ГЛАВНИ-ВЕСТИ

(ФОТО) Вевчанци се пошегуваа со платата од 500 евра - започна Вевчанскиот карневал

„Сигурен сум дека ние политичарите ќе бидеме предмет на критика денеска и едвај чекам да видам што имаат подготвено вевчанци и василичарите со своите маски. Денеска сигурен сум дека тука ќе се смеам, ама знам дека вечер сигурно ќе се замислам. И ова е дел од критиката и нормално е власта да биде критикувана. Тоа е демократија и затоа е власта за да биде критикувана, а критиката може да направи само подобра власт“, истакна министерот за информатичко општество и администрација Дамјан Манчевски пред официјалното отворање на Вевчанскиот карневал.Градоначалникот на Вевчани Сашо Јанкоски уште еднаш потсети дека локалната самоуправа не учествува во изборот на маските и оти тие ги дознаваат за време на дефилето.„Ние не учествуваме во изборот на маски, можеме само да апелираме. Немаме увид во што ќе бидат маскирани василичарите“, рече градоначалникот Јанкоски.Вевчанскиот карневал започна синоќа со изложба на уметнички фотографии „Маски и асоцијации“ од авторот Анастас Ќушкоски и настапот на рок групата Културно Уметнички Работници, на култната група Архангел, Галија и диџеј Рутбој.Вечерта пак, во пресрет на дочекот на Новата година по стариот календар, посетителите ќе имаат прилика да слушнат повеќе етно-состави, меѓу кои и Баклава.Утре пак на 14-ти јануари точно на пладне е традиционалното палење на маските.Карневалот во Вевчани е една од најпознатите карневалски манифестации на Балканот со единствена симболика и традиција која се негува повеќе од неверојатни 14 века и кој според своите специфични особини се одвојува од останатите во светот поради неговата архаичност, исконска традиција, таинственост и уникатни маски.

Македонија | пред 7 години

(ВИДЕО) Османи: ДУИ е против предвремени парламентарни избори

Вицепремиерот задолжен за европски прашања, Бујар Османи во своето обраќање ги потенцираше важноста на решавањето на овој повеќедецениски спор за започнувањето на преговорите за членство на Република Македонија во Европската Унија.„Направивме историски успех. Сите ние заедно, политичарите, пратениците, институциите, вие медиумите, граѓаните, Македонците и Албанците, Турците, Ромите, Србите, Власите и Бошњаците, сите граѓани кои ја чувствуваат оваа земја како своја, кои ѝ посакуваат напредок, просперитет, сите оние кои посакуваат стабилна и безбедна иднина за своите деца“, истакна Османи на почетокот од своето обраќање, посочувајќи на извесноста на евроатлантската иднина на земјава по изгласувањето на уставните измени и имплементацијата на Договорот од Преспа.Исто така тој изјави дека ДУИ е против распишување предвремени парламентарни избори кои евентуално би се одржале заедно со претседателските„Доколку има избори ние како партија би имале многу подобри резултати во споредба со 2016 година, но во овој момент најбитно е сите сили да бидат насочени кон реформите за да не се изгуби драгоцено време за евроинтегративните процеси“, изјави Османи

Македонија | пред 7 години

МРТ најави санкции за уредникот на албанската спортска редакција

Македонската радио телевизија најави санкции доколку се утврди прекршување на Етичкиот кодекс кај уредникот на албанската спортска редакција, Мустафа Адеми. Санциите следуваат по бурната реакција на социјалните мрежи во кои тој беше спомнуван дека во преносот од мечот Македонија-Јапонија македонскиот репрезентативец Стојанче Стоилов го насловувал како „играчот со бројот пет“, неизговарајќи му го името и презимето.„Македонската радио телевизија е јавно претпријатие со единствен систем на управување. Согласно тоа сакаме да ја известиме јавноста дека ќе се преземат сите законски мерки за санкционирање на однесувањето на некои наши вработени доколку се утврди прекршување на Етичкиот кодекс на МРТ, внатрешните правилници и законите во Република Македонија. За среќа, се уште живееме во држава во која МРТ е едно јавно претпријатие кое ги обединува сите програмски сервиси. Напоменуваме дека сите изјави на вработени на МРТ се нивен личен став, а не став на МРТ како јавен сервис. Нагласуваме дека уредниците на програмските сервиси имаат целосна слобода и автономија во уредувачката политика, но таа секако треба да биде согласно законите и етичките и професионални стандарди. Јавноста набргу ќе биде известена за преземените мерки од овој инцидент. Исто така, апелираме да не се злоупотребува името на МРТ бидејќи во овој случај точно е лоцирана индивидуалната одговорност.Да и посакаме успех на нашата ракометна репрезентација и да се обединиме во нејзините успеси“, соопштија од МРТ.

Скопје | пред 7 години

Македонија го совлада Бахреин со 28:23

Македонската ракометна репрезентација ја совлада екипата на Бахреин со 5 гола разлика. Македонија имаше одличен старт на натпреварот, поведе со 6-2 но потоа следуваше црн период, дури 11 минути не постигнавме гол, а Бахреин со серија од 5-0 дојде до водство од 7-6.Во продолжението беше изедначено, но во финишот имавме серија од 5-0 и на полувремето заминавме со предност од 12:8.“Одигравме максимално во одбраната, но во нападот бевме послаби. Ако нападот не го подобриме нема да имаме шанса со следниве екипи“, истакна по натпреварот репрезентативецот Филип Талевски.„Подобро игравме во одбрананата, мислам дека Бахреин се мачеше во нападот. Последните 10, 15 мин игравме порелаксирано. Се надевеме дека утре ќе го дадеме најдоброто од нас. Утре е најважниот натпревар за нас. Хрватска е за нијанса посилна. Тие се фаворити, но ќе дадеме се од себе“, вели Филип Лазаров.„Позитвни сме и има добра атмосфера. Хрватите никогаш не биле скромни, знам како тие ќе играат, тие мислат дека со овај начин на подготовка ќе стигнат многу далеку. Но, ќе пробаме и ние ќе го дадеме максимумот, на утрешниот натпревар со Хрватска“, истакна капитенот на македонската репрезентација Кире Лазаров.Следен натпревар на Македонската решрезентација е утре во 18:00 часот, против репрезентацијата на Хрватска. После тоа имаат еден ден одмор.

Спорт | пред 7 години

Заев: Да живее Северна Македонија

На денешната прес-конференција, премиерот Зоран Заев апелираше до опозицијата да не го попречуваат прогресот, со што би се нанела штета на народот, но и на себе си.„Апел до опозицијата барајте да го испорачаме тоа што го ветивме но заборавете на опструкциите и не го попречувајте прогресот, така нанесувате штети на народот, земјата и себе си. Бидете дел од новите поглавја, тука сме политичарите и на власт и во опозиција за граѓаните“, изјави Заев.„Да живее Македонија, да живее Северна Македонија“, рече Заев на крајот на прес-конференцијата.

Македонија | пред 7 години

(ВИДЕО) Градоначалникот на Ѓорче Петров во кафана пее српски хитови, а танчерки му играат до маса

Градоначалникот на Ѓорче Петров запеа српски хитови, а до него играше девојка.Видеото е направено во познат скопски ресторан, со кој општината има договор, а често со службени картици се плаќале сметки, дознава Скопје 1.https://www.facebook.com/skopje1mk/videos/2159166681063229/

Македонија | пред 7 години

Денеска сите во Вевчани - започнува Вевчанскиот карневал

Со традиционалното дефиле под маски, кои на сатиричен начин ќе ги отсликаат случувањата во изминатата година денеска напладне официјално почнува Вевчанскиот карневал „Василичари 2019 година“.Традиционачно од маските први поминуваат зетот, невестата, двата ѓаволи, глупавиот Август, но она што ги прави специфични вевчанци е тоа што ќе го искреираат двете василичарски друштва Горна и Долна маала за остантите маски, а се однесува на случувањата во изминатите 12 месеци.Специфично за овој карневал е тоа што до последен момент, до дефилето не се откриваат маските.Градоначалникот Сашо Јанкоски информира дека патот до Вевчани и улиците низ населбата се чисти и сместувачките капацитети се исполнети.Инаку Вевчанскиот карневал, кој датира од настанокот на Вевчани, со традиција од околу 15 века симболизира два паралелни света, едниот му припаѓа на паганството, а другиот на христијанството. Задолжителни елементи се зетот и невестата кои се симбол на плодноста и продолжувањето на семејството, двата ѓавола, кои се олицетворение на злото и двајцата глупави Августи, кои ги штитат од злото. Со манифестацијата се одбележува христијанскиот празник Св. Василиј Велики или доаѓањето на новата година по стариот, Јулијанскиот календар.

Македонија | пред 7 години

Обичаи за Василица: Зошто верниците ставаат паричка во лепче и палат огнови?

Православните христијани кои се водат според Јулијански календар вечерва ќе ја пречекаат Православната или Старата нова година.На Василица се крши и лепче со паричка и исто така се верува дека на оној кој ќе му се падне паричка ќе биде среќен во текот на целата година.Ставањето паричка во лепче или пита се поврзува со еден настан што се случил во четвртиот век во Кесарија Кападокиска, денешна Мала Азија, поточно Турција.При една посета на императорот Јулијан Отстапник на Кесарија Кападокиска при еден негов поход кон Персија, во Кесарија го пречекува владиката Свети Василиј Велики кој добро го познавал императорот кој бил незнабожец. Свети Василиј сепак сакал да го пречека и му принел леб. Императорот се навредил зашто бил пречекан со леб а не со злато како што прилега за еден император и им наредил на своите војници да соберат трева во полето и да им возвратат на кападокијците со трева како навреда за принесениот леб.По тоа Свети Василиј, по долги молитви им наредил на своите прислужници од неговата митрополија да месат лепчиња или мали пити и во секоја да стават по малку злато.Во спомен на ова чудо што се случува во четвртиот век во Кесарија Кападокиска, денес се става златник во лепче или пита токму на денот кога го славиме Свети Василиј Велики или на први јануари според јулијанскиот календар.Но, на Дочекот на Правослвна Нова Година се палат василичарски огнови, кои се симбол на божествената светлина што, според народное верување, ги брка лошите сили.Инаку, Свети Василиј Велики е еден од тројцата најголеми црковни учители од четвртиот век. Родум бил од Кападокија, а завршил школо во Атина. Тој бил голем христијански филозоф, а се прославил и како епископ и заштитник на чистотата на православното учење. Свети Василиј Велики се упокоил на 14 јануари во 379 година.

Македонија | пред 7 години

За МРТВ 2 Стоилов стана играч со број 5 - кој дозволи мешање на политика во спортот ?

Корисниците на социјалните мрежи реагираат на постапката која ја направил коментаторот на МРТВ2, кога репрезентативецот Столе Стоилов го преставувал како “играчот со број 5”. Реакцијата ви ја пренесуваме во целост:„Дали ќе сноси некој одговорност за ова крајно непрофесионално однесување на државниот телевизиски канал?“, се пишува на соијалните мрежи.За потсетување Стојанче Стоилов е голем противник на последните случувања во државата. По вчерашното гласање за уставните промени тој објави емотивен коментар на својот профил на социјалната мрежа фејсбук, во кој напиша:„Ментално нестабилни сме сите у државава што дозволуваме вака да ни прават !!!Срам да ни е на сите….За мене секогаш ќе биде МАКЕДОНИЈА“ !!!Инаку македонскиот пикер Стоилов е мошне емотивен кога ќе се спомене Македонија и македонскиот идентитет. На крајот од месец декември македонскиот ракометен репрезентативец, Стојанче Стоилов демонстративно си замина од манифестацијата на Агенцијата за млади и Спорт, „Спортист на годината“ затоа што за прв пат годнава на оваа манифестација се боруваше и на албански јазик.

Спорт | пред 7 години

(ФОТО) Оган пред општина Центар

Неколку деца запалија оган пред општина Центар. Во малото паркче наспроти општината се горат картони и се шири чaд.Тие оганот го користат за да се стоплат. Покрај огнот има и две возрасни лица, кои најверојатно се нивни родители.Општината се наоѓа на 20 метри од нив, но никој не реагира. До огнот има и паркирани возила.

Скопје | пред 7 години

Дугин предупредува преку ФБ: „Заев под притисок на ЦИА се припрема да го aпcи Иванов“

Поранешниот советник на рускиот претседател Владимир Путин, Александар Дугин на својот фејсбук профил ги прокоментира последните случувања во Македонија. Тој својот статус го напиша под Итно. Дугин пишува дека набрзо во Македонија се спрема државен удар на кој мета ќе биде претседателот на државата кој под притисок од ЦИА, Зоран Заев ќе мора да го aпcи.-Итно: Набрзо се спрема државен удар во Македонија. Заев под притисок на ЦИА се припрема да го aпcи Иванов.Потсетуваме дека Дугин е човекот кој го предупреди и турскиот претседател Реџеп Таип Ердоган дека во Турција се спрема воен удар со цел негово соборување, во организација на Фетула Ѓулен и ЦИА.Инаку Александар Дугин и Леонид Савин последно во Македонија беа на 4 март 2018 год. На прашањето: Дали Македонија има избор. Дали може народот сам да одлучи сака ли членство во ЕУ И НАТО или евроазиската унија? нивниот став беше:Избор има секако, но тој избор мора да го донесе самиот Македонски народ и тоа не е наше решение, не е решение на Русија туку само сопствено решение на Македонскиот народ. Ние го знаеме фактот дека Македонија која исто како и Србија се наоѓа под огромен притисок од западот , поточно од ЕУ и САД. По наше гледање доколку постои организација за меѓународно право, секој народ треба да има свое право да го избере својот пат, да си одлучи со кого ќе соработува и никој не смее да прави притисок како тие ќе се одлучат и на која страна ќе се приклонат.

Македонија | пред 7 години

(ФОТО) Нуркачите го исчистија делот каде ќе се фрла светиот крст

Во пресрет на христијанскиот празник Богојавление - Водици членови од нуркачкиот центар Амфора и клубот за подводни дејности Охрид, извршија чистење на дното на езерото каде ќе се фрла чесниот крст.„Основната цел е безбедноста на капачите и намалување на ризикот од повреди“, велат од Амфора и клубот за подводни дејности Охрид.

Македонија | пред 7 години

Мицкоски: Заев да не мисли дека молам бога да не ги добијам изборите и во понеделник да го распушти Собранието

Мицкоски на денешнате прес-конференција го повика премиерот Зоран Заев уште во понеделник да се распушти Собранието и да се формира техничка влада, па заедно со претседателските избори да се одржат и вонредни парламентарни.„Денес од засрамениот Заев слушнавме две тези: дека се крие позади одлуките на партијата и позади анкетите кои покажувале сигурно водство и дека на секој политичар добредојдени ќе му бидат нови 4 години мандат. Но вистината е следна, ако е така ајде во понеделник да го распуштиме Собранието и да организираме фер изборен циклус и заедно со претседателските избори да одржиме вонреди парламентарни избори во Македонија. Па да видиме дали Зоран Заев ќе победи или народот заедно со ВМРО-ДПМНЕ и коалицијата за подобра Македонија ќе победи на тие избори“, изјави Мицкоски.Исто така тој изјави дека не се плаши и ја користи оваа прилика да го повика да не мисли дека моли бога да не ги добие изборите.„Еве веднаш одлучно му велам ајде да го распуштиме парламентот имате доволно време во органите на партијата да донесете одлука. Има доволно време да се подготват тие избори, да се формира техничка влада и заедно со претседателските избори да имаме вонредни парламентарни избори. И тогаш да видиме дали Зоран Заев ја ужива довербата или онаа вистинската анкета ќе му ја испорачаат граѓаните на Македонија. Не бараме избори затоа што сакаме ние да бидеме на влст, туку Македонија да престане да губи и Зоран Заев да ја напушти политичката сцена во Македонија“, вели Мицкоски.

Македонија | пред 7 години

(ФОТО) Повик за ликвидација на Заев

На Фејсбук страницата „Зоран Заев Предвник број 1“ се појави фотографија на која над главата на Заев виси бесилка. На страницата во тек е кампања и повик за негова ликвидација. Овие фотографии се споделуваат од страна на интелектуалци и професори кои се против актуелната власт.Покрај оваа, постојат и други страници на кои се шири омраза и на истите секој може да напише што сака, без притоа некој да го контролира тоа.

Македонија | пред 7 години

Нема фотографија

Заев: Сите знаат, а знае и Мицкоски дека тоа што го бара моли бога да не се случи

На прашањето дали ќе го прифатат предлогот на Мицкоски за вонредни парламентарни избори заедно со претседателските, тој изјави дека заедно со највисоките органи и тела на СДСМ ќе го отворат ова прашање.„Македонија треба да го искористи ова пред се за економијата и реформите. Сите знаат, а знае и Мицкоски дека тоа што го бара моли бога да не се случи, но бара првиот човек на опозцијата, затоа ќе размислиме. СДСМ заедно со своите највисоки органи и тела најборзо можно ќе го отвори ова прашање, следуваат претседателски избори и е вредно за размислување. На Македонија и треба отворена врата за да може да напредува. Ш том ќе донесеме одлука тоа ќе го соопштиме“, изјави Заев.Тој додаде дека политички за СДСМ и останатите партии е посакувано да има избори бидејќи тоа е можност за нови 4 години власт. 

Македонија | пред 7 години

Заев: Фала богу не е потребен потпис од Иванов за вчерашните одлуки во Собранието

Премиерот Зоран Заев на денешната прес-конференција рече дека не е потребен потписот на Претседателот на државата, Ѓорѓе Иванов.„Фала богу не е потребен потпис од Иванов. Вчера парламентот донесе одлука за прогласување на амадманите и законите и за нив не треба потпис од Иванов. Тие веднаш ќе излезат во службен весник“, изјави Заев. 

Македонија | пред 7 години

(ВИДЕО) Приведени браќата од „Пука козметика“ на синоќешниот протест пред Собранието

Раперот Жарко Масларковски од дуото „Пука козметика“ синоќа бил приведен на протестот пред македонското Собрание. Видео од привеувњето синоќа објави својот Фејсбук профил неговиот брат Дарко.Приведувањето се случило додека Дарко имал обраќање во живо и покажува како најпрвин неговиот брат е легнат на улицата пред Собранието и потоа со лисици на рацете е внесен во комбе. На снимката може да се слушне и дека тој обвинува еден од полицајците дека го удрил.https://www.facebook.com/puka.kozmetika.3/videos/10156111860523367/Од МВР велат дека приведените нападнале полицец:„На 11.01.2019 година околу 21,20 часот на улицата “Димитрие Чуповски“ во близина на Порта Македонија, едно непознато лице физички нападнало полициски службеник. Лицето било приведено, но пред да биде внесено во службено возило дошло друго лице, кое исто така физички нападнало полициски службеник. Двете лица се приведени во Полициската станица Центар и било утврдено дека станува збор за Д.М.(35) и Ж.М.(35) од Скопје. По документирање на случајот, ќе бидат поднесени соодветни поднесоци“, соопштија од МВР.

Скопје | пред 7 години

Дурловски: После ова ќе се обединиме сите посилни и сплотени во ИДЕЈАТА ЗА МАКЕДОНИЈА!

Откако 81 пратеник кренаа два прста и Македонија стана Северна, на својот фејсбук профил се огласи Игор Дурловски. Тој напиша:„После оваа агонија, смртта ќе ги одвои телото и духот на татковината. Телото ќе се распаѓа, а духот ќе стане #светлина. Ќе се обединиме сите кои живееме во верба и надеж, посилни и сплотени во ИДЕЈАТА ЗА МАКЕДОНИЈА!“Инаку оперскиот пеач Игор Дурловски не прифати амнестија, тука рече дека ќе ја докажува својата невиност.Во моментот кога му беше понудена амнестија неговата првата реакција, во замена гласање за договопрот со Грција за северна МАкедонија тој напиша:„Подарена слобода на неправедно обвинетиот, прифатена како милост од ,,горе”, ќе биде претежок товар врз плеќите на еден родител, пријател, Македонец, кој цел живот се бори токму за една ВИСТИНСКА…СЛОБОДА!“

Македонија | пред 7 години

Нема фотографија

Сончево време со мала до умерена облачност

Денес времето ќе биде сончево со мала до умерена облачност. Во утринските и претпладневните часови по котлините со појава на магла. Ќе дува слаб до умерен умерен северозападен ветер, особено долж Повардарието. Утринската температура на целата територија на државата ќе биде под нулата, а во одредени места ќе достигне и до -14 степени, додека дневната ќе се движи од -5 до 4 степени.Во Скопје не очекува сончево време со мала до умерена облачност и температура од -8 до -2 степени.Во недела попладне облачноста ќе се зголемува, а во понеделник во текот на денот ќе има нови врнежи од снег со слаб до умерен интензитет. Во вторник ќе дува умерен до засилен северен ветер.

Македонија | пред 7 години

(ФОТО) Заев, Џафери, Ахмети и останатите слават за Северна Македонија

По завршивањето на собраниската седница прослава за успешно завршената работа.Инаку со 81 глас „за“ вечерва беа изгласaни амандманите за промена на Уставот. Со тоа од македонска страна нема пречка за имплементација на Договорот од Преспа. Сега следува негово гласање во грчкиот парламент.

Македонија | пред 7 години

(ФОТО) Министерот Филипче ја вакцинира својата внука со игла со капаче

Веќе одреден период Министерството за здравство преку прес-конференции и кампањи на социјалните мрежи повикува родителите да ги вакцинираат своите деца со вакцината МРП.Министерот за здравство, Венко Филипче пред неколку дена на Фејсбук објави дека ја вакцинирал внуката Илина, во обид да ја охрабри македонската јавност, а особено скептиците и заговорниците против имунизацијата.„Единствено добро што родителите можат да направат за своите деца е да им овозможат добро здравје, грижа и многу љубов. Утрово, во амбулантата Млин Балкан ја вакциниравме мојата внука Илина. Вакцините се безбедни, ефикасни и нѐ заштитуваат од разни болести“, напиша Филипче на Фејсбук.Но, денес на социјалните мрежи се појави истата фотографија од блиску, па многумина ја наметнаа идејата дека всушност станува збор за игла со капаче.  

Македонија | пред 7 години

(ВМРО) Мицкоски: ВМРО-ДПМНЕ бара распуштање на парламентот и одржување на вонредни избори заедно со претседателските

„Денес ИК  на ВМРО-ДПМНЕ заедно со пратеничката група беше во постојано заседавање и ги донесе следните заклучоци:ВМРО-ДПМНЕ не ја подржува промената на Уставот со цел промена на името, идентитетот, културата и историјата и тој став е непроменет и се темели на партиската идеологија и е базиран на одлуката на народот потврдена на референдумите на 8 септември 1991 и 30 септември 2018.ВМРО-ДПМНЕ смета дека промената на Уставот со цел промена на уставното име, промената на идентитетот, кутурата и историјата се направи на насилен и криминален начин по пат на притисоци закани и пазарење. Одлуката за промена на името е одлука на 81 пратеник, не е одлука на Македонските граѓани. Со ова се суспендира волјата на граѓаните. Ова е чин на предавство.Со овој договор се нанесува штета на македонската држава. ВМРО-ДПМНЕ ќе стори се што е во негова моќ оваа неправда да биде исправенаДенес се покажа дека Македонија со Заев губи и доколку овие луѓе од СДСМ останат на власт Македонија ќе продлжи да губи и на ова и на сите други полиња. Ова мора да престане да се промени, а ќе се промени доколку овие луѓе си заминат од власт. Поради ова ВМРО-ДПМНЕ бара распуштање на парламентот и одржување на вонредни избори заедно со претседателските.Почитувани граѓани, вие давате и земате власт затоа избори се потребни на кои народот ке има глас да каже каква Македонија сака: Северна Македонија на Зоран Заев или Македонија на народот .Овие црнила на Заев ќе бидат поразени, а Македонија ќе победи и зората ќе изгрее“, изјави Мицкоски на денешната прес-конференција. 

Македонија | пред 7 години

Со 81 глас “за” изгласани сите амандмани кои произлегуваат од договорот од Преспа

Пратениците со 81 глас “за” донесоја одлука за прогласување на сите амандмани кои произлегуваат од договорот од Преспа. Тие ги изгласаа уставните измени, кои ќе бидат составен дел од Уставот.Амандманите 33, 34,35 и 36 влегуваат во сила.Пратениците го прифатија и видоизменетиот амандман за дијаспората, еден од предлог амандманите кој беше пречка на сопнување во преговорите помеѓу Заев и Касими. Прифатениот амандман гласи: „Републиката се грижи за дијаспората на македонскиот народ , албанскиот, турскиот…“Премиерот Заев рече дека со вака видоизменет амандман се праќа порака дека државата се грижи за сите во дијаспората.Гласањето беше обезбедено по неколку дневно натегање и политички договарања меѓу лидерите на СДСМ и на БЕСА, кои условуваа со четири нивни барања.На гласањето не присуствуваше најголемата опозициска партија ВМРО-ДПМНЕ, која го напушти  законодавниот дом поради како што рекоа нема да учествуваат во договор кој што ја разнебитувал Македонија.

Македонија | пред 7 години

Заев и Касами се договорија - барања на Беса ќе бидат вградени во закони, а не во Уставот

Постигнат договор со Беса на Касами, вели Костадин Костадинов, пратеник од СДСМ.Тој не открива како е дојдено до компромис и најави соопштение. Исто така Костадинов демантираше дека се врши притисок врз пратениците. Се уште нема информации кога ќе почне седницата која во текот на денот се одложува.Неофицијално компромисот ќе биде интервенција со актуелната формулација за државјанството коешто стои во документите на албански јазик во уставниот закон. Договорот е барања на Беса да бидат вградени во закони, а не во Уставот.

Македонија | пред 7 години

Инцидент или провокација?Откриен идентитетот на девојката која била турната на протестот

Ангелина Заркова од Штип студент на унверзитетот Св. Кирил и Методиј е девојката која дали е „жртва“ или сакаша да направи „инцидент“ на денешниот протест.Имено на денешниот протест пред собранието Заркова се качила на бината и викана „Јас сум за Нато“, ова изреволтирало некои од демонтрантите, по што ја истуркале од бината.Инаку во моментов пред Законодавниот дом се одржува протестот на „Македонија блокира“. Граѓаните кои се против промената на уставното име веќе трети ден паралелно со 75-тата собраниска седница на чии дневен ред се токму уставните измени, се собираат пред Собранието.

Скопје | пред 7 години