дуи

ВЛЕН: И СДСМ почна да бега од ДУИ – каде што допира ДУИ, ни трева не никнува

„СДСМ конечно ја прифати она што граѓаните одамна го знаат, Унијата за девалвација на институциите (ДУИ) е тежок товар за секое партнерство и машина која произведува само кризи и корупција. По години сервилност и обиди да ја заштити оваа трула партија, СДСМ сега прави задоцнет чекор кон оградување од ДУИ, јавно извинувајќи се за неуспесите“, соопштуваат од ВЛЕН.„ДУИ не е само изолирана од граѓаните и гласачите, туку и од нејзините доскорешни партнери. Оваа партија, која 22 години ги нарушува сите норми на доверба создавајќи систем во кој доминираат криминалот и корупцијата, повеќе нема место во политиката. Не може да има соработка со партија која ја уништи секоја институција до која имаше пристап, оставајќи ја државата заглавена во ќорсокак, а граѓаните разочарани. ДУИ докажа дека каде што ќе допре, ни трева не никнува!ДУИ, која две децении ги разочаруваше граѓаните и изгради систем на корупција и злоупотреби, денес остана само со еден партнер во криминалот: Никола Груевски. Со нивните оркестрирани обиди за дестабилизација за време на ноемвриските празници, оваа исцрпена клика уште еднаш покажа дека е подготвена да го жртвува стабилноста и интересот на граѓаните само за да ги заштити сопствените гревови.Времето на ДУИ заврши! Време е оваа разбиена и изолирана клика, која го држеше развојот во заложништво и предизвика стагнација, конечно да биде минато. Ние, како коалиција ВЛЕН, сме посветени на праведна иднина и политика која е во служба на граѓаните, а не на тесните интереси на политичките клики“, се наведува во соопштението на ВЛЕН.

Македонија | пред 1 година

Тошковски за интерпелацијата од ДУИ: Низок обид за манипулација, нека им е со среќа

Министерот за внатрешни работи, Панче Тошковски, одговарајќи на новинарски прашања за иницијативата на ДУИ за негова интерпелација во парламентот рече:„Тезите кои што се поставуваа во изминатиот период од страна на опозицијата, особено од страна на ДУИ, сами по себе контрадикторни. Така да сметам дека македонскиот граѓанин и македонскиот народ, многудобро знае што стои зад оваа интерпелација од аспект на нивно барање. Нека им е со среќа! Ќе си постапи Собранието во насока на она што смета. Јас искрено сметам дека ова е еден низок обид за манипулација на јавноста”.Освен за министерот Тошковски, од „Европскиот фронт“ вчера поднесоа интерпелации и за неговиот заменик Астрит Исени, како и за вицепремиерите Изет Меџити и Иван Стоилковиќ.

Македонија | пред 1 година

Ден шести од легализирањето на навредата кон Албанците, велат од ДУИ

„Поминаа шест дена од тешкиот и неприфатлив чин, кога полициски службеник, пред очите на целата јавност и камерите, насилно го отстрани албанското знаме и го фрли на земја со презир. Овој флагрантен чин, кој не само што го понижува нашиот национален симбол, туку и сите Албанци, сè уште останува без никаква последица за сторителот“, соопшти ДУИ.„Денес се одбележува шестиот ден откако овој полициски службеник продолжува да биде на слобода, без никаква дисциплинска мерка, без никаква казна за неговото срамно дело. Каква порака се праќа со ова? Дали се испраќа сигнал дека навредите кон Албанците, нападите врз нашите симболи и презирот кон нашата заедница се толерирани и неказнети?Ова молчење на институциите, овој недостаток на правда, претставува двојна навреда за Албанците. Тоа е опасна порака што го легализира дискриминацијата и ги продлабочува поделбите во општество кое претендира да биде демократско и еднакво за сите граѓани.Демократската унија за интеграција не може да дозволи ваков чин да помине без казна. Правдата не може да молчи кога национален симбол е насилно нарушен и кога цела заедница е понижена.Институциите мора да реагираат веднаш. Секој ден што поминува без казнување на овој чин е ден во кој неправдата и институционалната дискриминација се продлабочуваат. Албанското знаме е нашето достоинство, и ние нема да дозволиме нашето достоинство да биде погазено без последици“, се наведува во соопштението на ДУИ.

Македонија | пред 1 година

Европски фронт бара заминување на Меџити, Стоилковиќ, Тошковски и Исени

Пратеничката група на Европскиот фронт, поднесе барање на наредната собраниска седница на дневен ред да биде ставена информација за безбедносната состојба во земјата.Тие поднесоа и интерпелации за работата на вицепремиерите Изет Меџити и Иван Стоилковиќ и за министерот за внатрешни работи Панче Тошковски и неговиот заменик Астрит Исени и бараат нивна смена.Координаторот на пратеничката група на ДУИ, Блерим Беџети, на прес-конференција рече дека тие бараат информации за безбедносната состојба во земјата, во врска со палењето на деловни објекти во Куманово и нападите врз имотите на граѓани од албанска етничка припадност, како и палења на знамиња и информација за селективниот пристап во смисла на процесирање на учесниците на истите настани и сите детали во врска со мерките за институционален одговор и превенција од потенцијални слични настани.Пратениците од Европскиот фронт бараат и одговори за селективно постапување од страна на службени лица од МВР, надзор врз работата на безбедносните служби, отчетност за преземените, но и непреземените мерки.Во интерпелацијата за Министрите Изет Меџити, Панче Тошкоски и неговиот заменик Исени, како и за министерот Стоиљковиќ, задолжен за односите меѓу заедниците, ќе бидат детално наведени причините за нивните интерпелации, рече Беџети.

Македонија | пред 1 година

ДУИ: Владата веднаш да запре со спроведување на руската агенда за дестабилизација на земјата

„Демократската Унија за Интеграција изразува длабока загриженост за опасните политики на владата, кои не само што ја поткопуваат стабилноста на Северна Македонија, туку и се совпаѓаат со дестабилизирачка агенда која им служи на геополитичките интереси на Русија“, соопштуваат од ДУИ.„Последните потези на владата, вклучително и обвинувањата против Албанците за кризи кои самата ги создава, покажуваат јасна стратегија која има две цели: да ги уништи темелите на Охридскиот рамковен договор и да го одвлече вниманието од неуспехот да ги реализира неопходните уставни измени за интегративниот пат кон Европската Унија.Присуството на личности како заменик-претседателот на владата Стоилковиќ и неговата координација со дестабилизирачката агенда на политичари како Вулин, познат по своите блиски врски со Кремљ и обидите за поткопување на регионалната стабилност, е јасен доказ за директното влијание на Русија во овие процеси.ДУИ нагласува дека Албанците отсекогаш биле гаранти за стабилноста и промотори на евроатлантските процеси во Северна Македонија.Обидите да се портретираат како фактор на дестабилизација се неосновани и имаат за цел да ги прикријат неуспесите на владата и нејзината ориентација кон странски агенди.Упатуваме апел до владата веднаш да го прекине овој неодговорен курс и да даде јавна отчетност за мотивите и последиците на овие политики. Албанците нема да подлегнат на овие намерни провокации и ќе продолжат да ја штитат стабилноста, мирот и евроатлантскиот пат на земјата.Исто така, упатуваме апел до меѓународниот фактор внимателно да ги следи овие случувања и да интервенира за да спречи дестабилизирачките агенди да предизвикаат непоправлива штета на земјата и регионот.ДУИ останува посветена на заштитата на стабилноста, Охридскиот мировен договор и евроатлантската интеграција, како столбови на заедничката и сигурна иднина на Северна Македонија“, се вели во соопштението на ДУИ.

Македонија | пред 1 година

ДУИ: Оставката на Дамева е последица на политички притисоци и манипулации

По оставката на претседателката на Судскиот совет, се огласи ДУИ.Во соопштение до јавноста, партијата посочува дека ова е уште еден драматичен момент кој ја одразува алармантната состојба на заробената држава и урнисувањето на независноста на институциите.„Личните напади, политичките притисоци и јавните манипулации што ги опиша госпоѓа Дамева се јасен одраз на нелегитимната и неодговорна власт, која не запира во обидите да го прошири своето влијание врз секој сегмент од државата”, велат од ДУИ.Партијата најостро ги осудува политичките напади врз Дамева и како што велат, бруталните интервенции врз интегритетот на Судскиот совет.„Ваквите напади не се само личен напад врз еден поединец, туку и обид за парализирање на целиот судски систем, со што се поткопуваат сите напори за реални реформи и независна правда. Оваа Влада не само што не успеа да обезбеди праведен и независен судски систем, туку ги користи сите средства за да ги уценува и дискредитира оние кои не се подготвени да се покорат пред политичките притисоци. Кога високи функционери на правосудството, задолжени за заштита на правото и правдата, јавно се уценуваат, пораката е јасна: во оваа држава, независноста на институциите стана непријател на власта”, реагира ДУИ.

Македонија | пред 1 година

ДУИ изедначува пушки со поздрави: Сметаат дека настанот во Аеродром е ист со тој во Челопек

„Двојните стандарди и хипокризијата на оваа влада немаат крај. Денес, Министерот за образование се заканува со санкции за едно училиште во Челопек, бидејќи децата Албанци на културен настан носеле униформи кои ја симболизираат историјата и гордоста на албанскиот народ. Ова е продолжение на антиалбанските политики што се спроведуваат во последните месеци, каде што секое изразување на албанскиот идентитет и историја се напаѓа и се третира како провокација“, велат од ДУИ.„Но, кога во едно македонско училиште во Аеродром децата носеа униформи на Комитите и изведуваа воени поздрави, немаше никаква реакција. Тогаш, Демократската унија за интеграција не дозволи, како што нема да дозволи , ваквите активности да се злоупотребат за создавање меѓуетнички тензии или поделби во општеството. Во тоа време, сметавме дека е важно децата да не бидат вовлечени во политички и етнички конфликти.Но денес, оваа влада избра да ги напаѓа децата албанци и нивниот идентитет, отворено демонстрирајќи дискриминација. Ако во минатото покажавме толеранција кон слични активности во духот на соживотот, тоа не ѝ дава право на оваа влада денес да ги казнува Албанците за исти или слични постапки.Бараме Министерот за образование веднаш да се повлече од заканите против училиштето во Челопек и да престане со политизација на културните активности на децата. Секој обид за создавање поделби и дискриминација нема да биде толериран. Албанците не се граѓани од втор ред и нема да дозволат нивниот идентитет и национална гордост да бидат омаловажувани.Демократската унија за интеграција секогаш ќе застане во одбрана на достоинството и правата на Албанците, докажувајќи дека нашиот идентитет не е провокација, туку заедничко богатство за целото наше општество“, соопштуваат од ДУИ.

Македонија | пред 1 година

ДУИ: Oстро ја осудува полициската интервенција без преседан за време на прославата на Денот на албанското знаме

„Демократската унија за интеграција остро ја осудува полициската интервенција без преседан за време на прославата на Денот на албанското знаме, ден кој има исклучително значење за Албанците во Република Северна Македонија и ширум светот. Оваа интервенција, наместо да го зачува јавниот ред, предизвика непотребни тензии и создаде клима на конфронтација, нарушувајќи го правото на граѓаните слободно да ја одбележат оваа значајна празнична традиција“, велат од ДУИ.„Истовремено, го осудуваме индивидуалниот чин на палење на државното знаме како реакција на несоодветната интервенција на полицијата.Таквите дела не ги одразуваат вредностите на Албанците ниту пак стремежите за стабилна соживотност и взаемна почит.Во овој контекст, е неприфатливо и срамно што ВМРО-ДПМНЕ и одредени други политички сили се обидуваат да ги злоупотребат овие инциденти за да изградат лажна нарација која го криминализира секој став на Албанците. Оваа тенденција да се претстават Албанците како носители на криминални агенди претставува напад врз идентитетот и достоинството на Албанците и обид за прикривање на коруптивната агенда на овие структури.Тие политички сили, кои секојдневно ја држат државата надвор од механизмите за надзор на Европската унија, го ограбуваат државниот буџет и граѓаните преку злоупотреба на институциите за лични придобивки. Обидот да се оттргне вниманието од ваквите скандали преку криминализирање на Албанците е позната тактика која нема да успее.Албанците во Северна Македонија постојано го покажуваат својот ангажман кон демократските вредности, еднаквоста и меѓуетничката соживотност. Нема да дозволиме нашите легитимни ставови да се користат како параван за политички манипулации или за зачувување на позициите на тие што ги ставаат личните интереси над интересите на граѓаните и државата.Ги повикуваме институциите да дејствуваат со зрелост, професионалност и непристрасност, без разлика, и обезбедувајќи ги правата на граѓаните слободно да го изразуваат својот идентитет и култура. Воедно, ги повикуваме албанските граѓани, како и сите граѓани на Северна Македонија, да ја задржат смиреноста, достоинството и единството, и да не подлегнуваат на провокации и манипулации на оние кои имаат цел да создадат поделби и дестабилизација.Демократската унија за интеграција останува посветена на заштитата на правата и интересите на Албанците, придонесувајќи за европска иднина на Република Северна Македонија, каде што правдата, транспарентноста и еднаквоста ќе бидат основни вредности на нашето општество“, соопшти ДУИ.

Македонија | пред 1 година

Ахмети честита 28 ноември: Слободата не е дестинација, туку постојано и незапирливо патување

Претседателот на Демократската унија за интеграција, Али Ахмети, упати честитка до албанскиот народ по повод 28 ноември, порачувајќи дека слободата не е дестинација, туку трајно и незапирливо патување.„Почитувани браќа и сестри сонародници, Од се срце ви го честитам денот на знамето и независноста на Албанија.Оваа 112-годишнина од најсветите денови на нашата албанска нација не потсетува дека напорите за слобода, еднаквост, независност, знаме, јазик се секојдневни и нашите заложби никогаш не треба да престанат, бидејќи слободата не е дестинација, туку постојано и незапирливо патување. Вечност на Албанија и на Албанците!“, пишува Ахмети во честитката.

Македонија | пред 1 година

ВЛЕН: ДУИ ги држеше Албанците како заложници со договори на дело

„ДУИ за 20 години власт ги искористи Албанците за гласови, со цел да условува и гласаaт за партијата, ги држеше на „Stand By“. ВЛЕН ветува дека ќе ги реши сите неправди кон Албанците кои се оставени без да се реши нивниот работен статус од ДУИ“, велат од ВЛЕН.„Ова е болна рана што ДУИ ја остави во наследство за сите Албанци. Ова е раната на манипулацијата со егзистенцијата на Албанците. ДУИ манипулираше со опстанокот на Албанците. Таков беше неодамнешниот случај на 21 вработени во Здравствениот дом во Куманово, каде ДУИ спротивно на законот ги манипулираше овие Албанци давајќи им договори без согласност на Министерството за Финансии. Имаме должност да обезбедиме законитост и транспарентност во управувањето со јавните средства и да спречиме какви било неправилности кои би можеле да го оштетат јавниот буџет. Раскинувањето на овие договори е неопходен чекор за заштита на буџетот и исполнување на законските обврски.ВЛЕН нема да си поигрува со судбината на Албанците држејќи ги во заложништво, но се обврзува на овие Албанци кои ДУИ ги држеше како заложници, да им се обезбеди работа согласно законот за работни односи.Албанците заслужуваат достоинствен живот, заслужуваат подобро“, соопшти ВЛЕН.

Македонија | пред 1 година

ВЛЕН до ДУИ: Работевте скришно да го вратите Груевски за да ја зачувате вашата скапана моќ

„Поминаа четири дена откако јавноста беше потресена од шокантните откритија за ДУИ и нејзината разбиена клика. Што прават тие? Mолчат!“, велат од ВЛЕН.„Планот за враќање на Никола Груевски, оркестриран од високи експоненти на ДУИ, е нож во грб на Албанците. Вас, на кого Албанците му веруваа, работевте скришно да го вратите нивниот најголем непријател. Зошто? За да ја зачувате вашата скапана моќ!За враќање на Груевски и амнестија беа искористени тајните средби, притисокот врз институциите и вмешаноста на високи функционери. Но, овој срамен план пропадна и сега Албанците бараат одговори.ВЛЕН нема да молчи. Од Скопје му велиме на Али Ахмети, немој да се криеш во Швајцарија, туку врати се и дај отчет. Зошто сета оваа љубов кон Груевски? Што имаш ти со тоа? Какви пазарења направивте и што се обидувате да скриете од Албанците?Албанскиот народ повеќе нема да се изманипулира. Правдата доаѓа, а вашите игри завршија. Ќе се разоткријат лаги, манипулации и тајни зделки. Албанците ја заслужуваат вистината и ќе ја добијат“, соопштуваат од ВЛЕН.

Македонија | пред 1 година

(Видео) ДУИ: Министерот Фатмир Лимани ги блокира албанските општини од политички причини

Денеска преку прес конференција, градоначалникот на општина Липково Еркан Арифи и градоначалникот на општина Арачиново, Ридван Ибрахими го изразија својот протест пред Министерството за социјална политика, демографија и млади, односно пред канцеларијата на министерот Фатмир Лимани, „кој од ниски политички причини, го држи во заложништво почетокот на работата на предучилишната установа Валбона Зимбери- Валбона 2001 година, во село Матејч и отворањето на првата детска градинка на ниво на општина Харачиново, и тоа двете со капацитет од над 220 деца“.„Денеска, во знак на протест, сме овде пред Министерството за социјална политика, демографија и млади, поточно пред канцеларијата на лицето кое е главниот и единствен виновник што децата на Арачиновои Липково им е скратено загарантирано право со закон, да престојуваат во просториите на предучилишните установи, градинки и на нивните родители што не можат да ги сместат своите деца под организирана грижа.Министерот без легитимитет, Фатмир Лимани, со месеци од ниски политички причини, го држи во заложништво отворањето на првата детска градинка на ниво на општина Арачиново и почетокот на работата на предучилишната установа Валбона 2001 година, во село Матејч на Општина Липково“, велат од ДУИ.„Замислете, градинките во овие две општини Арачиново и Липково, се подготвени да примат деца од предучилишна возраст во своите простори, завршени се сите технички и административни процедури, единственото нешто што го спречува отворањето на вратите на овие објекти посветени на најмалите, тоа е неподготвеноста на овој човек, , да го процесирасогласности теза вработување на потребниот кадар , коисе веќе дадени од Министерството за финансии од пред неколку недели. Повторувам министерството за финансии ги има дадено согласностите веќе неколку недели!!Ја информираме пошироката јавност дека и покрај тоа што, општинската администрација неколку пати ги коригирала табелите што ги враќало Министерството, во најкус можен рок ги коригирала според барањето и за истата постапка веќе е дадена согласност од Министерството за финансии, но министер без легетимитет Фатмир Лимани без никакво образложение или оправдување одлучил да ги блокира согласностите во неговите фиоки, не пуштајќи ги во процедура, а воедно со тоа ги блокира и вработувањата кои се неопходни за функционирање на предучилипните установи.За да се констатира, дека нелегитимниот министер Фатмир Лимани постапувал врз основа на гнев и политички фрустрации, во истата постапка, идентични беа и процедурите за градинките во општините Чаири и Тетово, за кои веќе се издадени согласности од негова страна. Нема разлика во фактичката ситуација, ниту една!Нелегитимниот министер Фатмир Лимани ја сноси целосната одговорност што денеска по негова вина повеќе од 230 деца чекаат да бидат сместени во градинките.Јавно прашуваме дали единствениот мотив на овој човек,е казнувањето на населението од овие две општини затоа што не му дале легитимитет да одлучува во нивно име??? Апелираме до овој човек, не си играј со судбината на децата од овие две општини и не ги казнувај нивните родители преку нив!“, соопштуваат од ДУИ.

Македонија | пред 1 година

Уапсен функционер од ДУИ

Полицијата го уапсила Мухамед Љамалари, кој бил затекнат на Бит Пазар, а беше баран со потерница. Тој ваи за висок функционер на ДУИ, а според информациите, тој оди во притвор како осомничен за рушењето на заштитениот објект „Хотел Шар Ан“ во скопската чаршија,„Полициски службеници од Единицата за интервентна полиција при СВР Скопје денеска го лишиле од слобода М.Љ.(42) од Скопје, кој бил баран по централна потерница по судска наредба за издржување мерка притвор за сторени кривични дела по член 394 , член 353 и член 264 од Кривичниот законик“, велат од МВР.Делата за кои се сомничи Љамалари се злосторничко здружување, злоупотреба на службената положба, и оштетување или уништување на добра под привремена заштита или културно наследство или природни реткости.Љамалари во својство на претседател на Одборот на директори на акционерското друштво за стопанисување со станбен и деловен простор ја формирал и организирал групата која дејствувала, велеа од Обвинителството.„Тој иако знаел дека хотел „Шар Ан“, што се наоѓа во склоп на Старата скопска чаршија, претставува културно наследство и е дел од заштитена споменичка целина и не може да биде предмет на продажба не ги презел своите законски овластувања за заштита на објектот, туку побарал од дел од припадниците на групата да извршат негово противправно рушење и уништување“, соопштија тогаш од Јавното обвнителство.

Македонија | пред 1 година

Али Ахмети го честита 22 ноември: До вчера го напредувавме, денеска мора да го браниме албанскиот јазик

Претседателот на Демократската унија за интеграција, Али Ахмети на сите Албанци им го честита 22 ноември, денот на Конгресот во Битола и азбуката на албанскиот јазик.„За мене денеска е ден на албанскиот јазик, не само денот на азбуката на нашиот свет јазик и на конгресот во Битола.Мора да го негуваме и промовираме нашиот древен јазик, да се здружиме и да се ставиме во првите редови на напорите да го заштитиме од секојдневните напади.До вчера работевме на унапредување на употребата на нашиот јазик, а денес сме во позиција да го штитиме постигнатото.Националното прашање, јазикот, знамето, унијата и интеграцијата бараат посветеност од мажи и жени-идеалисти и мисионери!Денеска сум во Швајцарија, покрај нашите иселеници, заедно да ги прославиме албанските ноемвриски празници и уште еднаш да се ставиме на чело на националните процеси, заедно да го заштитиме постигнатото и да одиме напред.Честит 22 ноември, денот на азбуката на албанскиот јазик!“, пишува Али Ахмети.

Македонија | пред 1 година

ДУИ упати честитки до Шекеринска: Ова е голем успех и за Македонија

Демократската Унија за Интеграција (ДУИ) упатува најискрени честитки до Радмила Шекеринска по повод нејзиното именување за Заменик генерален секретар на НАТО.„Ова е голем успех не само за г-ѓа Шекеринска, туку и за Република Северна Македонија, која преку ова именување ја потврдува својата посветеност на евроатлантските вредности и стандарди.Како партија која отсекогаш го поддржувала евроатлантскиот пат на нашата држава, оваа значајна постигнување го гледаме како признание за заедничките напори на сите граѓани на Северна Македонија.Шекеринска е одличен пример за професионализам и посветеност, и уверени сме дека ќе ја претставува нашата земја достоинствено на оваа висока функција“, велат од ДУИ.

Македонија | пред 1 година