ГЛАВНИ-ВЕСТИ

На патот Стење-Царев Двор, ресенско, запленети околу 23 килограми марихуана

На 19.05.2019 околу 22.00 часот на патот с.Стење-Царев Двор, во близина на с.Козјак, ресенско, по добиени оперативни сознанија, полициски службеници од СВР Битола ги затекнале лицата Б.Г(46) и В.А(56), двајцата од Република Албанија, со живеалиште во Охрид, со товарно возило „Мерцедес Вито” со бугарски регистарски ознаки и едно лице кое управувало патничко возило „Мерцедес“. Лицето со патничкото возило побегнало од местото, при што во близина на с.Долна Бела Црква од возилото фрлило две торби со околу 23 килограми марихуана. Б.Г. и В.А. биле приведени и задржани во полициска станица и по целосно расчистување на случајот против нив ќе биде поднесена соодветна пријава.Товарното возило „Мерцедес Вито“, торбите со марихуана и други предмети биле одземени за понатамошна постапка. Се преземаат мерки за пронаоѓање на третото лице и патничкото возило и за целосно расчистување на случајот.

Македонија | пред 6 години

Денес протест во Охрид против минарето на Алипашината џамија

Здружението на граѓани „Совест“ денес во 16 часот ќе одржи протест на улицата Димитар Влахов во Охрид, пpoтив диватa градба на 32 метри високото минape во центарот на Охрид.„Ве известуваме дека на ден Понеделник, 20 мај во 16.00 часот пред зградата на Општина Охрид на улица Димитар Влахов ќе се организира мирен протест по повод незаконско градење на Алипашина џамија. Очекуваме ваша силна подршка и обавезно присуство.За Охрид до крај!!!“, се вели во соопштението.

Македонија | пред 6 години

ЕКСКЛУЗИВНО: Ванеса Меј ќе го отвори Охридско лето

Атрактивната и популарна виолинистка  Ванеса Меј Венкорн Николсон професионално позната како Ванеса Меј, ќе го отвори фестивалот Охридско лето, дознава Скопје 1 од извори во министерството за култура.За денеска е закажана пресс конференција каде  управата на фестивалот треба да ги соопшти деталите за спектакуларниот настап на Меј.Британска мега популарна виолинистка  некогаш била нарекувана како “Чудо од дете”, а сега е една од најпознатите виолинистки на сите времиња. Позната е по спојот на техно и класичниот стил во своите изведби. Уште на свои 16 години ги поместува музичките граници кога го објавува албумот “Violin Player” формирајќи необичен микс на џез, поп и техно звук, но се издвојува и по нејзините сценски настапи и необичен изглед. Албумот веднаш по објавувањето се нашол на Топ листите во над 20 земји од светот. Првиот солистички концерт го има кога има само 9 години, а на 10 веќе настапува со симфониски концерт. До нејзините 13 години веќе објавува 3 албуми. Запишана е во Гинисовата книга на рекорди како најмладиот инструменталист кој изведува виолиниски концерти на Бетовен и Чајковски.Особено остава впечаток со нејзината изведба на “Toccata and Fugue” на Јохан Себастијан Бах во Д Мол, која е копирана низ целиот свет. Ванеса е првиот изведувач на класичен инструмент кој бил номиниран за престижните BRIT awards за номинацијата “Најдобар женски изведувач”.Во 2006 година e рангирана како една од најбогатите млади изведувачи со заработка од над 32 милиони фунти од концерти и продажба на 10 милиони албуми ширум светот, што е вистинска реткост за еден виолинист.На своите концерти Ванеса свири на два типа виолини, и тоа, класичен модел на Guadagnini од 1961 чија вредност се проценува на 150 илјади фунти и електрична виолина Zeta Јеzz, со чија комбинација приредува едно незаборавно уживање на публиката насекаде низ светот.

Македонија | пред 6 години

Горан Трајковски се повлекува од Дирекцијата за заштита на личните податоци – поднесе оставка

Горан Трајковски поднесе оставка од директорската функција во Дирекцијата за заштита на личните податоци. Трајковски во оставката, која во Собранието е доставена во петокот, пишува дека од лични причини си оди од ДЗЛП, објави Плусинфо.Тој за Плусинфо не сакаше да открие детали зошто година и пол пред да му истече мандатот во ДЗЛП ја напушта функцијата. На наше прашање дали ќе оди на друга функција, Трајковски вели:– Да почекаме да заврши ова, па ќе видиме.Трајковски во времето на владеењето на Груевски беше и директор на Управата за јавни приходи, а во Дирекцијата за заштита на личните податоци е од 2016 година. Текстот во целост на Плусинфо. 

Македонија | пред 6 години

Тамара и тимот се вратија дома: Среќна сум што ве направив горди

Тамара Тодевска и нејзиниот тим на полноќ се вратија дома. На скопскиот аеродром ја пречекаа семејството, сопругот  и ќеркичка Хана, како и фановите. Таа по пристигнувањето од Тел Авив , каде го освои осмото место , изјави дека е пресреќна .,,Очекувавме повеќе , но среќна сум што ве направив горди.”-Како се редеа дванаесетките се гледавме меѓу себе и си викавме „што направивме“. Беше неизвесно. Криво ми е за тие два бода, поради што првото место од жири го испуштивме. Но не е битно, никој не доминираше повеќе од нас на оваа Евровизија. 45 мин бевме први, секој три минути не покажуваа нас, се осеќаме како победници – рече Тамара.Се фотографираше со сите, а потоа кратко се обрати и кажа дека нејзиниот резултат на годинешниот Евросонг, кој впрочем е и најдобар резултат на земјата откако учествува на изборот за песна, е резултат на тимската работа и добрата подготовка во целиот тој период.Поради силниот јужен ветар авионот со Тамара и нејзиниот тим доцнеше повеќе од три часа. Тамара и се заблагодари и на своите фанови на фејсбук .Тамара Тодевска со песната „Proud“ го освои осмото место во Тел Авив, Израел, што е најдобар  пласман за Македонија, откако се натпреварува на „Евровизија“ од 1998 година. 

Македонија | пред 6 години

Денес во Вила Водно средба меѓу Пендаровски и Џафери

Претседателот  Стево Пендаровски денес ќе се сретне со претседателот на парламентот Талат Џафери. Оваа средба е значајна затоа што Пендаровски и Ахмети треба да разменат мислење за непотпишаните закони што на Пендаровски ги наследи од Иванов. На овие закони, покрај потписот на Џафери, треба да стои и потпис од шефот на државата.Инаку како што е познато, Пендаровски веднаш штом ја превзеде функцијата ги потпиша законите што беа донесени со двотретинско мнозинство и кои се дел од реформите во правосудството.Пендаровски минатата седмица ја имаше првата средба со премиерот Зоран Заев.

Македонија | пред 6 години

Се комплетира новиот кабинет на претседателот, Пендаровски има секојдневни работни средби, утре ќе се сретне со Џафери

Претседателот  Стево Пендаровски утре ќе се сретне  со претседателот на парламентот Талат Џафери. Оваа средба е значајна затоа што Пендаровски и Ахмети треба да разменат мислење за непотпишаните закони што на Пендаровски ги наследи од Иванов. На овие закони, покрај потписот на Џафери, треба да стои и потпис од шефот на државата.Инаку како што е познато Пендаровски веднаш штом ја превзеде функцијата ги потпиша законите што беа донесени со двотретинско мнозинство и кои се дел од реформите во правосудството.За оваа седмица новиот претседател  најави дека ќе потпише нова тура закони што беа донесени во трето читање откако Иванов ги врати еднаш кај пратениците.Инаку веќе се комплетира новиот кабинет на претседателот. Дознаваме дека веќе се поставени кадровските основи на  претседателскиот кабинет.Генерален секретар на претседателската служба е досегашниот владин портпарол Миле Бошњаковски. Еден од посебните советници на Пендаровски ќе биде директорот на инсититутот Прогрес – Тоше Зафиров. Тој ќе го советува Пендаровски за внатрешна политика.Што се однесува на односите со јавност на шефот на државата ќе ги води поранешната новинарка Катерина Цаневска. Професорот пак по вовед во право Александар Спасов ќе биде надворешен соработник за стручни, научни мислења и совети. 

Македонија | пред 6 години

(ВИДЕО) Силно невреме и град со големина на лешник во Србија

Прогнозите на метеоролозите се остваруваат и најавеното невреме за вечерва и ноќта почна во одделни делови на Србија, јавуваат српските медиуми.https://twitter.com/CyberSilverWolf/status/1130166348926136320?ref_src=twsrc%5Etfw%7Ctwcamp%5Etweetembed%7Ctwterm%5E1130166348926136320&ref_url=https%3A%2F%2Fwww.mkd.mk%2Fsvet%2Fvesti%2Fstrashno-nevreme-vo-srbija-pagja-grad-so-golemina-na-leshnici-fotovideoВо Ивањица град паѓал околу дваесетина минути, а силни врнежи и град со големина на лешници околу 19 часот го погодиле Чачак и направиле штета во околните села.https://twitter.com/Barboss80178210/status/1130170418588004353?ref_src=twsrc%5Etfw%7Ctwcamp%5Etweetembed%7Ctwterm%5E1130170418588004353&ref_url=https%3A%2F%2Fwww.mkd.mk%2Fsvet%2Fvesti%2Fstrashno-nevreme-vo-srbija-pagja-grad-so-golemina-na-leshnici-fotovideohttps://twitter.com/ilovezr/status/1130174586962817025?ref_src=twsrc%5Etfw%7Ctwcamp%5Etweetembed%7Ctwterm%5E1130174586962817025&ref_url=https%3A%2F%2Fwww.mkd.mk%2Fsvet%2Fvesti%2Fstrashno-nevreme-vo-srbija-pagja-grad-so-golemina-na-leshnici-fotovideohttps://twitter.com/n2vesti/status/1130166249600704513?ref_src=twsrc%5Etfw%7Ctwcamp%5Etweetembed%7Ctwterm%5E1130166249600704513&ref_url=https%3A%2F%2Fwww.mkd.mk%2Fsvet%2Fvesti%2Fstrashno-nevreme-vo-srbija-pagja-grad-so-golemina-na-leshnici-fotovideo

Свет | пред 6 години

Героски за директорот на Зоолошка: Човеков е за метла под итно!

Новинарот Бранко Героски по скандалот и навредите кои ги упати директорот на зоолошката градина Скопје до дијаспората по повод Евровизија, сподели статус на социјалните мрежи и упати жестоки критики до актуелниот директор.„Директорот на Зоолошка имал долга историја на неконтролирани испади. Еве еден пример за тоа. Колку и да бул успешен менаџер (како што велат некои), човеков е за метла под итно.“Гнасиве” смеат ли да доаѓаат во Зоолошка, кога навраќаат во татковината? И смеат ли да праќаат пари во Македонија за своите најблиски?Другарки и другари, вакви ли “фраери” ставате за директори? Не ви е ли срам? Утре ќе сакате за вас да се гласа заради вакви кадри?Не сте свесни колку сте забраздиле…“, напиша Героски.

Македонија | пред 6 години

Ременски им помогна на малолетни играорци да не останат цела вечер на пат

Потпреседателката на Собранието, Фросина Ташевска Ременски им помогна на малолетни играорци кои останаа на полноќ на патот Плетвар-Кавадарци, бидејќи им се расипалo комбето. Во целост ви го споделуваме Фејсбук статусот на Мартин Цветковски, кој ја раскажува целата ситуација.„Би сакал да споделам една ситуација, што се случи синојќа, ситуација која што за негде е вообичаено и нормално нешто, но за негде е редок исклучок ,па чувствувам потреба вака да ја доловам…По враќањето од концертот на играорците во Битола, негде после полноќ ( 00:15), комбето погоди огромна дупка ( би ја нарекол озонска ), при што настана дефект, на релацијата Плетвар-Кавадарци.Црна темница, остри кривини, планински предел,шума, прст пред око не се гледа, инсект не се слуша…а како шлаг на сето тоа, помислата што се се случува во секојдневие… остануваме заглавени повеќето малолетни-играорци, неколку со штотуку наполнети 18 години, и јас и колегата како нивни одговорни…Додека возачот ( кој беше доста присебен ), пробуваше да го поправи комбето( нешто со моторот ) , а колегата остана со децата… со блиц се обидував да сигнализирам на возилата кои поминуваа одвреме навреме, да застане некој и на некаков начин да ни помогне… но за возврат ( типично ) само блендираа,или пак не не регистрираа…Откако се откажав од таа намера, и се вратив кај децата ако ништо друго барем да се подружиме и насмевнеме малку, самоволно застанува црно возило “Пасат”… Возачот – маж, а од страната на совозачот, гледам жена позната од јавноста… неможев да се сетам во моментот која беше…Ми вика:– Што е проблемот дечко?– Удривме дупка, имаме проблем со моторот не работи комбето – велам.– Кој има во комбето ? – ми вели…– Деца, играорци, бевме на концерт во Битола, и се враќаме за Скопје… јас сум им наставник…Му се обрати на возачот – Паркирај се тука…Се јави негде на телефон …„Ацко, на релација Плетвар – Кавадарци, има деца играорци, им се расипало комбето, по кратки ракави се, ладно е ќе измрзнат, жива темница е тука, прати одма автобус или комбе да ги земе да ги однесе до Скопје, јас ќе го регулирам тоа“.Ми се обраќа – Дечко, имате автобус од Прилеп, ќе пристигне за 15-20 минути… ќе почекамe со вас малку да не бидете сами…Излегоа и дел од дечињата, се израдуваа, не бевме сами повеќе, си помуабетивме, атмосферата се релаксираше па малку се присетив …И велам на жената – Вие сте министер, ако не се лажам…– Бев, повеќе не сум, сега сум Потпретседател на Собрание…– Ааа да да, сега ми текна, Фросина се викате…– Да не треба да однесам некого, побрзо до Скопје со мене?– Ако не ви е проблем, да, имаме 3 деца мораат што побрзо да стигнат дома…– Секако, нема проблем, ајде.– Ви благодарам многу, незнам како да ви се оддолжиме…– Еве ви мој број и чекам да ме поканите да присуствувам на ваш концерт.Ги зема дечињата, ги однесе до Скопје, а за кратко се обезбедивме и ние останатите и пристигнавме во Скопје некаде околу 03:00 часот по полноќ…Не ме интересира дали е функционер дома или на работа, таа синојќа беше човек кон нас… нè одминаа неколку луѓе со возила (можеби фукционери, можеби не), но ниту еден не беше човек да застане…Ви благодарам од срце вака јавно, во лично и име на сите присутни играорци“, пишува Цветковски.

Македонија | пред 6 години

Директорот на Зоолошка до дијаспората: Рмбаjте под туѓо сонце и никад да не се вратите

Директорот на Зоолошката градина, Ѓорѓи Галетановски, на својот профил на „Фејсбук“ се осврна на синоќешното гласање на Евровизија, упатувајќи навреда кон иселениците кои не ја поддржале со гласови македонската претставничка Тамара Тодевска.„Што да очекуваш од луѓе што продале се и избегале од родна земја? Каква срамота…ццц. Фиром не им сметало, за северна не гласале за Тамара. А бе одземи им и пасоши и право на глас. Гнаси. Рмбаjте под туѓо сонце и плукајте по се што вреди. Никад да не се вратите“, напиша Галетановски на „Фејсбук“.

Македонија | пред 6 години

Нова мобилна апликација за промоција на Скопската чаршија

Посетителите на стариот дел од Скопје – Чаршијата преку новата мобилната апликација „Скопските скапоцени камења“ (Skopje Gems),  ќе имаат можност ова место да го доживеат на нов начин.Апликацијата е бесплатна за посетителите, достапна на 10 јазици, а нејзината главна цел е да се промовира културниот туризам и нематеријалното културно наследство на скопскиот стар град, односно чаршијата.Таа нуди седум туристички рути низ Чаршијата и водич до врата на сопствениците на продавниците со стари занаети, вкусна храна, како и до музеите, религиските обележја и историските места во стариот град. 

Магазин | пред 6 години

7-годишно дете се бори за живот откако било удрено од автомобил

На 18.05.2019 година во 20.35 часот кај мостот во с.Љубош кон с.Батинци, скопско, патничко возило „Нисан Навара“ со италијански национални ознаки, управувано од Т.С.(32) од с.Црни Врв, скопско, удрило во седумгодишно момче од с.Цветово, скопско.Детето се здобило со тешки телесни повреди и било пренесено во Ургентен центар при комплексот клиники „Мајка Тереза“ во Скопје, каде му била укажана лекарска помош и било задржано на понатамошно лекување и се наоѓа во животна опасност.Увид на местото извршила екипа од СВР Скопје.

Скопје | пред 6 години

(ФОТО) Еве како гласаше публиката за Тамара

Иако „Proud“ беше еден од фаворитите, сепак Тамара Тодевска ја изгуби водечката позиција по распоредување на гласовите од телевотингот. Таа доби 58 поени преку гласањето на публиката од другите држави.Од листата се гледа дека од телевотингот има поени од 11 земји, од кои само од Србија и Словенија по 12 поени, од Хрватска 7 и од Албанија и Црна Гора 6 поени. 

Магазин | пред 6 години

„Прв до врв” денес на Водно

Седмото издание на најголемиот планински спортски настан во регионот „Прв до врв” ќе се одржи денеска на Водно.– Омилениот настан на скопјани и оваа година во програмата ги има трките во планинско трчање, планински велосипедизам, друмски велосипедизам, тим-билдинг трка за компании, како и традиционалниот пикник на целта кај врвот, по завршувањето на трките на кој е пред-видена музичка програма и церемонија на прогласување на победниците, соопшти Здружението за спорт и рекреација „Прв до врв”.Од Здружението наведоа дека оваа година се очекува на учествуваат над две илјади натпреварувачи со најголем број на учесници од странство до сега.

Скопје | пред 6 години

Заев до Тамара: Ни донесовте единство преку музиката

Тамара Тодевска со својот настап на Евровизија и песната „Proud“ („Горда“) го освои осмото место, што е највисокиот пласман за нас во историјата на ова натпреварувње.По тој повод, на својот фејсбук-профил честитка упати и премиерот Зоран Заев кој напиша дека одамна не сме биле толку горди.„Честитки Тамара, честитки #TeamTamara. Скапоцени се овие моменти на единство кои ни ги донесовте преку музиката. Одамна не сме биле олку горди! #Proud“, напиша премиерот во кратката објава.

Магазин | пред 6 години

Холандија победи на Евровизија, Тамара на осмо место

Македонија го освои осмото место, а победник на годинашниот Евросонг што се одржа во Тел Авив, е Данкан Лоренс од Холандија со песната Arcade.Нашата претставничка Тамара Тодевска со песната Proud досега го освои најдобриот пласман. Додека течеше гласањето, Тамара долго време беше во водство, но сепак гласовите од публиката не симнаа подолу на листата.Во финалето на 64. Евровизија се натпреваруваа 26 земји. За победникот одлучуваа гласовите на стручното жири и од телевоутингот од сите 41 земја учесничка, а се доделуваа по принципот 50-50. Од жирито најмногу гласови доби Шведска – 239, втора беше Македонија – 237, а трета беше Холандија со 231 глас.Од Грција, Македонија доби само еден поен, а 12-ки ни дадоа повеќе земји како Албанија, Србија, Италија, Австрија, Велика Британија, Молдавија и Швајцарија.

Магазин | пред 6 години

Се одобруваат 150 000 за Евровизија, а нема 30 000 за лекување на двајца млади дечки

Граѓаните на социјалните мрежи реагираат во врска со парите кои се одвоени за Евровизија, а фондот за здравство не одобрил 30 000 евра за лекување на две лица.„Одобрени 150 000 евра за Тамара за Евровизија, па сите горди, во финале сме биле. Океј, така си е...Ќе се гордееме, ќе слушне светот за Македонија. Ќе кажат браво.И оооп, гром од ведро небо, утредента странците ќе слушнат дека во последниов месец починаа двајца млади дечки, за вкупна сума од 30 000 евра што фондот за здравство не можеше да ги одобри затоа што Немале пари... ете чисто онака, немале.Не знам, дали ќе се радуваат или ќе плачат...Ама убаво си кажа Зоки, немаме за леб, чоколадо јадеме“, се вели во објавата.

Македонија | пред 6 години

Груевски ќе почека, оти Павле Богоевски одлучи така

Пратеникот Павле Богоевски иако најпрво изјави дека в понеделник ќе се одржи состанокот за разрешување на пратеникот Никола Груевски, тој побарал состанокот да се одложи на неколку дена.Богоевски изјавил дека ќе ја закаже откако ќе заврши седницата на комисијата за одбрана на која треба да се усвојат амандмани за законите за новата агенција за национална безбедност и за разузнавачката заедница.Во средата, Џафери испрати допис до Мандатно-имунитетната комисија со кој ја извести дека пратеникот Груевски неоправдано бил отсутен од собраниски седници повеќе од 6 месеци. Според членот 59, по добивањето на известувањето, Комисијата во рок од 15 дена треба да заседава и потоа по нејзин предлог на првата наредна седница Собранието треба да го стави на дневен ред. 

Македонија | пред 6 години

Израелската полиција формираше кордон околу објектот во кој се одржува Евровизија поради можен напад

Додека пејачите се подготвуваат за вечерашниот настап на Евровизија во Тел Авив, израелската полиција формира кордон со висок безбедносен степен околу објектот во кој се одржува фестивалот за да спречи напади или протести на луѓето што ја бојкотираат манифестацијата и ги повикуваат фановите да го игнорираат настанот.Овогодишниот меѓународен музички натпревар на кој учествуваа 41 земја беше во фокусот на пропалестинските апели за бојкот во знак на протест против израелската политика на Западниот Брег и во Газа, потсетуваат светските агенции.Никој од финалистите или медиумските покровители не се повлече, но организаторите имаат обезбедување и во халата ако активисти се обидат да го прекинат преносот во живо на финалето или некој од изведувачите да одржи протест на бината.Како специјален гостин на финалната вечер на 64-та Евровизија ќе настапи 60-годишната поп ѕвезда Мадона.

Свет | пред 6 години

Охриѓани во понеделник на протест против минарето на Алипашината џамија

Здружението на граѓани „Совест“ в понеделник во 16 часот ќе одржи протест на улицата Димитар Влахов во Охрид, пpoтив диватa градба на 32 метри високото минape во центарот на Охрид.„Ве известуваме дека на ден Понеделник, 20 мај во 16.00 часот пред зградата на Општина Охрид на улица Димитар Влахов ќе се организира мирен протест по повод незаконско градење на Алипашина џамија. Очекуваме ваша силна подршка и обавезно присуство.За Охрид до крај!!!“, се вели во соопштението.

Македонија | пред 6 години

Репортажа на Њујорк тајмс: Бидете меѓу првите кои ќе ја посетат Северна Македонија

Светот има новоименувана земја, Северна Македонија, што е добра вест за регионалните односи и за туристите кои во голем број доаѓаат да го посетат југоисточниот дел на Европа, се наведува во репортажата на Њујорк тајмс со наслов „Бидете меѓу првите кои ќе ја посетат Северна Македонија“.Во февруари годинава поранешната југословенска Република Македонија официјално стана Република Северна Македонија, откако беше решен долгогодишниот спор за името со Грција.  За патниците, пишува весникот,  крајот на спорот значи дека ќе добијат печати во нивните пасоши со новото име и нова причина да ја откријат оваа млада земја со древни корени, која се граничи со Грција, Бугарија, Србија, Косово и Албанија.  Земјата, којашто е исполнета со култури од древниот свет, традиционална кујна, недостапни села и со езера кои се едни од најстарите и најдлабоките во Европа, ги спојува традициите на древните империи, грчката, македонската, римската, византиската, отоманската, каде Западот и Ориентот се среќаваат.– Сметам дека договорот ќе урне нашите филозофски граници. Го отстранува зборот „поранешна“ од нашето име, со што ние веќе не сме дефинирани со нешто од минатото. Сега сме ослободени да бидеме присутни со многу појасна и позитивна визија за нашата иднина, изјави за весникот Александар Донев, поранешен директор на Агенцијата за промоција на туризам.Нашите културни искуства низ вековите, меѓу кои, храната, виното и традициите,  посочува Донев, никогаш не биле оспорувани.Њујорк тајмс, меѓу останатото,  ја пренесува оценката на вицепремиерот за економски прашања Кочо Анѓушев, кој вели дека земјава веќе почнува полека да добива добар публицитет и оти тоа придонесува да се зголеми економскиот потенцијал на земјата.– Несомнено, позитивниот нагорен тренд доаѓа во вистинско време за нацијата, токму пред туристичката сезона, која почнува во доцна пролет и трае до есен. Тајмингот е исто така поволен и за патниците кои сакаат да го откријат Балканот, кој се смета за една од највозбудливите дестинаци на континентот која нуди и култура, но и авантура, пишува Њујрок тајмс.

Магазин | пред 6 години

Изби подземна вода во зградата каде Иванов купи два стана

Изби подземна вода во зградата каде Иванов и неговиот шура купија по два стана, пренесува ТВ 24.Според информациите, деновиве се појавила вода на тлото, па мајстори сега мора одново да го кршат бетонот и да поставуваат цевки за одвод. Иванови за двата стана платија над 250 илјади евра.Соседите очекуваат дека со вселувањето на Иванови конечно ќе добијат и подобар пат, кој сега е целосно уништен од камионите што граделе на Водно.

Македонија | пред 6 години

Нема фотографија

Дечиња не можат во училиште и градинка оти не примиле вакцина, а тие пијани и издрогирани држава водат

Гласот на народот преку социјалните мрежи е ненарачана и добра анкета за тоа што мислат граѓаните за актуелните политички и други настани.Еве два статуса од многубројни слични на социјалните мрежи, во врска со актуелните случувања во врска со пратеникот и учесник во Шарената револуција, Павле Богоевски:– Дечињата не можат во училиште и градинка оти не примиле вакцина, а тие пијани и издрогирани држава водат. Не е до нив, до нас е, гласи краткиот коментар на граѓанин на Фејсбук.И на Твитер слични коментари:– Една афера и целото ѓубре исплива на површина. Одеднаш „па шо има везе, сите се дрогираат“ и „ај не ми глумете поштени“ стануваат главни аргументи. Замислете да се работеше за пратеник на ВМРО? Мислев дека избориве ве научија нешто. Од ароганција и двојни стандарди ќе си паднете, гласи пораката на Твитер и коментарот за релативизирањето на настанот со „кокаинскиот случај“ од страна на приврзаниците на власта и шарената револуција.

Македонија | пред 6 години

Никовски: Кога конкурирав за работа, година дена траеше испитувањето, тоа треба да се спроведува и во Македонија

Поранешниот амбасадор, Ристо Никовски во дебатната емисија „Само вистина“ на Канал 5, говореше за случајот на пратеникот Павле Богоевски. Како што истакна, тој во своите почетоци, бил долго време испитуван.„Не може човек да биде избран на ниту една висока функција во ниту една развиена земја, без да се провери неговото минато. Тоа е пракса која се прави во една нормално организирана држава. Кога јас кога конкурирав во Сојузното министерство за надворешни работи на поранешна Југославија, година дена траеше испитувањето. На секој кандидат им се вршеа такви испитувања, каква му е позадината, фамилијата и поширокото семејство. Тоа е нешто нормално и треба да се спроведува и во Македонија“, истакна Никовски.

Македонија | пред 6 години