ЏОНИ ДЕП

Џони Деп го продава автопортрет што го нацртал додека минувал низ тежок период во животот

Автопортрет насликан од Џони Деп во 2021 година додека му се судеше за злоупотреба на неговата поранешна сопруга, актерката Амбер Херд, е понуден на продажба.„Го сликав во студиото на Ралф Стедман во 2021 година. Овој автопортрет е направен во време кога бев, да речеме, малку мрачен, малку збунет. Погледнав и, не знам зошто, мислев дека ми треба нешто друго. Бев на прагот да влезам во петтата година на лудилото“, изјави Деп за Ројтерс.Овој автопортрет и други дела на Деп се изложени во галерија во Лондон.Менаџерот на галеријата Иан Ветерби Блит изјави дека мисли дека актерот сега е подготвен да ја сподели сликата со другите.„Во времето кога ја сликаше, минуваше низ многу тежок период во животот. Секој поминува низ тешки периоди во животот, па мислам дека Џони сакаше тоа да го сподели со светот и да им даде на луѓето увид низ што минувал, но и да ги охрабри дека секогаш има светлина на крајот од тунелот“, вели галеристот.Актерот вели дека правењето автопортрет не е најпријатната работа на светот, но дека сè што правите е, повеќе или помалку, автопортрет.„Седев со огледало и се цртав со денови, во различни денови, под различно светло и агол“, го опиша актерот процесот на правење на сликата.Менаџерот на галеријата открива дека Деп отсекогаш бил сликар пред да стане музичар, а музичар бил и пред да стане актер.„Тоа е негово хоби, тој постојано се навраќа на тоа и мислам дека за време на сето она што му се случи сакаше да создаде нешто многу, многу лично“, изјави Ветерби Блит.Покрај автопортрети, во лондонската галерија е изложена и колекцијата „Пријатели и херои“, која вклучува портрети на великаните насликани од Деп – музичарите Боб Дилан, Боб Марли, актерите Хит Леџер и Ал Пачино, актерката Елизабет Тејлор.Сподели

Магазин | пред 2 години

Нема фотографија

Џони Деп во улога на Луј Петнаесетти

Џони Деп е сребренокосиот крал Луј Петнаесетти на новите промо-фотографии за филмот Jeanne du Barry („Жан ду Бери“), прв по судската победа над поранешната сопруга.На промотивните фотографии објавени во вторникот Деп изгледа кралски во следната филмска улога како француски монарх покрај колешката и режисерка Мајвен Ле Беско, која ја глуми љубовницата на кралот Луј, Жан ду Бери.Наместо неговите темни прамени, Деп има сребрена коса и носи свечена кралска облека заедно со препознатливата капа на Луј.Луј Петнаесетти е владеел на Франција од 1715 година до неговата смрт во 1774 година. Бил оженет со француската кралица Мари Лечинска, но имал низа долготрајни афери.Филмот ја следи приказната за последната љубовница на кралот Луј, Жан ду Бери, која е родена во сиромаштија, но успеала да се искачи на социјалната скала користејќи ја својата интелигенција за да стане негова омилена придружничка.Жан била неговата последна љубовница пред да почине.Филмот беше снимен во текот на летото и ќе биде објавен оваа година. Извор изјави за „Пипл“ дека, најверојатно, ќе има премиера на Канскиот фестивал во мај.

Магазин | пред 3 години

Џони Деп во врска со негова поранешна адвокатка

Светските медиуми пишуваат дека Џони Деп е во врска со негова поранешна адвокатка, но тоа не е Камил Васкез, како што се шпекулираше.Британката Џоел Рич, која го застапуваше Деп во Британија пред две години во судскиот процес за клевета против весникот „Сан“, го освои срцето на холивудскиот актер. Тимот на Деп ја загуби судската битка, но, очигледно, поразот не влијалел на неговите чувства кон адвокатката, пишува „ТМЗ“.Рич е омажена, но моментално е во процес на развод. Таа и нејзиниот сопруг имаат 2 деца.Рич не беше дел од тимот на судењето во Вирџинија што извојува победа над поранешната сопруга на Деп, Амбер Херд, но таа беше присутна во судницата за поддршка, според „Ју-ес викли“ кој прв ја објави сторијата.Многу луѓе кои го следеа судењето во Вирџинија беа убедени дека Деп и Васкез се заедно, но Васкез остро реагираше на шпекулациите нарекувајќи ги сексистички.А што се однесува до Рич, таа е британска адвокатка. Во нејзината биографија е наведено дека „работи на одбрана на угледот на клиентите од лажни и клеветнички наводи во печатени медиуми, на интернет и на социјални мрежи“. Понатаму се наведува дека таа има „посебна стручност во заштита на приватноста на поединци од неоправдан упад и медиумско внимание“.

Магазин | пред 3 години

Џони Деп донираше пари во болницата на која Херд вети дека ќе и помогне

Џони Деп ги донираше парите што ги заработи од продажбата на дигитални незаменливи токени (NFT) во болницата на која Амбер Херд вети дека ќе и помогне.Деп заработил речиси 800.000 долари. Тој ги донирал на Детската клиника во Перт, Фондацијата за детска клиника на улицата „Грејт Ормонд“, Коалицијата „Футпринт“ и Детската болница во Лос Анџелес.„Ние сме им благодарни на сите што решија да учествуваат во оваа кампања. Ова е една од најголемите продажби на NFT досега. Се радуваме на идните успеси“, објави организацијата на Деп, „Не плаши се од вистината“ на Твитер.Инаку, Амбер Херд претходно изјави дека седум милиони долари, кои ги добила како порамнување за разводот од Џони, ќе донира на Детската болница во Лос Анџелес и Американската унија за граѓански слободи. Сепак, таа никогаш не го исполни своето ветување.Во текот на судењето, адвокатката на Деп, Камила Васкез праша дали се точни информациите дека не ги дала парите.„Сè уште не сум го направила тоа, иако морам да истакнам дека сум им помогнала и на други начини. Кога ќе купиш куќа, не ја плаќаш одеднаш, ја отплаќаш на рати“, одговори Амбер Херд.

Магазин | пред 3 години

Амбер Херд има план: Свесна е за крајот на нејзината кариера во Холивуд

Актерката Амбер Херд го загуби спорот што го имаше со нејзиниот поранешен сопруг Џони Деп, за што ќе мора да му плати 8,35 милиони долари. Како што шпекулираат медиумите, таа ја отпишала својата холивудска кариера, па сега на секој начин се труди да дојде до голема сума на пари.Според добро упатен извор од магазинот „ОК“, актерката ќе напише книга од која се надева дека ќе профитира, а во која уште еднаш ќе ја раскаже својата страна на приказната."Амбер смета дека нејзината кариера во Холивуд е завршена. Таа веќе е во преговори за книгата и е возбудена поради тоа. Во моментов нема што да загуби и сака да каже се", рекол изворот.Од друга страна, адвокатот Дрор Бајкец вели дека со објавувањето на оваа книга Амбер би можела повторно да се соочи со потенцијални тужби.„Таа треба да биде многу внимателна. Доколку ја помине границата, што е веројатно, нема сомнеж дека ќе биде погодена од уште една тужба за клевета и веднаш ќе заврши на суд“, рече Бакец.Инаку, претставниците на медиумите не ги потврдија ниту ги демантираат написите на Херд за книгата.

Магазин | пред 3 години

Амбер Херд призна дека сè уште е заљубена во Џони Деп

Амбер Херд во интервјуто за емисијата Today на NBC-u, која ќе се емитува неделава, призна дека сè уште е заљубена во Џони Деп. Таа рече дека не му замерува за ништо и покрај сите работи кои ѝ се случија во минатото, но и дека мора да биде внимателна за повторно да не ја тужи.Глумицата одговараше на низа прашања на различни теми, вклучувајќи го и она што го чувствува за нејзиниот бивши. Водителката Савана Гури побара да ѝ ја објасни изјавата кога рече дека сè уште го сака Деп и дали тоа е вистина.„Да. Апсолутно. Го сакам. Го сакав со целото мое срце и се трудев најдобро што можев нашата нарушена врска профункционира. И не успеав во тоа. Воопшто немав никакви лоши чувства кон него, ниту му замерувам за било што. Знам дека тоа е тешко да се разбере, но многумина кои во животот сакале нешто, знаат зошто се чувствувам така“, рече Амбер.Таа смета дека Деп успеал глобално да ја урпоасти, а потоа рече дека чувствува дека би можел повторно да ја тужи ако не биде внимателна.Во еден момент за време на интервјуто, водителката ја праша за за парите кои рече дека ќе ги донира во добротворни цели, ветување кое не го исполнила.Иако Амбер напомена дека не требало да ѝ поверуваат за тоа, таа призна дека тоа би можело да биде главниот фактор во пресудата против неа.

Магазин | пред 3 години

Херд мора да му плати на Џони Деп 10 милиони долари отштета и пет милиони долари парична казна

По седумнеделното судење меѓу Џони Деп и Амбер Херд, кое многумина го нарекоа судење на деценијата, конечно беше донесена пресуда.Поротата во Вирџинија ги прогласи за одговорни за клевета Амбер Херд и Џони Деп во нивните тужби еден против друг, пишува Си-Ен-Ен.Британскиот Би-Би-Си најпрвин објави дека пресудата му била дадена на актерот, додека читањето на одлуката на поротата, очигледно, се уште не е завршеноПоротата одлучи дека Херд мора да му плати на својот поранешен сопруг 10 милиони долари отштета и пет милиони долари парична казна, јавува Би-Би-Си.Поротата, сепак, утврди дека Џони Деп ја наклеветил Амбер Херд, преку нејзиниот адвокат Адам Волдман, и тоа само во една од трите точки.Актерката ќе добие обештетување од два милиони долари.Џони Деп не беше присутен во судот кога беше објавена пресудата, бидејќи моментално се наоѓа во Њукасл, додека Херд беше на суд.Поранешниот холивудски пар размени сериозни обвинувања за време на судењето - и Деп и Херд тврдеа дека биле жртви и на емоционално и на физичко малтретирање.Процесот привлече големо внимание кај светската јавност, а социјалните мрежи станаа полигон за говор на омраза на навивачите од двете страни.Да потсетиме, Амбер Херд објави напис во Вашингтон пост во 2018 година со наслов „Зборував за сексуално насилство - и се соочив со гневот на нашата култура“. Поради тој напис, кој адвокатите на Деп се обидоа да го докажат, актерот настрада поради погрешната слика за насилникот која се создаде за него во јавноста и поради која изгуби бројни актерски ангажмани.

Магазин | пред 3 години

Џони Деп: Никогаш не сум дошол до точка да ја удрам Херд, ниту сум удрил некоја жена во мојот живот

Актерот обвинет за сексуално злоставување и насилство се појави на судското рочиште кое го има со поранешната сопруга, актерката Амбер Херд. Овој пат, повод за нивниот судски спор е неговата тужба против неа.-Мојата цел е вистината, истакнал Џони Деп на почеток од својот исказ кој потоа говорел за свое детство и физичкото злоставување кое тој и неговите браќа и сестри го трпеле од нивната мајка.За време на сведочењето тој ја кажал и својата страна за насилството во бракот во Амбер, за кое таа тврди дека постоело.-Никогаш не сум дошол до точка да ја удрам госпоѓата Херд на било кој начин, ниту сум удрил некоја жена во мојот живот, вели Деп кој не негирал дека тој и Амбер имале несогласувања и кавги.Деп ја обвини порашната сопруга дека „лажно го прикажала како насилник во семејството“ во текстот кој бил објавен во Вашингтон пост во 2018 година.Иако во текстот Деп не се споменува со име и презиме, актерот тврди дека по неговото објавување му била загрозена кариерата поради што трпи финансиски загуби, а по 15 години бил исклучен и од идните филмови од серијалот „Пирати од Карибите“.

Магазин | пред 3 години