елка

(Видео) Божиќна елка стара 21 година е хит на ТикТок, генерацијата Z е љубоморна

Минијатурната Bratz-божиќна елка, стара повеќе од две децении, стана вистинска интернет-сензција откако сопственичката на ТикТок покажа како ја поставува секоја година за празниците – веќе 21 година по ред. Видеото за кратко време стана вирално и предизвика бран носталгија меѓу корисниците.Снимката, објавена на 14 декември од корисничката со профил @richbxtchgurl, започнува со приказ на оригиналната кутија, очигледно оштетена од времето, по што следува сцена со поставената бела елка украсена со мали Bratz-украсчиња.„Време е за Божиќ, што значи дека е време да ја извадам мојата мини Bratz-елка, која ја имам веќе 21 година“, стои во описот на видеото, а авторката додала: „Сега е многу нестабилна, но ја обожавам.“ Објавата досега собра над 518.000 прегледи и 101.000 лајкови.Бран носталгија – и љубомораВидеото ја допре публиката што пораснала со Bratz-франшизата, па коментарите се исполнија со воодушевување и духовита љубомора. Многумина ја пофалија авторката што сочувала редок дел од поп-културата од почетокот на 2000-тите, изразувајќи жалење за своите детски играчки. Во коментарите се јавија и припаднички на генерацијата Z кои, поради својата опседнатост со Y2K-ерата, напишаа дека се љубоморни.„Доживувам љубомора опишана во Библијата“, напишала една корисничка во коментар што доби 17.000 лајкови.„Луѓето што се толку среќни треба да плаќаат повеќе данок“, додал друг, додека трет коментирал: „Истовремено чувствувам и восхит и необјаснива лутина.“Еден од коментарите едноставно гласеше: „Толку сум љубоморна.“

Магазин | пред 5 часа

(Фото) Елката со прозорчиња во Скопје: ја имало во Вилнус, па Крајова, и сега на Плоштад Македонија

Новогодишната елка со прозорчиња, која годинава го украси Плоштадот Македонија во Скопје, предизвика бројни реакции во јавноста – од воодушевување до шеги и споредби на социјалните мрежи. Но, зад визуелниот концепт стои приказна која не започнува ниту во Скопје, ниту во Романија, туку во срцето на Балтикот.На социјалните мрежи веќе споредби со слична елка од романскиот град Крајова, која во 2023 година привлече големо внимание во европските медиуми. Крајова, сместена на околу шест часа возење од Скопје, последниве години се етаблира како една од најатрактивните божиќни дестинации во Европа и го освои второто место на листата „European Best Destinations“ за најубави божиќни пазари во 2025 година.Градот е познат по раскошните празнични декорации, огромните елки, тематските паркови, лизгалишта, панорамски тркала и бајковити куќички осветлени со илјадници светилки. Токму таму, во 2023 година, беше поставена елка со прозорчиња која денес најчесто се споредува со скопската.Сепак, и Крајова не е оригиналниот извор на оваа идеја. Концептот води потекло од Вилнус, главниот град на Литванија, каде уште во 2015 година на Катедралниот плоштад беше поставена импресивна и денес веќе легендарна новогодишна елка со сличен дизајн. Таа елка важи за една од најкреативните празнични инсталации во Европа и често се наведува како инспирација за подоцнежни проекти низ континентот.Пред два дена елка со ист концепт беше поставена и на скопскиот плоштад. Во текот на вчерашниот ден беше и надградувана.На социјалните мрежи има и шеги.

Скопје | пред 1 седмица

(Фото) Скопје ја донесе празничната магија: новогодишната елка блесна на градскиот плоштад

Градот Скопје вчера ја одбележа свечената најава на празниците со осветлување на новогодишната елка и отворање на Божиќниот маркет. Настанот, кој собра огромен број жители и деца, градоначалникот Орце Ѓорѓиевски го оцени како пресвртница во враќањето на празничниот дух во главниот град.Градот убав повторно блесна!Од срце ви благодарам, драги скопјани, најдраги дечиња, за масовното присуство, за радоста и за прекрасната енергија што вечерва ја споделивме заедно.По години сивило, Скопје повторно блесна, свечено ја осветливме новогодишната елка и официјално го отворивме Божиќниот маркет, со што симболично го означивме почетокот на празничната магија во нашиот главен град.Со оваа церемонија, Скопје направи значаен чекор напред кон визијата да се развива рамо до рамо со современите европски градови, создавајќи настани што носат позитивна енергија, заедништво и радост за сите генерации.Оваа вечер ќе остане запишана во историјата и ќе прерасне во убава традиција.Ви благодарам што со вашето присуство ја направивте оваа ноќ навистина посебна.Време е Скопје повторно да живее со светлина, насмевки и празнична топлина.

Скопје | пред 1 седмица

(Фото) Како од елка стигна до конус на плоштад: изгледот на новогодишното дрво во изминатите десет години

Новогодишната елка на плоштадот во Скопје беше мета на критики, не само месецов, туку и изминатите години. Дел од граѓаните велат дека тоа е само конус. Низ годините, изгледот се менувал. Тоа го покажуваат и фотографиите.20122013201420152016201720182019202020212022Вака пак, изгледа годинава...

Скопје | пред 2 години

Ако Финансиска не провери, обвинител ќе тропне на врата кај Арсовска оти нема тендер за украсувањето од 30 илјади евра

Обвинителството ќе отвори предмет против градоначалничката на Скопје, Данела Арсовска доколку Финансиската полиција не се одважи. Ова доаѓа откако Арсовска во емисијата „Тешки муабети“ откри дека го украсува Скопје преку јавен повик, а претходно соопшти дека задоволството чини 30.000 евра. Останува дилемата зошто не е распишан тендер, доколку се има в предвид дека за набавки над 1.000 евра тој е неопходен, согласно законите.„Со оглед на изнесените наводи во конкретниот случај, Управата за финансиска полиција како орган надлежен за откривање на евентуални кривични дела и контрола на финансиските текови има надлежност да ги испита сите околности и да достави соодветно известување или пријава. Доколку Финансиската полиција не постапи, обвинителството ќе оформи предмет и ќе нареди да се извршат сите проверки“, велат од Обвинителството.Арсовска не открива која е фирмата која ќари 30.000 евра од градската каса. Иако медиумите се интересираа, таа молчеше. Град Скопје не одговара на прашања и важи за затворена институција.

Скопје | пред 2 години

(Видео) Запросување под „несреќната“ елка на плоштадот во Скопје

Елката на плоштад која во регинот беше прогласена за „несреќна“ и грда, беше место за запросување. Токму таму, момче ја побара својата девојка за жена. Моментот беше овековечен со „All of Me“, отсфирена од саксафонот на Стефан Неделковски.Запросувањето беше проследено со краток танц, но и солзи.Елката пред која се овековечи моментот беше недокитена од градоначалничката Данела Арсовска. Ден по критиките и достави украси, а потоа, дојдоа остри коментари од медиумите од регионот. Вчера, градските власти поставија уште една елка.

Магазин | пред 2 години

(Видео) Сиромавиот двапати плаќа: Данела стави втора елка, откако цел регион првата ја опиша како “несреќна” и “грда”

Две елки има сега на скопскиот плоштад. Еден ден по критиките кои дојдоа и од регионот, градоначалничката Данела Арсовска донесе и втора елка. Коментарите од минувачи се “сиромавиот двапати плаќа”.Како првата, така и втората елка се исти по големина. Единствено различно се украсени. Не се знае колку чини украсувањето и нема тендер.

Скопје | пред 2 години

(Видео) Данела ја доукраси „несреќната“ елка на плоштадот во Скопје

Лавината од реакции и коментари со остри критики, ја натераа скопската градоначалничка, Данела Арсовска, да ја доукраси елката на плоштадот „Македонија“, која и регионот ја опиша како „грда“ и „несреќна“. Сега, целата е со лампиони и светилки, а има и по некој минувач кој застанува да направи „селфи“ со неа. Сепак, и натаму има граѓани за кои елката е накитен конус, кој само глуми елка. За разлика од претходно, сега има три различни видови на сијалички и повеќе лампиони.Вчера, елката беше украсена до половина и таква беше оставена до попладнево. Не се знае колку ја плаќаме и кому. Арсовска одамна се прави зад затворени врати, а до информација од Град Скопје речиси е невозможно да се дојде.За елката, пишуваше и целиот регион. Сепак, првите исмејувања дојдоа од дома, на социјалните мрежи.

Скопје | пред 2 години

Елката во Скопје ја држат да не падне, не можат да најдат иста на Али Експрес, а ја симболизира бедата

Елката во Скопје иако крива, но и недокитена - стана популарната во Македонија. Ги засени сите декорации направени во другите делови од Македонија, но и другите општини во Скопје. Никој не знае зошто не е целосно украсена, а ниту која е фирмата која ја поставува за што ќе треба да платат скопјани. За нејзината популарност зборуваат бројните коментари и фотографии со неа.„Каков народ, таква елка на плоштад: сиромашен, ужасен, грд за гледање“, стои во коментар на „Х“.https://twitter.com/JasnaMishevska/status/1737002882619031627?ref_src=twsrc%5Etfw%7Ctwcamp%5Etweetembed%7Ctwterm%5E1737002882619031627%7Ctwgr%5E54e831fd29f5f7274fead2681cff6d0fcb611d18%7Ctwcon%5Es1_&ref_url=https%3A%2F%2Fplusinfo.mk%2Fkrivata-kula-vo-piza-i-krivata-elka-vo-skop-e-tie-se-tie-tviter-iite-si-igraat-ma-tap-so-novogodishno-skop-e%2F„Голем број на туристи од цел свет почнаа да пристигаат во Скопје за да се сликаат со кривата елка. Во хотелите се бара кревет повеќе“, стои во друг коментар, со сатирична фотографија.https://twitter.com/100deutschemark/status/1736823451640348720?ref_src=twsrc%5Etfw%7Ctwcamp%5Etweetembed%7Ctwterm%5E1736823451640348720%7Ctwgr%5E54e831fd29f5f7274fead2681cff6d0fcb611d18%7Ctwcon%5Es1_&ref_url=https%3A%2F%2Fplusinfo.mk%2Fkrivata-kula-vo-piza-i-krivata-elka-vo-skop-e-tie-se-tie-tviter-iite-si-igraat-ma-tap-so-novogodishno-skop-e%2F„И да сакаш да си оптимист и да си позитивен и да ти е убаво, глејте бе скопје какво е? Родители мкнат деца по молови за да видат накитена елка“, се посочува во друг коментар.https://twitter.com/JasnaMishevska/status/1737003189520535841?ref_src=twsrc%5Etfw„Странските туристи почнале масовно да ги откажуваат новогодишните и божиќните аранжмани во Охрид и да ги презакажуваат хотелските резервации за Скопје, затоа што разбрале дека најпознатата светска туристичка атракција во овој момент се наоѓа на скопскиот плоштад - кривата елка“, пишуваат на „Х“.https://twitter.com/Nopak_od_Varosh/status/1737033307374674124?ref_src=twsrc%5Etfw„Елката ко државата - беда“, се вели во краток коментар.„Кривата елка во Скопје“, пошува твитерџија.https://twitter.com/100deutschemark/status/1736819213979848708„Ваква Елка нема ни на Аљи Експрес“, пишува во сатиричен коментар.https://twitter.com/HaNa_Taurus666/status/1736717368095580614?ref_src=twsrc%5Etfw%7Ctwcamp%5Etweetembed%7Ctwterm%5E1736717368095580614%7Ctwgr%5E2538773024878de2dfbb4fc8dfb0ba200c460c47%7Ctwcon%5Es1_&ref_url=https%3A%2F%2Femagazin.mk%2FD0B2D0B0D0BAD0B2D0B0-D0B5D0BBD0BAD0B0-D0BDD0B5D0BCD0B0-D0BDD0B8-D0BDD0B0-D0B0D0BBD0B8-D0B5D0BAD181D0BFD180D0B5D181-D182D0B2%2F

Коментари | пред 2 години

Медиумите во регионот: ‘Несреќната’ новогодишна елка стана позната токму поради тоа што изгледа прилично грдо за новогодишната ноќ

Елката на плоштад, која беше недокитена се до попладнево, стана тема и во српските медиуми кои се исмејуваат со нејзиниот изглед. Највпечатливот наслов го има „Нова.рс“ кои напишаа: „Кога мислите дека сте во лоша форма, потсетете се на несреќната елка во центарот на Скопје“. Критички настроени се и другите наслови меѓу кои се и: „Новогодишната елка во Скопје стана предмет на исмејување, целиот регион зборува“, „Регионот зборува за новогодишната елка во Скопје: Вакво нешто нема ниту на Али експрес, туристите брзаат да се сликаат“.Во текстовите елката се опишува онака како што изгледа(ше), па се пишува: „Доста е крива, а не е ниту накитена до крај“.„Пред новогодишните и божиќните празници, сите градови во светот традиционално се натпреваруваат кој ќе има најубаво украсување. Елката во Скопје дефинитивно нема никакви амбиции, но брзо стана хит на интернет и омилена меѓу туристите. ‘Несреќната’ новогодишна елка стана позната токму поради тоа што изгледа прилично грдо за новогодишната ноќ“, стои во текстот на „Нова.рс“ чиј автор е новинарката Ана Калаба.И српскиот сајт „Еспресо“ ја доловува сликата од елката.„Додека европските градови се натпреваруваат кој ќе има најубаво украсени улици и плоштади, новогодишната елка во Скопје стана предмет на потсмев на социјалните мрежи. Новогодишната елка која осамна во главниот град на Северна Македонија стана хит на социјалните мрежи. Имено, луѓето споделуваат многу фотографии од новогодишна елка која, се чини, не е целосно украсена - горниот дел е неукрасен, но изгледа и искривен“, стои во нивниот текст.Првите реакции за елката дојдоа од дома. Сепак, градските власти решија да молчат и да не одговорат на прозивките. Градоначалничката Данела Арсовска, досега не се појави со својот ПР тим на плоштад за да направи промотивен материјал, како што вообичаено има пракса.

Скопје | пред 2 години