ДПМНЕ

Инцидентот во Битола е реакција на акцијата на власта поради распродавањето на државните и национални интереси, смета ВМРО-ДПМНЕ

„Инцидентот во Битола е реакција на акцијата на власта поради распродавањето на државните и национални интереси“, е ставот на ВМРО-ДПМНЕ за палењето на бугарскиот клуб.Од партијата додаваат:ВМРО-ДПМНЕ не поддржува никаков вид на насилство и смета дека тоа не е одговор на проблемите, но воедно подвлекуваме дека инцидентот во Битола е реакција, на акцијата на власта поврзана со распродавањето на државните и национални интереси.Таквата распродажба на националните интереси, дозволувањето и патронатството на провокации сервирани од источниот сосед, од страна на Владата на Македонија предизвикува кај голем број на граѓани фрустрација и бес.Во време кога се уште нема одговор каде се парите од Рекетот, во време кога се дозволи Ден Дончев да избега со туце пари кои ги зема како мито, кога Рашковски и Зекири се осомничени за огромни злоупотреби, кога нема виновни за горењето на пациентите во модуларната болница во Тетово, нема одговорност за несреќите во Ласкарци и Бугарија, кога Спасовски не одговара за нелегални пасоши издадени на белосветски мафијаши, спроведувањето на закон врз сторител на инцидент во Битола е замачкување на очите на јавноста за да се дефокусира вниманието од колективна неправда, срушениот правен систем и економската катастрофа во која живее народот.Решението на сето ова е да се промени владата, затоа што премногу е!

Македонија | пред 3 години

Стојаноски бара намалување на акцизите: Ве повикувам веднаш и неодложно да се надминете себеси

„Сакам да ја образложам постапката односно потребата од носење за законот за акцизи по итна постапка закон кој што по трет пат го поднесуваме по ред, и закон кој што треба да ги намали акцизите на горивата за 50%. Законот го поднесовме заедно со координаторот Никола Мицевски во името на пратеничката група на ВМРО-ДПМНЕ и Коалицијата „Обнова на Македонија“ на 05.05.2022, а еве скоро еден месец подоцна се наоѓа можноста односно ја создаваме можноста да дискутираме по потребата за носењето на овој закон и ако видиме по тоа дека е поднесен по итна постапка тогаш ако бил поднесен по редовна или по скратена постапка којзнае за колку време ќе му требало да се најде на пленарна седница. Зошто го бараме ова? Сметаме дека 50% помалку акцизи е насушна потреба бидејќи во вашиот предлог ребаланс на Буџетот за што брутално ја излажавте јавноста дека сте скратиле 200 милиони евра и непродуктивни трошоци, имате зголемени приходи по однос на данок на додадена вредност и по акцизи со што укажувате дека немате намера да се откажете од приходите за да му помогнете на народот“, истакна Бојан Стојаноски, пратеник од редовите на ВМРО-ДПМНЕ на денешната собраниска седница критикувајќи ја власта што никако не помогна на граѓаните за справување со кризите.Стојаноски додаде дека власта и во ек на криза продолжи со луксузирање и пљачкање.„Во овој момент македонскиот народ мора да знае дека ЕУРОСУПЕР БС 95 го плаќа по 110 денари за литар. По акциза и плаќа на државата 22 денари, а по основ на 18% ДДВ 16.78 денари по литар. За ЕУРОСУПЕР БС 98 го плаќа 112 денари по литар, 22 денари акциза по литар и ДДВ 18% е 17,01 денар по литар гориво. За ЕУРОДИЗЕЛ БС плаќа 102 денари, по акциза 15,5 денари, а ДДВ 18% е 15,56 денари за литар. Со нашиот закон, со овој закон кој што ние го предлагаме кога ќе ги споиме моделите на нашиот предлог закон за акцизи од 50% и до ДДВ за 5% веднаш ќе се намали цената за ЕУРОСУПЕР БС 95 ќе биде 86,3 денари по литар, за ЕУРОСУПЕР БС 98 ќе биде 88,1 денар по литар гориво, а за ЕУРОДИЗЕЛ БС ќе биде 82,4 денари. И како ќе стигнеме до тоа? Ако ја намалиме акцизата за 50%, акциза тогаш за ЕУРОСУПЕР БС 95 ќе биде 11 денари, а по основ на 5% од ДДВ ќе биде 4,1 денар. А, за ЕУРОСУПЕР БС 98 акцизата ако се намали за 50% ќе биде 11 денари, а по основ на 5% од ДДВ ќе биде 4,2 денари по литар. И за ЕУРОДИЗЕЛ БС акцизата ако се намали за 50% ќе биде 7,5 денари, а ДДВ од 5% ќе биде 3,92 денари по литар“, појасни Стојаноски.Стојаноски ги повика пратениците од владејачкото мнозинство да го поддржи предлог законот на ВМРО-ДПМНЕ и Коалицијата „Обнова на Македонија“.„Ве повикувам веднаш и неодложно да се надминете себеси и уште денеска да го донесеме овој закон. Јас во изминатите денови во моите јавни настапи јавно ветив дека доколку вие ја изгласате потребата од овој закон веднаш и експресно ќе свикаме комисија за финансирање и буџет и ќе го поминеме ова законско решение. Затоа што ова не само што ги оптоварува семејните буџети на семејствата или на граѓаните, ова сериозно ги оптоварува и сите оние кои што се занимаваат со транспортен сектор. Ќе се повикам и тука на Здружението на транспортери МАКАМ транс кое што јасно укажува дека ако нема директна помош за транспортерите за оние кои што превезуваат патници и стоки ќе има генерални штрајкови“, нагласи Стојаноски.

Македонија | пред 3 години

Нема фотографија

Митрески: Блокадите на ВМРО-ДПМНЕ во Собранието не успеваат, ребалансот на Буџетот ќе биде усвоен

Блокадата на пратениците на ВМРО-ДПМНЕ не успева, бидејќи гледаме дека кај нив нервозата расте, затоа што не успеваат блокадите онака како што ги имале зацртано, порача координаторот на пратеничката група на СДСМ, Јован Митрески во гостување во емисијата „Утрински брифинг“.- Тие успеваат да одолговлекуваат седници, да не закажуваат седници на комисии што е на штета на граѓаните. Целта на пратениците на ВМРО-ДПМНЕ е да ја креваат тензија во Собранието до максимум. Текот на процесите на седниците е успорен, на минатата седница усвојувавме дневен ред два дена, што досега не се случило, но го усвоиме на крајот. Во ваква ситуација, нема време, ниту потреба да се прави театар од Собранието или да враќаме некои слики како од 27 април или 24 декември, порача Митрески.Митрески најави дека Ребалансот на Буџетот за 2022 година на 13 јуни влегува во матичната собраниска комисија и дека како и досега, тој ќе биде усвоен согласно роковите.

Македонија | пред 3 години

Стојаноски: СДСМ покажа дека се само декор во коалицијата со ДУИ

Бојан Стојаноски, пратеник од ВМРО-ДПМНЕ смета дека денеска СДСМ покажа дека се само декор во владината коалиција која е контролирана од ДУИ.„Без никаков срам гласаа против дневниот ред на Комисијата за деловнички и мандатно-имунитетни прашања на која имаше една точка на дневниот ред: Постапка за утврдување на тешка повреда на Кодексот за етичко однесување на пратениците во Собранието на Република Македонија од страна на Талат Џафери. На овој начин му го "простија" недостоинственото, понижувачко и крајно вулгарно однесување на Талат Џафери. Ова е директен доказ дека СДСМ и Ковачевски се директно контролирани од ДУИ и Ахмети и не смеат да ги осудуваат ваквите постапки на ДУИ за да не ја загубат и така кревката владина коалиција. Македонија не смее да биде заложник на една каста политичари од ДУИ, затоа решението се брзи предвремени парламентарни избори, на кои ќе бидат развластени криминалните структури кои со години ја влечат Република Македонија надолу“, вели Стојаноски.

Македонија | пред 3 години

Реалната инфлација е и до 100%, цените на основните намирници се дуплирани, а СДСМ се крие зад статистичка шминка, тврди Митева

„Власта на СДСМ и ДУИ лошата економска состојба се обидува да ја покрие со весела математика и статистичка шминка. Но и тоа не им помага“, вели Марија Митева, портпарол на ВМРО-ДПМНЕ.Таа додава:„Од статистика и статистички вратоломии гледаме дека стапката на инфлација изнесува само 10,5%, што само по себе е една од најголемите стапки на инфлација во Европа, а притоа власта не кажува дека основните животни продукти и потреби на граѓаните се поскапи и до 100%.Преку статистика го смалуваат процентот на реалната инфлација вметнувајќи производи кои граѓаните еднаш во годината или никогаш не ги набавуваат и така ја манипулираат јавноста. Стапката на инфлација на државата како статистички податок се пресметува со земање во предвид на цените на сите производи и услуги од кои прехранбените продукти и намирници се само мал дел. Во оваа пресметка се вклучени и производи и услуги кои не се користат секојдневно и граѓаните имаат помала потреба од нив и тие производи имаат незначителен раст на цената, што допринесува за навидум ниската стапка на инфлација. Но, всушност реалната инфлација се крие во покачувањето на цените на основните производи кои што граѓаните ги користат за живот, а тоа се горивата, струјата, општите прехранбени производи како леб, брашно, зејтин, млеко, месо итн. А тие се покачени и до 100%. Тоа се гледа по самиот факт што денес со 1000 денари не можат да се купат намирници кои до пред една година се купувале само за 500 денари. Или народски кажано струјата поскапела за 30%, а услугите за железнички транспорт по 1% и така се добива средна вредност од 10% поскапување.За неколку месеци лебот е поскапен за 100%, горивата исто така се речиси двојно поскапи, шеќерот само од април до сега се зголемил за 57%, млекото во споредба со лани е поскапо за 15%, маслото за јадење само од почетокот на годината е поскапено за 70%, брашното за една година е поскапо за 55%, струјата за 30%.Токму овие продукти и потреби опфаќаат 75% од трошоците за едно семејство во нивната месечна потрошувачка кошница и тоа само покажува каков драстичен пад на стандардот се случува.Власта и покрај ваквото енормно поскапување кое граѓаните го чувствуваат по својот буџет ги убедува дека инфлацијата е само 10%. Ковачевски и СДСМ го прават животот на граѓаните се потежок. Затоа, премногу е, протест за промени и предвремени избори се решението за излез од кризите“.

Македонија | пред 3 години

За три месеци, Македонија загубила 214.514 работоспособни луѓе, тврди Стоилковски и сподели детали

„Или државната статистика лаже заради несовесно работење или за неполна година од Македонија се иселиле, избегале 220.000 луѓе?“, прашува Наум Стоилковски, портпарол на ВМРО-ДПМНЕ.Тој додава:Според извештајот за пазар на трудот, активно население, за првото тромесечие 2022 година, на која што има табела за вкупно работоспособно население, за четвртиот квартал минатата година, октомври - ноември - декември, запишани се 1.681.863 работоспособни во Македонија. За првиот квартал годинава, јануари – февруари - март, запишани се 1.467.349 луѓе!Тоа значи дека за неполна половина година, односно три месеци, Македонија загубила точно 214.514 работоспособни луѓе! Работна сила!Според статистика - од активно население, последниот квартал лани имало 937.482 лица коишто се водат за активни, односно 795.276 вработени. Веќе до март годинава, 811.197 активни, од коишто 691.498 вработени. Или 103.778 помалку вработени! Но, не расте бројот на невработените. Од 142.206 невработени до крајот на 2021 година, веќе до април има 119.699. Или 22.507 помалку. Вкупно 126.285 вработени или невработени, како што ги посочуваат „активно население“!Да сумирам, за само три месеци, еден квартал, според статистика Македонија загубила, од неа избегале 214.514 работоспособни луѓе. Од нив 103.778 напуштиле работа. 22.507 коишто барале работа, како и 88.229 работоспособни луѓе коишто немале работа, а според СДСМ и ДУИ не барале работа!Ова почитувани е загуба за само три месеци, ова е загуба со СДСМ и ДУИ. Ова е погром, ова е насилно прогонување, егзодус, на работоспособно население.Ова е резултат на политичката манипулација само и само за гола власт, резултат на партизација, на криминалот, на корупцијата од власта. Додека СДСМ и ДУИ слават, над 214 илјади избегале од државата пред се заради економски причини! Ова е јасен показател за економската катастрофа и лагите од СДСМ и ДУИ, лагите за блескање, економски раст и лагите намалување на невработеноста.Почитувани, премногу е! Придружете се на протест за промени, 18-ти јуни, во 20 часот пред Владата!

Македонија | пред 3 години

„ВМРО-ДПМНЕ да ги продаде вазните од 180.000 евра од Белиот дворец и парите да ги врати на граѓаните“, бара СДСМ

„ВМРО-ДПМНЕ останува синоним за криминал, корупција и расипништво, партија што стана најбогатата во Европа, на грбот на граѓаните“, вели СДСМ.Тие додаваат:„Со пари од граѓаните од скромна жолта куќа израсна во Бела палата, во која има кинески лустери од над 20.000 евра, подни плочки од 100.000 евра, дрвен паркет од Италија од 76.000 евра, вазна од 180 000 евра.ВМРО-ДПМНЕ да ги продаде вазните од 180.000 евра, да ги продаде и другите скапоцености па и Белата палата и парите да им ги врати на граѓаните.Но и во време на криза на виделина излегува вистинското лице на ВМРО-ДПМНЕ. Наместо за граѓаните мислат на себе и своите интереси.Во време кога цела Европа е зафатена од криза, градоначалниците од ВМРО-ДПМНЕ не одвоија ни денар за помош на граѓаните но затоа потрошија милиони евра за партиски вработувања, за набавка на луксузни автомобили, скапи компјутери и мобилни телефони.Грижата на ВМРО-ДПМНЕ за граѓаните е едно големо ништо“.

Македонија | пред 3 години

Трипуновски: Владата да интервенира со 40.000 тони пченица од стоковите резерви, за лебот да не стане луксуз

„Брашното и лебот како основни намирници достигнаа рекордно високи цени како никогаш до сега. Килограм брашно и една векна леб се продаваат и по 60 денари“, вели Цветан Трипуновски, претседател на комисија за земјоделство, шумарство и водостопанство.Тој додава:Високата цена на брашното и лебот пред се е предизвикана од неспособноста и криминогеноста на владата предводена од СДСМ. Од почетокот на кризата до денес владата не интервенираше ниту еднаш на пазарот со пуштање во оптек на дел од државните резерви. И второ 5 години по ред производството на пченица во Република Македонија паѓа. Па така ако во 2016 година се произвеле над 310.000 тони пченица што е доволно за задоволување на домашните потреби, сега се произведуваат помалку од 250.000 тони, тоа е за 60.000 тони помалку производство.Погрешните политики на СДСМ ја направија Македонија увозно зависна на храна и поранлива на ценовни шокови. Доколку продолжи ова темпо на негрижа на власта, ни се заканува глад. Затоа предлагаме: Владата да интервенира со 40.000 тони пченица од стоковите резерви, за лебот да не стане луксуз.Имено доколкu не се превземат итни мерки преку пуштање во оптек на пченица од државните резерви, цените ќе растат и лебот и брашното буквално ќе бидат луксуз за нашите сограѓани.Со ослободување на 40.000 тони пченица до почетокот на жетвата ќе се спречи зголемување на цената на брашното и лебот, воедно и ќе влијае на намалување на истата цена.Ваквиот потег беше преземан во 2011 година од ВМРО-ДПМНЕ како тогашна власт кога имаше ценовен шок во светот, но ние тогаш не дозволивме народот да го почувствува тоа . За разлика од тогаш, сега СДСМ е на власт и затоа лебот и брашното се плаќаат по цена и од 60 денари.СДСМ нема капацитет да се справи со кризата, и затоа подобро и за нив и за државата е да има предвремени парламентарни избори час поскоро, за да се формира нова влада која што ќе ја предводи ВМРО-ДПМНЕ и која ќе ја извлече државата од оваа тешка криза.

Македонија | пред 3 години

Милошоски: Потребен е закон за Уставен суд и таквиот да биде поддржан од сите пратеници

Пратеникот од ВМРО-ДПМНЕ Антонио Милошоски, во своето гостување во емисијата „Утрински брифинг“ говореше за тоа дека во Македонија е потребен закон за уставен суд и таквиот закон треба да биде поддржан од сите пратеници. Вели дека она што треба да биде принцип во постапката за избор на уставни судии, е секој кој што смета дека е истакнат правник да има право и сам да се пријави како кандидат и пријавите да не можат да се кријат.Милошоски како пример за криење, наведе дека во мај 2020 година стигнало писмо од извесна Антоанета Димовска со 25 години судски стаж до Собранието, до Комисијата за избори и именувања и пратениците, со напомена дека треба да стигне до сите пратеници, но таков документ пратениците не добиле.- Доколку биографијата ја добиеле пратениците од ВМРО, од СДСМ, од ДУИ, од независните пратеници, можеби некој ќе се заинтересирал и ќе дадел предлог. Но, очигледно е дека овде предлозите не се создаваат во Собрание, ниту пак биографиите кои толку многу сега ги величиме како да објаснуваат сѐ во животот на еден човек стручно или приватно – не се ценат. Нејзината биографија е фрлена во корпа, а е стигната, го имаме и архивското бројче и датумот кога е дојдена. Секој претседател на работно тело е должен, секој материјал кој ќе стигне до него, а не е личен, приватен материјал и се однесува на Собранието и пратениците мора да го сподели со пратениците. Ако вие како новинар нам ни понудите или имате некоја инвентивност за начинот државата да помогне во финансирањето на медиумите, јавни реклами, државни или јавно корисни реклами и тоа го доставите до претседател на работно тело, на комисија, тогаш комуникацијата не може да биде само меѓу вас како новинар и претседателот на Комисијата, тој е должен вашиот допис и предлог да го сподели со сите пратеници – кажа Милошоски.Милошоски додаде дека сите кандидати треба да добијат простор за нивно претставување и бидејќи има тројца кандидати кои се предложени од владејачкото мнозинство, а шестмина од опозицијата, веројатно ќе се оди со еден кандидат на власта, дискутирање за него и гласање, потоа двајца кандидати од опозицијата итн за да се заврши во еден догледен рок.

Македонија | пред 3 години

Жестоко: „Ковачевски нема да биде премиер ниту 12 месеци, а не 12 години“

„Ковачевски нема да биде премиер ниту 12 месеци, а не 12 години, наместо да краде веднаш да го укине ДДВ - то на храна, на горивата да биде 5%“, порача ВМРО-ДПМНЕ.Тие додаваат:Оваа влада, не пристапи систематски на проблемите. Имаме производство на струја кое денес за разлика од пред две години е за 1 милион мегават часови помало. Неспособноста и криминалот во РЕК не чини и до 250 милиони евра годишно, а граѓаните повисоки сметки за струја.Пет години нема никаква инвестиција во енергетиката. И тие капацитети кои ги имаме се запустија од власта.Со оваа динамика на негрижа, ни се заканува дебакл на полето со снабдување и обезбедување на струја.Храната не е скапа затоа што на светските берзи е скапа, туку затоа што Македонија нема доволно ниту пченка, ниту пченица, ниту јачмен, ниту сончоглед, а со тоа има поскапо брашно, поскап леб, поскапа сточна храна, поскапо млеко, и сето тоа се обезбедува со поскап увоз и одлевање на милиони евра, девизи.Сега се произведува 60.000 тони пченица помалку во однос на периодот од пред 5 години. Откуп нема за земјоделските производи, а на рафтовите во светот имаме покачени цени. Тоа говори дека МЗШВ страшно потфрла да помогне и поттикне извоз во земји каде има зголемена потреба од земјоделските производи кои скапуваат на нашите ниви, но како ќе организира кога Љупчо Николовски наместо да работи, наоѓа начини како да му даде 1.4 милиони евра на Заев.Во однос на нашите евроинтеграции, оваа влада, не направи ништо, само ја втурна Македонија во кризи.Стана нормално да се понижуваат професори за хонорари да пишуваат статуси на фејсбук за СДСМ, и за тоа да му рапортираат на Државниот секретар во министерството за одбрана.Македонија ќе биде земја со над 70% јавен долг, затоа што оваа влада краде 5 години.Со оваа влада, имаме само сиромаштија, криминал и корупција. Затоа потребни се предвремени парламентарни избори што поскоро.Ковачевски треба да знае и дека ниту милион лаги искажани на интервју нема да го спасат СДСМ од пораз на избори.

Македонија | пред 3 години

Томовски: И во 90тите кога СДСМ беше на власт исто беше како денес, се чекаа редици за масло, брашно и млеко, премногу е!

„Паметам во деведесеттите имаше редици за гориво, тогаш пари имаше гориво немаше. Денес гориво има, пари нема“, вели Ивица Томовски, член на Централниот комитет на ВМРО-ДПМНЕ.Тој додава:„Во деведесеттите имаше редици за масло за јадење, брашно, млеко. Денес е исто така. Во деведесеттите СДСм беше на власт, а и денес се тие на власт. Тогаш народот не излегуваше на улица, денес со сето тоа искуство местото е на улица. И ако од нив не само што е многу, туку премногу е!“.

Коментари | пред 3 години

Јаулески алармира: Ако ништо не се преземе од утре ќе има шок цени на основните продукти!

Ако Владата не преземе ништо, од утре ќе има драстично поскапување на цените на основните продукти за човечка исхрана, посочува пратеникот Јован Јаулески од ВМРО-ДПМНЕ.!Најмалку за 5% (ДДВ) ќе поскапат: лебот, брашното, оризот, месото, шеќерот, сончогледово масло, млекото, јајцата. Дополнително се одмрзнуваат и маржите за трговците. Доколку власта не ја продолжи одлуката за повластена стапка на ДДВ за дизел и бензин горивото и тоа ќе поскапи за околу 10 денари. Имајќи во предвид дека власта не се грижи за граѓаните, пратеничката група на ВМРО-ДПМНЕ побара до 31 декември 2022 година: 1. ДДВ 0% за основни прехранбени продукти 2. ДДВ за горивата да е 5% 3. Преполовување на акцизата за горивата Пратениците од мнозинството имаат избор дали се на страна на граѓаните или на страна на владеачката елита“, алармира Јаулекси.

Македонија | пред 3 години

Барањата на Бугарија не смее да станат дел од преговарачката рамка, Ковачевски да не молчи и да каже дали одобрил откажување од Делчев?, бара опозицијата

„Барањата на Бугарија не смее да станат дел од преговарачката рамка, Ковачевски да не молчи и да каже дали одобрил откажување од Делчев?“, прашува ВМРО-ДПМНЕ.Тие додаваат:„Ковачевски молчи и не прави ништо за Македонија. Бугарските барања за ставање на нивните ултиматуми и уцени во преговарачката рамка која ќе треба да ја исполни земјава при влез во ЕУ се заглавување на Македонија и можност Бугарија да бара нови и нови отстапки кога ќе посака, а сето тоа да го правда како обврска за влез во ЕУ.ВМРО-ДПМНЕ нема да поддржи ставање на бугарските барања во преговарачка рамка, доколку тоа треба да биде гласано во собранието.Прифаќање на таква рамка е капитулација за државата.Ковачевски да не молчи и да каже и дали одобрил откажување од Гоце Делчев?Ковачевски како ни се до сега молчи и за преговарачката рамка која сакаат да ја наметнат Бугарите и за Делчев. Ковачевски не направи ништо за државата откако е премиер. Само порази и неуспеси. Затоа се потребни предвремени парламентарни избори час поскоро“.

Македонија | пред 3 години

Се плашат ли Ковачевски и Спасовски дека ДУИ ќе излезе од влада, па молчат за пукањето на заменик директорот на БЈБ, вели опозицијата

Се плашат ли Ковачевски и Спасовски дека ДУИ ќе излезе од влада, па молчат за пукањето на заменик директорот на БЈБ, вели ВМРО-ДПМНЕ.„Според информациите кои ги објавија медиумите, Ариф, заменик директор на Бирото за јавна безбедност, придружуван од уште едно лице по меѓусебна расправија со началникот на ЕБР Чаир, Едмонд Миртезани, се пресметале со пукање од огнено оружје.Зошто случајот и три дена откако се случил се уште не е расчистен. И зошто не се преземени мерки за суспендирање на заменик директорот на БЈБ?Дали Спасовски и Ковачевски се плашат од ДУИ и само за да не излезат од влада, се спремни да премолчат секаков криминал и скандал?Спасовски исто како и Ковачевски е заробеник на ДУИ и желбата за власт.Македонија со СДСМ само губи. Затоа потребни се предвремени парламентарни избори час поскоро“, се вели во соопштнеието.

Македонија | пред 3 години

Ковачевски молчи и за средбата на Џафери со претставници од Чеченија, од страв да не му падне владата, вели опозицијата

„Ковачевски молчи и за средбата на Џафери со претставници од Чеченија, од страв да не му падне владата“, вели ВМРО-ДПМНЕ.Тие додаваат:„Ковачевски не смее да го осуди Џафери и да побара одговорност од него од страв дека ДУИ ќе му излезе од влада.Сликата која ја гледаме деновиве, каде Ковачевски молчи и одобрува шиканирање и пцуење на вработени во собранието од страна на Џафери, но и негови безбедносно сомнителни состаноци, е доволна причина и одговор зошто треба да има избори час поскоро.Ковачевски е спремен да премолчи и криминал, само за да остане на власт. Со Ковачевски на чело на владата имаме уценет премиер.Талат Џафери е опасност за безбедноста на државата и го поткопува интегритетот на Собранието.Џафери го користел Собранието и позицијата која му ја нуди власта да се среќава со високо позиционирани луѓе од Чеченија и поранешни членови на Руската Дума, и сето тоа се обидел да го сокрие од јавноста.Џафери не ги информирал медиумите за неговата средба, ниту пак истата е нотирана на собраниската интернет страница.Нејасно е зошто Џафери ја криел средбата со Чеченците и дали за тоа се информирани нашите безбедносни служби и сојузниците?“.

Македонија | пред 3 години

Мицкоски: Да чекориме обединето кон заштита на нашиот идентитет, честитки до МПЦ-ОА

„Голем ден за нашата света Македонска Православна Црква - Охридската Архиепископија“, порача претседателот на ВМРО-ДПМНЕ, Христијан Мицкоски.Тој додава:„Нашата црква мора да е обединета, нашиот Синод, свештеството, исто како што мора да биде обединет и нашиот народ, и тогаш сите искушенија, бури и премрежја ќе бидат премостливи.Да продолжиме да чекориме обединето.Честитки за мудроста, обединетоста и достојноста на Синодот и неговото блаженство г.г. Стефан, за градењето на мостови, за бранењето на нашиот идентитет и вредности во кои веруваме, за премостените децениски и вековни јазови.После одлуката на Вселенската патријаршија, како и оваа денес, сведоци сме на историја важна за нашиот народ и нашата Македонија!Нека е за многу години!“.

Македонија | пред 3 години

Ковачевски и СДСМ со молкот ја превзедоа вината, срамот и одговорноста од поведението на Талат Џафери, смета Ковачки

„Денес е работен ден во Собранието на Република Македонија и ако имаше барем грам доблест Талат Џафери денес ќе си поднесеше оставка од позицијата Претседател на Собранието. Прво тоа ќе го направеше заради примитивното и вулгарно однесување кое го манифестираше кон вработените кои ги пцуеше и навредуваше. Второ, заради скандалозната средба која ја имал со делегација во која учествувал и чеченски политичар, поранешен пратеник во руската Дума и соработник со режимот во Кремљ“, вели пратеник и член на ИК на ВМРО-ДПМНЕ.Тој додава:„Овие два скандали се доволни во Европа да заврши кариера на било кој политичар, а не пак на претседател во Собрание. Зарем има друг претседател на Собрание во земја членка на НАТО кој остварува контакти и средби со лица од безбедносен ризик за државата или за стратешките партнери. Одговорот е нема друг освен Џафери. Има ли некој функционер во демократска земја кој навредува вработени и после тоа не понесува одговорност? Одговорот е нема друг освен Џафери. Срамно е што државните институции молчат за скандалот кој го предизвикал Талат Џафери среќавајќи се со безбедносно-интересно лице од Чеченија.Неодговорно е од Ковачевски, Пендаровски и Спасовски да молчат за средбите на нивниот Талат Џафери со лицето кое е основач на здружението „Муслиманите со поддршка за претседателот Путин".Треба ли некој да ги потсети споменатите дека извршуваат одговорни државни функции и дека со безбедноста на државата не смее да има импровизации, а дека меѓународниот углед се должни да го чуваат, а не да го рушат.Заради зачувување на криминалната и анационална коалиција на власт, Ковачевски, Пендаровски и Спасовски се подготвени да го одмолчат, а со тоа и да ги оправдаат скандалите кои секојдневно ги прави Талат Џафери.Но Ковачевски и сопартијците очигледно одбраа да се водат од принципот „не сме од овде, ништо не сме виделе и ништо не сме чуле“.Бидејќи го брани Талат Џафери, тогаш и Ковачевски и СДСМ подеднакво ја прифаќаат вината, срамот и одговорноста, а бидејќи СДСМ и ДУИ и нивните функционери заедно крадат, заедно го тормозат народот, заедно го игнорираат очигледното, тогаш и заедно ќе бидат поразени и заедно ќе одговараат“.

Македонија | пред 3 години

Муцунски: Владата води попустлива политика во преговорите со Бугарија, бугарските барања не смее да влезат во преговарачката рамка

Имајќи предвид дека владата води попустлива политика во делот на надворешната политика, граѓаните се загрижени кој и што преговара со Бугарија, изјави Тимчо Муцунски потпретседател на ВМРО-ДПМНЕ и градоначалник на општина Аеродром при посетата во Битола, одговарајќи на новинарско прашања за преговарачката рамка за Македонија при што истакна дека никако не смее да се дозволи бугарските барања да влезат во рамката.- Во делот на надворешната политика би кажал дека Бугарија има такви ставови какви што има кои се неевропски и кои не содејствуваат со демократските вредности на 21 век и тоа никако не би смееле да дозволиме ние како држава која има свое влијание како би изгледала преговарачката рамка доколку се дојде до нејзе такви ставови и гледишта да има во неа, рече Муцунски.Тој посочи дека истовремено тоа што секој граѓанин на Република Македонија го загрижува е фактот што имаме влада која е позната по попустливост во надворешната политика и влада која не знае да ги заштити македонските национални интереси.Затоа верувам дека граѓаните, но и ние како политички субјект сме навистина загрижени кој ги води преговорите во овој момент. И економијата и надворешната политика се само дел од аргументите и дополнителна теза од потребата за брзи предвремени парламентарни избори. ВМРО—ДПМНЕ како политичка партија е подготвена да се откаже од т.н. Пржинска влада дајте час поскоро да има парламентарни избори, изјави Муцунски.

Македонија | пред 3 години

СДСМ молчи за јавниот срам пред стратешките партнери за средбата на Џафери со чеченски политичари блиски до Путин, порача Ковачки

„Власта на СДСМ и ДУИ декларативно е за НАТО, а остварува контакти и средби со лица блиски до режимот во Кремљ. Тоа е лицемерие пред граѓаните, а бламажа на меѓународна сцена и пред стратешките партнери. Скандалот со делегацијата која ја примил Талат Џафери во Македонското Собрание во која биле дел чеченски политичари, поранешни пратеници во руската Дума отвораат низа на прашања, кои за жал остануваат неодговорени“, вели Драган Ковачки, пратеник и член на ИК на ВМРО-ДПМНЕ.Тој додава:„Молчи Талат Џафери, молчи СДСМ, молчи Ковачевски, молчи Владата, молчи претседателот Пендаровски, молчат надлежните безбедносни институции.Зарем е нормално во Парламент на земја членка на НАТО, средба да имаат претседател на Парламентот и лице каков што е Абдул-Вајед Нијазов, поранешен пратеник во Думата и основач на здружението „Муслиманите во поддршка на Претседателот Путин“. Ова лице е со потенцијален безбедносен ризик и затоа се потребни одговори како, зошто и кој дозволил таква средба, за што се разговарало на таа средба и дали воопшто Џафери ги известил безбедносните служби за оваа средба.Одговори и одговорност должат и коалициските партнери СДСМ, кои не треба да се кријат туку да одговорат дали и тие партиципирале на средбите и знаеле за намерите да се гради споменик на Ахмат Кадиров во Тетово, лик кој ги основал воените структури популарно наречени Кадировци.Ова ја компромитира Македонија и ја нарушува довербата пред нашите стратешки партнери.Очекуваме Талат Џафери и коалицијата предводена од СДСМ да дадат одговори, но и Ковачевски, кој веројатно пак ќе се правда дека не видел или не чул, исто како што се правдаше за примитивното и вулгарно однесување на Талат Џафери кога ги пцуеше и навредуваше вработените во Собранието.За доброто на институцијата Претседател на Собранието, но и за имиџот на Македонија најдобро е Талат Џафери да си поднесе оставка, а прв кој треба тоа да го иницира е Димитар Ковачевски како претседател на СДСМ. Но народот вели врана на врана очи не вади, па така својата дружба Талат и Ковачевски не сакаат да си ја расипат, по цена на јавен срам на институциите и на Македонија како држава“.

Македонија | пред 3 години

Малку кој веруваше дека ќе имаме двоцифрена инфлација, вредноста на 30.000 денари сега и пред една година не е иста, порача опозицијата

„Малку кој веруваше дека ќе имаме двоцифрена инфлација која е една од највисоките во регионот. Малку кој веруваше дека за една година цените на основните животни потреби на граѓаните ќе се зголемат од 30 до 100%“, вели ВМРО-ДПМНЕ во реакција на видео обраќањето на Димитар Ковачевски.Тие додаваат:„Цената на струјата е покачена за 30%, цената на горивата е покачена за 80%, цените на лебот и брашното се покачени за 100%, шеќерот за 40%, млекото за 50% , маслото за јадење е двојно поскапо итн.Стандардот на граѓаните е уништен. Платите ја изгубија својата вредност. Прашањето кое треба да си го постават во владата е колкава вредност имаат 30 илјади денари сега, а колку имале пред една година.Ковачевски треба наместо со евтини пи-ар трикови и снимени обраќања, да се симне меѓу народот и да ја види растечката сиромаштија.Над 35% од граѓаните се во ризик од сиромаштија. Над половина милион граѓани живеат со 150 денари дневно, а власта во исто време предвидува стотици милиони евра за непродуктивни трошоци како набавки на мебел, службени возила, цвеќиња, кафиња, жардињери, плаќа криминални физибилити студии и испумпува пари во партиски фирми преку матни тендери.Криминалот, неодговорноста и неспособноста на оваа власт на СДСМ и ДУИ народот скапо ја плаќа“.

Македонија | пред 3 години

Зошто Талат Џафери молчи за средбата со Чеченска делегација во Собранието, дали е ветен изградба на споменик на таткото на Рамазан Кадиров?, прашува Милошоски

„Што ѝ ветил Талат Џафери на делегацијата од Чеченија?“, прашува Антонијо Милошоски, пратеник од ВМРО-ДПМНЕ.Тој додава:„Чудна посета на Собранието на Македонија се случила на 10.07.2021 година кога Талат Џафери како Претседател бил домаќин на делегација од руската Чеченска Република. На чело на чеченската делегација бил Абдул-Вајед Нијазов, марионета на Кремљ во тамошниот "Исламски културен центар", поранешен пратеник во Думата и основач на здружението "Муслиманите во поддршка на Претседателот Путин". Иако за секоја средба со странски гости собранискиот Спикер ги информира медиумите, овој пат Талат Џафери одлучил да биде дискретен и да не сподели што разговарал и дали нешто му ветил на контроверзниот гостин⁉️Гостите од Чеченската Република го посетиле и Тетово каде објавиле дека со општината се договориле за изградба на парк и споменик на Ахмат Кадиров, првиот претседател на Ч.Р. и носител на орден "Херој на Русија". Инаку Ахмат Кадиров е татко на сегашниот деспотски шеф на Чеченската Република, Рамазан Кадиров, кој со неговите војници ревносно му помага на претседателот на Русија во инвазијата врз Украина, често извршувајќи ги најбруталните операции.Во чест на милениците на Путин од Чеченската Република бил организиран и свечен ручек во елитниот хотел "Буши" во Скопје, но нема информација дали сметката е платена од буџетот на Собранието или платил некој друг. На собраниската веб страна нема информации за овој настан, но за среќа во Агенциите за безбедност има детални извештаи“.

Коментари | пред 3 години

Николоски: Владата да не ја игнорира опасноста, местото на Македонија е во ЕУ а не во втора лига

Потпретседателот на ВМРО-ДПМНЕ Александар Николоски, денес присуствуваше на настан посветен на одбележувањето на Денот на Европа, кој се одржа под насловот ,,Демократијата во Европа – 30 години по Мастришкиот договор” и посочи дека силно сме проевропски ориентирани и ја поддржуваме интеграцијата на Македонија во ЕУ.Николоски говореше на тема за која рече дека некако се избегнува во Македонија, која не треба да се сфаќа несериозно и истакна дека на истата таа тема ја посветил неговата последна колумна.- Имено, претседателот на Франција Емануел Макрон после последната победа на претседателските избори, мислам дека излезе досега со најјасен негов концепт за скицата на идниот европски модел. Како што гледаме, тој концепт од некои земји членки на ЕУ дури беше и поддржан, а вчера претседателот на Европскиот совет најави дека ќе свика еден собир на кој ќе се разговараа за оваа идеја. Накратко кажано, скицата е многу едноставна, ЕУ на постојните членки плус некоја нова земја доколку ги исполни економските правни и системски критериуми на ЕУ, сите останати кои не сакаат да се дел од ЕУ која е една мала група од веројатно Велика Британија, Швајцарија и Норвешка и оние кои не ги исполнуваат критериумите за членство во ЕУ, секако тоа една далеку поголема група, тука се Балканските земји и земјите од Истокот на ЕУ да бидат дел од т.н. Европска политичка заедница. За наједноставно да ја опишеме таа нова Европска политичка заедница и за јавноста и за медиумите, мислам дека се работи за една лабава форма на осојузување без цврста хиерархија, без извршна економска моќ, некоја напредна форма на Советот на Европа или ОБСЕ ако сакате. Во превод, далеку од европскиот сон кој го сонуваат генерации и генерации Македонци. Оттука, за мене збунува игнорантноста на македонската владејачка структура како и на општествената елита за овој предлог. Воопшто не се отвора дебатата, а дури одредени структури се огласија и мислат дека е добра идеја. Јас лично, мислам дека за Македонија, членството во ЕУ нема и не смее да има алтернатива. – рече Николоски.Николоски додаде дека не смееме да размислуваме на ниту еден друг проект освен на полноправно членство во ЕУ затоа што тоа граѓаните на Македонија со децении го заслужуваат. Продолжи и кажа дека во исто време мора да се работи силно на борба со организиран криминал и корупција, воспоставување на функционален систем на владеење на правото и силни реформи како економско покренување на Македонија кои ќе водат кон успешни разговори за членство во ЕУ.

Македонија | пред 3 години

„Пациенти болни од рак оставени без терапија, владата и министерот загрозуваат животи“, реагира опозицијата

„Пациенти болни од рак оставени без терапија, владата и министерот загрозуваат десетици животи“, реагира ВМРО-ДПМНЕ.Тие велат:„90 пациенти на кои им е потребна биолошка терапија за колоректален, оваријален и цервикален карцином цел месец не можат да ја примат потребната терапија.Пациентите немаат примено терапија затоа што МЗ не распишало тендер за набавка на лековите.Под ризик се и пациентите со рак на бели дробови, бубрег и дојка, за кои во наредните неколку месеци ќе се исцрпи потребната терапија.Министерството за здравство да не си игра со животите на луѓето и веднаш да распише оглас за набавка на сите потребни терапии.Дали власта сфаќа дека нивната неспособност убива луѓе?Неспособноста и во здравството е една од причините зошто мора да има избори. Народот не смее да пати и страда заради криминогеноста и неспособноста на СДСМ и нивните коалициони партнери“.

Македонија | пред 3 години

Стоилковски: Најавениот протест на ВМРО-ДПМНЕ ќе претставува катализирање на незадоволството од Власта до конечен пораз

Наум Стоилковски, Портпарол на ВМРО-ДПМНЕ во своето гостување во „Утрински Брифинг“ зборуваше за најавениот протест на ВМРО-ДПМНЕ кој ќе се одржи на 18 јуни и посочи дека тој протест ќе се одржи како резултат на недовербата на граѓаните и незадоволството од Владата и всушност ќе претставува катализирање на тоа незадоволство се до конечен пораз.-Цел еден месец кој ќе биде проследен со активности кои ќе бидат во рамки како продолжение на оваа активна блокада на Собранието, оној активен отпор на ВМРО-ДПМНЕ и на опозицијата кон овие катастрофални, штетни политики на оваа власт после 5 години. Апсолутно се гледаат и рејтинзите на довербата кон Владата односно недовербата кон Владата, на оние анкети кои редовно се спроведуваат, се гледа дека повеќе од две третини од граѓаните јасно се изразуваат против власта. Недовербата кон оваа власт е нормална и ова ќе биде катализирање на она незадоволство до конечен пораз на катастрофите за Македонија, рече Стоилковски.Портпаролот Стоилковски во текот на своето гостување се осврна и на активната блокада на ВМРО-ДПМНЕ во Собранието и потенцираше дека таа блокада во Собранието е токму за да се спречат штетните закони и решенија кои оваа власт ги предлага.-Активната блокада е токму тоа спречување на штетните закони и решенија кои ги предлага оваа власт која зад себе има тешки криминогени и лукративни моменти и кои одат на штета на државата, кажа тој.Стоилковски исто така говореше и за снимката за Талат Џафери и додаде дека јасно е дека нема сомнеж кој зборува и се обраќа на снимката.-Одеше во живо на Собраниски канал, од Собрание ја потврдија автентичноста на снимката и кој зборува, Талат Џафери го потврди сето тоа, јавноста го виде сето тоа, кажаа дека микрофоните биле вклучени и оставени така што нема сомнеж кој зборува и кому се обраќа, вели тој.

Македонија | пред 3 години

ВМРО-ДПМНЕ закажа протест, одреди и датум

ВМРО-ДПМНЕ остана на барање за предвремени парламентарни избори. Тие закажаа протест на 18 јуни, карактеризирајќи го како неопходен. Според нив, само со обединување на граѓаните, ќе има подобар живот.„Се согласивме од неопходност за организирање на голем народен протест на 18 јуни. ИК одлучи да продолжи активната блокада во Собранието, а ја оставаме отворена вратата за дополнителни чекори. Остануваме со подадена рака за напатениот народ. Молкот не е опција, протест за промени и подобар живот. Основата причина за одлуката е отсуството на било каква подготвеност на премиерот за вообичаен политички дијалог со опозицијата“, рече Тимчо Муцунски.Тој додаде дека не се исклучува можноста за дополнителни чекори.

Македонија | пред 3 години