јамајка

(Видео) Сведоштво: Големи се штетите од ураганот во Јамајка, особено на аеродромот

Премиерот на Јамајка, Ендру Холнес, изјави дека островската држава е тешко погодена од ураганот Мелиса, но увери дека ќе ја обнови земјата „уште подобро отколку што беше“.Во објава на социјалните мрежи, Холнес им се обрати на своите сограѓани со порака на надеж и солидарност, нагласувајќи дека владата веќе се мобилизира за помош и реконструкција.„Знам дека многумина, особено оние во најтешко погодените области, се чувствуваат обесхрабрено. Вашите домови можеби се оштетени или уништени, вашите заедници и градови не изгледаат исто. Ја чувствувам вашата болка и го разбирам вашиот губиток. Брзо се активираме за да започнеме со акциите за помош и обнова – и ќе бидеме со вас на секој чекор од патот“, порача Холнес.Во меѓувреме, медиумите јавуваат за огромна штета во меѓународниот аеродром Сангстер во Монтего Беј, каде што силните ветрови и дождови оштетиле делови од инфраструктурата.Жителот Шевоун Браун за Sky News раскажа дека додека ураганот ја погодувал Јамајка, тој и неговата трудна сопруга биле преплашени.„Навистина беше страшно. Моментално сме без струја и вода. Зборови не можат да го опишат тоа... Првпат сведочиме на вакво разорно невреме за толку кратко време“, изјави Браун.Тој додаде дека невремето се засилило невообичаено брзо – од тропска бура до ураган од петта категорија – и дека жителите на островот едвај успеале да соберат резерви од храна и вода. „Помагав и во евакуацијата на неколку лица во засолништа“, рече Браун, додавајќи дека неговата сопруга е многу вознемирена и дека „надворешните шокови може да предизвикаат предвремено породување“.

Свет | пред 2 месеци

Јамајка е пред голема опасност, ураганот „Мелиса“ ќе удри силно!

Моќна бура од петта категорија и една од најсилните регистрирани во историјата, се приближува кон островот Јамајка. Ураганот „Мелиса“, ќе донесе ветрови со брзина од 282 километри на час, како и катастрофални поплави.Според податоците на Американскиот национален центар за урагани (NHC), максималната брзина на ветерот и многу низок атмосферски притисок, Мелиса е најсилната бура во светот досега во 2025 година.Ураганот предизвика огромни штети уште вчера, но има и четворица загинати во Хаити и Доминканската република.Уште три лица загинаа и на Јамајка, вели министерот за здравство Кристофер Тафтон. Луѓето загинале додека сечеле стебла и поправале покриви, во обид подобро да се заштитат. Тафтон препорачал жителите да бидат внимателни при подготовките, како и да си обезбедат доволно количество питка вода и нерасиплива храна.

Свет | пред 2 месеци

(ВИДЕО) Земја во која можете да пливате и со коњи

Оваа земја е исклучително атрактивна дестинација, нејзините рајски плажи и добрата забава привлекуваат многу туристи од целиот свет. Токму кога се чини дека не може да биде подобро, Јамајка им нуди на туристите неверојатно искуство. Таму можете да пливате во океанот со коњи.Пливањето со коњи стана исклучително популарно меѓу туристите во последниве години. Иако возењето е доволно за да се подигне нивото на адреналин и искуството од престојот до максимум, се појави нов тренд. Јамајка е добро позната како дестинација која ги исполнува соништата на туристите, а тоа е случај и со оваа необична, но интересна содржина.Коњите се сериозно добри пливачи и станаа популарна атракција во Јамајка. Коњите пристигнале во Јамајка во 15 век и од самиот почеток станале незаменливи за жителите на островот. Пливањето со коњи во Јамајка исполнува многу од фантазиите што ги бараат туристите. Тоа е крајниот романтичен одмор за секој што ги посетува островите на Карибите.Турите за јавање траат два часа, од кои само 15 минути се трошат на пливање. Коњите сакаат вода, особено во потоплите делови од денот, бидејќи таа ги разладува. Коњите сами одлучуваат дали сакаат да влезат во вода, никој не ги тера, бидејќи пред се многу ги почитуваат.

Магазин | пред 3 години