ДПМНЕ

Следуваат протести, ВМРО-ДПМНЕ вечер ќе договара детали

На Извршниот комитет ќе се расправа за новата фаза од блокадата, најави претседателот на ВМРО-ДПМНЕ Христијан Мицкоски одговарајќи на новинарско прашање кои се следните чекори на ВМРО-ДПМНЕ по однос на најавената блокада.-Па нели според СДСМ и ДУИ нема блокада, ја совладале блокадата. Јас така знам они велат ја совладале блокадата и нема блокада и Собранието си функционира нормално, ама затоа секаде каде што идат по амбасади коленичат и цимолат дека ВМРО-ДПМНЕ им го блокирало Парламентот. Ако мислат дека ако ние ќе го напуштиме Парламентот е нешто што они најмногу го сакаат Зоран Заев преку Ковачевски и Талат Џафери за да може се да си поминат, она кое што во овој момент е против интересите на народот и граѓаните, а ВМРО-ДПМНЕ го блокира. Ние кажавме се што е за интересот на граѓаните, се што е за интересот на народот, се што е за интересот на Македонија, повисоки плати, повисоки пензии, субвенции за земјоделците, помош за стопанството ќе го поддржиме. Се она кое што цениме дека е спротивно на интересите на народот и граѓаните ќе го блокираме и така ќе се однесуваме во иднина, рече Мицкоски.Мицкоски истакна дека ИК вечерва ќе одлучи за понатамошните чекори на партијата во однос на активната блокада потенцирајќи дека во партијата ќе се отвори дебата, а како што рече се е на маса, освен напуштање на парламентот.-Вечер ќе имаме ИК. Имаме ние демократска атмосфера на одлучување, треба да отвориме дебата, да може да слушнеме и останатите членови на Извршниот Комитет што ќе кажат и ќе излеземе многу скоро со динамиката на активностите. Но, се е на маса, само не е напуштање на Парламентот, тоа задоволство нема да го има оваа власт, да го напуштиме Парламентот за да можат од Законот за марихуана па наваму се да си поминат, кажа тој.На прашањето дали следен чекор се можни протести, Мицкоски не ја исклучи можноста.Да, одговори Мицкоски.

Македонија | пред 3 години

СДСМ успешно менаџира со кризата, смета Николова

„СДСМ преку парламентарното мнозинство и Владата што ги предводи, успешно се справува со последиците од глобалната економска криза“, вели Даниела Николова, пратеничка на СДСМ:Таа додава:„Се реализира пакет од 26 антикризни мерки за помош и поддршка на граѓаните и економијата, а преку одговорни политики, ќе се заштедат дополнителни сто милиони евра кои во иднина би се искористиле за нови антикризни мерки.И додека СДСМ се бори против последиците од кризата, ВМРО-ДПМНЕ и Христијан Мицкоски се обидуваат по секоја цена да ја закочат работата на институциите.Помина една недела од најавените нови засилени блокади на ВМРО-ДПМНЕ, но тие не успеаја.Пратениците од ВМРО-ДПМНЕ по налог на Мицкоски го одолговлекуваа усвојувањето на дневниот ред, правеа хаос на седниците и на крај ВМРО-ДПМНЕ не доби ништо, но затоа нанесе штета врз граѓаните.Над 17.000 тутунари се уште се без субвенции затоа што од страна на ВМРО-ДПМНЕ и опозицијата закочена е работата на Комисијата за земјоделство, иако во Буџетот има обезбедено средства за исплата на субвенциите.Ваквото однесување на ВМРО-ДПМНЕ не е ништо ново. Тоа го гледавме и во време на пандемијата со коронависрусот, и кога се зголемуваа платите и пензиите, но и кога државата стануваше полноправна членка на НАТО Алијансата.И тогаш како и сега Мицкоски и ВМРО-ДПМНЕ беа на спротивната страна од интересите на граѓаните и државата и се обидуваа да го закочат напредокот.Откако им пропадна првичниот обид за блокада на Собранието, денес ВМРО-ДПМНЕ најавува нови блокади и деструкции, со цел по секоја цена да направат штета врз државата и да ги задоволат личните желби на Мицкоски.Но во белиот дворец треба да знаат дека и овие нови деструктивни идеи за блокада ќе бидат поразени, СДСМ нема да дозволи граѓаните да бидат жртви на себичните интереси на ВМРО-ДПМНЕ и Мицкоски.Парламентарното мнозинство предводено од СДСМ повторно ќе ги порази нови деструктивни постапки на ВМРО-ДПМНЕ и нема да дозволи нови штети врз граѓаните, економијата и државата.Во време на криза, кога сите капацитети треба да бидат ангажирани во справување со последиците, пратениците на ВМРО-ДПМНЕ да покажат барем малку одговорност и да се откажат од блокадите и деструкциите.Мицкоски да собере храброст да се откаже од подаништвото кон Груевски, криминалецот во бегство кој и повеќе од очигледно дека целосно ја контролира партијата.ВМРО-ДПМНЕ останува нереформирана партија, заробена партија во криминал и режимска матрица чие дејствување е на штета на граѓаните и државата“.

Македонија | пред 3 години

„Ковачевски е заробен“, Мицкоски не му простува на Џафери

Христијан Мицкоски, претседател на ВМРО-ДПМНЕ смета дека премиерот Димитар Ковачевски е заробен. Поради ова, смета дека СДСМ го брани собранискиот спикер Талат Џафери кој по завршување на собраниска седница е снимен како упатува пцости во Собранието, кон вработени од секторот за седници. Мицкоски посочи дека доказ за состојбата во која се наоѓа Ковачевски е што вчера, а три дена по упатените пцости, Ковачевски беше на стадион да навива со Џафери и лидерот на ДУИ Али Ахмети.„Интерпелација нема да успее, бидејќи Ковачевски ако го нападне Талат Џафери ќе му падне Владата. Ете вчера го видовме на еден стадион како навива меѓу Али Ахмети и Талат Џафери седнат и тоа доволно јасно прикажува во која улога е тој човек и зошто велиме дека е заробен. И како да правиме интерпелација, единствено да ги слушнеме како се прпелкаат од СДСМ да го бранат Џафери кој ги пцуеше мајките на вработените во Парламентот. Тоа се вредностите? Еве ја повикувам и меѓународната заедница, ако се тоа вредностите и ако стојат зад овие политичари, тогаш извинете јас зад такви вредности не сакам да живеам“, додаде Мицкоски.Според Мицкоски, треба да се свика Комисија за деловнички и мандатно имунитетски прашања надлежна за етичкото однесување на пратениците бидејќи Џафери го прекршил Кодексот.„Навредувајќи ги мајките на вработените таму, го прекршил Кодексот. Народот е тој кој треба да одлучи на следните избори дали овие ќе бидат казнети или нема да бидат казнети. Имаат 61 пратеник, тие секогаш додека се Влада ќе ги имаат тие 61. Затоа е важно на следните избори, дека само стабилна влада може да ги исправи овие грешки. Овие луѓе кои тоа го направија, ќе одговараат. Но јас сум само еден гласач. Вие медиумите треба да дадете поддршка Македонија да престане да губи“, додаде Мицкоски.

Македонија | пред 3 години

Мицкоски за анкетите и обвинувањата на СДСМ: Ковачевски да се охрабри и да договориме датум за избори, така ќе видиме дали анкетите се реални или не

Единствен начин за да докажеме и покажеме дали анкетите се точни, е да одиме на избори, вели претседателот на ВМРО-ДПМНЕ Христијан Мицкоски одговарајќи на новинарско прашање како ги коментира последните анкети на јавното мислење и обвинувањата од страна на СДСМ дека истите се измислени.Мицкоски го повика Димитар Ковачевски и СДСМ да се охрабрат и да седнат на маса за да договорат датум за предвремени парламентарни избори, на кои граѓаните ќе можат да одлучат.Има единствен начин тоа да се покаже и докаже, дали се измислени или не се, е да одиме на избори. Нека се охрабрат и нека го охрабрат Ковачевски да седнеме на маса и да договориме датум за предвремени парламентарни избори. Тоа е единствениот начин да видиме дали анкетите се лажни или не се лажни. Нема друг начин, истакна претседателот Мицкоски.Единствен начин за да докажеме и покажеме дали е тоа така е да одиме на избори. Тогаш народот ќе си каже дали тие се добрите и нас не чека пораз, или пак работата е сосема поинаква. Само да не биде како после локалните избори да прават математики и гимнастики, додаде тој.

Македонија | пред 3 години

Ковачевски е толку уплашен од Џафери што вчера мораше да гледа и фудбал со него, реагира ВМРО-ДПМНЕ

„Ако падне Талат Џафери паѓа владата, затоа Ковачевски прави будала од себе и не смее да го осуди дивеењето во собрание“, реагира ВМРО-ДПМНЕ.Тие додаваат:„Ковачевски е толку уплашен од Џафери што вчера мораше да гледа и фудбал со него, само за да покаже пред јавноста дека стои зад Џафери, и да го понесе срамот врз себе.До кога Ковачевски ќе продолжи да прави будала од себе за да не му излезе ДУИ од влада?Сите го слушнаа Талат Џафери како пцуе вработени во собранието и врши мобинг врз нив, само Ковачевски едвај чека јавноста да заборава на случајот, за да не мора да го осуди Џафери и да не му се налути ДУИ.Ковачевски само за да остане на власт е спремен да премолчи се, па дури и малтретирањето на вработените во собранието од страна на Џафери.Ковачевски е спремен на се, па дури и да се слика со примитивецот од Форино, додека цела јавност се згрозува, само да поседи уште некој ден во фотелјата во влада.Ковачевски е срам за државата исто колку и Џафери, затоа што за власт е спремен да жртвува десетина човечки судбини и да ги остави луѓето да бидат шиканирани од Џафери“.

Македонија | пред 3 години

Ковачевски навистина да се грижеше за граѓаните досега ќе ја прифатеше подадената рака на ВМРО-ДПМНЕ за излез од кризата, смета опозицијата

„Ако СДСМ навистина се грижеше за граѓаните и Македонија досега Ковачевски ќе ја прифатеше подадената рака на ВМРО-ДПМНЕ за излез од кризата“, вели ВМРО-ДПМНЕ.Тие додаваат:„Но Ковачевски продолжува да е заложник на заевизмот и на коалицискиот партнер.ВМРО-ДПМНЕ нуди пакет кој е во интерес на граѓаните. ВМРО-ДПМНЕ предлага експерти кои можат да помогнат во клучните области, но и да се определи датум за предвремени избори, кои патем може да се одржат со изменет закон со една изборна единица како едно од барањата во коалицискиот договор помеѓу СДСМ и нивните помали партнери.ВМРО-ДПМНЕ со активната блокада ќе ги блокира законите кои што не носат добро за граѓаните. Тоа се закони за поединци или имаат за цел да го пљачкаат народот. Но, се што е од интерес за граѓаните како што се закони за повисоки плати, повисоки пензии, субвенции тоа нема намера ВМРО-ДПМНЕ да блокира, напротив сето тоа ВМРО-ДПМНЕ ќе поддржи“.

Македонија | пред 3 години

Тешки зборови за Талат Џафери од ВМРО-ДПМНЕ

„Три дена без никаква осуда или одговорност за Талат Џафери поради недоличното однесување во Собранието, од страна на крими коалцијата на власт СДСМ-ДУИ“, вели ВМРО-ДПМНЕ.Тие додаваат:„Пред 3 дена јавноста беше згрозена од видеото во кое се слуша како претседателот на Собранието, Талат Џафери со пцовки кон мајките на вработените, тој ги навредуваше и со примитивно однесување го покажа своето вистинско лице.Целосен молк и од Ковачевски за понижувањето на институцијата Собрание, за примитивизмот на Џафери и неговите навреди кон вработените во Собранието на Македонија.Димитар Ковачевски мислејќи дека со недоветност и игнорирање на овој однос, од страна на Џафери, македонските граѓани ќе го заборават ваквиот однос на претседателот на Собранието.Не само што не го осуди однесувањето на Талат Џафери, туку пиунот Ковачевски со неговиот молк се стави во одбрана на ваквиот примитивен одност на вториот човек по функција во државата.Не постои никакво оправдување за проститулокот и примитивниот однос на Џафери, Никој не е должен да трпи навреди со сексуални конотации, да биде бркан и навредуван со зборовите „сиктер“ и „мрш“ од примитивецот Џафери.Ваквото однесување на Џафери ја доведува во прашање неговата деловна способност и воопшто ментална стабилност за да извршува вакви високи државни функции, претседател на Собрание.Одговорност за ваквото однесување мора да има. Талат Џафери треба веднаш да си поднесе неотповиклива оставка“.

Македонија | пред 3 години

Мицкоски го „рашамара“ Џафери и го испрати во „посебни институции“ за нервен систем

Се срамам што го познавам тој човек и не можам да разберам што е тоа што го држи Димитар Ковачевски при уши глув, при очи слеп, па да мора јавно тоа да го премолчува, што е тоа што го има заробено за да го трпи овој срам и понижување, бидејќи таму се навредува мајката на вработените кои што можеби се Македонци, Албанци, Турци, Срби, Власи, Бошњаци, изјави лидерот на ВМРО-ДПМНЕ Христијан Мицкоски за снимката од собраниската сала што протече во јавноста на која се слуша глас на Талат Џафери.-Нема ниту одговорност, ниту некој нешто кажа, ниту пак медиумите, морам да признам, тоа го ставија на едно високо ниво. Ако некој човек има проблем со себе, и со својот нервен систем, има посебни институции кои што се грижат за тоа. Парламентот и вработените не се место каде што некој треба својот нервен систем да го лекува. Така што еве, ќе завршам како што и почнав, се срамам што воопшто познавам такви луѓе во мојот живот поради природата на мојата работа – рече Мицкоски.

Македонија | пред 3 години

Македонија не смее да е заложник на примитивизмот на Џафери, дециден е Стоилковски

„Ниту една институција во државата не смее да го премолчи примитивизмот на Талат Џафери во македонското Собрание! Примитивизмот на Џафери е насилство врз вработени, злоупотреба на позиција, кршење на човековите права, примитивизмот на Џафери е спротивен на сите документи за заштита на човековото достоинство. Џафери најбрутално го згази достоинството на позицијата собраниски спикер и воопшто позицијата пратеник во македонското Собрание“ вели Наум Стоилковски, портпарол на ВМРО-ДПМНЕ.Тој додава:„Единствен следен чекор во било кое демократско општество би било неотповиклива оставка на Џафери и повлекување од пратеничката функција од македонското Собрание! Се друго е ново тонење во катастрофа! Димитар Ковачевски со изјавата за примитивизмот на Џафери уште еднаш потврди дека е пион на крими - коалицијата ДУИ-СДСМ. Ковачевски потврди дека наместо премиер е пион и паж во власта на ДУИ и дека дозволува самоволие дури и од најпримитивно ниво само и само да остане на власт!Примитивецот од Форино има функција којашто е втора во државата и по функција го менува претседателот на државата кога тој е отсутен! Јавноста имаше прилика да го слушне вистинскиот карактер на примитивецот од Форино. Онаков недостоен примитивен излив на бес во прашање ја доведува неговата деловна способност и воопшто ментална стабилност за да извршува вакви високи државни функции! Државата не смее да биде заложник на апстиненцијални кризи и намалена деловна способност на човек именуван на висока државна функција за СДСМ да остане на власт. Државата не смее да е заложник во рацете на примитивецот од Форино само за пажот на ДУИ, пионот Димитар Ковачевски, да биде глув за примитивизмот на Талат Џафери, глуми премиер!Оттука, ги повикуваме сите релевантни државни и невладини институции во делот на обезбедувањето и логистиката на Парламентот, како МВР, СОЗР, па и ЈО, Народниот правобранител, но и Хелсиншкиот комитет, синдикатите и другите невладини организации, да отворат случај во име на заштита на достоинството и кредибилитетот на функцијата претседател на Собранието и Собранието воопшто! Молкот од нив ќе значи одобрување и воведување практика недостојна за било која колку- толку демократска држава!Нема и не постои оправдување за простотилак и примитивен однос кон вработени, не постои оправдување за пцости и навреди, какви што сета јавност во Македонија имаше прилика да го слушне примитивецот од Форино, Талат Џафери! Никој во Македонија не е должен ниту пак е вработен да трпи навреди со сексуални конотации, да биде пцуен и бркан со зборови „сиктер“ и „мрш“ од примитивецот од Форино, само за поданичката СДСМ да остане на власт!Оставка на Џафери веднаш! Оставка на владата веднаш! Само избори се спас од катастрофата!“

Македонија | пред 3 години

Николоски во Загреб на средба со 40-те највлијателни под 40 години од Европа и средби со државниот врв на Хрватска

Потпретседателот на ВМРО-ДПМНЕ Александар Николоски кој е избран во 40-те највлијателни личности под 40 години во Европа од страна на бриселската Friends of Europe, во наредните три дена ќе учествува на средба во Загреб насловенa како „Спасување на демократијата од самата себе”. Во Загреб е предвидено да се сретнат овогодинешните избрани 40 личности од Европа, но и алумни од изминатите генерации.Покрај активното учество на тридневниот настан, Николоски ќе оствари и повеќе средби со високи хрватски политичари. Николоски ќе оствари средба со хрватскиот премиер Андреј Пленковиќ, кој воедно ќе биде и учесник на настанот во Загреб. Исто така предвидени се и средби во хрватското Собрание со Гари Капели – претседател на комисијата за надворешни работи во парламентот на Хрватска и средба со пратеничката Маријана Петир. Николоски исто така ќе оствари средба во Министерството за надворешни работи со Гордан Грлиќ-Радман – министер за надворешни работи на Хрватска. Николоски ќе ги искористи средбите со хрватските политичари за афирмација на пријателските односи помеѓу Македонија и Хрватска и потребата од почетокот на преговори со ЕУ.Организаторот на настанот во Загреб „Пријатели на Европа“ е највлијателна организација во Брисел и активно учествува во креирањето политики на ЕУ, а во нејзиниот управувачки комитет седат премиери, претседатели, претседатели на Европската комисија, евро комесари и други јавни личности од Европа.Целта на овој настан е заедничко вмрежување на 40 највлијателни личности под 40 години од Европа. Оваа година дел од настанот се и Михаел Шимечка потпретседател на Европскиот Парламент, Михаи Данила – потпретседател на најголемиот инвестициски фонд во светот Блек Рок, Катинка Хосу пливачка која има три олимписки златни медали и вкупно 96 медали во кариерата, Томс Јурјевс основач и директор на Сан Фајнанс груп која обезбедува преку 1,2 милијарди евра во кредити за мали корисници, Нектариос Каланти Претседател на градоначалниците на Европа, Софи Мусел позната актерка со улоги во филмови и серии на Нетфликс, Соиел Мирпур член на управниот одбор на Рокет Интернет најголема европска компанија за поддршка на високоразвиени технолошки компании, Бенјамина Кариќ градоначалник на Сараево, Марио Брандебург пратеник во германскиот Бундестаг, Кристина Хансен од Данска која е градоначалник на Холбаек, Тамара Срзентиќ која е министерка за јавна администрација на Црна Гора, Витолд Банка од Полска претседател на светската анти допинг организација и други успешни млади лидери од Европа.

Македонија | пред 3 години

Блокирано Собрание додека СДСМ не попушти

„Од денес ВМРО-ДПМНЕ почнува со активна блокада на собранието, потребен е дијалог за предвремени парламентарни избори, Ковачевски охрабри се“, вели ВМРО-ДПМНЕ.Тие додаваат:„Ковачевски имаше доволно време да излезе од сенката на Заев и да го стави интересот на народот во прв план, но не се осмели.Државата се повеќе тоне. Вчера ДЗС излезе со официјален податок и констатираше двоцифрена инфлација. За една година цените на основните производи се зголемени од 10% до 50%. Народот плаќа 30% поскапа струја и 15% поскапо парно. И секој ден има се повеќе проблеми, Ковачевски не е нов во политиката, тој беше и заменик министер за финансии. Тој е дел од проблемите, и не може да биде решение за истите.Ковачевски треба да сфати дека Заев нема да му ги реши проблемите, тој е премиер и за сите неуспеси е директно одговорен самиот тој. Но неговите неуспеси ги плаќа и народот кој е се посиромашен. Затоа нема повеќе простор за нови обиди, државата е донесена до ситуација на повеќе кризи. Избори час поскоро.Токму затоа потребни се предвремени парламентарни избори, а активната блокада е одговор на игнорирањето на власта“.

Македонија | пред 3 години

Инфлацијата е двоцифрена, стандардот на граѓаните стрмоглаво паѓа, алармира ВМРО-ДПМНЕ

„Во месец април Македонија бележи двоцифрена инфлација, што покажува дека стандардот на граѓаните е во стрмоглав пад. Државниот завод за статистика објави податоци дека индексот на трошоците на животот во април 2022 година, во однос на април 2021 година, бележи зголемување од 10.5%, а индексот на цените на мало бележи зголемување од 11.1%. Патем инфлацијата во Македонија во споредба со просечната инфлација во Европа е далеку поголема“, вели ВМРО-ДПМНЕ.Тие додаваат:„Ова е резултат на неспособноста и неодговорноста на власта на СДСМ. Секој месец инфлацијата расте и расте се повеќе, што покажува дека мерките на власта не дале никакви резултати, туку напротив состојбите во економијата се влошуваат од ден во ден. Над 35% од граѓаните живеат во ризик од сиромаштија, 7000 компании ставија клуч на врата, 2021-ва година ја завршивме со најмал раст на БДП во споредба со земјите од регионот, долгот незапирливо расте, веќе е над 7 милијарди евра, а се најавува уште едно рекордно задолжување од 900 милиони евра со што ќе дојде до 65% од БДП. Ова се само дел од поразителните економски параметри, што се резултат на катастрофалните економски политики и мерки на владата на СДСМ и ДУИ.Затоа велиме дека најдобро за економијата во Македонија е промена на оваа криминална, неспособна и неодговорна власт. Ковачевски покажа дека има голем мерак на фотелјата и не го интересираат граѓаните. Ако сака нека ја земе фотелјата дома, само нека ја спаси државата од својата неспособност“.

Македонија | пред 3 години

Митева му објаснуваше на Богоев зошто треба предвремени избори

Она за што треба да разговараме и што ги интересира граѓаните е сиромаштијата и кризите кои што вие ги предизвикавте, му порача Марија Митева, портпарол на ВМРО-ДПМНЕ на Стефан Богоев потпретседател на СДСМ, во вечерашното гостување во емисијата Анализа на телевизија 24.Митева посочи дека потребно е одржување на предвремени парламентарни избори на кои граѓаните ќе одлучат дали ќе одберат иднина која што ја нуди ВМРО-ДПМНЕ, или продолжување на политиките на СДСМ, укажувајќи дека владата не може да зборува за добри и лоши закони имајќи во предвид дека изминатите 7 месеци само 33 закони има сработено и предложено до Собранието, додека пак ги кочи законските решенија поднесени од ВМРО-ДПМНЕ.СДСМ нема 100 дена влада, има пет години континуитет на криминал, корупција, тендери во четири очи, двоцифрена инфлација, највисока историски 10.2 е 2008 година, 10.5 е оваа година, имаме зголемување за 20 проценти на маслото, имаме зголемување на 10 процените на цените на прехранбените производи, рече Митева и додаде:За каква парламентарни демократија зборуваме, за какви добри закони, и за какви демократи во Собранието каде што само да потенцирам 21 седница, утре ќе биде 71 седница, ВМРО-ДПМНЕ предлага закон за заштита на населението од заразни болести, 42 седница, закон за основно образование каде што немаше да се случи ништо, каде што немаше да се случи штрајкот на просветните работници доколку овој закон се донесеше. 45 седница за кон за служба во Армијата, нели имаме проблем со безбедноста, зошто не се заштитат луѓето кои што работат во Армијата, зошто не се донесе овој закон, за кој што велите дека сега е блокиран од ВМРО-ДПМНЕ. 65 седница закон за тутун, производи од тутун и сродни производи, во период од 5 ноември 2021 година до 6 мај 2022 година владата за овие шест месеци има поднесено 38 закони, од кои само 5 се ратификации. Што значи дека 33 закони има владата сработено и предложено до собранието за овие 7 месеци. Е поради оваа неспособност, поради оваа економска криза, енергетска криза, поради овој нарушен животен стандард, ајде на избори и граѓаните нека одлучат дали политиките на ВМРО-ДПМНЕ се оние кои што треба да донесат иднина во државата, или ќе одлучат дали политиките на СДСМ се оние кои што треба да останат.На прашањето дали ќе потрае блокадата Митева нагласи дека истата ќе трае се до одржување на предвремени парламентарни избори, укажувајќи дека СДСМ цени дека државата треба да ја води како сопствена фирма и врз основа на монолог.Блокадите во собранието ќе продолжат се до одржување на предвремени парламентарни избори од причина што СДСМ цени дека државата треба да ја води како своја сопствена фирма и врз основа на монолог ќе врши и ќе носи решенија, при понуден дијалог од наша страна, изјави таа.Митева му порача на Богоев дека владата не можат да ги реши кризите, бидејќи токму владата ги предизвикува, нагласувајќи дека потребно е одржување на избори на кои граѓаните ќе одлучат.Ајде да ги намалиме кризите кои што ги предизвикувате, зошто не можете и да предизвикувате и да бидете решение за кризите, тоа е невозможно. Ајде да излеземе на избори и граѓаните да одлучат, му порача Митева на Богоев.

Македонија | пред 3 години

„Анкетите се јасни, народот е за предвремени парламентарни избори, ВМРО-ДПМНЕ со најголема доверба, Мицкоски со најголема поддршка“

„Анкетите се јасни, народот е за предвремени парламентарни избори, ВМРО-ДПМНЕ со најголема доверба, Мицкоски со најголема поддршка“, вели ВМРО-ДПМНЕ.Тие додаваат:„21.2% од граѓаните својот глас би го дале за ВМРО-ДПМНЕ, наспроти 16.2% за СДСМ.ВМРО-ДПМНЕ е партија со најголема поддршка кај граѓаните, а СДСМ тоне.Народот гледа кој работи и гради, и кој знае да ги решава неговите проблеми. Јасна е разликата во пристапот на работа, а тоа најдобро се гледа по градоначалниците од ВМРО-ДПМНЕ и СДСМ. Во општините каде ВМРО-ДПМНЕ е на власт реализирани или отпочнати се над 1.000 проекти, за разлика од таму каде што СДСМ управува и имаме целосна стагнација.Граѓаните сакаат политичари кои ќе нудат решенија и ќе ги решаваат нивните проблеми.Претседателот Мицкоски е политичар со најголема доверба кај граѓаните и има рејтинг двојно поголем од Ковачевски.Анкетите се јасни. Предвремени парламентарни избори час поскоро за промени и иднина“.

Македонија | пред 3 години

И самиот Ковачевски ги кажа причините поради кои мора да има лидерска, на која треба да се разговара и за избори, порача опозицијата

„Самиот Димитар Ковачевски ги кажа причините поради кои мора да има дијалог, лидерска средба на која треба да се разговара и за избори“, вели ВМРО-ДПМНЕ.„Поскапувањето, инфлацијата, енергетската криза, стагнацијата на патот кон ЕУ се работите на кои граѓаните чекаат решенија и одговориОдговорноста за незрелото однесување на Ковачевски ќе биде единствено на оваа влада.СДСM има позиција дека подобро државата да е во криза, само Ковачевски и неговата дружина да се на позиции и да ги имаат во посед функционерските фотелји, или колку полошо за народот толку подобро за СДСM“, додаваат тие.

Македонија | пред 3 години

Заев да врати 1.4 милиони евра што му ги даде Љупчо Николовски преку МЗШВ, и 8-те милиони од Глобал, бара опозицијата

„Заев да врати 1.4 милиони евра што му ги даде Љупчо Николовски преку МЗШВ, и 8 те милиони од Глобал“, порача ВМРО-ДПМНЕ.Тие додаваат:„Овие 1.4 милиони евра што се дадени на фирмата Тргопродукт на Заеви се дадени во време кога Николовски ништо не прави да обезбеди пласман за македонските зњмјоделски производи, а егзистенцијата на земјоделецот е се потешка.Зоран Заев да ја врати и концесијата за ископ на глина која си ја даде додека беше премиер на 30 години на семејната фирма Еленица.Заев да ги врати парите кои ги испумпаа од државата изминативе 5 години.Ковачевски беше заменик министер за финансии додека Заев испумпуваше пари како премиер.Ковачевски е учесник и активен чинител во осиромашувањето на Македонија изминативе 5 години“.

Македонија | пред 3 години

Муцунски на значајни средби во Франција

На покана од француското министерство за надворешни работи и европски прашања, потпретседателот на ВМРО-ДПМНЕ Тимчо Муцунски неодамна престојуваше во повеќедневна посета на Франција. Во тој период оствари средби со значајни личности од национален и од локален интерес.„Една од првите средби беше со сенаторката од сестринската партија Les Republicains, Марта де Сидрак и со пратеничката од партијата En Marche, Лилиан Тангуи. Со двете соговорнички заклучија дека Македонија заслужува итен почеток на прегововорите со Европската унија врз основа на европски критериуми.Во француското министерство за финансии, економија и индустрија, се сретна со директорот за Турција, Балканот и Блискиот Исток, Николас Сежур. Разговарале за потребата од засилена економска и трговска соработка меѓу двете земји, посебно земајќи ја предвид актуелната глобална безбедносна и економска криза. На средбата Муцунски нагласил дека Македонија наскоро ќе добие влада која искрено ќе се заложи за привлекување на странските директни инвестиции, а меѓу нашите приоритети ќе бидат токму француските мултинационални корпорации.Во француското министерство за одбрана заедно со Ренауд Дорлхиак кој е одговорен за билатерални односи со Европа и Северна Америка, отворени биле прашања од регионален и глобален интерес. Македонија и Франција се партнери во НАТО, и затоа воено-безбедносната соработка мора да се продлабочува.Исто така, се сретнал и со Грегори Виленуев, раководител за Балкан во Француската агенција за развој. Разговарал за можностите за реализација на конкретни проекти од областите дигитализација и заштита на животната средина во општина Аеродром. Наскоро се очекува посета на делегација на AFD во Аеродром и конретизирање на дел од понудените проекти.Во француското министерство за надворешни работи и европски прашања остварени се повеќе средби и тоа со: Николас Фаје (директор за Западен Балкан), Лук Леви (одговорен за културна и образовна соработка со Западниот Балкан) и Клотилд Варин и Маделин Коурант (одговорни за Европа во Центарот за анализа, предвидување и стратегија на МНР). Со соговорниците се дискутирало за понатамошен развој на билатералната политичка соработка, но и за постојана соработка од областа на културата и образованието.За време на престојот во Франција во својство на градоначалник на Општина Аеродром Муцунски го посетил и градот Ла Везинет каде што се сретнал со градоначалникот Бруное Корадеки. Ла Везинет во Франција е познат по својот успешен локален мултимедијален центар, токму таков каков што треба да се изгради во Аеродром во текот на актуелниот мандат. Заедно со француската влада, Ла Везинет ќе понуди искуство, поддршка и помош за успешна реализација на ова ветување.Франција е актуелен претседавач со Европската унија, а Македонија со сигурност ќе ја добие нејзината поддршка на патот на европската интеграција“, информира ВМРО-ДПМНЕ.

Македонија | пред 3 години

Резултати од анкета: Во кој политичар најмногу веруваат Македонците, дали СДСМ треба да остане на власт

Институтот за политички истражувања од Скопје (ИПИС) денеска излезе со анкета за ставовите на граѓаните за нивната поддршка на политичките партии и политичарите, како и за одредени актуелни прашања во моментов.На прашањето дали Владата, предводена од СДСМ треба да остане на власт до крајот на мандатот во 2024 година или се потребни предвремени парламентарни избори, 39,1 отсто се определиле за предвремени избори, 32,5 проценти сметаат дека треба да остане на власт, а 28,4 отсто одговориле со „не знам“.Кусата телефонска анкета, како што напоменува ИПИС, е спроведена во периодот помеѓу 4 и 6 мај на примерок од 1111 полнолетни испитаници на ниво на цела држава. ИПИС напоменува дека сите истражувања на Институтот се подложни на статистичка грешка која изнесува +/- 3 проценти, поради што сите резултати претставени во извештајот можат да се движат во тој интервал.Според резултатите од анкетата на прашањето за која партија би гласале доколку следната недела има парламентарни избори, 21,2 отсто од испитаниците се изјасниле за ВМРО-ДПМНЕ, 16,2 за СДСМ, 7,2 за ДУИ, 3,8 отсто би гласале за Алијанса за Албанците, 2,9 отсто за Левица, 1,5 отсто за БЕСА и еден процент за Алтернатива.За ниту една партија не би гласале 17,3 проценти од испитаниците, не сакале да кажат 16,1, а одговор немале 12,8 отсто.На прашањето во кој политичар имаат најголема доверба, 16, 2 отсто од анкетираните се определиле за Христијан Мицкоски, 8,7 отсто за Димитар Ковачевски, 6,4 отсто за Зоран Заев, 7,3 проценти за Али Ахмети. Од анкетираните 3,8 проценти имаат најголема доверба во Зијадин Села, 2,7 во Димитар Апасиев, 1,9 отсто во Билал Касами, еден отсто во Африм Гаши, а 1,4 проценти во Никола Груевски. Триесет и два отсто од анкетираните одговориле дека немаат доверба во ниту еден политичар, не знаеле да одговорат 15,4 отсто, а 3,2 проценти се изјасниле за друг.Во врска со тоа дали со формирање на новата Влада се надминала политичката криза во земјава, 27,9 одговориле „да“, 47,4 „не“, а 24,7 „не знам“.ИПИС напоменува дека заради запазување на релевантноста и непристрасноста на истражувањето, бил креиран непристрасен и објективен прашалник врз база на кој подоцна била спроведена анкетата, а истражувањето било реализирано со користење на случаен примерок, кој бил стратификуван за да се запази репрезентативноста на населението во земјава.

Македонија | пред 3 години

Владата на СДСМ и ДУИ се задолжува 900 милиони евра, за ДУИ да краде и профитира, вели опозицијата

„Задолжувањето кое го најавува владата од 900 милиони евра е задолжување кое треба да послужи за отпочнување на еден проект кој долго го најавува ДУИ, а за која цел бизнисмен близок до ДУИ влезе во сопственичката структура на една стара македонска градежна фирма“, смета ВМРО-ДПМНЕ.Тие додаваат:„Парите од задолжувањето треба да поминат преку фирмата која сега е во сопственост на човек близок до ДУИ.На тој начин државата зема кредит, народот плаќа, а профитот го носи ДУИ.Сето ова е испланирано на штета на македонските граѓани. А долгот по ова задолжување ќе биде над 8 милијарди евра, и иако дуплиран во споредба од пред 5 години резултат и проекти нема, само криминал и корупција“.

Македонија | пред 3 години

Мицкоски со ултиматум: Ковачевски има време до 10 мај да размисли

При денешната посета на општина Охрид, претседателот Христијан Мицкоски даде изјава за медиуми, при што даде одговор и на ставот на Димитар Ковачевски, кој кажал дека не е спремен на дијалог, со точка на дневен ред, предвремени парламентарни избори и дека проблем е активната блокада.„Мојот став е дека до 10 мај има рок, нека не брза, нека размисли, по 10 ние продолжуваме според она што го усвои ИК на партијата, а тоа е активна блокада на македонскиот парламент, рече претседателот Мицкоски.Доколку не сака сам, тој на таа средба може да го земе и Османи, и Ахмети, и Љубчо Георгиевски, нека дојде и со Павле Трајанов, со Маја Морачанин, Горан Милевски, со сите со цела коалиција, еве јас ќе бидам со моите соработници, да разговараме за датум за избори, а до тогаш му нудам 4 тим, да му помогнат колку толку да ги ублажиме ефектите од оваа кризна состојба во која што се најде нашата земја“, кажа Мицкоски.Тој изјави дека со месеци повикува на дијалог, на разговор, бидејќи Македонија е во криза, а луѓето од владата се невешти да се справат со реалните проблеми, односно со кризата кои сами ја наметнале.

Македонија | пред 3 години

75% од граѓаните сметаат дека државата оди во погрешна насока, Ковачевски и СДСМ да ја прифатат подадената рака, бара ВМРО-ДПМНЕ

„Нервозата кај Ковачевски и СДСМ е очигледна. Тие се очајни и фрустрирани затоа што гледаат дека над 75% од граѓаните сметаат дека Македонија се води во погрешна насока, што е резултат на неспособноста, неодговорноста и криминалот на оваа власт на СДСМ и ДУИ“, вели ВМРО-ДПМНЕ.Тие додаваат:„ВМРО-ДПМНЕ повторно подава рака во интерес на граѓаните и државата.Затоа бараме СДСМ да се вразумат и да прифатат да се договори датум за предвремени парламентарни избори, а до тогаш да вклучат тимови од експерти да помогнат во изнаоѓањето на решенија за кризите и проблемите кои им тежат на граѓаните.СДСМ треба да покажат доблест и интересите на граѓаните да ги стават пред нивните тесни партиски интереси и желбата за гола власт“.

Македонија | пред 3 години

Ковачевски ја турка Македонија во провалија, само да ја зачува власта, вели опозицијата

„Ковачевски е деструктивен, заради него и СДСМ државата се наоѓа во неколку кризи, а народот е се посиромашен, тој нема идеја како да ја извади државата од ќорсокакот во кој не внел и упорно сака да остане на власт и бега од избори“, вели ВМРО-ДПМНЕ.Оттаму додаваат:„Народот плаќа 30% поскапа струја директно, а индиректно преку буџетот се плаќаат стотици милиони за увоз на скапа струја и тоа е се заради неспособноста на власта и криминалот во РЕК.Цените на основните намирници се и до 100% поскапени, а платите не мрдаат од мртва точка.Владата е главниот виновник за лошата ситуација во економијата. Државата е во стагфлација. Имаме и инфлација и економски крах.Ковачевски е свесен дека националната катастрофа која ја живееме, а предизвикана од нив не може да ја реши, но по секоја цена сака да остане на власт, па макар народот и државата да платат огромна цена.Лошите политики на Ковачевски се гледаат и во односите со Бугарија. Тој не знае како да ги брани македонските интереси, па чека и по неколку дена како јавноста ќе реагира за да сними видео од кабинет.Македонија не била во полоша положба од денес. И СДСМ нема капацитет да направи било што за да тргне на подобро.Ковачевски и СДСМ мора да сфатат дека единствен излез од кризата се предвремени парламентарни избори, само така државата ќе добие силна влада водена од ВМРО-ДПМНЕ која ќе знае како да ја изведе од кризата“.

Македонија | пред 3 години

Николоски: Македонија ја има се помалку, од 10 мај почнуваме со активна блокада на Собранието, СДСМ-ДУИ да си го преиспитаат своето однесување

„Во тек е седница на ИК на ВМРО-ДПМНЕ каде меѓу другото се расправаше за актуелната политичка состојба и националната катастрофа предизвикана од криминалната и неспособна власт и исто така разговараме и за одредени внатрепартиски прашања и кадровски одлуки кои ги носи партијата“, вели Александар Николоски, потпретседател на ВМРО-ДПМНЕ.Тој додава:„Тоа што е најинтересно за јавноста би сакал да го презентирам. Сметаме дека животот во национална катастрофа од која Македонија ја има се помалку, станува за жал секојдневие. Ваквата позиција во која се донесе државата ја донесе токму оваа влада и задолжително создава обврска соодветно да одговориме на истата.Морам да потенцирам дека ваквите чекори како овој вечерва е реакција на акцијата на власта и нивното неодговорно однесување и за секој понатамошен чекор, единствен виновник е коалицијата на СДСМ и ДУИ и никој друг.Токму на седницата на ИК донесовме заклучок за активна блокада на Собранието,. Што подразбира активизам за блокада на сите штетни законски решенија и прописи коишто доаѓаат од оваа влада на СДСМ и ДУИ. Оваа блокада ќе стапи на сила на 10 мај, а дотогаш бараме коалицијата СДСМ и ДУИ да го преиспита своето однесување и да ја прифати подадената рака за дијалог вклучително и организација на лидерска средба на којашто ќе се договориме за датум за предвремени избори и ќе отвориме најбитните сектори за коишто ВМРО-ДПМНЕ понуди тимови. Тоа се секторите финансии, здравство, образование и секако меѓународните односи, европските интеграции и проблемот којшто Македонија го има со Бугарија.Така што топката сега е кај СДСМ и кај ДУИ да донесат правилна одлука, да седнеме на лидерска средба, да го дефинираме датумот за предвремени избори и да наоѓаме решенија за најклучните проблеми во Македонија.Доколку тоа не се случи почнуваме на 10 мај со активна блокада на Собранието. Ваквата одлука следи по континуираното подавање на рака за дијалог на власта од страна на нас. И наместо разумно однесување имаме целосно непочитување на ВМРО-ДПМНЕ кое што има најмногу пратеници во Собранието и најмногу градоначалници после последните локални избори на кои беше апсолутен победник. Волјата на граѓаните мора да се почитува.Со такво игнорирање на власта сакаат да покажат сила. На тој начин сакаат да го понижат ВМРО-ДПМНЕ, а со тоа и македонскиот народ кој со мнозинство гласа за ВМРО-ДПМНЕ и ја поддржува партијата.Државата се наоѓа во драматична ситуација, инфлацијата галопира, економијата оди кон полошо, инвестиции нема, а згора на тоа власта ги задолжува идните генерации со задолжување од 900 милиони евра што е историски најголемо задолжување кое што било која влада, било кога го зела.За криминалот и тендерите во 4 очи мислам дека знаат и малите деца. Кршењето на деловникот на Собранието, преку носењето на сила на законски решенија, одбивањето на консензус за горливото прашање со Бугарија и застојот во евроинтеграциите не покажуваат колку се силни, туку колку се ранливи како власт. И токму затоа посегнуваат по чекори кои значат елементарно непочитување на граѓаните, на македонскиот народ и тоа што го прават е чекор кон продлабочување на кризата. Кога нема да покажат почитување на народот, кога нема да има слух за потребите на народот, кога покажуваат сила треба да знаат дека тоа раѓа одговор и раѓа нова сила. Оваа активна блокада ќе трае во континуитет се до промената на власт, односно до договорот за датум за предвремени парламентарни избори.Воедно ова е еден од првите чекори, а потоа во наредните денови ќе продолжат разговорите во рамките на телата на партијата за преземање на идни чекори, при што сите опции се на располагање.Повторувам ова е само првиот чекор, ќе следат и бројни други чекори доколку продолжи неразумноста на СДСМ и на ДУИ. Затоа СДСМ и ДУИ ги повикувам да го преиспитаат сопственото однесување. Ние ќе одиме по овој пат се до конечна победа и до конечно менување на грдата реалност. Затоа што тоа им го должиме на граѓаните на Македонија.Апелирам до јавноста да биде трпелива, затоа што ова е процес којшто ќе трае и процес коишто бара сеопшта мобилизација на што ги повикувам граѓаните. Процес во кои грешки не се дозволени и процес во кои е потребен активизам и политичка размисла на секои еден поединец коишто е добредојден.Затоа што кога народот и мудрите глави во општеството се повлекувале од одлучувачките процеси, други носеле лоши одлуки. Барам мобилизација и активизам, да не дозволиме да ни ја крадат иднината и во наше име да одлучуваат и на наш грб да се богатат.Македонија е земја на нејзиниот народ, на сите Македонци, Албанци, Турци, Роми, Срби, Власи и Бошњаци и заедно ќе се избориме. Промените ќе се случат, а ВМРО-ДПМНЕ е секогаш со народот.Воедно сакам да кажам дека седницата на Извршниот комитет продолжува и ќе се разговара и за останати битни прашања“.

Македонија | пред 3 години

Донесена одлука: ВМРО-ДПМНЕ почнува блокада на Собранието

Ваквите чекори како овој вечерва е реакција на акцијата на власта и нивното неодоворно однесување и за секој понатамошен чекор единствен виновник е коалицијата на СДСМ и ДУИ и никој друг, изјави вечерва генералниот секретар на ВМРО-ДПМНЕ Александар Николоски.-Токму на седницата на Извршниот комитет донесовме заклучок за активна блокада на Собранието што подразбира активизам за блокада на сите штетни законски решенија и прописи кои што доаѓаат од СДСМ И ДУИ. Оваа блокада ќе стапи на сила на 10 мај. Власта има време да си го преиспита однесувањето и да прифати лидерска средба на која ќе се договориме за датум за предвремени избори, рече Николоски.

Македонија | пред 3 години

Мицкоски: И СДСМ признаа дека Македонија е во криза, затоа ВМРО ДПМНЕ размислува да пристапи кон активен бојкот

Претседателот на ВМРО-ДПМНЕ Христијан Мицкоски, при денешната посета во општина Карбинци, одговараше на новинарско прашање кое се однесува на вчерашните најави за активен бојкот на Собранието на Република Македонија доколку власта нема слух за барањата на опозицијата, како и изјавите од страна на СДСМ по однос на тие најави.Мицкоски рече дека СДСМ со таа изјава практично признава дека Македонија е во криза, а во оваа криза, тие наместо да се обратат на најголемата политичка партија со најголемата пратеничка група и најголем број градоначалници и советници, тие одлучиле да молчат.- Два месеци буквално ги молевме и секој наш чекор е реакција на нивната акција. Јас на самата прес конференција кога го најавив ова кажав дека за сѐ понатаму единствената одговорност ќе биде врз Ковачевски и СДСМ. Ако некој за тоа не е свесен, еве уште еднаш ја користам оваа прилика да ја потенцирам нашата сериозност.Ќе повторам, ова нема да трае еден, два, три или пет дена, ова ќе трае со недели а можеби и со месеци сѐ додека оваа влада конечно не се вразуми, не седне да разговара со опозицијата и не организираме предвремени парламентарни избори – рече Мицкоски.Во однос на изјавите од страна СДСМ дека не е потребно во време на криза да се организираат избори, Мицкоски запраша дали било домаќински да се закажуваат локални избори во Центар Жупа и Маврово Ростуше без консултација со опозицијата, ако знаеле дека тие нема да успеат, како што впрочем и не успеале?- За кои домаќини зборуваме, за оние кои се наполнија со пари на криминален начин на грбот на народот? За тие домаќини зборуваме? Тие се сѐ само не се домаќини, тие се расипници но не на своите пари, туку на парите и на маката на граѓаните. А дали треба да се организираат избори – избори треба да се организираат час поскоро за да излеземе од оваа криза. Денеска Европа се подготвува за есента и зимата, веќе е мај месец и за четири месеци ќе ни дојде есента а за шест месеци од денеска и зимата, дали вие слушнавте некој од владава денеска да каже дали и што презема за тоа што ќе нѐ очекува за четири месеци од денеска? Еве јас ќе ви кажам, не можете да слушнете затоа што овие луѓе немаат капацитет. Нивниот капацитет е само да обезбедат што поголема моќ за себе и што повеќе тендери во четири очи, сето останато е оставено народот сам да се снаоѓа кој како умее. Е тоа, ВМРО-ДПМНЕ нема да го дозволи. ВМРО-ДПМНЕ е народна партија и партија од народот и ќе дадеме сѐ од себе на овој народот да му помогнеме, а така ќе ѝ помогнеме и на Македонија – додаде Мицкоски.

Македонија | пред 3 години