ЛИЦЕНЦИ

За 10 секунди можете да дознаете дали некоја лиценца е важечка или истечена

Лиценците издадени од државните институции наскоро ќе можат да се проверуваат за само неколку секунди преку QR код, без хартиени документи, фотокопии и дополнителна административна постапка. Министерот за дигитална трансформација Стефан Андоновски денеска го промовираше системот SMART лиценци – целосно електронско решение за издавање, проверка и јавно следење на лиценци.Според Андоновски, со едно скенирање граѓаните, компаниите и институциите веднаш ќе можат да утврдат дали лиценцата е важечка, истечена, суспендирана, укината или е во постапка.„Лиценца што се проверува за 10 секунди. Без сомнеж дали е важечка. Без фотокопии. Без непотребна бирократија“, порача Андоновски.Тој истакна дека новиот систем ќе донесе поголема транспарентност, побрзи проверки и намалување на административната субјективност.„Ова значи повеќе транспарентност, помалку хартија, побрзи проверки, помалку административна субјективност и поголема доверба во институциите и во правниот промет“, нагласи министерот.Како прв пилот-проект, SMART лиценците веќе се имплементирани во Министерството за дигитална трансформација за давателите на квалификувани доверливи услуги, меѓу кои се електронски потпис, електронски печат, временски жигови, електронска препорачана достава и сигурно електронско складирање.Андоновски најави дека следната фаза е проширување на моделот и во други области и институции.„Имаме јасна цел: граѓаните и компаниите да не бидат курири на документи, туку државата да обезбеди точни, достапни, безбедни и проверливи податоци“, изјави Андоновски.

Македонија | пред 3 дена

Владата одзеде уште шест лиценци за одгледување марихуана по констатирани законски пропусти

На денешната прес-конференција, на новинарско прашање дали владата денеска расправала за одземање на лиценците на фирми кои одгледуваат марихуана и колку од нив се под контрола, портпаролката Марија Митева одговори дека се одземени уште шест лиценци, по утврдени законски пропусти констатирани од надлежната комисија.Да, имаше денеска шест точки од Министерството за здравство и шест лиценци денеска владата ги одзема. Ве молам за подетални детали околу кои се фирмите да се обратите до Министерството за здравство, каде што и практично е онаа комисија. Од она што можав да го видам од информацијата којашто помина на владата, станува збор за законски пропусти при извршена проверка од страна на комисијата, којашто е надлежна да ги провери сите услови коишто треба да ги поседуваат“, изјави Митева.

Македонија | пред 3 месеци

Стоматолозите и МЗ во судир околу лиценците, апликациите сега одат директно во Министерството

Стоматолозите и Министерството за здравство влегоа во жесток спор околу лиценците за работа. Министерот Азир Алиу вели дека од денес апликациите одат директно во Министерството поради неправилности во Комората, додека од таму тврдат дека контроли немале утврдено никакви пропусти.Од денеска стоматолозите ќе можат да поднесуваат барања за лиценци директно во Министерството за здравство, соопшти министерот Азир Алиу. Тој увери дека постапката ќе се одвива со ист рок како досега, а можно е и побрзо завршување.Алиу потсети дека на 8 август, по препорака на стручна комисија, Министерството ѝ ги одзеде надлежностите за лиценцирање на Стоматолошката комора поради утврдени неправилности во нејзината работа. Според него, доколку ваквиот чекор не бил преземен, во септември или октомври половина од стоматолозите во државата ќе останеле без лиценци.„Од денеска сите барања ќе се примаат кај нас. Потпишав решение со кое Секторот за стоматологија, заедно со вработените од Комората, ќе ги процесира сите апликации. Нема да има застој, ќе се работи по ред и закон. Сè е потпишано врз основа на документи и факти“, изјави Алиу по промоцијата на реновираната инфраструктура на Клиниката за урологија.За задолжителните обуки кои стоматолозите мора да ги поминат за да добијат лиценца, министерот информира дека се водат разговори со стоматолошките факултети во Скопје и Тетово, кои наскоро ќе подготват програма и материјал. Обуките ќе бидат хибридни – со физичко присуство во факултетските простории и онлајн за оние што не можат да присуствуваат.„Пристапот ќе остане ист, но во согласност со законот. Стоматолозите може да бидат спокојни – од денес имаме јасна методологија и алгоритам за работа“, додаде Алиу.Од друга страна, претседателот на Стоматолошката комора на Македонија, Маријан Денковски, вчера ги демантираше тврдењата за неправилности. Тој наведе дека во изминатиот период Комората била предмет на повеќе надзори и контроли од Министерството за здравство, Државниот санитарен и здравствен инспекторат, Управата за јавни приходи и други институции, при што, според записниците, не биле утврдени неправилности, ниту во делот на јавните овластувања.„Доколку е направена грешка, подготвени сме да ги прифатиме последиците, но ако се потврди дека нема финансиски или други криминали, очекуваме јавно извинување до членовите на Комората и до јавноста“, изјави Денковски.Комората најави вонредни седници на Извршниот одбор и Собранието, по кои ќе излезе со официјален став.

Македонија | пред 9 месеци