Во недела протест во Скопје по пресудата за Тачи

Во Скопје в недела, 27 септември, ќе се одржи протестен марш по повод првостепената пресуда на Специјализираните совети во Хаг против поранешните водачи на ОВК.

— реклама —

Маршот ќе започне во 14 часот на плоштадот „Скендербег“, а е најавен од Организацискиот совет. Феџри Асипи упати повик до граѓаните и албанските политички партии да се приклучат на протестот.

— реклама —

Според најавата, на маршот се поканети и семејства на загинати, ветерани и воени инвалиди, поранешни затвореници и политички прогонувани лица, како и претставници на верскиот, академскиот и граѓанскиот сектор.

На 16 септември Хашим Тачи и Јакуп Красниќи беа осудени на по 25 години затвор, Кадри Весели на 18 години, а Реџеп Селими на 13 години затвор.

— реклама —

Судскиот совет ги прогласи за виновни за повеќе воени злосторства, додека за обвиненијата за злосторства против човештвото беа ослободени.

— реклама —

Пресудата е првостепена и може да биде обжалена.