(Видео) Трагедија во црква во Еквадор: Свештеник почина откако врз него падна крст

Трагичен инцидент ја потресе црквата „Мајката на вечна помош“ во еквадорскиот град Гвајакил, каде што свештеникот Патрицио Алфредо Санчез Молинари го загубил животот откако врз него паднал голем дрвен крст. Несреќата се случила за време на миса, која била пренесувана во живо на социјалните мрежи.

— реклама —

На снимката се гледа дека крстот, поставен на ѕидот зад свештеникот, ненадејно паѓа врз него околу 27 минути по почетокот на преносот. Во позадина се слушаат врисоци од присутните верници.

— реклама —

— реклама —

Архиепископијата во Гвајакил ја потврди смртта на свештеникот и објави соопштение во кое се прости од него, наведувајќи дека служел како парохиски свештеник во црквата „Мајката на вечна помош“.

Видеото од несреќата брзо се прошири на социјалните мрежи, каде што верниците почнаа да објавуваат пораки со сочувство за починатиот свештеник.