еквадор

Моќен еквадорски нарко-бос поврзан и со криминалци на Балканот екстрадиран во САД

Водачот на еквадорската банда Адолфо Масијас Виљамар, познат по прекарот Фито, е екстрадиран во САД, каде што ќе се соочи со обвиненија за трговија со дрога и оружје. Масијас беше повторно уапсен во јуни, речиси една година откако избега од затвор со максимална безбедност, каде што отслужуваше 34-годишна казна за низа кривични дела.Kако што изјави неговиот адвокат за Ројтерс, Фито денес ќе се појави пред федералниот суд во САД, каде што ќе се изјасни за невин по меѓународните обвиненија за шверц со дрога и оружје.Oсомничен e за нарачување на убиството на претседателски кандидат во 2023 годинаМасијас беше водач на бандата Лос Чонерос, која има врски со моќни криминални организации од Мексико и Балканот. Тој е осомничен и за нарачување на убиството на претседателскиот кандидат Фернандо Виљавиченсио во 2023 година.Бандата Лос Чонерос е обвинета од многумина дека го претворила Еквадор од туристичка дестинација во една од земјите со највисока стапка на убиства во регионот.Денес, повеќе од 70 проценти од светското производство на кокаин поминува низ еквадорските пристаништа. Земјата се наоѓа помеѓу Колумбија и Перу, двата најголеми извозници на кокаин во светот. Во јуни, полицијата го лоцираше Масијас во она што го опиша како подземен бункер под луксузна вила во градот Манта. По апсењето, тој беше префрлен во затворот Ла Рока, објект со максимална безбедност. Во тоа време, еквадорскиот претседател Даниел Нобоа ги пофали безбедносните сили за неговото апсење и најави дека ќе биде екстрадиран во САД. Еквадорската затворска администрација (SNAI) објави дека Масијас бил изнесен од затвор вчера наутро и предаден на американските власти.„Тој ќе се изјасни за невин“„Масијас и јас ќе се појавиме утре пред федералниот суд во Бруклин, каде што тој ќе се изјасни за невин“, изјави вчера за Ројтерс неговиот адвокат, Алексеј Шахт. „После тоа, тој ќе биде пренесен во затвор што сè уште не е утврден.“Граѓаните на Еквадор гласаа на референдум за дозвола за екстрадиција на нивните граѓани, по иницијатива на претседателот Нобоа, кој најави решителна борба против зголемената стапка на криминал. Во март оваа година, Нобоа во интервју за Би-Би-Си изјави дека сака армиите на САД, Европа и Бразил да му се придружат во војната против криминалните банди.

Свет | пред 5 месеци

(Видео) Уапсен најбараниот нарко-бос на Еквадор: „Фито“ откриен во подземен бункер по 17 месеци бегство

По повеќе од една година бегство, еквадорските безбедносни сили конечно го уапсија Хозе Адолфо Масијас Виламар, познат по прекарот „Фито“ – лидерот на злогласната криминална банда Los Choneros. Апсењето е резултат на специјална операција на полицијата и војската која траела над 10 часа, а ја потврди и претседателот Даниел Нобоа на социјалната мрежа X.Фито бил пронајден во неговиот роден град Манти, скриен во подземен бункер. Според локалниот весник El Mercurio, засолништето било ненамерно разоткриено од неговата тригодишна ќерка.Масијас Виламар издржува 34-годишна затворска казна изречена во 2011 година, но во јануари 2024 успеал да побегне при обид за негов трансфер од затворот во Гвајакил. Тој бегство се совпаднало со серија крвави нереди во еквадорскиот затворски систем, кога криминалните групи презеле контрола врз неколку објекти и држеле чувари како заложници.Сега, Фито се соочува со екстрадиција во САД, каде го очекуваат обвиненија за шверц на дрога и оружје во Њујорк. Американските власти го поздравија апсењето и повторно ја потврдија својата поддршка на еквадорските напори во борбата против транснационалниот организиран криминал.Еквадор, како транзитна зона за кокаин од Колумбија, Боливија и Перу, се соочува со растечко насилство и влошена безбедносна состојба, при што судирите меѓу картелите го доведоа криминалот на историски ниво. Апсењето на Фито претставува симболичен и оперативен удар врз подземјето, но и предизвик за стабилизација на земјата.

Свет | пред 5 месеци