Протест за слобода на Ламбе ќе се одржи утре попладне

Левица велат дека се згрозени од како што велат, неоврховизмот на актуелната власт и министерот Оливер Спасовски, кој веднаш побара притвор за палењето на бугарскиот клуб кој го нарекуваат фашистички. Локалниот огранок на Левица во Битола повикува на протест за ослободување на Ламбе Алабаковски. Протестот е закажан за утре, (СРЕДА 08.06.2022 година) пред Полициската Станица во Битола, во 18:00 часот.

— реклама —

„Бараме отфрлање на кривичната пријава поднесена против Ламбе Алабаковски.

— реклама —

Бараме итно процесуирање на кривичната пријава на Левица против претседателот на клубот „Ванчо Михајлов”, поради излагање на подбив на македонскиот народ и предизвикување омраза, раздор или нетрпеливост врз национална, расна, верска и друга дискриминаторска основа.

— реклама —

Бараме Министерството за надворешни работи да врачи протестна нота на бугарскиот амбасадор во Република Македонија, поради континуирано негирање на македонскиот народ, кое кулминираше со отворањето на клуб во чест на крвникот на македонската кауза, Ванчо Михајлов.

— реклама —

Ја повикуваме целокупната здраворазумна јавност, Битолчани и Битолчанки, кои се гордеат со антифашистичкото минато на градот на Стив Наумов, да покажат дека Битола е град на антифашизмот!“, велат од Левица.