фонтана

Џамбо Агушев и "Фонтана" со нова урбана обработка на "Касапско оро"

Групата Фонтана заедно со трубачот Џамбо Агушев направи урбана обработка на "Касапско оро“, една од најпознатите инструментални теми во целокупната Балканска музичка традиција.За потребите на документарниот филм посветен токму на „Касапско оро“, кој треба да се промовира наскоро е направена токму оваа обработка со еден современ урбан призвук, а солистичкиот дел изведен од Благојче Трајковски и Џамбо Агушев го содржи целокупниот колорит кој го има Балканската музичка традиција.- Поканата да го реализираме ова парче музика за мене, а и за останатите колеги беше чест и големо задоволство. Мене како солист ова ми е трета обработка на оваа безвременска тема и секаде каде што ми се овозможува прилика со задоволство ја изведувам. Посебно се радувам што токму со Џамбо го реализиравме овој документ. Легендарните снимки од ова оро „Касапско“ кои ги оставија Тале Огненовски и Благоја Дескоски, се еден столб во македонската традиционална музика и заслужуваат бескрајна почит. Тие изведби за мене лично претставуваат огромна инспирација. Па оттука и ми се роди желбата да дадам и јас свој придонес во оживувањето и развојот на оваа исклучителна музичка тема, вели Трајковски.Оваа безвременска тема своевремено ја обработија и ја документираа како аудио записи легендарните инструменталисти: кларинетистот Тале Огненовски и виолинистот Благоја Дескоски, така што со нивната изведба оваа тема остана цврсто втемелена во аналите на македонската музичка историја.Аудио продукцијата се реализираше во студио „ПОДРУМОТ“ од Ангел Ќосев, а за видео продукцијата беа задолжени ВЕСТА ПРОДУКЦИЈА.

Магазин | пред 3 години

ФОТО: Пак пропадна камион во фонтаната на Груевски и Трајановски, вредна 2,5 милиони евра

Камион пропадна во џампинг-џет фонатаната на градскиот плоштад во Скопје. И ова не е првпат, туку скоро секоја година на скопскиот плоштад може да се види истата слика. Инаку, оваа година, во текот на целото лето, фонтаната не функционира.Од она што може да се види е дека камионот е навлезен со предните тркала во фонтаната, која беше пуштена во употреба пред седум години.Таканаречената сува фонтана е вредна 2,5 милиони евра.Отворениот кратер, по секое пропаѓање на возило, се заградува со метална ограда, за да не се случи поголема несреќа. Фонтаната е направена во време кога премиер беше Никола Груевски, а градоначалник Коце Трајановски. Таа е дел од проектот „Скопје 2014“.

Скопје | пред 3 години