карлеуша

Јелена Карлеуша побара државно одликување: „Јас сум мајката на ЛГБТ правата на Балканот“

Пејачката Јелена Карлеуша со обемен статус на социјалните мрежи изјави дека никој друг на Балканот не направил толку за ЛГБТ заедницата колку што направила таа.„Цели генерации беа под мојот чадор и од мене црпеа сила да ја кренат главата и да се борат за своите права. Моја децениска борба им даде видливост и храброст. Јас сум мајката на човековите права за ЛГБТ заедницата“, напиша Карлеуша.Таа додаде дека нејзиниот придонес заслужува многу повеќе од симболична титула „кума на Парада на гордоста“ и побара државно признание – орден за човекови права.„Она што го направив јас не го направил никој. Тоа не заслужува титула, туку државно одликување“, истакна пејачката.Интересно, најсилната критика Карлеуша ја упати токму кон дел од ЛГБТ заедницата. Според неа, по падот на настрешницата и масовниот медиумски линч врз неа и нејзиното семејство, најголемиот напад дошол од геј уредници, активисти и припадници на шоу-бизнисот.„Од нив добив најсилна омраза, таргетирање и обесмислување на мојата борба. Тоа беше колективен напад на личноста, нешто што во модерното општество се нарекува атентат на индивидуата“, изјави таа.Карлеуша ги спомена и имињата на други јавни личности кои биле поврзувани со Прајдот, но ги оцени како „небитни и смешни“ во споредба со нејзиниот придонес.„Никакви Оливери, Зејни или Бојани не треба да бидат куми на Прајдот, бидејќи тие не се релевантни. Во споредба со мојот ефект – тие се засекогаш смешни“, порача таа.Пејачката заврши со став дека нападите врз неа се дел од „политички тренд“, но дека нејзината улога и придонес ќе останат врежани во историјата: „Многумина сакаат да го ‘убијат сведокот’ на нивната сопствена минатост, но тоа нема да им појде од рака“, напиша Јелена Карлеуша.

Магазин | пред 3 месеци

(Видео) Карлеуша сподели снимка по инцидентите: „Му*а, концертот заврши до крај – нападнаа жени и деца“

По инцидентите и навредливите извици кон неа на концертот во Лозница, Јелена Карлеуша се огласи на социјалните мрежи. Таа објави видео од крајот на настапот, отфрлајќи ги тврдењата на дел од медиумите дека настапот бил прекинат.„М**а. Заради ужасни текстови и коментари полни со омраза од медиуми од Хрватска и Босна, кои меѓу другото излажаа дека сум го прекинала концертот, имам потреба да ја објавам оваа снимка. Некои 20-тина платеници (со многу чуден изглед и акцент, како да не се од Србија) дојдоа со намера да го прекинат концертот, напаѓајќи жени и деца, но беа небитни во однос на прекрасните луѓе во публиката за кои настапив до крај“, напиша Карлеуша.Таа додаде и дека „српскиот народ ќе ја победи кризата и повторно ќе биде сложен“, но и порача дека не треба да се заборави „кои се пријатели, а кои непријатели“.Во друга објава пејачката им се заблагодари на присутните со порака: „Фала Лозница, бенгавме јако“, на што доби иронични коментари: „Чекај да те исправам, ‘бегавме јако’“.

Свет | пред 3 месеци

(Видео) Прекинат концертот на Јелена Карлеуша – полицијата ја евакуираше пејачката

Концертот на српската пејачка Јелена Карлеуша беше прекинат откако дел од присутните граѓани упаднаа на настапот и почнаа да ѝ дофрлуваат погрдни зборови.Според снимки и сведоштва од настанот, полицијата интервенирала и ја придружила пејачката до нејзиното возило, додека дел од публиката продолжила со навредите.Настанот заврши порано од планираното, а атмосферата на местото била напната. Засега нема информации дали некој е приведен или повреден во инцидентот. Карлеуша изминатиот период, отворено го поддржува српскиот претседател Александар Вучиќ, а упатува навреди кон студентите и граѓаните кои протестираат.

Свет | пред 3 месеци

Деактивиран е и TikTok профилот на Јелена Карлеуша

Пред неколку недели јавноста беше изненадена кога дозна дека е затворен профилот на Инстаграм на пејачката Јелена Карлеуша, кој го следеле над 2,4 милиони луѓе од целиот свет.Неодамна беше покрената петиција за затворање на Инстаграм на Карлеуши, за што Јелена јавно проговори.Сепак, што точно се случило, дали нејзиниот профил бил затворен или самата го деактивирала, се уште не се знае.Таа не се огласи ниту коментираше по ова прашање, поради што многумина се запрашаа дали пејачката сама се повлече од оваа социјална платформа или тоа беше направено откако беше поднесена петиција да биде отстранета.Екостража сега на својот Х профил објави скриншот дека профилот на пејачката повеќе не постои, што и го потврдивме со пребарувањето на оваа социјална мрежа каде се наоѓаат само нејзините фан страни, од кои има многу, а кои имаат многу корисници.Откако веста беше објавена на Х, таа предизвика лавина од коментари.- Сè уште не и го исклучиле телефонот - бил еден од хумористичните коментари на корисниците на таа мрежа.Карлеши сè уште има активни профили на Facebook и X, каде што ги следат голем број луѓе, иако не толку како на Instagram и TikTok.Во една прилика најавувајќи го својот настап во Цирих, таа искоментира дека е незадоволна од тоа што нејзините објави на овој начин не допираат до голем број фанови.- Патем, се гледаме во сабота во Цирих. Мислам, ако некој воопшто види реклама на овој смрдлив Х - напиша таа на оваа платформа.

Магазин | пред 9 месеци

Јелена Карлеуша остана без профил на Инстаграм откако го бранеше Вучиќ

Инстаграм профилот на Јелена Карлеуша, кој беше еден од најследените на Балканот, е затворен.Имено, исчезна профилот кој го имала со години на кој ја следеле околу 2 милиони и 400 илјади луѓе. Веќе со денови на социјалните мрежи владее вистинска драма, откако Еко гард покрена петиција за затворање на Инстаграм на Карлеуша.Јелена влегуваше во директен конфликт и се стегаше со корисниците на Инстаграм. Јелена Карлеуша, видно бесна, на својот Инстаграм профил откри дека профилот на нејзината помала ќерка Ники е деактивиран.Имено, пред неколку дена беше покрената петиција за затворање на нејзиниот профил поради јавната поддршка што ја даде на Вучиќ.

Свет | пред 10 месеци

Карлеуша: Лажни солзи и злоупотреба на ликот на покојниот Тоше, ништо повеќе не ми се згадило

„Од ништо повеќе не ми се згадило во последно време како сликата од естрадниот кал кој го користи името на Тоше Проески и неговата спомен куќа поради евтин маркетинг“, напиша српската пејачка Јелена Карлеуша откако на социјалните мрежи се појавија фотографии од Теа Таировиќ која позираше во спомен куќата на Тоше Проески.„Лажни солзи, евтина патетика и уште поевтина пејачка во злоупотреба на ликот и делото на покојниот Тоше доби најлош нечовечки и нечесен облик. Дното го доби својот подрум“, додаде Карлеуша.

Магазин | пред 1 година

(Видео) Карлеуша го отпеа „Бисер Балкански“

Српската поп-дива и една од најпопуларните пејачки на Балканот, Јелена Карлеуша, вчера имаше концерт во Скопје. Таа направи шоу во салата „Јане Сандански“, каде ги отпеа последните хитови од нејзиниот албум „Алфа и омега“.Во исто време со нејзиниот настап, концерт имаше поп-дивата Калиопи, пред преполна сала „Борис Трајковски“.

Магазин | пред 1 година

(ВИДЕО) По 10 години пауза Карлеуша со нова песна и спот, во него се појавува и Канје Вест

Јелена Карлеуша по 10 години пауза објави нова песна и видео. Пејачката веќе подолго време го најавуваше својот нов албум наречен „Алфа“.Карлеуша најавата на новиот албум ја направи со билборди низ Белград, а сега и официјално ја објави првата песна наречена „Карлибич“.Новиот спот на Јелена е исполнет со бројни сцени, а таа од минута во минута ги менуваа стајлинзите и фризурите.Во спотот се појавуваат и познати фаци – Милица Павловиќ, Девито, но и раперот Канје Вест.

Магазин | пред 2 години

И Карлеуша би отворила профил на OnlyFans, но само под овие услови

Поранешната кошаркарка Милица Дабовиќ, која реши да отвори профил на платформата OnlyFans, моментално е во центарот на вниманието на јавноста. Сепак, слична одлука може да донесе и пејачката Јелена Карлеуша.Имено, Карлеуша даде изјава за локалните медиуми во која објасни под кои услови би отворила профил на OnlyFans.„Да отворам профил на OnlyFans, ќе заработам милиони. Тоа му го кажав на мојот продуцент, а тој ми рече: „Само преку мене мртов“. Затоа не размислувам сега на тоа, туку штом Ким Кардашијан направи профил на таа платформа, и јас ќе го направам тоа“, рекла Карлеуша.Таа, исто така, изјави што луѓето би можеле да видат на тој профил.„Фотографиите не би се разликувале од 90 отсто од оние што ги објавувам на Инстаграм. Тоа се фотографии од настапи во многу провокативни костими. Единствено е што не знам што би ставила на другите социјални мрежи, но би се снашла “, рече таа.

Магазин | пред 3 години

Карлеуша: Спречете масакр и истребување, тоа што некој е актер не му дава право да убива

Пејачката Јелена Карлеуша ја промовира заштитата на правата на животните, а пред неколку дена го критикуваше Вук Костиќ за фотографијата на која позира со пушка и уловен плен, велејќи дека секој чие хоби е ловот нема емпатија кон друго живо суштество и дека фотографирањето со животински труп е застрашувачко и бара хоспитализација. Сега од истите причини во центарот на вниманието се актерите Милош Биковиќ и Бане Томашевиќ.„Покрај актерот Вук Костиќ, кој се гордее со сликите од убиените животни покрај кои насмеано позира на оваа слика, гледаме уште двајца актери. Тие ги пишуваат и нивните имиња. Во описот на фотографијата пишува дека се љубители на природата и ловот.„Значи, тие ја сакаат природата и сакаат да убиваат животни. Актери, фантастично глумите дека ја сакате природата! За малку ќе ви поверувавме, за Оскар, но за оној што се доделува во психијатриска установа. Затоа што љубовта и убивањето не одат заедно, со гадење забележувам голем број актери, кои уживаат во убивањето. Не знам дали се тоа фрустрации на мал п*нис, мало срце или мозок, но знам дека Србија мора да го осуди ова“ напиша Карлеуша и набрзо ја избриша оваа објава.Потоа, таа реши да одговори на отвореното писмо на Ловечкиот сојуз на Србија и остро го осуди убивањето животни.„Убијците се горди што се убијци и сè уште ги повикуваат луѓето да објавуваат слики од убиени животни и да се фалат со тоа! Србија мора да застане на патот на убијците кои не гледаат ништо лошо во нивните крвави и морбидни нагони! Секој што сака животни и секој што не сака да гледа како животните се убиваат и нивните слики да се објавуваат на социјалните мрежи, мора да ги осудат таквите болни и срамни „организации“! Дивите животни не се за убивање! Тие се богатствата на Србија! Ловот не е спорт, затоа што нема фер плеј во убивањето! Животните не сакаат да учествуваат во нивниот ловечки „спорт“! А ако некој има добро влијание врз јавноста и младите, тоа сум јас, кој отворено ја кажува вистината и што мисли цела Србија! Осудувањето на убиството не е ниту блуд ниту неморал! За повик против убијците не треба да бидам стручна! Доста е што имам добро и големо срце! А што се однесува до нивната ловечка „армија“, како што велат, која брои 85.000 убијци, јас имам милиони добри луѓе зад мене кои ме следат и ме поддржуваат! Па да видиме чија војска е посилна“, бесно изјави ЈК, а потоа додаде:„Ловното друштво на Србија, како што „гордо“ се нарекуваат, ги повикува луѓето да убиваат и објавуваат слики од убиени животни со опис: „Горд сум!“ Ги молам сите добри луѓе да ја осудат крвавата гозба над дивите животни во Србија и срамните постапки на оваа „организација“ која се гордее со убиства! Ја повикувам државата да реагира и јасно да го осуди и забрани овој вид на хорор!- апелира Јелена. 

Магазин | пред 3 години

(ФОТО) Хрватска пејачка ја ископира Карлеуша

Српската пејачка Јелена Карлеуша е препознатлива по својата оригиналност и иновативност кога станува збор за облекувањето, па не е чудно што многу нејзини колешки сакаат да изгледаат и да се обелкуваат како неа.Имено, Карлеуша во август се фотографираше за насловна страница на едно списание, по повод нејзиниот роденден.Таа позираше во долг бел фустан и во рацете држеше нежно розови балони, додека над неа се протегаше синото небо.Хрватската пејачка, Маја Шупут, позираше за својот роденден во идентично издание како Јелена Карлеуша. Разликата што се гледа е тоа што Маја се одлучила за краток фустан.

Магазин | пред 3 години

Карлеуша пееше на Роштиљада во Лесковац

Јелена Карлеуша и покрај негодувањата сепак пееше на Роштиљада во Лесковац. Карлеуша не само што пееше на градскиот плоштад, туку ја дочека со сите почести , а имаше и свечен прием во кабинетот на градоначалникот Горан Цветановиќ – Фараон.Официјалното отворање беше проследено со огномет и настап на Јелена Карлеуша, а таа изјави дека е „горда“ што е дел од тој настан.Цветановиќ во јули кажа дека Карлеуша ќе настапува на манифестацијата, по што граѓани почнаа со петиција, да соберат 20.000 евра, колку што бил хонорарот само за таа да не настапува. По нејзиниот концерт во Лесковац, Калеруша рече дека и направиле добар маркетинг.“Колку што знам, собрале околу 30.000 динари. Еве и јас ќе донирам уште нешто, само за да станат добри луѓе. Оваа манифестација е за народот, тој хонорар кој го добивам не е за мене, туку за мојот сценски настап. Се што дал градот, пак ќе биде вратено во градот. Низ оваа манифестација минуваат 100.000 луѓе, кога секој од нив би оставил по едно евро во Лесковац, значи дека сме успеале“, рече Карлуеша.Карлеуша, тврди дека не ја контактирале организаторите на кампањата, рече дека тоа „е акција од чисто политичка природа и целосно погрешна“.

Магазин | пред 3 години

Карлеуша за настапот на Роштилијада: Не можам да им пеам само на вегетаријанци

Пејачката Јелена Карлеуша на крајот на август ќе добие 20.000 евра за настапот на Роштилијадата во Лесковац, иако претходно брутално ги навредуваше луѓето кои консумираат месо.Иако лесковци почнаа кампања за собирање пари за да и ги дадат на Карлеуша за таа да не пее во нивниот град, се чини дека пејачката нема да се откаже од закажаниот настап.По бројните критики на социјалните мрежи, Јелена се огласи на својот официјален Инстаграм профил и истакна дека ќе пее на „секој плоштад во оваа земја“.„Поради постојаните напади на разни будали кои имаат проблем со тоа што пеам на плоштадот во Лесковац и сум вегетаријанец, во периодот кога таму се јаде скара, морам да се изјаснам: не можам да им пеам само на вегетаријанци и да им барам потврда на луѓето што доаѓаат на моите концерти дека не јадат месо“, напиша Карлеуша и додаде:„Или мислите дека треба да пеам само во градовите каде што живеат само вегетаријанци? Не само што ќе пеам за вас на секој плоштад во оваа земја, туку и сè ќе гори!Таа изјави дека ќе продолжи да „влијае на свеста на луѓето“.„Со личен пример и добри дела ќе продолжам да влијаам на свеста на луѓето за животните, што и го правам“, заклучи пејачката.

Магазин | пред 3 години

Жители на Лесковац собираат пари за да и платат на Карлеуша да не пее

Откако градоначалникот на Лесковац, Горан Цветановиќ изјави дека Јелена Карлеуша ќе ја отвори 32-та Роштилијада со нејзиниот настап вреден 20.000 евра, а многумина се незадоволни од таквиот избор, но и од високата цена. Против настапот на Карлеуша се и Движењето за Лесковац, од каде велат дека ќе започнат иницијатива заедно со граѓаните да го наплатат целиот хонорар и да и понудат да не пее во Лесковац.Тие посочуваат и дека Роштилијада мора да изгледа поинаку, поквалитетно и покултурно во сите сегменти, вклучително и во изборот на изведувачи. Затоа решиле заедно со граѓаните да соберат 20.000 евра, да и ги понудат на Карлеуша и со тоа да го спречат нејзиниот настап на 22 август на отворањето на фестивалот за скара.Почнуваме кампања за пронаоѓање на 20.000 лесковци кои се спремни да дадат по едно, две, три или повеќе евра (до висината на службената такса за настапот, а ако треба и повеќе) за да соберат доволно средства за хонорарот што ќе и го понудиме на предметната дива - стои во соопштението.Да потсетиме, минатогодишната Роштилијада ја отвори Светлана Цеца Ражнатовиќ, а жителите тогаш почнаа и петиција за пренасочување на парите за лекување на деца.

Магазин | пред 3 години

(ВИДЕО) Карлеуша ја спасуваа од поплава среде улица, џипот остана под вода

Српската дива, Јелена Карлеуша заглави во поплави кои ја зафатија Србија и Белград. На социјалните мрежи објави и видеа, на кои се гледа како ја извлегуваат од вода, која буквално ги поплави автомобилите, меѓу кои е и нејзиниот џип.„Ова е најлош ден во мојот живот. Јас буквално не можам да го запалам (вклучам) џипот“, кажа Карлеуша.Снимките се достапни на нејзиниот инстаграм профил во секцијата за „story“.Jelena Karleuša (@karleusastar) • Instagram photos and videos

Магазин | пред 3 години