така е формирана. Да го убедиш граѓанинот дека треба да помогнеме на ДУИ сега, мислам дека е контраверзно и нема никогаш да се прифати. Ако одевме со ДУИ ќе не саботираа граѓаните. Нас ни треба кребидилитет како што почнавме пред 10 години, како франкција од ДПА“, рече Таравари.Според него, тие не можат сами и затоа ќе настапуваат со албанските опозициски партии.

Македонија | пред 2 години

Одлуките на Таравари се нелегитимни: Села се спрема за враќање на чело на Алијанса, но не и за кандидирање за претседател

Зијадин Села не исклучува негово враќање на претседателската функција, но Конкресот на Алијансата на Албанците ќе ја донесе конечната одлука, Сепак, не размислува да биде кандидат за претседател на Македонија. Според Села, било Таравари на собирот со делегати сакал да прошверцува одлука, која ја прогласи за нелегитимна.„Во случај да се вратам за претседател, јас ќе ги почитувам органите на партии. Одлуките за коалицирање не се прават преку Фејсбук статуси, туку се зборува со членството и се носи одлука со централното Собрание“, рече Села.Според него, мора да има уставни измени пред да има формирање на нова Влада па посочи: „Знаете дека ни престојат уставни измени кои требаше да бидат завршени за патот кон ЕУ биде гарантиран за Северна Македонија, а со тоа и стабилност во време кога многу политички актери се заинтересирани за дестабилизација. Алијансата ќе се однесува одговорно“.„Мојот став секогаш ќе биде дека Алијансата на Албанците треба сама да иде на избори. Алијансата е издадена од сите партии, а Таравари преку негово лично мислење да ја носи во коалиција“, посочи Села.

Македонија | пред 2 години

Алијансата на Албанците ќе го разрешува Таравари, закажан конгрес за осум дена

„Го чекавме Таравари да дојде таму каде му е местото, во ова централно Собрание, кое е највисок орган помеѓу два конкрегси. Тој не дојде. Бевме принудени од членови на централното Претседатлство, беше предолжено да се измени точката еден каде Таравари требаше да дава отчет, па беше предложено да не се зборува за тоа. Предложена беше друга точка која беше дебата за последните случувања и иницијатива за разрешување на партијата“, кажа Села.Според него, имало неколкучасовна дебата.„Од 108 членови на централното Собрание се гласаше, 106 гласаа за, еден против и еден глас. Како последница на оваа одлука, следната беше да се оди на Конгрес кој ќе се одржи на 18 февруари, каде ќе се одржува за иницијативата за разрешување на претседателот на партијата, поради грубо кршење на статутот на партијата“, додаде Села.

Македонија | пред 2 години

Постои можност за разрешување на Таравари, објасни Села и кажа дека најверојатно има мнозинство

Претседателот на централното Собрание на Алијанса за Албанците, Зијадин села, кажа дека органите на партијата имаат можност да го сменат партискиот претседател, Арбен Таравари. Прашан дали има мнозинство во салата односно доволно делегати за да се носат одлуки – тој рече најверојатно ќе има.„Нормално работиме, тоа што подразбира централно Собрание на партијата и одговорност на секој член на централното Собрание. Најверојатно ќе имаме мнозинство, внатре се членовите на централното Собрание. Секој сам ќе се изјасни“, рече Села.Пред хотелот каде се одвива собирот има десетици партиски поддржувачи.„Ако зборуваме за Статутот, централното Собрание е највисокиот одбор, има право да разрешува претседател. Но за таква одлука одлучува и Конгерсот. Таравари доби покана како и секој член на централното Собрание“, додаде Села.Претходно, Таравари ги собра делегатите од централното Собрание на партијата. Тој кажа дека со 74 гласа изгласале да и се придружат на албанската опозиција.

Македонија | пред 2 години

Спијте мирно додека Али Ахмети се грижи за сите нас, порача Груби по разрешувањето на Меџити и Алиу

По разрешувањето на Фатмир Меџити и Азир Алиу од Алијанса на Албанците односно таборот на претседателот Арбен Тарвари, министерот за политички систем Артан Груби им порача на граѓаните да спијат мирно оти неговиот лидер се грижи за сите. Груби ги нарече Меџити и Алиу, пратеници на ВМРО-ДПМНЕ.„Првиот албански премиер на Владата разреши двајца министри на ВМРО ДПМНЕ кое со сите сили ги бранеше денеска во Собранието.Лека ноќ, убав сон, спијте мирно додека Али Ахмети се грижи за сите нас“, напиша Груби споделувајќи фотографија од Ахмети.Досега, на негова сметка имаше низа критики како лик кој ја води хајката против министрите за тие да бидат разрешени. Беше обвинет и дека тој стои зад расколот во Алијансата на Албанците. Последно, протече негова комуникација каде посочува на директори на клиники да земат боледување и да не го слушаат Меџити, оти брзо ќе биде разрешен.

Македонија | пред 2 години

(Видео) Собраниска корпа за министрите Меџити и Алиу од таборот на Таравари

По маратонска дебата, Собранието со 62 гласа „за“ и ниту еден глас „против“ ги разреши министрите за здравство и за информатичко општество и администрација Фатмир Меџити и Азир Алиу.На гласањето не присуствуваа пратениците од ВМРО-ДПМНЕ.Меџити и Алиу се разрешени поради внатрепартиската битка и поделби во Алијансата. Тие застанаа зад Таравари кој е за заеднички изборен настап на албанската опозиција. Приврзаниците на Села се за самостоен настап.Разрешувањето е по предлог на техничкиот премиер Талат Џафери кој рече дека според законот, не може да има два опозициски субјекта во Владата и дека тоа е основната причина зошто е предложено разрешувањето на двајцата министри.За нов министер за здравство е предложен актуелниот директор на Клиничката болница во Тетово, Илир Демири, а за министер за информатичко општество и администрација Наим Бајрами.

Македонија | пред 2 години

Таравари обвинет дека лаже, собирот му е нелегитимен, а две „Алијанси“ нема да има - се огласи таборот на Села

Собирот кој го организираше претседателот на Алијанса за Албанците, Арбен Таравари, беше прогласен за нелегитимен од Аднан Незири, координаторот на пратениците од оваа партија дел од таборот на Зијадин Села. Според него, Таравари лаже кога кажува дека на состанокот имало 75 делегати од целтраното Собрание.„Тој собир не беше легитимен, а врз основа на нашите податоци таму имаше помалку од 40 членови. Тој настан не беше Собрание оти се знае, врз основа на Статутот тоа може да го свика само претседателот на Собранието. Легалното Собрание ќе биде во сабота во Скопје, во 13 часот. Тоа се легални и процедурални врз основа на статутот“, кажа Незири.Иако со денови траат караниците и јавните препукувања, а имаше и физички пресметки, според Незири партијата не е поделена.„Партијата не е поделена, но претседателите се поделени оти комуникацијата не беше врз основа на процедурите. Не се зборува за печат, оти тоа е техничка работа. Партијата има органи, а тие не беа почитувани. Претседателот на партијата има обврски“, додаде тој.Одговараше и на прашањето дали на изборите ќе има две „Алијанси“.„Ние мислиме дека нема да има две Алијанси, имаме централно претседателство, тоа ќе одлучи дека имаме една Алијанса, а претседателот на партијата треба да даде одговор што правел, со кого зборел оти ние не сме добиле ниту понуда, ниту информација“, кажа Незири.

Македонија | пред 2 години

„Оваа работа денеска ќе биде завршена“, таборот на Села решен брзо да ги „шутне“ своите министри

Аднан Незири, координатор на пратеничката група на Алијанса за Албанците, свика прес-конференција и кажа дека денеска ќе бидат двајцата министри кои застанаа на страна на Арбен Таравари, а не на страна на Зијадин Села.„Однесувањето на двајцата министри спротивно на западните вредности и етичкиот кодекс, одборот на Алијансата на Албанците одлучи тие да бидат разрешени од министерските функции. Врз основа на Статутот на партијата, управниот совет едногласно одлучи, за министер за здравство да биде предложен Илир Демири, а за минситер за информатичко општество го предлагаме Наим Бајрами, магистер по политички науки. Тие чесно ќе ги исполнат своите обврски“, кажа Незири.Тие имињата ги предложиле до Талат Џафери, за тој да ги предложи до Собранието.„Имаме мнозинство, оваа работа денеска ќе биде завршена“, додаде Незири.

Македонија | пред 2 години

Таравари: Врз делегатите беше вршен невиден притисок за да не дојдат, за 90 дена ќе заврши лошото што владее 20 години

Во обраќањето пред членовите на централното Собрание на Алијансата на Албанците кои му дале поддршка, Арбен Таравари кажа дека промената нема да запре и дека истата е во тек. Според него, имало невидени притисоци за да делегатите во ова партиско тело не му дадат поддршка.„Промената почна и нема да запре. Денеска требаше тука да бидат присутни повеќе делегати на целнтралото Собрание но врз нив беше вршен невиден притисок за да не дојдат. Денеска е 8 февруари до 8 мај има 90 дена и лошото што досега владее 20 години ќе заврши“, рече Таравари во обраќањето.Според Таравари, 75 членови на централното Собрание му дале поддршка со присуство, а 85 членови се потпишале и се дел од неговиот табор.

Македонија | пред 2 години

(Видео) Таравари тврди дека ја има поддршката за да коалицира со албанската опозиција

Претставници на централното Собрание на Алијанса на Албанците, му дале поддршка на Арбен Таравари за да почне со коалицирање со албанските политички партии, со цел, ДУИ да оди во опозиција. Потоа, тие одлучиле по наредните избори насоката да биде проевропска.„Присутни беа 75 претставници на централното Собрание и едногласно гласаа и потпишаа за целосна поддршка на претседателот за да реализира коалиција со албанската опозиција за по 20 години, ДУИ да оди во опозиција. Втората точка беше реализација на состанок со централното раководство. Алијансата на Албанците има 29 членови на тоа раководство, а 17 беа присутни и ја прифатија иницијативата“, кажа претставник од таборот на Таравари.

Македонија | пред 2 години

„Нека пробаат, па да видиме!“, Меџити и Алиу ја предизвикаа Владата да ги разрешат ако имаат мнозинство во Собрание

Министерот за здравство, Фатмир Меџити, но и министерот за информатичко општество, Азир Алиу, нема да поднесуваат оставки, ниту пак ги сметаат за легитимни одлуките на органите на Алијансата за Албанците од каде дојде најава дека ќе бараат разрешување од страна на техничкиот премиер Талат Џафери.„Нема да поднесеме оставка. Едноставно поради две работи - ние транспарентно и отчетно работевме, а нашата партија нема зошто да бара наше разрешување. Уште вечерва им кажувам оставка од нас нема да има“, рече Алиу.Прашани дали очекуваат да бидат разрешени: „Не знам, нека пробаат, па да видиме“.Според него, зад разрешувањето на кадри од Алијансата на Албанците стои Аран Груби поддржан од нивната партија.„Ќе се бориме до крај за да докажеме дека ова што се случува со нашите кадри не е во ред“, додаде Алиу.Двајцата министри кажаа дека стојат зад Арбен Таравари.

Македонија | пред 2 години

(Галерија) Со факели му се даваше поддршка на Таравари во Гостивар, тој најави „промените почнаа“

Граѓани, сопартијци и гостиварци, вечерва се собраа за да му дадат поддршка на лидерот на Алијанса за Албанците, Арбен Таравари.„Промените почнаа” најави Таравари.Граѓаните со факели му дадоа поддршка на Таравари по соопштувањето дека тој е за коалициски настап со албанската опозиција, внатрепартиската битка и откако тој доби закана со оставен куршум во дворот на неговиот дом.Зијадин Села на прес-конференција најави дека партијата ќе оди сама на избори.

Македонија | пред 2 години

МВР со детали за најдениот куршум пред домот на Таравари:

Министерството за внатрешни работи за „Скопје1“ потврди дека пред куќата на Арбен Таравари, лидер на Алијанса за Албанците бил најден куршум од автоматско оружје.„Денеска (05.02.2024) во 09.34 часот, Ј.Џ.(42) од Гостивар во СВР Тетово пријавил дека пред влезната врата од куќата на А.Т.(50) во Гостивар било оставено, односно пронајдено зрно од автоматско оружје калибар 7,62 милиметри. Екипа од СВР Тетово - Одделение за внатрешни работи Гостивар извршиле увид, пронајденото зрно е фотодокументирано и подигнато за вештачење“, велат од МВР.Се преземаат мерки за целосно расчистување и документирање на случајот.

Македонија | пред 2 години

Нема фотографија

Битка за тронот, Села: Ова е големата куќа – АА“, Таравари: „Сведок сум на чудо од народ“, кој ќе го земе партискиот печат

Битката меѓу двете крила на Алијансата на Албанците се разгорува. Освен обвинувања, има и физички пресметки но и војна на социјалните мрежи.Поранешниот лидер на Алијанса за Албанците и актуелен претседател на партиското Централно претседателство, Зијадин Села, на ФБ објави фотографија со голем број партиски членови, негови приврзаници, и порача: „Тоа е големата куќа, Алијанса за Албанците“.Села за сабота закажа седница на Централното собрание.Таравари одговори: „Сведок сум на чудо од народ за промени“.Села на прес-конференција во партиското седиште порача дека нова одлука на партикското раководство нема, а дека според последната Алијанса за Албанците на изборите ќе настапи самостојно, а партијата не е разединета и не е за на пазар.Таравари претходно се пофали дека од 133 членови на Собранието успеал да собере 80 потписи како поддршка на неговата политика за коалицирање со албанската опозиција.Овие ФБ потписи за Села се безвредни, ќе се пребројуваат во сабота и ќе биде јасно во чии раце ќе биде партискиот печат.

Македонија | пред 2 години

Нема фотографија

(Фото) Куршум оставен пред вратата на Таравари

Тетовската телевизија „Коха“ објави дека пред домот на претседателот на Алијанса за Албанците, Арбен Таравари бил пронајден куршум. Тој бил оставен пред вратата, а според фотографиите била повикана и полиција.Од нив се гледа дека куршумот е оставен на неколку чекори после капијата за влез во дворот, а пред вратата за влез во домот.Засега нема детали, а извесно е дека крим-техника од МВР ќе врши истрага и ќе се проверуваат трагите.„Скопје1“ побара потврда од Таравари и коментар за тоа што се случува. Од него очекуваме одговор. Став побаравме и од МВР, кои ги прашавме дали имаат сознанија и осомничени лица.

Македонија | пред 2 години

И тепачки во Алијансата за Албанците? Со пораки „Можеш да ме убиеш“ се пресметуваат таборите на Села и Таравари

Поделби помеѓу членството на Алијанса за Албанците, но и несогласувања помеѓу лидерот Арбен Тарвари и претседател на Централното претседателство, Зијадин Села. Дури и вискоките функционери во власта фатија страна, па така, едни го поддржуваат Тараватри, други Села. Хаосот во партијата, според неофицијалните информации, резултирал и со тепање. Директорот на Агенцијата за одземен имот, Дритон Бебиу, се пожали дека бил нападнат.„Можеш да ме убиеш, но не и да ме исплашиш!“, испрати тој како порака.Неофицијално несогласувањата се бидејќи Таравари сака партијада да оди во коалиција со Беса, Алтернатива, Демократски сојуз, додека Села бара на изборите да настапат сами. Се огласи и министерот за правда, Кренар Лога, кој доаѓа од лобито на Села и кажа дека не сака коалиции.„... Не го почитува Христијан Мицкоски и ВМРО-ДПМНЕ“, напиша Лога.Истовремено, минситерот за здравство, Фатмир Меџити, застана зад Арбен Тарваври.Претседателот на Централното собрание на Алијанса за Албанците и поранешен лидер, Зијадин Села, на прес-конференција во седиштето на партијата изјави дека на избори одат самостојно, а партијата не се продава.Арбен Таравари објави дека добил поддршка од членството на партијата да оди со опозицискиот албански блок. Како што објавија на нивната Фејсбук страница, за 24 часа се собрани потписи за поддршка од 80 од вкупно 133 члена колку што брои Собранието на партијата. Села пак рече дека ништо не значат потписите кои што ги добил Таравари за неговата иницијатива.Според него, тоа е злоупотреба на позицијата која Таравари ја има во партијата и затоа свика седница на Централното собрание во сабота, на кое ќе се бара одговорност од Таравари.

Македонија | пред 2 години