јошевска

Адвокатката Јошевска му врати на Коцевски: Обвинителството повеќе ќе се грижи за својот имиџ отколку за обвинението

Се заострува полемиката меѓу Државното јавно обвинителство и бранителите во случајот „Пулс“, по објавеното писмо на државниот обвинител Љупчо Коцевски до Адвокатската комора, во кое ги обвинува дел од адвокатите дека со јавни настапи ја доведуваат јавноста во заблуда и го нарушуваат угледот на институциите.Во писмото, Коцевски остро реагира на, како што наведува, „неетички коментари“ и „невистини“ изнесени во медиумите од поединечни адвокати кои, според него, ја претставуваат својата позиција како независни правни експерти, а всушност се бранители на обвинетите во предметот за пожарот во кочанската дискотека „Пулс“.„Коментарите се изнесуваат без адвокатите воопшто да се запознаени со доказниот материјал или со динамиката на судењето. Таквото однесување е спротивно на Кодексот за професионална етика на адвокатите, кој бара од нив да го чуваат угледот на судот и на институциите пред кои настапуваат“, стои во писмото на Коцевски.Тој особено се осврна на јавниот настап на адвокатката Сузана Јошевска-Анастасовска, која гостуваше во емисијата „Студио 10“ на „ТВ24“, наведувајќи дека не добила целосен увид во доказниот материјал. Коцевски ова го оцени како „неетички јавен настап и обид за нарушување на интегритетот на истрагата“.„Наводите дека не ѝ бил даден дел од доказниот материјал се целосно неточни. Документите се доставени интегрално до Судот и сите бранители. Доколку адвокатката не го презела материјалот или не го прегледала, тоа може да го каже пред Судот, а не во медиумите“, наведува Коцевски.По реакцијата на Обвинителството, адвокатката Сузана Јошевска-Анастасовска се огласи преку Фејсбук, оценувајќи дека писмото на државниот обвинител претставува „директен притисок врз слободата на говорот и професионалната независност на адвокатите“.„Писмото на Јавното обвинителство до Адвокатската комора го чувствувам како притисок и директен напад врз мојата слобода на говор и професионална независност. Би сакала да го видам Обвинителството со иста енергичност кога е нападнато од извршната власт, бидејќи тоа е прашање на институционален интегритет, а не на лична суета,“ напиша таа.Јошевска-Анастасовска потсети дека во своите јавни настапи секогаш јасно ја нагласувала својата улога како бранител во конкретниот случај, а не како независен експерт.Таа се повика и на пресудата Nikula v. Finland (Европски суд за човекови права, 2002), во која се вели дека адвокатите имаат право да зборуваат за функционирањето на правосудниот систем „без страв од санкции, доколку нивната критика е професионална и во добра намера“.„Ако денот по утрото се познава, тогаш преку вакви реакции можеме да очекуваме дека Обвинителството повеќе ќе се грижи за својот имиџ отколку за суштината на обвинението,“ додаде таа.

Коментари | пред 2 месеци

Кога јавноста нема одговор зошто не е искористено странското вештачење, не преостанува друго освен да мисли дека се работи на прикривање, вели Јошевска

По документарецот на ИРЛ за модуларната болница во Тетово, со свој став на социјалните мрежи се огласи адвокатката Сузана Јошевска.„Секогаш ми е тиха језа, јад и чемер кога ќе слушнам дека за предмети од огромен јавен интерес обвинителот "не добил дозвола за интервју", а тој што треба да ја даде дозволата, главниот обвинител Јовески не коментирал отворени предистраги.Кога јавноста нема одговор од надлежните зошто не е искористено странското вештачење (кое нели, требаше да даде непристрасен одговор на се) за барем предметот да премине од предистрага во истрага или спротивно, да се затвори предметот бидејќи нели, кабелот е виновен, не преостанува ништо друго освен да мисли дека се работи на прикривање.А кој е најголем сојузник на прикривањето?Времето“, стои во објавата.

Коментари | пред 2 години

Непримарно и недипломатско е писмото на австрискиот амбасадор, се меша во внатрешни работи, реагира адвокатката Јошевска-Анастасовска

Непримерно и недипломатско е писмото на австрискиот амбасадор, смета адвокатката Сузана Јошевска-Анастасовска. Таа реагира дека дописот на Амбасадата на Австрија во кој се осврнува на приватен спор помеѓу две фирми е мешање во внатрешните работи на Македонија. Јошевска-Анастасовска посочува дека ова е последица на понижувањата што Судскиот совет ги приреди.„Австрискиот амбасадор си зема за право да се меша во внатрешните работи на земјата и ја приватизира функцијата за да помогне на приватно правно лице да наплати приватен долг. Една работа е да зборуваш за принципот владеење на правото, друга работа е да бараш ‘смена на судии и обвинители’, значи смена, не преиспитување на нивната работа, ставајќи се истовремено во улога на обвинител и на судија и на комисија која одлучила кој и зошто треба да се смени, а сето тоа заради заштита на приватни интереси на една (угледна) фирма Најтажното е што дојдовме до дереџе да дипломати си земаат за право вака да се однесуваат најверојатно мислејќи дека само таков јазик разбираме, а богами и заслужуваме“, смета адвокатката Сузана Јошевска-Анастасовска.Таа дообјаснува: „Дупло тажно е што некои, родени овде, се радосни за ваквото непримерно однесување на гостин во нашата држава од нарцисоидни причини-дека биле во право кога тврделе дела е корумпирано судството. Ова е последица на понижувањата што Судскиот совет му ги приреди на секој еден судија во државава и тие не се побунија. Сега ќе бришат под со вас. Допрва ќе бришат“.Преку допис, амбасадата на Австрија го критикува македонскиот правосуден систем, барајќи да се разрешат сите судии и јавни обвинители, но и да им се укинат лиценците на извршителите и нотарите кои постапувале во спор што се води меѓу австриската компанија „АММА ДОО Хоенемс“ и валандовската фирма „Дена трејд“ за производство на корнишони.

Коментари | пред 2 години

Тоа 15-годишно момче досега не пораснало ни педа, ниту за 40 години подоцна не ја сфатил сопствената одговорност, вели Јошевска

Познатата адвокатка Сузана Јошевска Анастасовска преку својот фејсбук профил се огласи за интервјуто на новинрот Драган Павловиќ Латас дадено за јутјуберот Стефан Лазаров, кој буквално ја зовре целата држава и ги разгоре коментарите на социјалните мрежи.Нејзиниот статус го пренесуваме во целост.„Покушајот“ во Фиќо кој е повеќе оставен на нашата фантазија, но сепак раскажан со доволно детали за да ја сфатиме неговата противправност (шамари, замаглени стакла, спомнување повеќе мажи, еден татин син и буткање во ситуација „немајкаде“) сугерира дека покрај жртвата во фиќото, и тој што „покушавал“ е жртва на машката токсичност која на сите нас растени во скопските маала добро ни е позната, видена и слушната.Како што такви случки оставаат недвосмислена траума за девојките, многу често оставаат долгорочни негативни последици и на младите момци кои се втурнати во ситуации да имаат секс со непозната жена откако друг имал секс со неа (да не дебатираме околу ова, замаглени стакла тоа значат) свесен дека е извесно дека добила шамари бидејќи тој така "имал однос".Во дадениот момент тоа 15годишно момче ниту има емотивна зрелост ниту капацитет да сфати дека тоа што го прави е погрешно и дека учествува и директно придонесува во уништување на нечија личност. Но, нема капацитет ниту да сфати дека тоа што му го прават е погрешно.Проблемот е што тоа 15годишно момче досега не пораснало ни педа, па низ годините единствено создало механизми кои му помогнале само да ја прифати таа состојба како дадена, надвор од негова контрола, да не речам, нормална. Ниту за 40 -тина години подоцна не ја сфатил сопствената одговорност, неговата психа не креирала емпатија (погрдно ја нарекува сиротиња) и едноставно прифатил дека "тоа така се правеше" сака да рече "така ние прв пат имавме секс", бидејќи прашањето е "Дали е точно дека првата не се заборава?".Највпечатливата реченица во Анатомија на еден скандал е "Boys will be boys", кажана од мајката на обвинетиот за силување или на нашки "абе, машка работа", изрека креирана за да го збере целото оправдување на светот за не-дела кои потекнуваат од лошо произведената "машкост".Тоа е поразувачкото, што возрасниот со чаламење уште раскажува за тинејџерско доживување кое, иако можеби разбирливо дека не било осудено поради општествениот контекст и време во кое се одвивало, во 2023, после сите обиди за едукација, развивање свесност и одговорност, се раскажува без трошка порака за забранетост.Оној грев од водител пак, како колбас или виршла мешан производ од бљувотините на модерното време има искрена реакција на смеење на приказната поради пиететот што го има кон гостинот-фраер. Но, тука поразувачкото е во тоа што тој исто така не ја препознава својата одговорност и улога пост-фестум, па наместо да се консултира и да се извини, дава соопштенија од типот "јас не мразам жени, еве имам мајка, сестра, баба", (за неписменоста и следоредот во реченицата, подмет, прирок, придавки и сл., во друга прилика).За да не биде се црно, нека овој настан биде повод за тематски разговори на училишта, пример кој ќе се користи за да се објаснат некои работи на правилен начин, нека биде повод за разговор меѓу татковци и синови, пред се.Кога веќе главните протагонисти ја пропуштија златната шанса за општествено одговорни одговори на прозивањата.

Коментари | пред 2 години

„Русковска најнормално кажа дека најмоќниот човек во бегство му поставил услов на обвинителот Јовески“, вели Јошевска

Реакции од адвокатската фела предизвикува и интересната изјава на поранешната шефица на ОЈО ГОК за тоа како се предал поранешниот директор на УЈБ, Сашо Мијалков.Таа откри дека и се јавил лично тој, а бројот нејзин го имал од времето кога соработувале службено.Еве што објави за ова познатата адвокатка Сузана Јошевска Анастасовска.„На вечерашниот подкаст на ИРЛ гостинката Вилма Русковска зборувајќи за настаните поврзани со неуспешното бегство на Мијалков, рече дека тој лично и' се јавил (не како што тогаш изјавуваше "преку посредници") и дека "негов услов" бил- куќен притвор за да се предаде. Тоа го кажа најнормално и попатно, најмоќниот човек во бегство, пардон, во изолација му поставил услов на обвинителот Јовески -куќен притвор за да се предадам- и Јовески се согласил.Во тој период бевме замајувани со други тези, еве линк подолу.Интересно е колку се менува перцепцијата за реалноста на секој човек на функција зависно од тоа дали е внатре или надвор од институциите.На пример, поранешната обвинителка сега ја фаќало срам од тоа што помош за справување со корупцијата стига од САД, цени дека недовербата во правосудството се должи на 30 години неказнивост, најверојатно ист период во кој таа е обвинител и голем период во кој е обвинител за орг.криминал.Исто така, интересно е колку е еластична перцепцијата која може да се витка и на лево и на десно зависно од посакуваниот ефект кој треба да се постигне, така што не можеме никако да разбереме дали притисокот кој и е вршен за предметите "од некоја поранешна Влада" е некаде пријавен, па макар и на американските експерти кои биле и си заминале веќе од ОЈО ГОКК“, вели таа.

Коментари | пред 3 години