книга

Промоција на книгата „Прес енд плеј“ на Ненад Георгиевски: Каледиоскоп од луѓе чии дела оставиле трага во нашата и светската музичка историја

Во просториите на Аудиокултура, на 2 декември (понеделник) во 19.30 часот ќе биде промовирана книгата „Прес енд плеј“ (Press & Play) на Ненад Георгиевски. Книгата ја претставува македонската музичка сцена преку серија рецензии и текстови напишани во период од 20 години, за странски публикации, како All About Jazz и Vintage Cafe.Таа е збирка од авторски текстови кои даваат детален увид во креативните активности на македонските музичари и нивните дела. Книгата за првпат беше објавена во јули 2020 и ова е второ, надополнето издание. Самата книга е калеидоскоп од луѓе чии таленти, идеи и дела оставиле свој белег во Македонија и надвор од неа. Овие содржини ги испитуваат нивните амбиции и достигнувања, почнувајќи од инспирацијата со која создавале, оригиналноста, искуствата, начинот на работење, па сè до избраните решенија како илустрации, дизајн, визуелизации.Публикацијата се состои од рецензии на албуми, на концерти и на фестивалски настапи на изведувачи, меѓу кои: Влатко Стефановски, „Леб и сол“, Кирил Џајковски, „Фолтин“, Џијан Емин, Гоце Стевковски, Националниот џез-оркестар, Џон Апелгрен, Зоран Маџиров, „Анастасија“, „Чалгија Саунд Систем“, „Проект Жлуст“, Сашо Поповски и Стринг Форсис, Љубојна и многу други, потоа на фестивали како Скопскиот џез-фестивал, „Офф-фест“ или на концерти на македонски изведувачи во држави како Србија, Хрватска, Грција, САД. Потоа, тука се критички осврти за видеоизданија, како и за книги од визуелните уметности, како „Џезтетика“ на Татјана Ранташа или „Cloud Arrangers“ на Жига Коритник.„Press and Play“ ја прикажува македонската музичка сцена како уникатен спој од традиционални и современи елементи, културни влијанија и иновации. Преку рецензиите и текстовите, читателот добива увид во богатството и шаренилото на музичката култура во Македонија, како и во специфичните стилови и звуци кои ги прават македонските музичари препознатливи на глобално ниво. Со своите содржини, книгата претставува единствен извор на информации за македонската музичка култура, напишани на англиски јазик и платформа достапна за милиони читатели.Книгата е дело на новинарот Ненад Георгиевски, кој е добитник на наградата за публицистика за 2023 г. „Мито Хаџивасилев Јасмин“ и е автор на уште 4 книги од областа на публицистиката („Музика и муабети“, „Уште музика и муабети“, и „Ретки птици“). Издавач на книгата е Номад-Арт Скопје, а идејното решение е на Билјана Билбилоска.

Магазин | пред 1 година

Самостојна изложба и промоција на книга на Невена Алексовски

На 13-ти октомври во 19:00 во просториите на PrivatePrint ќе се отвори првата самостојна изложба на уметницата Невена Алексовски кај нас, насловена „Земјата во нашите џебови“. На изложбата ќе се промовира и нејзината нова книга со наслов „Меланхолија на напуштените краишта“, која ја уреди и издаде PrivatePrint. Изложбата е во склоп на јубилејното издание на фестивалот за феминистичка култура Прво па женско организиран од Тиииит! Инк.Невена Алексовски е словенечка уметница со македонско потекло која е активна на словенечката независна уметничка сцена со бројни самостојни и групни изложби. Со изложбата „Земјата во нашите џебови“ ги истражува нејзините семејни корени, потеклото и припадноста и на односот кон земјата. Тргнувајќи од сопственото и семејното искуство на преселба, таа го претставува сложеното преплетување на историјата, родот и личните географии, дополнето со разновидни социо-политички пластови. Заедно со изложбата ќе ја промовира и својата книга „Меланхолија на напуштените краишта“, која дополнително ќе овозможи да ги проследиме патеките и личната динамика на нејзините претци.

Магазин | пред 3 години

Нема фотографија

Вечерва промоција на книгата „Јазикот е чудна ѕверка“ на Марина Костова во Скопје

Книгата „Јазикот е чудна ѕверка“ на Марина Костова, ќе има промоција вечерва од 20ч во кафе-книжарницата Буква во Скопје. Промоцијата ќе биде во вид на разговор меѓу културологот д-р Дарин Ангеловски и авторката.„Јазикот е чудна ѕверка“ е хибридна збирка со куси лични истории, рецензии и есеи, во издание на „Или-Или“. Конципирана е како флуиден текст кој, иако преоѓа од еден во друг жанр, за заеднички именител го има пишувањето како алатка за уживање во зборот односно јазикот. Личните истории имаат формат на куса проза во која се прожима носталгично доживување на урбан живот во Скопје во распон од речиси 50 години. Рецензиите за филм анализираат домашни и странски дела во распон од 20 години, но исто како и рецензиите за медиуми и есеите, во суштина го истражуваат духот на совремието, општествените промени и нивното промислување.„Кога ги ставив сите зборови на куп, сфатив дека мојата љубов кон пишувањето и кон зборот е она што ги поврзува овие различни текстови: прозни цртички, сеќавања, есеи, рецензии, интервјуа, теоретски размислувања, афоризми, поезија. Меракот за текст е она што ги спојува различните делови во збирката“, вели Костова.Дизајнот на корицата е на германскиот уметник Ангел Паневски, а поговорот е на Милчо Манчевски.Марина Костова е наградувана новинарка и филмска критичарка. Таа е заменичка-главен уредник и членка на основачкиот состав на Дигиталната редакција САКАМДАКАЖАМ.МК (www.sdk.mk). Авторка е на монографијата „Манчевски“ и на книгата „Дожд, светот за Пред дождот на Милчо Манчевски“, кои како македонски артефакти се достапни во над 120 национални и универзитетски библиотеки во светот. Претседателка е на Националната секција на Меѓународната федерација на филмски критичари – ФИПРЕСЦИ.

Магазин | пред 3 години

Истражување: 20 книги за кои луѓето лажат дека ги прочитале

Анкетата на Би-Би-Си пред неколку години покажа дека голем дел од луѓето се преправаат дека прочитале одредена книга кога во реалноста не ја ни допреле.Онлајн анкетата понатаму наведува дека четвртина од луѓето се подготвени да лажат за одредени книги за кои мислат дека требало да ги прочитаат за да изгледаат попаметни, попривлечни и да се вклопат во општеството.Истражувањето, во кое беа анкетирани 2.000 испитаници во Британија, ги искористи информациите за да ги рангира насловите за кои повеќето луѓе лажат по редослед. Веројатно очекувано, на листата се Толстој, Чарлс Дикенс (дури и три пати), но има и неколку „модерни“ изненадувања како „Педесет нијанси сиво“ или серијата Хари Потер.„Луѓето се поподготвени да се согласат дека читале класични романи, бидејќи на тој начин изгледаат поинтелигентни во општеството. Сепак, дури 42 отсто од нив своето знаење за класиците го темелат на ТВ адаптации и филмови, или заплети што ги наоѓаат на Интернет“, се наведува во извештајот.Еве ја комплетната листа.1. „Алиса во земјата на чудата“, Луис Керол2. „1984“, Џорџ Орвел3. Трилогија „Господарот на прстените“, Џ. РР Толкин4. „Војна и мир“, Лав Толстој5. „Ана Каренина“, Лав Толстој6. „Авантурите на Шерлок Холмс“, Артур Конан Дојл7. „Да се убие птицата подбивница“, Харпер Ли8. „Дејвид Коперфилд“, Чарлс Дикенс9. „Злосторство и казна“, Фјодор Достоевски10. „Гордост и предрасуди“, Џејн Остин11. „Мрачна куќа“, Чарлс Дикенс12. „Хари Потер“, Џ. К. Роулинг13. „Големите очекувања“, Чарлс Дикенс14. „Дневникот на Ана Франк“, Ана Франк15. „Оливер Твист“, Чарлс Дикенс16. „Педесет нијанси“ (трилогија), Е. Л. Џејмс17. „Десет мали црнци“, Агата Кристи18. „Големиот Гетсби“, Ф. Скот Фицџералд19 „Квака-22“, Џозеф Хелер20. „Ловец во ‘ржта“, Џ. Д. Селинџер

Магазин | пред 3 години