ГРАДСКИ ВОЗ

Градскиот воз од први септември ќе нѐ носи со 90 км/ч од Зелениково до Транспортен центар

Премиерот Христијан Мицкоски најави дека од 1 септември почнува првата линија од проектот „Градски воз“, кој треба да понуди нов вид јавен превоз за Скопје и околните населени места.Според него, проектот ќе значи побрз и поеколошки транспорт за голем број граѓани кои секојдневно патуваат кон центарот на главниот град.„Тоа ќе значи нов еколошки транспорт за голем дел граѓани коишто имаат дневна рутина да се движат кон центарот на градот, на потегот од Зелениково, преку Драчево, Лисиче, Аеродром, до транспортен центар“, рече Мицкоски.Тој посочи дека проектот е важен и поради загадувањето во зимските месеци.„Бидејќи во текот на зимските месеци, знаете како и што се случува во главниот град, загадување и слично, цениме дека на овој начин ќе обезбедиме побрз и еколошки транспорт на голем дел од нашите сограѓани“, изјави премиерот.Според него, пругата ќе биде реконструирана и електрифицирана, а возовите ќе можат да сообраќаат значително побрзо од досега.„Најреконструираната пруга електрифицирана и ќе може да се движат сега со брзина од 80 до 90 километри на час, наместо досегашните 20 до 30“, кажа Мицкоски.Тој најави дека паралелно се работи и на уште две линии.„Работиме и на другите две делници, од Ѓорче едната, другата од Илинден“, рече премиерот.Очекувањата на Владата се целиот проект да биде целосно завршен до 2027 или 2028 година.„Очекуваме целиот овој проект со 27-28 година да биде целосно заокружен и ова да биде понудена како алтернатива за превоз на голем дел од нашите граѓани коишто од периферијата се движат кон центарот на градот“, изјави Мицкоски.

Скопје | пред 18 часа

Првата линија на Градски воз стартува на 1 септември, најави Николоски

Вицепремиерот Александар Николоски најави пакет проекти во железничкиот и јавниот превоз, меѓу кои набавка на нови локомотиви, нови возови и старт на првата линија од Градскиот воз во Скопје на 1 септември.Според него, МЖ Транспорт веќе потпишал договор со компанијата ЕВОР за набавка на најмалку пет нови товарни локомотиви, додека паралелно се работи со Светска банка за обезбедување нови патнички возови.Најавите се дел од поширока стратегија за модернизација на јавниот превоз, во која централно место има проектот за Градски воз.„Ова е еден од најзначајните проекти кои го работиме иако не е голем по обем. Прво многу ќе помогне во намалување на загадувањето во Скопје, второ ќе го смени системот на живот во приградските населби и трето ќе воведе една култура на помалку користење на возила и повеќе користење на воз и најважното ова се проекти кои ги имаат најголемите европски градови. Ние паметно ја користиме постојната инфраструктура што ја имаме, само ја надградуваме“, изјави Николоски.Тој појасни дека првата линија, која ќе ги поврзува Зелениково, Драчево, Лисиче, Кисела Вода, Аеродром и новата железничка станица во Скопје, треба да биде завршена до крајот на јуни и да започне со работа од 1 септември.„Веќе сме во напредна фаза на линијата која оди од Зелениково-Драчево-Лисиче-Кисела Вода-Аеродром до нова железничка Скопје. Би требало до крај на месец јуни да биде завршена за од 1 септември да функционира оваа линија“, додаде тој.Паралелно се подготвуваат и две нови линии, за кои се работи на проектирање во соработка со Градежниот факултет, а тендерите се очекуваат во втората половина од годината.„Паралелно на ова се работи на проектирање со Градежниот факултет и втората половина од оваа година да објавиме тендер и за останатите две линии и тоа од Нова железничка станица преку Бутел-Скопје Север до Ѓорче Петров и втората од Нова железничка преку Автокоманда-Маџари и завршува во Илинден и очекувам истите да бидат завршени крајот на 2027, почеток на 2028 година“, изјави Николоски.Како дополнителна мерка за подобрување на јавниот превоз и намалување на загадувањето, тој најави дека оваа есен Скопје ќе добие и 100 електрични автобуси.„Ако на ова додадеме дека оваа есен Скопје ќе добие 100 електрични автобуси тоа ќе значи многу во намалување на загадувањето во градот“, рече Николоски.Проектите, според него, имаат за цел да донесат долгорочни промени во транспортниот систем и да го приближат Скопје до европските стандарди во јавниот превоз.

Скопје | пред 3 седмици

Скопје добива градски воз и нови автобуси од септември

Скопје од септември треба да ја добие првата делница од проектот за Градски воз, кој ќе сообраќа на релација од Зелениково до Транспортниот центар, како и првите 30 нови автобуси, доколку успешно заврши тендерската постапка, најави вицепремиерот и министер за транспорт Александар Николоски.Тој во гостување во емисијата „Само интервју“ посочи дека тендерот за набавка на автобуси е затворен и во тек е законскиот рок за прием на евентуални понуди по пошта.„Тендерот за набавка на нови автобуси траеше до понеделникот, согласно закон мораме да почекаме дали нешто ќе стигне по пошта и веднаш по завршување на Велигденските празници ќе влеземе во евалуација. Согласно закон она што можам да го кажам до овој момент е дека имаме четири понуди“, изјави Николоски.Доколку постапката заврши успешно и се избере најповолна понуда, првите 30 автобуси се очекува да пристигнат во септември.Тендерот предвидува набавка на вкупно 150 електрични автобуси, од кои 100 се наменети за Скопје, а останатите за другите општини низ државата.

Македонија | пред 1 месец