кацарска

ВМРО-ДПМНЕ: Кацарска против покачување на пензиите, а бара зголемување на сопствената плата

ВМРО-ДПМНЕ и денеска се огласи за одлуката на Уставниот суд за поведување постапка за член во Законот за линеарно покачување на пензиите. И денеска обвинувањата им се насочени кон судијата Добрила Кацарска.„Добрила Кацарска е на функцијата уставен судија како награда од СДС за добро завршената работа во случајот за 27 април.Јавноста ја памети Кацарска по нејзината улога на џелат во водењето на судски процеси, игрите со притворите, стигматизацијата, осудите на луѓето без пресуда, и политичко водење на случаите каде Кацарска пресуди над 200 години затвор за луѓето од 27 април.Кацарска сега сака да им го одземе зголемувањето од 7000 денари на пензиите на пензионерите, додека во исто време бара зголемување на сопствената плата.СДС молчи додека нивната продолжената рака во Уставниот суд Кацарска, бара зголемување на нејзината плата од околу 100 илјади денари а укинување на пензиите од 7000 денари.СДС молчи и на дело ја покажува нивната незаитересираност за пензионерите, и ја продолжува праксата од нивно време каде пензионерите добиваа покачување за 150 денари.Владата предводена од ВМРО-ДПМНЕ продолжува да се грижи за пензионерите”, велат од ВМРО-ДПМНЕ.

Македонија | пред 1 месец

Кога Кацарска напушта раководна позиција, тоа е празник за правдата, служеше како судски портпарол на СДС и ДУИ, вели ВМРО-ДПМНЕ

„Кога Кацарска напушта раководна позиција, тоа е празник за правдата“, вели ВМРО-ДПМНЕ и додава:Жената која чувствуваше исполнетост во спроведувањето политички нарачки преку драконски казни за политичките конкуренти беше најголемиот срам за позицијата претседател на Уставниот суд во неговата историја.Дојде на функцијата како награда за казните за 27 април, без докази. Со посрамената Рускоска беа двоецот кој ќе биде запишан на црните страници на македонската историја.Цело време служеше и како судскиот портпарол на СДС и ДУИ.Таа е првиот и последен Уставен судија избран откако претходно истиот суд пресудил дека прекршиле уставни одредби. Така функционираше пупка судството во кое Кацарска беше еден од главните извршители.

Македонија | пред 1 година

Кацарска се жали: Нема недела да помине без закана, зачести, имав и физички напад

Добрила Кацарска, претседателка на Уставниот суд во заминување, се пожали пред новинарите дека секој втор-трет ден има закани. Не знае што се случува со предметот кој се води против нејзините заканувачи, а рече и дека имала физички напад.„Ова се закани кои ги пријавив, а јас трпам закани неколку години наназад, нема недела да помине, а да немам некоја закана. Имав и физички напад, бев физички нападната. Претходно не пријавувам, мислев се изолирани случаи. Зачести и се случува на секој втор-трет ден, па се решив да пријавам конечно. Дали ќе продолжат заканите, не можам да кажам однапред“, рече Кацарска.Прашана до каде е предметот против лицата кои и се заканувале одговори: „Јас до денес немам никаква информација за ова“.

Македонија | пред 1 година

Кацарска: Го надминавме секој тест на непристрасност, не потклекнавме, новиот претседател може да биде комотен

Претседателката на Уставниот Суд, Добрила Кацарска во заминување кажа дека се водела од уставните принципи, како и истрајноста да го зачува достоинството на судот. Ова беше дел од нејзиниот отчет по три години на оваа фунција.„Успеавме да го надминеме секој тест на издржливост и непристрасност на Судот и не потклекнавме на еден од најспецифичните предизвици кои ги памети историјата на Уставниот суд - а тоа е 17 месеци функционирање на работ на кворумот со пет судии. Тоа е половина од мојот мандат. Кога ги одбројувам последните денови како раководител, граѓаните и новиот претседател можат да бидат комотни, нема заостанати предмети“, рече Кацарска.Посочи дека тие донеле револуционерен акт за регулирање на нивната работа. Таа тврди дека предмети се чувале по 10 години, а сега тој број на несработени предмети е намален. Се пофали со 78 одлуки за укинување на закони и акти, донесени од различни собраниски состави.

Македонија | пред 1 година

На Кацарска и завршува мандатот, многу лобирања за нејзиниот наследник, изборот е утре

Добрила Кацарска го напушта претседателското столче во Уставен суд.На 2 јуни и завршува тригодишниот претседателски мандат, но останува судија во Уставен.Таа одлучи денеска на прес конференција да даде отчет за сработеното.Веќе утре ги чека избор за нов шеф на Уставен.Според Деловникот на Уставен, претседател на Судот се бира од редот на судиите со двотретинско мнозинство од вкупниот број на судиите, со тајно гласање, значи потребни се најмалку 6 гласа.Не се открива, иако некои веќе работат и лобираат кој ќе ја замени Кацарска и ќе биде 19-от претседател на Уставниот суд.Актуелни уставни судии покрај Кацарска, која нема право на реизбор се Насер Ајдари, Осман Кадриу, Дарко Костадиновски, Фатмир Скендер, Татјана Васиќ-Бозаџиева, Елизабета Дуковска, Јадранка Дабовиќ-Анастасовска и Ана Павловска-Данева.Уставниот суд е орган што ја штити уставноста и законитоста. Составен е од девет судии избрани од Собранието на Македонија со мнозинство гласови од вкупниот број пратеници. Мандатот на судиите трае девет години без право на повторен избор. Судиите на Уставниот суд се избираат од редот на истакнати правници.

Македонија | пред 1 година

Германската амбасадорка Дрекслер до Кацарска: "Вашата сила и посветеност ќе останат инспирација за многумина"

Претседателката на Уставниот суд Добрила Кацарска денеска оствари средба со амбасадорката на Сојузна Република Германија Н.Е. Петра Дрекслер, по повод завршувањето на мандатот како и неколкугодишната успешна соработка.На средбата беше истакнато заедничкото задоволство од спроведените проекти и активности во Уставниот суд со поддршка на Сојузна Република Германија.Амбасадорката Петра Дрекслер изрази искрена лична благодарност до претседателката на Уставниот суд Добрила Кацарска за она што е сработено и произлезено од соработката во текот на тригодишниот мандат и резултатите кои се добиени во насока на унапредување на работењето на Судот.„На крајот од вашиот мандат, се заблагодарувам за одличната соработка. Вашата сила и посветеност ќе останат инспирација за многумина!”, истакна Дрекслер на средбата.Таа најави дека амбасадата на Република Германија останува на своите заложби и во иднина да ја продолжи соработката во интерес на унапредување на слободите и правата на граѓаните и обезбедување на владеењето на правото. Дрекслер ја истакна поддршката до претседателката Кацарска по последните инциденти и закани кои лично и беа упатени.Ова е втора официјална средба на германската амбасадорка Петра Дрекслер и претседателката на Уставниот суд Добрила Кацарска во текот на нејзиниот мандат. Уставниот суд изминатите три години ја зацврсти соработката со германската фондација ИРЗ која изработи студија за потребата од воведување на уставната жалба, а преку други проекти и невладини организации поддржани од Сојузна Република Германија беа остварени средби во Уставниот суд во Словенија и беа организирани конференции со реномирани домашни и меѓународни експерти на тема уставна жалба во Република Северна Македонија

Македонија | пред 1 година

Добрила Кацарска на 19. Конгрес на Конференција на европски уставни судови во Молдавија

Претседателката на Уставниот суд на Република Северна Македонија, Добрила Кацарска, учествуваше на 19. Конгрес на Конференцијата на европските уставни судови (CECC) кој оваа година се одржа во Кишињев, Република Молдавија.Во рамките на Конгресот, се одржаа три пленарни сесии со фокус на односот помеѓу уставните и меѓународните судови, политиката и правото во корелација со надлежностите на уставните судови и примената на уставните принципи во вонредни ситуации кога се ограничуваат слободите и правата.Претседателката Кацарска, имаше активно учество и на состанокот на претседателите на уставните судови - членки, каде, беа разгледани и беше одлучено за повеќе прашања од значење за функционирањето на оваа асоцијација.Во текот на овој конгрес се одлучи Уставниот суд на Албанија да претседава со оваа асоцијација и да го организира следниот конгрес на Конференцијата на европските уставни судови, кој треба да се одржи за три години.На Конгресот се обратија и претседателката на Република Молдавија, Маја Санду, претседателката на Европскиот суд за човекови права Сифора О'лири претседателката на Венцијанската комисија Клер Бази Малори.На дводневниот 19 Конгрес на Конференцијата на европски уставни судови којшто се одржа од 22-23 мај 2024 година учествуваа членови и делегации од над 35 уставни судови.

Македонија | пред 1 година

Уапсениот поради Кацарска: Ниту сум викал, ниту сум имал намера некого да допрам

Македонецот Мајк В. Поп Гинов кој живее во Шведска, е лицето кое беше приведено за загрозување на сигурноста на уставната судијка Добрила Кацарска. Тој бил приведен откако и кажал „ќе одговарате“, но за „Скопје1“ тврди дека ниту викал, ниту имал намера да ја допре. Посочува дека сѐ се случувало во трговскиот центар „Рамстор“, каде случајно влегол откако бил на самитот „Македонија 2025“.„Влегов во Рамстор каде што ме чекаа две блиски пријателки. Кога се приближив до нивното сепаре пред да седнам, приметив дека возрасна жена во соседното сепаре упорно зјапа во мене. Ја препознав ,тоа беше претседателот на уставниот суд Кацарска ,според мене една од нај корумпираните и лојални судии на квислингот Заев и ДУИ заради која големи Македонски синови се осудени на долгогодишни робии. Мојата пријателка Наде Дуклеска дури го одбрани магистерскиот труд по право на тема 27ми април елаборирајќи како е нарушено човечкото право на македонските уставобраниели. Најмалку што можев беше да и кажам: "ЌЕ ОДГОВАРАТЕ" по што си седнав во сепарето. Дотичната го викна личното обезбедување кои ми ги покажа беџовите на МВР со образложение дека ќе мора да ме идентификуваат“, вели уапсениот за „Скопје1“.Тој е дециден дека намера за физичка пресметка ниту иимало, ниту има.„Ниту сум викал, ниту сум имал намера некого да допрам.. дури мојата пријателка не ме слушнала што сум кажал, а беше по блиску до мене отколку Кацарска. Госпоѓата изгледа си ја има "мувата на капата" па паничеше без потреба. После разбрав дека пред 3 дена имала некаква закана ...па најверојатно поради тоа“, додава Мајк В. Поп Гинов за „Скопје1“.Прашан зошто го направил чинот кон Кацарска, тој додава: „Мојата намера е да им се даде до знаење дека Македонија не им се плаши, сакаме правда и Европско судство. Корумпираните треба да одговараат“.Посочува дека не е насилник.„Во полициската станица бев задржан неколку часа, а еден од инспекторите помеѓу другото ме праша дали знам дека таа е трет човек во државата ,на што му одговорив дека секој треба да одговара пред законот подеднакво и никој не смее да злоупотребува државна позиција, напротив, одговорноста на државните функционери треба да биде поголема бидејќи се платени од граѓаните и треба да работат во интересот на Македонските граѓани. После некое време бев пуштен со напомена дека ќе бидам кривично гонет според член 144 став 4 . Ова го пишувам заради сите мои блиски пријатели кои беа загрижени заради лажните пишувања на многу соросоидни портали во кои се спомнува дека сум бил насилник, физички сум ја нападнал дотичната ,сум викал итн. Ги повикувам сите тие портали јавно да се извинат во спротивно утре поднесувам тужба!“, додава тој.Настанот се случи во петокот, во центарот на Скопје.

Македонија | пред 1 година

Обид за физички напад врз Кацарска, претседателката на Уставниот Суд

Шефицата на Уставниот суд Добрила Кацарска денеска е нападната во трговски центар во Скопје.Лицето од Богданци прво викал и се дерел дрка ќе одговара, а потоа се приближил до масата покрај која седела со уште една жена.Во еден момент обезбедувањето проценило дека постои ризик за директен физички напад и веднаш го отстраниле лицето и повикале полиција која го привела во станица.Од полицијата потврдуваат дека лицето е од Богданци приведен и ќе одговара за загрозување на сигурноста.Ова се случува само три дена по инцидентот во нејзината гаража во која и беше оставен кревет и забоден кујнски нож.

Македонија | пред 1 година

Има ли закана во извиците „ќе одговараш“ упатени кон Кацарска - одговара адвокатот Пешевски

Адвокатот Драган Пешевски, смета дека лицето уапсено поради извици „ќе одговараш“, кон уставната судијка Добрила Кацарска, не може да одговара за кривично дело загрозување на сигурноста, бидејќи не е исполнето битието. Според него, Кацарска треба да си направи рекапитолација на својата работа доколку, како што вели, си ја има мувата на капата.„На Кацарска и била загрозена сигурноста затоа што некој и рекол "ке одговараш, сериозно ке одговараш", па после тоа следел цел циркус, апсења, пријави и слично... Прво кривичното дело "загрозување на сигурноста" по член 144 став 1 подразбира да некој сериозно се закани по "телото или животот" на некое лице... Второ таа закана треба да биде сватена сериозно и да постои страв од нејзино исполнување...Е сега во зборовите "ке одговараш, сериозно ке одговараш" не се споменува животот и телото, а и доколку заканата се исполни единствено може да и биде загрозена слободата (ќорќа). Верувам дека Optimus Prime правникот во државава тоа го знае и знае дека постапка за утврдување на кривична одговорност за вакво дело се поведува со приватна кривична тужба па "лапсусот" кривична пријава нема да го земеме за зло..Е сега ако си ја има мувата на капата од искажаните зборови нека си направи рекапитулација на својата работа и делување а не безвезе да пројавува и затвара луѓе затоа што она "ќе одговараш, сериозно ке одговараш" баш ради тоа и и е плеснато, онака јавно и ќефлиски...“, вели Пешевски.

Коментари | пред 1 година

Кацарска се огласи за ножот кој што го нашла на паркинг: имала закани но не ги пријавувала

По поставените прашања од повеќе медиуми Уставниот суд потврдува дека во текот на вчерашниот ден претседателката на Уставниот суд Добрила Кацарска во полициска станица пријави евентуално загрозување на сигурноста, откако на нејзиниот приватен паркинг, во близина на нејзиниот дом, на место каде што се наоѓа нејзиниот личен автомобил е најден нож до прекинувачот за струја кој го осветлува делот околу нејзиниот паркинг и некои други предмети.„Што се однесува до прашањата дали станува збор за некаква закана, порака до претседателката Кацарска или се работи за случајност очекуваме одговорите да ги даде истрагата.Во однос на прашањата дали имало закани досега, претседателката Кацарска потврдува дека имало повеќе непријатности во јавноста и ситни инциденти изминатиот период кои не се пријавени, закани преку социјалните мрежи, но на нејзино лично инсистирање, не дозволи да се реагира се до вчерашната пријава“, велат од Уставен суд.

Македонија | пред 1 година

Закани кон претседателката на Уставен суд, Добрила Кацарска

Добрила Кацарска, претседателката на Уставен суд пријавила во полиција закани за нејзиниот живот, откако на своето гаражно место во подрачјето на Центар, пронашла импровизиран кревет и кујнски нож забоден на прекинувачот за светло.На 14.05.2024 во СВР Скопје од страна на Д.К. било пријавено дека на подрачјето на Центар во подземни гаражи, во нејзино гаражно место, биле пронајдени импровизиран кревет и кујнски нож кој бил забоден на прекинувачот за светло, информираат од МВР.Од МВР потврдуваат дека известен е јавен обвинител, предметите се подигнати за вештачење и се преземаат мерки за расчистување на случајот.

Македонија | пред 1 година

Нема фотографија

Добрила Кацарска по повод 60 години Уставен суд на Република Македонија

,,Со длабока почит ви се обраќам на сите вас ценети претседатели и судии на уставните судови од европскиот регион, институционални, меѓународни претставници, соработници од невладиниот сектор, поранешни претседатели и судии на Уставниот суд, наши уважени новинари и медиуми.Изразувам особена благодарност до почитуваниот Амбасадор на ОБСЕ, Килијан Вал, кој ги препозна улогата и значењето на Уставниот суд и стана наш партнер во организирање на оваа конференција.Да се вратиме во времето и да го одбележиме моментумот… Со задоволство ќе апострофирам дека „Оној кој се користи со своето право, на никого не му нанесува штета“, а токму преку оваа милениумска изрека се осликува и нашата државност.60 години постоење на Уставен суд е самопотврда на капацитетите на нашиот систем и доказ за истрајноста и непоколебливиот пристап во изградбата на правната држава.Согледувајќи ја уставно-правната матрица на нашата заедница низ историска призма, не може а да не се констатира дека волјата за владеењето на правото е посилна од сите системско-политички аномалии.Пред точно 60 години императивот на граѓаните на тогашната Социјалистичка Република Македонија бил не помалку различен од денешните парадигми. Да се устоличи републиката, тогаш социјалистичка. Се понатаму интерферирало на моделирање на државните институции и стопанството.Република Северна Македонија минувајќи низ неколку уставни трансформации бележи континуиран развој и самиот факт што овој јубилеј е речиси двојно подолг од нашата самостојност како држава, упатува дека „чуварите на Уставот” низ сите премрежиња и контексти покажале детерминираност и наклон кон правните принципи и вредности.На Уставен суд со неприкосновена важност каков што е нашиот денес, заштитен од туѓи посегања, му претходеше долг еволутивен пат во смисла на созревање на уставно-политичката архитектура.Овој јубилеј ни дава ретроспективна можност да потсетиме дека државно-правниот развиток на Македонија во рамки на СФР Југославија, но и по осамостојувањето на државата во 1991 година брои четири устави.Во два од нив се вградени контурите на државното уредување, со Уставот од 1946 Македонија станува Народна Република Македонија во рамки на Федеративна Народна Република Југославија, а со Уставот од 1991 се конституира како суверена и самостојна држава, Република Македонија.Со Уставот од 1963 година за прв пат се востанови уставното судство и првата седница на Уставниот суд е одржана на 15 февруари 1964 година.Уставите отсекогаш биле замислени како рамка за управување со една земја, формирањето на уставни судови се сметаше за катализатор на општествените трансформации, засновани на идејата за контрола на политичката моќ.До денес нашиот Устав претрпе бројни интервенции, или вкупно 36 амандмани, но неговиот текст и понатаму останува правна светост пред која сопира секоја индвидуална и колективна неправда.Постојат голем број важни одлуки со кои овој орган ќе ја докаже клучната улога што ја одигра во зајакнувањето на начелото на владеење на правото и во развојот на демократијата. Соочувањето со сложени и многу деликатни теми во однос на нивната содржина, и честопати од витално значење за организацијата на институционалниот и политичкиот живот во земјата е богато искуство за Судот и за сите негови судии. Во тие случаи и одлуки, кои по својата природа варираат од испитување на прашања за уставност и законитост, прашања за судир на надлежности меѓу властите и локалната самоуправа, до прашањата за слободите и правата, е испишана историјата на самиот Уставен суд.Децениската улога на Уставниот суд да ја отелотвори и созрее младата државност и да ги конципира идните правни, општествени и организациони столбови, денес, предничи со уште посложена функција: да го осигура местото, улогата и добробитот на секој граѓанин во правниот систем.Ако во изминатите децении тоа беа државотворни инклинации, вчера, денес и утре Уставниот суд е последниот гарант на основите човекови права.Нашата должност како домаќини е да ве потсетиме на величината на оваа институција, но и заеднички да дискутираме како треба да се видоизменува и унапредува во своите надлежности. Овој значаен настан ни дава можност да се погледне наназад, но и обврска да се предочи на идните предизвци.... А би рекла дека веќе се очигледни.Улогата на Уставниот суд е неоправдано занемарена во одредени аспекти на индивидуалната заштита, децении наназад.Не очекувам одрекување, ниту, пак, прифаќање на оваа констатација. Само малку трпение да објаснам…Нужна е потребата од проширување на надлежностите на Уставниот суд во делот на индивидуалната заштита. Во уставно-правната теорија таа можност е дефинирана како уставна тужба или уставна жалба, а во пракса тоа би значело заштита на секое право од Уставот за секој поединец пред Уставниот суд, во својата матична земја. Во изминатите три декади граѓаните се ограничени да побараат уставна заштита како поединци за секое право, освен за оние кои произлезгуваат од членот 110 алинеја 3, а се поврзани со нивната слобода на уверувањето, совеста, мислата и јавното изразување на мислата, политичкото здружување и дејствување, дискриминација по основ на пол, раса, вера, национална, социјална и политичка припадност.Нашите заложби во изминатиот период беа во насока на настоичива имплементација на уставната жалба како личен инструмент кој го отвора патот за промена на суштествените атрибути на Уставниот суд.Водена од поривот на мојот морален и професионален интегритет, не можам, а да не ја искористам оваа можност да се обратам кон една категорија на наши гости денеска.Вие сте пред мене почитувани државници и политичари, современци на промените и поединци со влијание на политичките процеси. Вие сте оние кои можете да ставите вето, да донесете погрешна одлука и да се соочите со уставните консеквенци. Но, од друга страна вие можете да влијаете на процесите за дополнително зајакнување на оваа институција.Ние како судии сме должни преку нашите одлуки да го материјализираме заветот на праведноста и правичноста.Граѓаните ги охрабрувам да бараат заштита од Уставниот суд пред да се изложат на финансиски последици надвор од државата, и да бидат истрајни во бранењето на своето, бидејќи како што одамна кажале „правото е напишано за будните, кој не води грижа за своите права, може да ги изгуби”.Додека го славиме овој значаен јубилеј да размислиме и да се запрашаме, секој од нас, како придонесовме да владее правото, колку темелните вредности на Уставот опстојале надвор од редовите со алинеји ?Ако одговорот е афирмативен, продолжите смело и понатаму, затоа што прашањето на правдата е прашање на вредности и принципи.Иднината на генерациите кои доаѓаат се градела на здрави темели, со гаранции дека од надворешниот непријател можеш да се одбраниш, но од неправдата дома, потребен е пркос и aрмија возљубеници во правото.И да завршам во духот на позитивното право. Како што и самиот Роналд Дворкин, ценетиот современик на правната мисла ќе констатира… ,,праведноста и моралноста не можат да се одвојат од правото”, оттука и пораката за сите оние кои доаѓаат по нас. Секој судија е судот, и секое неприфаќање на таа мисија е разнишување на светилникот на нашиот правен поредок…", вели Кацарска.

Македонија | пред 1 година

Груевски за изјавата на Кацарска дека не постои судија што осудил без докази: Еве јас ќе и најдам – кога е сама дома нека се погледне во огледало

Еден пријател денес ми прати изјава на актуелниот претседател на Уставен Суд- Добрила Кацарска, судијка која порано судеше и прогласуваше виновни во случаи на СЈО без докази само на основ на т.н. снимки, или попрецизно нелегално прибавени копии не според и со оргиналот аудио матерјали, вели во својата објава поранешниот премиер Никола Груевски.„Ја читам нејзината изјава и се прашувам на кои дроги е жената?Затоа што нормален и при здрав разум човек на нејзино место не би одбрусил вакво нешто.Зошто?Па самата таа донесе осудителни пресуди во предметот “Тенк” само на база на т.н. снимки и тоа не оргинални туку копија на нелегално прибавени снимки, кои таа одби да ги спореди со оргиналот.Еве што направи жената брзајќи да не осуди и да ја добие ветената награда да стане претседател на уставен суд…Ги испита сите сведоци предложени и од СЈО и од одбраната. Сите до еден сведочеа во наша полза а најважно е што членовите на комисијата за јавни набавки кои ја спровеле набавката и ги подготвиле сите документи јасно кажаа дека никој не им извршил никаков притисок ниту им се вмешал во било која фаза од работата. Никој!Ни шефот за одеелот за набавки Ѓоко Поповски на кој таа му даде 9 години затвор и кој ни крив, ни должен ја одлежува казната.Ниту поранешниот министерот на МВР Гордана Јанкуловска за која нема ни снимки со било кој од МВР на темата, ни сведоштво, ни било каков потпишан од неа документ во врска со набавката, ниту пак имала комуникација со шефот за јавни набавки по тоа прашање, што и самиот тој го потврди.Против мене исто така немаше ниту еден матерјален доказ, потписи или слично, ниту еден сведок или обвинет не ме посочи дека сум влијаел на било кој начин, и се се сведе за сите нас тројцата само на база на 2-3 нелегално прибавени снимки кои видовме во случајот со Мартин Нешковски како Заев си ги крател и моделирал, како што и самиот јавно призна дека демек биле многу долги па ги подскатрил.Како да збориме за кастрење лозје а не “снимки” со кои некого го прогласуваат виновен и го ставаат во затвор.Единствено нешто со кое сите тројца не осуди со затворски казни беа токму тие “снимки” кои СЈО ги примило по истекот на рокот од Законот за приватност, кои се копии не споредени со оргиналот, при што економскиот вештак што самото СЈО го одбрал кажа дека колата се набавила по регуларни цени и нема никаков екстра профит за фирмата.Во овој случај немаше ни обвинение за корупција, туку за влијание, демек сум влијаел да се купи Мерцедес, оти повеќе сум сакал да ме возат во такви возило отколку Ауди или БМВ и со тоа што неколку пати ме возеле баш во таа кола а не во некоја друга службена, сум остварил корист. Тешки глупости. Кога раскажувам на луѓе тука каде сум, не им се верува дека такво нешто е можно!Вистинската причина за тоа лудило беше дека проценија дека тој предмет може најбрзо да се заврши и пред финалното гласање за уставот за името да не сум на слобода, а и генерално што побрзо да ме предадат на “екипата” од Диво Насеље која ме чекаше во истиот затвор Скопје. Токму затоа Кацарска држеше по 3-4 рочишта неделно од 10 до 22 часот а и во другите работни денови ни набиваа судења за други предмети за да немаме никакво време за анализа и подготовка за следниот ден.Затоа велам на кој дроги е жената и дали нема барем малку образ кога јавно лаже?Но, не е само во овој предмет така. Не со индиции а без докази, уште повеќе со претпоставки судеа и сеуште судат. ЛИЧНИ ПРЕТОСТАВКИ!!!На пример првостепениот суд за случајот “Протести пред општина Центар” мене и Миле Јанкиески не прогласи виновни само за еден телефонски разговор кој не е поврзан со настанот пред општината, кој ние не го организиравме и плус од предложените три сведока од моја страна односно од страна на одбраната, недозволи ниту еден сведок да сведочи.Одиш на суд, те прашуваат бидејки кора да те прашаат дали имаш сведоци, викаш имам три сведоци. Не триесет или триста. Само три! Сослушување на тие три е 30 минути.Судијата вика “не дозволувам да сведочат” бидејќи за еден од нив знаеше дека ќе каже дека тој јавно повикал на протести а не ние! Значи човекот што повикал јавно да има протести, во случајот Владиката Агатанѓел ќе посведочеше дека тој јавно преку медиумите повикал без наш притисок или барање. И ако го приема за сведок, немаше да можат ни претпоставки да смислат.Додатно, прогласија за виновни осумина од толпата за кои има снимка дека само биле присутни меѓу народот, толпа од околу 600-700 лица, но нема за нив снимка или било каков доказ, ниту обвинение дека некого удриле или нешто скршиле.И тие кажаа таму во судот дека го чуле повикот на владиката и дошле на протест. Никој пд партијата не го викнал. Се чудеа зошто се на суд.Сведоци против мене боновој случај беа сите советници на СДСМ во општината чии главен и единствен аргумент беше дека не ме виделе таму но го чуствувале мојот дух!?Да не одам предмет по предмет во детали, само ќе нафрлам.Во пеедметот “Плацеви Водно” ме обвинија дека сум земал партиски пари и ниту еден доказ не покажаа за тоа. Ниту еден, ни сведок, ми ништо. Преставник на партијата дојде и кажа дека немаат таква информација дека сум земал партиски пари.На крај се испостави дека плацот не е купен со пари во готовина, туку странска фирма го купила од пари од редовно работење во кое нема ниту еден Македонец и платила со банкарски трансакции, Парите и доаѓале од редовно работење. Нема потпис, нема мое или на поврзано лице потпис или банкарски трасакции, немаше никаков матерјален доказ.Ниту еден сведок не ме посочи мене лично дека нешто сум побарал од него или сум дал или земал пари. Се беше рекла-казала од типот “јас си помислив дека можеби е вака или така”, “некој ми рече дека е за него” и сл.Со закана, притисок, притвори и понуда за многу благи казни издејствуваа обвинети да признаат вина и нешто да кажат против мене, но тоа кога обвинет говори против тебе во ниту еден суд во светот неможе да е доказ бидејќи обвинетиот за да се спаси може што сакаат да каже и затоа се ценат само сведоштвата на сведоците иско и врз нив се вршат огромни притисоци.Во ТНТ кој доказ имаше за првостепено да ме осудат девет години ? Ни потпис, ни документ, ни матерјален доказ, ни сведок ништо!Само неколку нелегално прибавени и копии од снимки не споредени со оргиналот кои не се ни вештачеа за да се утврди нивна целовитост, веродостојност, автентичност…Во Талир 2 за штабовите, таму нема ни сведок, ни потпис, ни одлука, ни снимка против мене, ни против другиот обвинет!Има само бујна фантазија на обвинителот кој чека унапредување или некаква друга награда од власта.Во Титаник и (Талир 1)освен што нема матерјални докази и сведоци против мене, нема ни снимки поврзани со предметот на обвинение и пуштаа незаконски прибавени копии од снимки кои никогаш не беа вештачени, од кој произлегува некако наводен разговор за тоа кој пратеник од Тетово да се предложи на листа. На прашање што има врска тоа со финасирање на партијата, одговорот беше дека од снимаката се гледа дека сум имал големо влијание во партијата при избор на пратеник, што значи (пак претпоставка) дека сум имал влијание на се, па и на паричните трансакции.Кој суд во светот суди вака?Затоа ги употребуваме изразите како класичен политички прогон, хајка и слично.Е сега, не само што го прават ова, другите судии барем јавно си молчат, некои од нив знаат дека се кабаетлии, па праќаат абери по луѓе дека биле под притисок и немале избор, но Добрила Кацарска оди по емисии, држи говори пред медиуми и уште и ги строи другите уставни судии, а овие и молчат бидејќи не биле присутни во сидницата кога судска па незнаат, дека немало судија на свет, или како што вели: “најдете ми еден судија на свет, кој осудил без докази, кој се базирал само на прислушкувани разговори”?Па еве јас ќе и најдам: “кога е сама дома нека се погледне во огледало, нека се сети што правела и нека го исплука огледалото. Малку ќе и олесни.А плус тоа не е кривично дело!П.С. Нема да се изненадам ако во некоја следна прилика на колегите им каже: ”најдете ми судија во светот кој со обезбедени законски прибавени видео снимки на кои јасно и недвосмилено се гледа како обвинетиот бара поткуп за него и има сведок кој е самата жртва од кој се барал поткупот, може да ослободи некој, па макар бил премиер”“, се вели во објавата.

Коментари | пред 2 години

Кацарска до пратениците: Очекувам веќе од утре да работат ако треба и по 20 часа, додека не се изберат уставни судии

Претседателката на Уставниот суд, Добрила Кацарска, очекува пратениците „веќе од утре“ да почнат да работат, ако треба и по 20 часа, за конечно да ги избера уставните судии за да не се случи Судот да стави клуч на врата.Кацарска за „Слободен печат“ вели дека нема намера повеќе да се среќава со престедателката на Комисијата за избори и именувања или со претседателот на Собранието за да се забрза изборот на судиите бидејќи смета дека тие си ги знаат своите обврски.Кацарска потсетува дека пратениците обврските со изборот на судии требаше да ги завршат пред една година.– Работиме на работ на кворум со петмина судии, а Уставот предвидел девет. Зарем треба да му се случи нешто на некој од судиите и да ставиме клуч на Уставниот суд? Не постои друг орган што ја има нашата надлежност да врши контрола на законите кои се носат или да ги штити правата и слободите на граѓаните. Никој не им го дал тоа право на пратениците да се мајтапат со Уставот и навистина е несфатливо зошто не го почитуваат? – се чуди Кацарска.

Македонија | пред 3 години