ЛАМБЕ

Ламбе проговори за палењето на бугарскиот клуб: Од денешна перспектива сум многу радосен и среќен од тоа што го направив

За прв пат во јавноста откако се случи палењето на бугарскиот клуб „Ванчо Михајлов“ во Битола, пејачот Ламбе Алабаковски, во Бомбакис поткаст, зборуваше за тоа што го мотивирало да го стори тој чин.Алабаковски бил радосен и среќен за тоа што го подметнал пожарот во клубот.„Кога ќе имаш такви чувства, собрани повеќе години во себе од љубов спрема татковината и гледаш како се случуваат неправди, тоа беше кулминација на сите чувства, патриотски, кои сите во нас ги имаме, но не ги искажуваме. Не толку експлицитно. Сите ги имаме и ги искажуваме на различни начини. Тоа е тоа, наплив на емоции. Да не ја должам темата. Од денешна перспектива сум многу радосен и среќен од тоа што го направив, бидејќи на крајот од денот, сега после толку време, сето тоа излезе во полза за нашиот народ – дека никој не смее да те провоцира во сопствениот дом и да ти поставува ултиматуми“, изјави пејачот во Бомбакис поткастот.

Магазин | пред 2 години

(ФОТО) Ламбе за прв пат ќе се појави во јавност

Популарниот фестивал во Прилеп, Пивофест годинава ќе се одржи од 14 до 17 јули. Акцентот е ставен на македонската музичка сцена.Наум Петрески, Миле Кузманоски, Елена Велевска, Елена Петреска, Вера Јанковиќ, Нокаут, Игор Џамбазов и Гуру Харе, Љубојна, ДНК, Некст Тајм, Лозано, Ареа, Владо Јаневски, Џамбо Агушев,  Суперхикс, се дел од имињата кои ќе настапат оваа година.Но, дел од програмата е и пејачот Ламбе Алабаковски, кој за прв пат по инцидентот во Битола ќе се појави во јавноста.  Алабаковски е предвидено да настапи на 16.07 (сабота).  

Македонија | пред 3 години

Ламбе се огласи на Инстаграм

Пејачот Ламбе Алабаковски на социјалните мрежи се заблагодари за поддршката која му ја дадоа граѓаните.Против него се води постапка за палењето на контроверзниот бугарски клуб „Ванчо Михајлов“ во Битола.„Народе мој Ви благодарам за Вашата искрена поткрепа! Ве љубам од длабочината на срцето и душата!, пишува тој.

Магазин | пред 3 години

Се огласи таткото на Ламбе: Син ми е добар

„Ламбе е добар“, вели  за Женски магазин Лазар Алабаковски, таткото на познатиот поп-пејач, кој живее во нивната семејна куќа во преспанското село Љубојно.Лазар, таткото на Ламбе кусо одговори на нашата порака не сакајќи да зборува за понатамошни детали околу судската постапка на синот.-Ви благодарам многу за искажаните зборови. Ламбе е добар а за натамошна постапка и за Ваша информација не би ви кажал ништо, имајте убав ден“, е пораката која ја добивме од Лазар Алабаковски.Повеќе детали на Женски магазин

Магазин | пред 3 години

Јанчев ја откачи Карлеуша за Ламбе

Градоначалникот на Кавадарци, Митко Јанчев, најави дека е можно Ламбе Алабаковски да настапи на манифестацијата „Тиквешки гроздобер“, откако вчера градскиот татко соопшти дека е откажан планираниот настап на српската пејачка Јелена Карлеуша.„Деновиве сме во размислување кој пејач да дојде на нејзиното место, бидејќи, сепак, концертот беше планиран за главната вечер. Можно е да е некој од Балканот, а можно е и да настапи некој од Македонија. Можно е да биде Ламбе, Каролина и Калиопи, размислуваме за нив. Но, засега ништо не се знае. Деновиве има време да се одлучи, па најверојатно во понеделник би се знаело, изјавил Јанчев за ММС.Ламбе Алабаковски оваа недела беше пуштен од домашен притвор, кој му беше одреден откако беше уапсен за потпалувањето на влезот на бугарскиот културен клуб „Иван Михајлов“ во Битола.

Македонија | пред 3 години

Не е продолжен притворот на Ламбе, но одземен му е пасошот

Истече притворот за македонскиот поп пејач Ламбе Алабаковски. На пејачот не му е продолжен притворот за кривичното дело предизвикување на општа опасност за кое се товари, но, како што рече неговиот адвокат Дарко Стефановски, како мерка на претпазливост одеземен му е пасошот.Тој на четврти јуни го потпали бугарскиот клуб „Ванчо Михајлов“ во Битола при што изгоре везната врата.Алабаковски пријавил дека му го украле велосипедот, истиот со кој отишол до бугарскиот клуб „Ванчо Михајлов“ чии врати ги полил со течност и запалил. Сепак, велосипедот не бил украден бидејќи МВР објави дека бил најден во домот на Ламбе при претресот.

Македонија | пред 3 години

Османи го осудува Ламбе: Емоциите не се оправдување, треба да се види дали е поттикат од некој центар

Министерот за надворешни работи Бујар Османи гостуваше во „Само Вистина“ на „Канал 5“ и зборуваше за палењето на бугарскиот културен клуб „Ванчо Михајлов“ во Битола.„Треба добро да се анализира дали тоа е акт на еден човек или бил поттикнат од некој центар, бидејќи мислам дека не бил случајно избрано тој ден. Не ми се осмелил да направам лична проценка за извршителот. Не може кривично дело да биде оправдување за било која емоција“, рече Османи.Ламбе Алабановски денеска беше префрлен во домашен притвор по жестоките реакции во јавноста дека мерката за претпазливост е престрога и неоправдана.

Македонија | пред 3 години

Ламбе пуштен во домашен притвор

Мерката притвор за Ламбе Алабаковски, Судскиот совет од Битолскиот Основен суд ја преиначи во куќен притвор, по жалба на неговиот адвокат.Пејачот попладнево го напушти притворското одделение во затворот во Битола и е спроведен во неговиот дом, каде ќе ја издржува мерка.Инаку Ламбе Алабаковски пријавил дека му го украле велосипедот, истиот со кој отишол до бугарскиот клуб „Ванчо Михајлов“ чии врати ги полил со течност и запалил, дознава „Скопје 1“. Според неофицијални информации, тој во полиција наводната кражба ја пријавил истиот ден кога и го сторил делото, кое го призна пред два дена. Сепак, велосипедот не бил украден бидејќи МВР објави дека бил најден во домот на Ламбе при претресот.

Македонија | пред 3 години

Нови детали: Како Ламбе падна во рацете на полицијата

Ламбе Алабаковски пријавил дека му го украле велосипедот, истиот со кој отишол до бугарскиот клуб „Ванчо Михајлов“ чии врати ги полил со течност и запалил, дознава „Скопје 1“. Според неофицијални информации, тој во полиција наводната кражба ја пријавил истиот ден кога и го сторил делото, кое го призна пред два дена. Сепак, велосипедот не бил украден бидејќи МВР објави дека бил најден во домот на Ламбе при претресот.Неофицијално, токму пријавата на Ламбе кој во полиција дал и опис на велосипедот, им била од голема помош на службениците за да откријат дека тој го предизвикал пожарот. Кога направиле споредба на украдениот велосипед, со велосипедот кој го возел тогаш осомничениот а се гледал на снимките од видео надзор, трагите ги однеле до пејачот. Засега официјална потврда за ова нема.Според информации на „Скопје 1“, Алабаковски наводната кражбата ја пријавил истиот ден кога го опожари бугарскиот клуб. По три денови, кога се правел претрес во два објекти кои се поврзуваат со пејачот, велосипедот бил пронајден.Дека маж со велосипед го опожарил објектот, прва објави бугарската министерка за надворешни работи Теодора Генчовска. Генчовска на записите на една од безбедносните камери можела да види маж кој безбедно пристигнал со велосипед, извадил туба со запалива течност и мирно ја истурил течноста пред вратата од куќата.Алабаковски е трет ден во притвор.

Македонија | пред 3 години

Јакимовски: Сите го истото го мислиме, само Ламбе имаше храброст

Стевчо Јакимовски, лидер на ГРОМ посочи дека пејачот Ламбе Алабакоски кој е осомничен и призна дека ја запалил влезната врата на бугарскиот клуб во Битола е херој. Тој посочи дека Ламбе не треба да се даде.„Ламбе треба ова машки да го издржи, Ламбе е Македонец. Треба да му поддржиме поддршка. Ламбе не сакаме да го дадеме. Сите сме Ламбе. Сите истото го мислиме. Само тој имаше храброст и алал да му е“, кажа Јакимовски.

Македонија | пред 3 години

(ВИДЕО) Се бара слобода за Ламбе: Тој е македонски херој, крик на бунтовноста

Со патриотски песни, кинење на плакати, говори и транспаренти со натписи „Фашизмот мора да падне, слобода за Ламбе“, се протестираше против одредениот притвор на пејачот кој призна дека го запалил влезот на бугарскиот клуб во Битола. На протестот организиран од Левица пред полициската станица во Битола се викаше: „Слобода за Ламбе“, „Ламбе е херој македонски“.На други плакати пишуваше: „Земја измачена од клети фашисти“, „Во градот на Стив Наумов нема место за Ванчо Михајлов“. Претставник на младината на Левица имаше и говор на протестот каде кажа: „Денес сме сведоци како бугарската влада дава пари и купува ветер, затоа што народот со пари не се купува. Во овој град, денес гледаме како актуелната власт дозволува да биде отворен културен клуб кој носи име на прокламиран фашист. Да биде уште поголем парадоксот, во центарот на градот присуствуваше и бугарскиот премиер со негова делегација. Тоа доволно зборува за нивните територијални претензии кон Македонија, како во минатото, така и денеска“.По говорот, сите бараа одново слобода за Ламбе на кого му е одреден притвор од осум дена.„Се собравме да дадеме поддршка за Ламбе, кој е патриот, наш сограѓанин. Токму реакцијата на Ламбе претставува тоа што сите ние го мислиме и чувствуваме за оживувањето во овој град. Ламбе е крик на бунтовноста и затоа бараме негова слобода“, кажа еден од говорниците.

Македонија | пред 3 години

Мицкоски бара слобода за Ламбе

Тоа е резултат или реакција на политиките на оваа криминална и анационална влада, вели претседателот на ВМРО-ДПМНЕ Христијан Мицкоски одговарајќи на новинарско прашање како го коментира притворањето на Ламбе Алабаковски.Мицкоски побра ослободување на Алабаковски, додавајќи дека тоа е реакција на сите погрешни политики на владата изминатите години, потенцирајќи дека ниту претходно кога се уништувал државен имот од страна на Шарената револуција, ниту пак сега не прифаќа насилство.Мојата порака е до оние кои што пред само неколку години како припадници на една револуција уништуваа државен имот, бојадисуваа државен имот, палеа канцеларија на претседател на држава, да ги ослободат судиите и обвинителите да донесат пресуда согласно правдата, да го ослободат Ламбе, да помине со укор, иако морам да признам ниту тогаш ниту сега насилството не го прифаќам како начин на решавање на проблемите. Но, ова е реакција на сите овие погрешни политики изминатите години и затоа барам слобода за Ламбе, да го ослободат човекот и да се свртат сами кон себе, да ги видат своите грешки за ова да не стане масовна појава во Македонија, бидејќи народот е револтиран правдината да ја земе сам во свои раце, изјави Мицкоски.

Македонија | пред 3 години

„Ламбе не се оправдува себеси, сам призна дека го сторил делото“, адвокатот на Алабакоски смета дека тој не треба да е во притвор

Адвокат Александар Георгиев бранител на Ламбе Алабакоски за „Канал 5“ кажа дека се спротивставиле на барањето за одредување притвор бидејќи тоа не е казна туку мерка за обезбедување присуство. Според адвокатот, Алабакоски во целост претходно пред јавен обвинител го признал делото, има 34 години, со семејство, татко на две малолетни деца, со приходи во Македонија – обезбедувањето можело да биде и со помалку строги мерки за обезбедување на присуство.„Со давање на ветување, јавување во судот еднаш неделно, па дури и куќен притвор, депонирање на патна исправа ќе дадеше резултати. Доблесно е она што Обвинителство од старт побара само поради бегство, а не и заради влијание врз сведоци и повторување на делото. Одлуката на судот за притвор е поради двојното државјанство“, објасни адвокатот.За квалификацијата на делото, не сакаше да коментира.„Одговорно тврдам дека позади тоа што Ламбе го призна, тоа е негово. Не го оправдувам, ниту тој сам себе се оправдува. Да, со тоа што го направил го исполнува битието на кривичното дело за кое се товари“, додаде адвокатот за „Канал 5“.

Македонија | пред 3 години

Ламбе не е херој туку најобичен вандал, посочи Најчевска

Не застануваат коментарите за Ламбе Алабаковски кој од печај стана „херој“ благодарение на перцепцијата на граѓаните. Последен во низата ставови е даден од Мирјана Најчевска, професорка на Правниот факултет. Таа посочи дека Ламбе не е херој туку вандал. Даде и објаснување.„Ламбе не е херој. Ни дисидент. Не е ни пироман (новинари дај прочитајте дефиниција за пироман) или терорист. Ламбе е најобичен вандал. Ама тие кои дозволија отворање на клуб со име Ванчо Михајлов во Битола се криминалци. Како и оние кои го направија Скопје 2014. Различни а исти“, пишува Најчевска.Инаку денеска се организира и протест во Битола за мерката притвор која му е одредена на Алабаковски.

Коментари | пред 3 години

Протест за поддршка на Ламбе во Битола

Денеска во Битола ќе се одржи протест за поддршка на пејачот Ламбе Алабаковски кој ја потпали вратата на клубот „Ванчо Михајлов“ во Битола. Според реакциите на граѓаните се очекува голема присутност.И јас сум Ламбе“ e главно мото на социјалните мрежи каде јавноста изразува силна поддршка за македонскиот пејач.Протестот ќе се одржи со почеток од 18 часот пред полициската станица во Битола.

Македонија | пред 3 години

„Ламбе во ваква држава чест е да се биде во затвор“, Јане Ченто со поддршка за Алабаковски

Јане Ченто даде поддршка за Ламбе Алабакоски кој доби осум дневен притвор. Ченто пишува дека го знае осомничениот за палењето на вратата од бугарскиот клуб од 2004 година. Тој посочи дека двојните стандарди го тераат да има ваков став.Писанието објавено на страницата Слобода за Јане Ченто во целост:Во Јануари 2005 со моите другари како средношколци држевме дискотека во Прилеп се викаше Габијано ние решивме да се вика Аристократ, денешно Калипсо и на газдите Диме и Папазо им рековме да му се јават на Димитров кој му беше менаџер за да го донесеме во Прилеп и да направиме концерт иако имаше една песна со која победи, се викаше СПАСИ МЕ.Дојде денот за концертот Ламбе дојде со Димитров и мислам дека тоа му беше прв настап откако победи на М2.Диското беше преполно, девојки најмногу, бидејќи беше најмногу популарен меѓу женската популација. Ако се сеќавам добро продадовме повеќе од 1500 карти.Дојде се запознавме за прв пат, прекрасен скромен дечко патриот.Поминавме одлично таа вечер и потоа имавме и повеќе соработка.Оваа слика што е споделена со него е во 2009 година кога организиравме хуманитарен концерт и кога му се јавивме на Ламбе прифати веднаш да учествува.Дечкото јавно ни даваше поддршка кога не затворија, од Америка се јави и ни даваше поддршка и лична и преку социјалните мрежи.Зошто му давам поддршка на Ламбе, поради двојните стандарди кои ги имаа оваа власт:🔴 Во Тетово се запалија живи луѓе, КАЗНА НЕМА, одговорни нема.🔴 Автобуската несреќа со многу жртви КАЗНА НЕМА.🔴 Шарената револуција ја ЗАПАЛИ КАНЦЕЛАРИЈАТА НА ПРЕТСЕДАТЕЛОТ НА ДРЖАВАТА. КАЗНА НЕМА за инспираторите и оние кои ја запалија пола Македонија и срушија легално избрана власт.🔴 За пучистите од 27ми Април казна нема!🔴 За терористи кои ја запалија Македонија и убиваа македонска полиција и војска, кои дигнаа во воздух со динамит живи луѓе врзани на стубовите од хотел КАЗНА НЕМА!🔴 За Карпалак КАЗНА НЕМА!🔴 ЗА Вејце КАЗНА НЕМА!И да не редам други случаи каде што има селективна правда а ги има многу.🎈НАШИОТ случај е доказ какви двојни стандарди има оваа власт и како селективно работи.Крсто и оние што го сменија името на слобода и наградени со тендери а ние по затвори со монтиран судски процес.Затоа и му давам поддршка на Ламбе, бидејќи има двојни стандарди во оваа држава, затоа што го знам лично од моите средношколски денови и знам дека се работи за човек патриот воспитан во духот да си ја сака Македонија, второ затоа што има селективна правда во оваа држава.Трето, затоа што им ги затвори устите на МНОГУ самопрогласени фејсбук "патриоти" кои само лаат а не прават ништо.Македонија имала јунаци кои покажале пркост кон неправдите што и се прават на Македонија.Ова од Ламбе е пркост и крик на Македонецот кон неправдите што и се прават на Македонија и Македонците подолго време од страна на оваа власт.🔴 Ламбе, кажав на суд и верувај така е, ВО ВАКВА ДРЖАВА СО КОЈА РАКОВОДИ ВАКВА ВЛАСТ ЧЕСТ Е ДА СЕ БИДЕ ВО ЗАТВОР!Тоа значи дека се бориме за македонските национални интереси против оние што ја окупираа Македонија и го репресираат македонскиот народ.Затоа Македонци, не прашувајте за кого бијат камбаните. Тие бијат за вас.Време е да излезете од вашиот комфор и страв и да ја спасите Македонија.Не можат сите да нѐ затворат 🙏🇲🇰

Македонија | пред 3 години

Ламбе оди во притвор, одлучи судијата од Битола

Според извори од Обвинителството судија на претходна постапка му определил осум дена притвор на Ламбе Алабаковски, осомничен дека го подметнал пожарот во Културниот центар „Ванчо Михајлов“ во Битола.Основното јавно обвинителство Битола поведе постапка против едно лице за кривично дело – Предизвикување општа опасност од член 288 став 1 од Кривичниот законик.Пејачот Ламбе Алабаковски е осомничениот дека подметнал пожар во бугарскиот клуб Центарот за култура „Иван Михаилов“ во Битола. Тој со велосипед и капа, пришол до клубот и ја запалил влезната врата. Неговите иницијали Л.А. (34) се најдоа и во соопштение на министерот за внатрешни работи, Оливер Спасовски. Тој е во полициска станица, каде го признал делото. МВР ќе го гони Ламбе за предизвикување општа опасност поради палењето на клубот.

Македонија | пред 3 години

Протест за слобода на Ламбе ќе се одржи утре попладне

Левица велат дека се згрозени од како што велат, неоврховизмот на актуелната власт и министерот Оливер Спасовски, кој веднаш побара притвор за палењето на бугарскиот клуб кој го нарекуваат фашистички. Локалниот огранок на Левица во Битола повикува на протест за ослободување на Ламбе Алабаковски. Протестот е закажан за утре, (СРЕДА 08.06.2022 година) пред Полициската Станица во Битола, во 18:00 часот.„Бараме отфрлање на кривичната пријава поднесена против Ламбе Алабаковски.Бараме итно процесуирање на кривичната пријава на Левица против претседателот на клубот „Ванчо Михајлов”, поради излагање на подбив на македонскиот народ и предизвикување омраза, раздор или нетрпеливост врз национална, расна, верска и друга дискриминаторска основа.Бараме Министерството за надворешни работи да врачи протестна нота на бугарскиот амбасадор во Република Македонија, поради континуирано негирање на македонскиот народ, кое кулминираше со отворањето на клуб во чест на крвникот на македонската кауза, Ванчо Михајлов.Ја повикуваме целокупната здраворазумна јавност, Битолчани и Битолчанки, кои се гордеат со антифашистичкото минато на градот на Стив Наумов, да покажат дека Битола е град на антифашизмот!“, велат од Левица.

Македонија | пред 3 години

Бугарскиот клуб со писмо до амбасадите и навреди за Македонците: Кој е сега фашист?

Љубчо Георгиевски, претседател на бугарскиот културен центар Ванчо Михајлов од Битола, објави писание на фан страницата на здржуението. Тој го сподели текстот од писмото кое како што вели го испратил до сите странски амбасади во Македонија. Во него наведува дека во Македонија има кампања против бугарскиот народ. Нему не му е јасно зошто странските амбасади не реагираат на чинот на палење на бугарскиот културен центар.Писмото кое Георгиевски го испраќал, го пренесуваме интегрално:„Како што веројатно знаете пред неколку дена во Битола беше извршен уште еден чин на насилство врз културниот центар на бугарската заедница во Битола. Центарот „Иван Михаилов“ среде бел ден беше преплавен со бензин и запален. Овој нов чин на заплашување доаѓа по целата злобна кампања против бугарскиот народ во Северна Македонија. Во јавните обвинувања против клубот најактивно учествуваа претседателот Пендаровски, премиерот Ковачевски и министерот Османи, кои до вчера нагло тврдеа дека Ванчо Михаилов бил хитлерист, а по истата логика - и ние Македонските Бугари. Но еве - оваа лага доведе до уште еден чин на национална омраза баш во стилот на Кристалната ноќ во ноември 1938 година. Кој е сега фашист? И зошто никој од Вас - нашите европски партнери не реагира на овој срамен чин. Тоа е директен и докажан резултат на државно субвенционираната кампања на омраза против нашиот бугарски народ во Северна Македонија ! Ова е резултат на замената на нашиот бугарски национален идентитет од југословенската окупација во 1944 година до денес. Подметнувачите на пожари се од круговите кои со децении пишуваат глупости во учебниците, кои ги конфронтират нашите деца со сопствениот бугарски народ. Доколку Вие, на кои се надевавме дека ќе помогнете за започнување на демократизацијата на скопскиот режим, не го прифатевте премолчено фалсификувањето на пописот, денес немаше да бидеме сведоци на ова беззаконие. Оти ​​да бевме само 3.500, очигледно немаше да се плашат од нас и да не запалат. Денеска се прашуваме дали ќе молчевте ако беше запалена албанска џамија?! Пошто ние би реагирале на секое повредување на демократските права на која било група на наши граѓани.Ние од клубот Иван Михаилов не сме бугарски државјани. Ние сме меѓу стотиците илјади кои се сеќаваат на нивното вистинско потекло и историја. Ќе останеме верни на аманетот на Гоце Делчев, Тодор Александров и Иван Михаилов. И нема да се плашиме од пироманите што праќаат против нас. Ве молиме, господине амбасадоре, како претставник на земја од европското семејство, во кое сакаме да се приклучи нашата татковина, да го заштитите нашиот бугарски народ во Северна Македонија од омразата што ја диктира владата и насилството што таа го роди“, стои во писмото.

Македонија | пред 3 години

Левица бара слобода за Ламбе, ќе понуди да ги плати трошоците: Треба да се гони претседателот на здружението!

„Единствен кој треба да се гони кривично е претседателот на здружението 'Ванчо Михајлов'!“, смета Левица.Од партијата додаваат:„Денешната објава за експресно апсење на лицето кое го запали клубот, што го носи името на фашистот Ванчо Михајлов, само потврди дека власта на СДСМ и ДУИ е во целосна служба на бугарскиот неоврховизам!Потсетуваме дека Левица пред еден месец поднесе кривична пријава против претседателот на здружението „Ванчо Михајлов”, поради „излагање на подбив на македонскиот народ“ и „предизвикување омраза, раздор или нетрпеливост врз национална, расна, верска и друга дискриминаторска основа“. За оваа кривична пријава, сè уште нема никаков одговор дали е поведена некаква постапка.Повеќе од месец дена во градот на Стив Наумов, пред очите на целата јавност и органите на прогонот, незаконски и скандалозно функционира клуб кој го носи името на џелатот на македонската кауза!Во услови кога институциите на системот затајуваат да ги заштитат националните и државните интереси, целосно оправдан е потегот на веќе приведениот Ламбе Аламбаковски. Секоја друга пресуда, освен ослободителна, ќе претставува анти-државнички чин и напад врз македонската државотворност, конституирана во АСНОМ!Од тие причини, Левица ќе стапи во контакт со адвокатите кои ќе го застапуваат Аламбаковски и ќе се понуди да ги покрие трошоците на одбраната. Слобода за Ламбе Аламбаковски“.

Македонија | пред 3 години

Се бара притвор за Алабаковски, Спасовски со детали како фатиле дека пејачот го запалил бугарскот клуб

Ламбе Алабаковски ќе биде изнесен пред судија на претходна постапка. Полицијата бара обвинителот да побара притвор. Ова го обнзани министерот за внатрешни работи, Оливер Спасовски. Тој кажа дека има несоборливи докази дека Алабаковски го сторил делото.„Имаше опсежна активност во Битола. Се преземаа многу активности во овој дел. Беа направени многу службени разговори, се прегледа многу видео надзор од повеќе објекти. И на основа на сите овие податоци, податоци, информации дојдовме до сторителот на ова кривично дело. Доцна синоќа по наредба на судот, а предлог на обвинител е направен претрес во домот и во неколку други објекти кои ги користи или се сопственик на сторителот. Пронајдени се облеката и други предмети се доведуваат во врска со кривичното дело. Тоа значи дека имаме несоборливи докази“, рече Спасовски.Според министерот, овој случај е третиран како сите други. За него, неточни се коментарите дека овој случај најбрзо се расчистил, за разлика од други како што се убиствата во Скопје, пожарите и слично.„Важно е дека институциите функционираат, тоа е многу важно за граѓаните, државата. Ако сакаме да имаме правда, мора да имаме функционални институции“, додаде Спасовски.

Македонија | пред 3 години

„Немојте на ФБ, Ламбе се брани на улица“, повика Дурловски

Покрај низата коментари во одбрана на пејачот Ламбе Алабаковски кој според МВР признал дека го запалил бугарскиот клуб во Битола, зад него застана и Игор Дурловски. Тој пак, повика на улица да се брани осомничениот.„Немојте на ФБ, Ламбе се брани на улица!“, напиша Дурловски, споделувајќи негова фотографија.Претходно, адвокати се понудија бесплатно да го бранат Алабаковски на суд. Од пејач, Алабаковски стана „војвода“, „патриот“, „херој“.Пејачот Ламбе Алабаковски е осомничениот дека подметнал пожар во бугарскиот клуб Центарот за култура „Иван Михаилов“ во Битола, дознава „Скопје1“. Тој со велосипед и капа, пришол до клубот и ја запалил влезната врата. Неговите иницијали Л.А. (34) се најдоа и во соопштение на министерот за внатрешни работи, Оливер Спасовски. Тој е во полициска станица, каде го признал делото. МВР ќе го гони Ламбе за предизвикување општа опасност поради палењето на клубот.

Македонија | пред 3 години

Нема фотографија

Адвокати се понудија бесплатно да го бранат Ламбе

Адвокати од Скопје јавно се понудија бесплатно да го бранат Ламбе Алабаковски пред суд. Драган Пешевски и Јанаки Митровски повикаа на организација за одбраната на Алабаковски, а откако пејачот признал во полиција дека го запалил бугарскиот клуб во Битола пред неколку денови.„Под итно организација за одбрана на Ламбе!!!! Прв се пријавувам!!!“, напиша Митровски.Слично постапи и Пешевски: „Ja и Јанаки Митровски јавно се пријавуваме за pro bono одбрана на Ламбе!!! Нека разберат клетите фашисти!!!“.Пејачот Ламбе Алабаковски е осомничениот дека подметнал пожар во бугарскиот клуб Центарот за култура „Иван Михаилов“ во Битола, дознава „Скопје1“. Тој со велосипед и капа, пришол до клубот и ја запалил влезната врата. Неговите иницијали Л.А. (34) се најдоа и во соопштение на министерот за внатрешни работи, Оливер Спасовски. Тој е во полициска станица, каде го признал делото. МВР ќе го гони Ламбе за предизвикување општа опасност поради палењето на клубот.

Македонија | пред 3 години

Спасовски: Го приведовме лицето кое призна дека го предизвикал пожарот во бугарскиот културен центар

„Со задоволство можам да обзнанам брза и ефективна разрешница на случајот од пред три дена (04.06.2022) со кривично-правниот настан - пожар во центарот „Иван Михајлов“ во Битола, кој е веќе расчистен и имаме приведено лице кое го призна делото“, објави министерот за внатрешни работи, Оливер Спасовски.Тој додаде:„Се работеше деноноќно да се изнајде сторителот, се земаа предвид сите докази, а по извршените службени разговори во изминатите денови, вчеравечер, со судска наредба, беше извршен претрес на две локации кои ги користи Л.А.(34) од Битола, при што се пронајдени и одземени предмети поврзани со кривичното дело, по што лицето е лишено од слобода.Уште еднаш покажавме дека единствената моќ што ја има секоја правна држава е моќта да го сузбие криминалот. И во овој сегмент нема „пардон“, нема заштитени лица – сите се еднакви пред лицето на законот, а секој којшто се огрешил - мора да одговара!“.

Македонија | пред 3 години

(ФОТО) Ламбе од печај стана „војвода“, „мушкарчина“, „херој“, откако се откри дека го потпалил бугарскиот клуб во Битола

Веста дека пејачот Ламбе Алабаковски е потпалувачот на бугарскиот клуб Центарот за култура „Иван Михаилов“ во Битола од дел најголем дел на јавноста е дочекана со восхитување. Тој доби поддршка, па е прогласен од „мушкарчина“ до „патриот“, а дел пишуваат и: „да му се позлатат рацете“. Ваквите реакции доаѓаат и по нецел час откако се обнзнани веста. Според информациите кои засега се познати, Алабаковски го признал делото пред полицијата, од која бил приведен.Речиси и да нема негативни реакции, додека Алабаковски од пејач го прогласуваат за „војвода“.

Коментари | пред 3 години