Форд најави седум нови модели за Европа по падот на продажбата
Американскиот производител Форд претстави нова стратегија за европскиот пазар, со која планира повторно да ја зајакне својата позиција по неколку тешки години и укинувањето на модели како Форд Фиеста, Форд Фокус и Форд Мондео.Компанијата најави дури седум нови модели до 2029 година, со проширување на понудата на електрични и хибридни возила, но и целосно нов пристап кон европските купувачи.Планот беше претставен во Салцбург, во момент кога уделот на Форд на германскиот пазар падна на само 3,3 проценти.Голем дел од фокусот ќе биде ставен на товарните возила. Во понудата пристигнува новиот Форд Ренџер Супер Дјути, најекстремната верзија на популарниот пикап, наменета за спасувачки служби, шумарство, рудници и војска.Форд подготвува и целосно електричен доставен модел, Форд Транзит Сити, кој ќе биде наменет за градски услови и ќе пристигне до крајот на годината.До крајот на деценијата компанијата ќе претстави и пет нови патнички модели, меѓу кои нов европски Форд Бронко, компактен SUV, спортски електричен модел од Б-сегментот и два нови кросовери.Форд потврди дека дел од помалите модели ќе користат платформа развиена во соработка со Рено, но нагласува дека автомобилите ќе го задржат препознатливиот дизајн на Форд и возните карактеристики.Компанијата истовремено предупреди дека пребрзата транзиција кон целосна електрификација може да создаде проблеми на европскиот пазар и побара поголема поддршка за plug-in хибридите и развој на инфраструктура за полнење.
Магазин | пред 4 часа