франција

Макрон: Само Зеленски може да преговара во име на својата земја

Францускиот претседател Емануел Макрон изјави дека само украинскиот претседател Володимир Зеленски може да преговара во име на неговата земја, предупредувајќи дека дозволувањето „мир што е капитулантско“ би било „лоша вест за сите“, вклучително и за Соединетите држави, објави Фајненшл тајмс.„Единственото прашање во оваа фаза е дали претседателот Путин е искрено, одржливо и веродостојно подготвен да се согласи на прекин на огнот на оваа основа. После тоа, на Украинците им останува да преговараат со Русија“, рече Макрон во интервју за весник во Елисејската палата.Американскиот претседател Доналд Трамп вчера изјави дека Украина ќе биде вклучена во мировните преговори со Русија, иако Киев рече дека би било прерано да се разговара со Москва на безбедносна конференција.

Свет | пред 9 месеци

Француски хирург силувал 299 жени и деца под анестезија - започнува неговото судење

Најголемото судење за злоупотреба на деца во француската историја започнува овој месец во Бретања, при што јавноста беше огорчена што хирург можеше да нападне стотици млади пациенти со децении, чин кој поминуваше неказнето. Тој малтретирал некои додека биле под анестезија, во собата за опоравување по операцијата или во болнички кревети.Франција се соочува со сериозни прашања за неуспесите во заштитата на децата, бидејќи се очекуваат потресни сведоштва од рекорден број наводни жртви на 73-годишниот Жоел Ле Скуарнек, кој работел како хирург. За време на неговата кариера, тој бил вработен во јавни и приватни болници низ Бретања и западна Франција, често оперирајќи деца со апендицитис.И покрај тоа што беше пријавен до француските власти од страна на ФБИ во 2004 година за поседување детска порнографија на т.н. „темна мрежа“ - поради што беше осуден на четиригодишна условна казна во Франција во 2005 година - никогаш не му беше забрането да работи со деца. Покрај тоа, тој продолжи да добива работа во болниците низ целата земја.Доказите што треба да бидат презентирани на судењето вклучуваат рачно напишани тетратки во кои Ле Скуарнек ги опишал злосторствата што ги извршил врз жртвите. Полицијата ги спореди тие белешки со болничките досиеја за да ги идентификува можните жртви, од кои многумина биле под анестезија во моментот на нападот и не знаеле што им се случува. Ле Скуарнек во своите дела се нарекува себеси „егзибиционист, воајер, садист, мазохист, фетишист и педофил“.„И поради тоа сум многу среќен“, напишал тој.Ле Скуарнек е обвинет за силување и сексуален напад на вкупно 299 пациенти – 158 мажи и 141 жена од 1989 до 2014 година. Меѓу нив имало 256 малолетници, а просечната возраст на жртвите била само 11 години.„Бројни жртви биле на операционата маса, под анестезија, во фаза на опоравување по операцијата, седатирани или спиеле, што значи дека не биле свесни што им се случува“, изјави јавниот обвинител на Лориен, Стефан Келенбергер.Најавувајќи го судењето, тој рече дека Ле Скуарнек признал некои од обвиненијата.„Тој го објасни својот начин на работа, неговата намера да дејствува на овој начин и неговите стратегии за прикривање за да избегне откривање. Ле Скуарнек делумно ги призна некои од наводите, додека други ги негираше“ додаде обвинителот.Адвокатката Франческа Сата, која застапува десет жртви, вклучително и семејствата на двајца мажи кои извршиле самоубиство откако дознале што наводно им се случило, рече: „Ова е извонредно судење бидејќи, колку што знам, никогаш никаде во светот немало судење за злоупотреба на деца со толку многу жртви“.Таа додаде дека за многу од жртвите, сега во нивните 30-ти и 40-ти, е поразително да се слушнат извадоци од дневниците на Ле Скуарнек кои наводно се однесуваат на нив кога биле деца.Во 2017 година, соседите во Јонзак, во поморскиот регион Шарант, го пријавиле Ле Скуарнек во полиција. За време на претресот во неговиот дом, полицијата пронашла слики од злоупотреба на деца, тетратки и колекција од кукли скриени под даските. Во 2020 година, Ле Скуарнек беше осуден на 15 години затвор за сексуален напад на четири деца, од кои едното беше пациент. Моментално издржува казна во затвор.Сата рече дека судењето, кое не било јавно, открило „манипулатор, без емпатија или свест за другите, кои ги сметал за сексуални објекти“. Таа додаде дека првпат видела полицаец да плаче поради влијанието на доказите.Второто судење, каде што Ле Скуарнек се соочува со затворска казна до 20 години, ќе покаже како пропаднале правосудниот и здравствениот систем и му овозможиле да продолжи со своите злосторства.„На некој начин, ова е судење на целото општество. Во тоа време во Франција постоеше длабоко вкоренета почит кон истакнатите личности како адвокатите, лекарите и хирурзите. Тие се сметаа за беспрекорни и никој не веруваше дека можат да извршат такви злосторства“, додаде Сата.

Свет | пред 10 месеци

Донел 50 мажи да му ја силуваат сопругата, пресудата за Французинот ќе се изрече утре

Кривичниот суд во Авињон утре ќе ја донесе пресудата за Доминик Пелико и уште 50 други мажи обвинети за повеќегодишно силување на Жизел Пеликот, сопругата на првообвинетиот, која стана позната со својата одлука да го отвори судењето за јавноста со цел да привлече внимание на сексуалните злосторства врз жените на феминизмот низ целиот свет.Во ноември, обвинителот побара максимална затворска казна од 20 години за Доминик Пеликот, кој организирал групни силувања на неговата сопруга Жизела додека бил дрогиран и без свест речиси цела деценија. Пеликот ги снимал силувањата и споделил фотографии и видеа од неговите искуства со сопругата.Според сопственото признание, тој регрутирал силувачи на Интернет. За сообвинетите, 51 од нив, француското обвинителство побара казни од 10 до 18 години затвор.Сега 72-годишната Жизел Пеликот од самиот почеток одби на судење зад затворени врати, наспроти советите на адвокатите на обвинителството и одбраната кои сакаа да избегнат судењето да се претвори во „спектакл“.Одлуката да се отвори судењето и да се разголи Пелисиот ја објасни со следните зборови: „Срамот нека ја смени страната за да можат жените, жртви на силување, да кажат: „ако г-ѓа Пеликот зборуваше јавно, можам и јас“.Со таа одлука случајот привлече големо внимание и го следат 166 акредитирани медиумски куќи, меѓу кои 76 странски. Социјалните мрежи горат, сите имаат свое мислење: политичари, судии, интелектуалци. Покрај дискусиите за злото на сексуалното насилство, се дебатира и за намерното дрогирање на луѓе без нивно знаење, како што е ставањето дрога во пијалоци и прашањето за согласност за сексуален однос.Кога жртвата решила да престане да биде Жизел П. и да стане Жизел Пеликот, нејзините три деца и седумте внуци исто така излегле од анонимност.Поради својата храброст, Жизел Пелико го ужива статусот на муза на феминизмот, но, како што вели: „иако надворешноста е цврста, внатре јас сум руина“.Јавноста и се восхитува, секојдневно добива цвеќе, американскиот печат ја фали поради нејзините очила за сонце и боб фризурата за да наликува на модната икона Ана Винтур, Der Spiegel објави приказна за неа под наслов „Хероина за жените од целиот свет“. , а слични наслови ги красат текстовите на Њујорк Тајмс и другите светски весници. Би-би-си веќе ја вклучи меѓу 100-те највлијателни жени во светот.Сето тоа таа го дочекува дискретно, со едвај видлива насмевка и ги повикува жените „да не молчат“.За тоа време, озлогласениот „шеф на оркестарот“, како што го нарекуваа Доминик Пеликота, останува во сенка. Тој поради неговата здравствена состојба сакаше да избегне судење и накратко беше хоспитализиран, но на крајот седна на обвинителна клупа во судот.Со ноншалантно однесување, 72-годишникот ја кажа својата вистина и рече дека сите 50 сообвинети, на возраст меѓу 27 и 74 години, знаеле дека „неговата сопруга била дрогирана, дека не била свесна што се случува и затоа тоа беше силување“.Кога биле прикажани снимките од силување, тој ја спуштил главата и ги покрил ушите бидејќи не сакал да ги слуша неговите снимени коментари додека неговите „гости“ се забавувале со Жизел. На судењата за силување ретко може да се видат вакви материјали, илјадници фотографии и видеа кои покажуваат низ какви искушенија поминала оваа жена.Претседателот на судот, Роџер Арата, првично одби да го прикаже „шокантниот и вознемирувачки“ материјал на медиумите и јавноста, но на 4 октомври ја смени одлуката, која адвокатите на Жизел Пеликот ја прогласија за „победа“.„Потребна е храброст да се соочиш со реалноста на силувањето“, велат нејзините адвокати.Идната пресуда ќе биде „порака на надеж за жртвите на сексуално насилство“, но и водич во „образованието на нашите синови, бидејќи само преку образованието можеме да поттикнеме промени“, рече заменик-обвинителката Лаура Чабауд.Признавањето на силувањето како кривично дело во Франција во 1978 година се должи на друга, многу позната Жизел - Жизел Халими.Одбраната на обвинетите имаше тешка работа. Беатрис Заваро, наречена „застапник на ѓаволот“ се обиде да прикаже друг Доминик, „добар сопруг, татко и дедо“. Одбраната се обиде да ги прикаже сообвинетите како луѓе кои биле „манипулирани“ од „монструм“.

Свет | пред 11 месец

(Видео) Невремето го опустоши островот: дувал ветер со 200 км/ч и однел покриви, може да има илјада мртви

Околу илјада луѓе загинаа откако циклонот Чидо го погоди островот Мајот во Индискиот Океан.- Има неколку стотици мртви, можеби ќе се приближиме до бројката од 1.000 или уште повеќе илјади, изјави префектот на Мајот, Франсоа-Ксавиер Биевил и истакна дека во моментов е тешко да се знае точниот број на загинати, пренесува Скај њуз.Чидо предизвика голема штета во саботата, при што беа погодени и блиските острови Коморос и Мадагаскар.Метеоролозите од Метео-Франција велат дека ова е најсилната бура што ги погодила островите по повеќе од 90 години. Ветер од 200 км/ч уништил бројни згради и им ги симнал покривите.https://twitter.com/Alerta_Noticias/status/1867944900916048318?ref_src=twsrc%5Etfw#dmid=cbb77a21-e3c3-474c-b6c7-cd9dfa993be7Главниот аеродром и болница беа исто така тешко оштетени, а многу луѓе кои живеат во небезбедни колиби во сиромашните квартови беа во сериозна опасност.Видеата објавени од француската жандармерија покажуваат урнатини од стотици импровизирани куќи.https://twitter.com/Gendarmerie/status/1868279276564562161?ref_src=twsrc%5Etfw#dmid=cbb77a21-e3c3-474c-b6c7-cd9dfa993be7

Свет | пред 11 месец

Француски министер: Настаните во Сирија се зачудувачки пораз за Русија

Франција ќе ја поддржи политичката транзиција во Сирија по падот на Башар ал Асад и во наредните денови ќе испрати специјален дипломатски пратеник во земјата, изјави денеска францускиот министер за надворешни работи Жан Ноел Баро.Сириските бунтовници вчера без отпор го зазедоа главниот град Дамаск по молскавичното напредување што го натера претседателот Асад да побегне во Русија по 13 години граѓанска војна и шест децении автократско владеење на неговото семејство.Настаните во Сирија се неверојатен пораз за Русија, изјави Баро за радиото Франс Инфо, бидејќи Москва сега може да го изгуби пристапот до воените средства што ги има во арапската земја.Молњачкиот воен напредок на бунтовничката алијанса предводена од групата Хајат ал Тахрир ал Шам (ХТС) означи една од најголемите пресвртни точки за регионот во последните генерации.Многу земји, вклучувајќи ги САД, Велика Британија и Турција, и Обединетите нации ја сметаат ХТС за терористичка група, но Велика Британија најави дека овој статус на ХТС може да се промени.

Свет | пред 1 година

Падна Владата во Франција

Опозицијата во францускиот парламент изгласа недоверба на премиерот Мишел Барние и неговиот кабинет.Барние беше премиер само три месеци. Владата падна со поддршка од 331 пратеник, меѓу кои и екстремната десница и левицата. Ова дополнително ја продлабочи политичката криза во земјата.Францускиот претседател Емануел Макрон сега мора да именува нов премиер. Нови избори може да се одржат најрано до јули 2025 година.

Свет | пред 1 година

Францускиот парламент утре најверојатно ќе ја собори владата

Француските парламентарци утре вечер ќе гласаат за доверба на владата и речиси сигурно ќе ја соборат кревката коалиција на Мишел Барние, продлабочувајќи ја политичката криза во втората по големина економија во еврозоната.Тоа ќе биде првата француска влада што ќе биде соборена со гласање доверба во повеќе од 60 години и во време кога земјата се обидува да го ограничи огромниот буџетски дефицит.Расправата е закажана за 16 часот, а гласањето е три часа подоцна, соопштија парламентарните претставници. Францускиот претседател Емануел Макрон, кој е во официјална посета на Саудиска Арабија, истиот ден ќе се врати во Франција.Падот на владата би оставил дупка во срцето на Европа, со оглед на фактот дека и Германија се подготвува за избори, неколку недели пред новоизбраниот американски претседател Доналд Трамп да се врати во Белата куќа.По неколку недели напнатост, политичката криза го достигна својот врв кога Барние, кој беше премиер само три месеци, рече дека ќе се обиде да протурка дел од буџетот за социјално осигурување низ парламентот без гласање, откако не успеа да ја добие поддршката од екстремно десничарската партија Национален собир (РН), политичарката Марина Ле Пен.Групи луѓе се собраа околу него и Ле Пен, која ја поддржуваше малцинската влада, меѓусебно се обвинуваа и рекоа дека направиле се што е во нивна моќ за да постигнат договор за намалување на трошоците и дека се отворени за дијалог. „Неодобрувањето на буџетот за нас е единствениот начин што ни го дава Уставот да ги заштитиме Французите“, им рече Ле Пен на новинарите кога пристигна во парламентот во вторникот.

Свет | пред 1 година

На француската Влада и се заканува пад од власт

Француската Влада е речиси сигурно дека ќе падне во наредните денови, откако екстремно десничарските и левичарските партии најавија дека ќе гласаат за недоверба на премиерот Мишел Барние.Нивниот потег дојде откако Барние рече дека ќе се обиде да го протурка буџетот за социјално осигурување низ Долниот дом на парламентот без гласање, бидејќи неговата последна отстапка не беше доволна за да ја обезбеди поддршката на екстремно десничарската партија Национален собир.Лидерката на Националното собрание Марин Ле Пен изјави дека нејзината партија ќе поднесе сопствена иницијатива за гласање недоверба на владата, но и ќе поддржи секој сличен предлог од други партии. „На Французите им е доста (...) Можеби мислеа дека работите ќе бидат подобри со Мишел Барние, но тие се уште полоши“, рече Ле Пен.Матилда Пано од левичарската партија „Франција неосвоена“ вели: „Соочени со ова негирање на демократијата по којзнае кој пат, ќе гласаме против владата. Живееме во политички хаос поради владата на Мишел Барние и претседателството на Емануел Макрон. "Ако сите претставници на Националното собрание и левицата гласаат за соборување на Барние, владата нема да опстане. Гласањето може да се одржи веќе во среда.Ниту една француска влада не е соборена на ваков начин од 1962 година.

Свет | пред 1 година

Обвинителството побара максимална казна за Французинот кој организирал масовни силувања врз сопругата додека таа била во бесознание

Француската обвинителка денеска побара максимална затворска казна од 20 години за Доминик Пелико, кој ги организирал групните силувања на неговата сопруга речиси една деценија и споделувал фотографии и видеа од силувањата.71-годишниот Пелико ја дрогирал сопругата за да ја изгуби свеста, по што била подложена на масовно силување. Пелико ги призна своите злосторства во судскиот процес што го привлече светското внимание и се претвори во дебата за распространетоста на сексуалните злосторства и насилството во Франција и пошироко.„Максималната затворска казна е 20 години, што е многу, но во исто време и премалку со оглед на тежината на извршените и повторените кривични дела“, рече обвинителката Лоре Шабауд.Повеќето од 50-те други мажи на кои им се суди рекле дека не знаеле дека ја силуваат Жизел Пелико, немале намера да ја силуваат и го обвиниле нејзиниот тогашен сопруг, за кој тврдат дека манипулирал со нив.Обвинителите во следните денови ќе соопштат каква казна бараат за секој од нив. Пресудите се очекуваат околу 20 декември.Жизел Пелико (71) ја одби понудата судењето да се одржи зад затворени врати. Таа побара да излезе во јавноста за да ги охрабри другите жени да зборуваат за сексуалното насилство и да покаже дека жртвите немаат од што да се срамат.На видеата на нејзиниот сопруг, кои беа прикажани во судницата, се гледаат искуствата на обвинетата врз неподвижното тело на Жизел Пелико, која била во бесознание под дејство на дрога.

Свет | пред 1 година

(Видео) Превртени чамци, илјадници без струја, сообраќајот во прекин: најмалку еден загинат во ураганот Кирк што ја погоди Франција

Најмалку едно лице загина кога ураганот Кирк го погоди јужниот дел на Франција, а повеќе од 65.000 домаќинства останаа без струја, јави утринава француската телевизија BFM. Ветерот преврте три чамци во близина на пристаништето Сет, на југот на Франција, при што едно лице загина а еден е во критична состојба.Трите најзагрозени општини се Атлантските Пиринеи, каде 16.000 домаќинства се без струја, Ду, каде 9.500 домаќинства остануваат без струја и Јура, 4.900. Железничкиот сообраќај утрово беше во прекин на неколку локални линии во пет региони поради поплави и дрвја кои паднаа на шините поради ураганот Кирк. Францускиот весник „Фигаро“ објави дека синоќа е забележана голема штета во просториите на Националното собрание. Во делот каде што се наоѓаат пратеничките канцеларии, вода навлегла во дел од просториите, особено во подрумот, јавува Танјуг.

Свет | пред 1 година

Сопругата на „Ѓаволот од Авињон“ му дозволи на судијата да го пушти материјалот во судница: „Јавноста нека види како ме силуваат“

Рожер Арата, француски судија, одлучи дека видеата од силувањето на Жизел Пелико, која сопругот ја дрогирал и силувал 10 години со други мажи, ќе бидат прикажани на суд, што таа самата го одобрила.„Ова е уникатен случај, немаме еден доказ за силување, туку стотици. Жизел смета дека овој шок е неопходен, така што никој од обвинетите не може да каже: „Не знаев дека е силување“, изјави адвокатот Стефан Бабонеу, пишува АП.Жизел (71) стана симбол на борбата против сексуалното насилство во Франција и инсистираше судењето да биде јавно, против предлогот на судот.Мајката на три деца и баба на седум, храбро се откажа од правото на анонимност и јавно го опиша страшното предавство што нејзиниот партнер го извршил во периодот од 2011 до 2020 година.Со помош на својот правен тим, таа побара и снимката да биде прикажана на јавноста, бидејќи сака случајот да послужи како национален пример.Огромното мнозинство од обвинетите ја негираат вината за силување, додека некои од нив дури тврдат дека нејзиниот сопруг ги принудил на секс со Жизел, на што се согласиле бидејќи биле преплашени.Некои од мажите обвинети за силување тврдат дека верувале дека таа се согласила на сексуален однос или дека согласноста на нејзиниот сопруг била доволна за тоа.Адвокатскиот тим посочува дека материјалот е од исклучителна важност во продолжението на судскиот процес и дека тој „говори сам за себе“.Судијата Арата ја смени својата претходна одлука дека снимката ќе се прикажува само во одредени случаи и зад затворени врати. Досега новинарите и јавноста мораа секој пат да ја напуштаат судницата, за време на прикажувањето на видео снимките.

Свет | пред 1 година

Тинејџер бил избоден 50 пати и запален: уште една жртва на војната на нарко клановите во Марсеј

15-годишен тинејџер е брутално убиен во францускиот град Марсеј. Тој бил избоден 50 пати од непознати напаѓачи, а потоа запален. Полицијата верува дека тинејџерот е уште една жртва на нарко војната во градот.Според медиумите, момчето добило наредба од висок член на нарко бандата да оди и да ја запали вратата од станот, во кој живееле членовите на ривалската банда. За тоа му ветиле 2.000 евра.Меѓутоа, неговиот план пропаднал и тој бил откриен. Членовите на ривалската банда потоа го изболе најмалку 50 пати и го запалиле.Ова е 17-та жртва на нарко војната во Марсеј од почетокот на годинава.За споредба, минатата година се евидентирани 49 вакви случаи.

Свет | пред 1 година

Франција испраќа носач на хеликоптери во близина на Либан

Француски носач на хеликоптери ќе пристигне во источниот Медитеран во следните пет или шест дена за да заземе позиција во случај да се донесе одлука за евакуација на странски државјани од Либан, изјави портпаролот на француската војска.Западните земји ги разгледуваат опциите за безбеден транспорт на нивните државјани од Либан доколку таму избие целосна војна, при што Кипар и можеби Турција се споменуваат како можни засолништа за десетици илјади луѓе.Израел соопшти дека денеска избувнале интензивни борби со Хезболах во јужен Либан, откако израелските падобранци и командоси извршиле рации таму на почетокот на копнената инвазија и по смртоносните воздушни напади врз раководството на либанската милиција.Франција, која има 20.000 свои државјани во Либан, вчера го испрати својот носач на хеликоптери Диксмуд на Блискиот Исток од пристаништето Тулон, изјави портпаролот на француската војска.

Свет | пред 1 година

(Видео) Пожар во Франција: 11 лица повредени, меѓу кои и пожарникари

Во пожар, кој избувна во ноќта меѓу неделата и понеделникот во градот Каен-ен-Русијон во департманот Пиринеи-Ориентал на југот на Франција, полесно се повредени најмалку 11 лица, меѓу кои и двајца пожарникари. Според локалните медиуми, пожарот бил ставен под контрола во текот на ноќта, а повеќе од 3.000 кампери биле успешно евакуирани.„Поради силните налети на северни ветрови со брзина до 80 километри на час, пожарот многу брзо се прошири кон туристичкиот камп Мар Естанг, кој се наоѓа на 100 метри јужно од локацијата каде што избувна пожарот“, се вели во соопштението на локалната противпожарна служба, како што објави порталот БФМ ТВ.Како мерка на претпазливост, повеќе од 3.000 кампери беа евакуирани од овој камп и привремено сместени во локалните кафулиња, барови на плажата и во зградата на Домот на културата во Каен-ен-Русијон, а веднаш беа околу стотина пожарникари и 27 амбулантни возила. мобилизирани.Во пожарот уништени се еден камп приколка и една викендичка за туристи, делумно оштетени се шест туристички куќи како и три моторни возила, јавуваат локалните медиуми.

Свет | пред 1 година

(Видео) Само неколку часа пред церемонијата на затворање, во центарот на Париз се одвивала вистинска драма

На само неколку часа пред церемонијата на затворање на Олимписките игри во Париз, вистинска драма се одвиваше во центарот на градот. Еден маж без кошула, подоцна идентификуван како Британец и, според француските медиуми, професионален алпинист, решил да се искачи на Ајфеловата кула висока 300 метри, без никаква опрема.Се движел кон вториот кат од кулата кога бил запрен од полицијата. Тој е приведен поради загрозување на својот живот и на граѓаните. Глетката, пишува британски Телеграф, ги запрепастила туристите кои буквално се слушаат како дишат од грозоморната глетка на различни снимки на социјалните мрежи. За време на целата Олимпијада, Париз беше под опсада на силни полициски сили.Секојдневно на улиците во градот беа распоредени меѓу 35 и 70 илјади различни безбедносни лица, од обезбедување до полиција, па уште понесфатливо е како Британецот успеал да се искачи до вториот кат и да се качи во луда авантура пред некој да го запре.Французите, се разбира, се бесни. „Целосен манијак“, „Вака природата се ослободува од идиотите“, „Забранете му на тој идиот засекогаш да влезе во Франција“, се само дел од коментарите на граѓаните.

Свет | пред 1 година