лога

Лога го „тапша“ Гаши и ги напаѓа Македонците: Во секој камен-темелник има по еден свештеник, а сега се жалат зошто била направена муслиманска молитва во Собранието

Ексминистерот за правда, Кренар Лога, не го осудува, туку го поддржува верскиот обред во Собранието, за кој, ВМРО-ДПМНЕ и СДСМ кажаа дека е нарушување на секуларноста на државата. Лога контра сите, го споредува обредот со бистите од проектот „Скопје 2014“. Тој му оддаде и почит на собранискиот спикер Африм Гаши, иако доаѓаат од две различни партиски провиненции.„Полемиките околу верската симболика во јавните простори и државните институции се чувствителна и важна тема. Кога државата презема чекори за интегрирање на верски симболи од специфична заедница, може да се создадат тензии и чувство на нееднаквост меѓу различните заедници. Меѓутоа, досега нашите сограѓани Македонци и православни не оставија ниту еден објект од "Скопје 2014" без бисти на верски светци, на државни згради, дури и по мостови и крстосници. Го именуваа Аеродромот во Охрид со верско име, и тоа "Свети Апостол Павле II". Во секој камен-темелник има по еден свештеник, а сега се жалат зошто била направена муслиманска молитва во Собранието. Или држава за сите или за никој. Поддршка за денешната активност во Собранието на РСМ по повод годишнината од Сребреница“, напиша Лога.И не е првпат откако Лога е во опозиција да настапува со националистички ставови, наместо правно да ги елаборира работите. Тој изминатиот период постојано во меѓуетничка конотација ги става сите чекори на Владата, како што се именувањата на директори, министри, функционери. Заедно со Села и нивната партија, бројат колку Албанци се вработени, а колку не - што пак, предизвикува тензии.Инаку, реакциите на ВМРО-ДПМНЕ и СДСМ беа поради тоа што Македонија е јасно определена според Уставот како секуларна држава. Во нашата земја нема место за религиозни ритуали во државните институции, ниту пак, државата има право да се меша во работата на верските заедници.

Коментари | пред 1 година

Лога преку писмо им се пожалил на Брисел, Вашингтон и амбасадорите

Сè уште актуелниот министер за правда во техничката влада, Кренар Лога, информира дека до дел од амбасадорите во земјава, но и до официјален Брисел и Вашингтон испратил писмо во кое ја изразил својата загриженост за најавата на ВМРО-ДПМНЕ која партијата ја даде уште пред изборите, дека доколку дојде на власт, ќе ги распушти Судскиот совет и Советот на јавни обвинители.Во продолжение Ви го пренесуваме писмото:,,Ценејќи ја Вашата досегашна континуирана поддршка изразена преку многубројните проекти и вложени средства, кои несомнено придонеле за реформските процеси, како и обезбедување на цврсти гаранции на владеење на правото, со вознемиреност и загриженост Ви се обраќам со ова писмо.Во оваа прилика би сакал да Ве информирам и да го насочам Вашето внимание кон најавите за ,,упад”, кој се подготвува од парламентарното мнозинство во правосудниот систем. Паралелно со најавите за реформа на органите на управата и реорганизација на министерствата, владеачкото мнозинство соопшти дека подготвува и пакет закони со кои ќе се распуштат двете уставни и независни категории – Судскиот совет и Советот на јавните обвинители.Изјавите од партиски функционери за мене лично и за Министерството за правда се неприфатливи и недозволиви не заради одбрана на поединци во овие органи, туку за независноста и непристрасноста на овие институции за кои имаме добиено извештај од Оценската мисија каде точно е наведено што треба да се преземе од страна на органите на државата за подобрување на состојбите во судството.Иако како министер за правда минатата година кога се случија настаните во Судскиот совет, јавно излегов со став за престанок на мандатот на членовите за кој не добив поддршка од коалиционите партнери ниту од опозициските партии, а исто така и по оддржани консултации со Ваши претставници, ми беше сугерирано дека Оценската мисија ќе ја скенира состојбата во Судскиот совет и ќе даде препораки за надминување на состојбите, за што добивме и Извештај. Препораките од Извештајот со особено внимание беа разгледани од највиските претставници на правосудната, академската и стручната фела, како и граѓанскиот сектор и останатите засегнати страни. Дотолку повеќе, што овие препораки се дел од најзначајните документи, како што се: Стратегијата за развој на правосудниот сектор, Патоказот за владеење на правото, како и Планот за раст. Дополнително ,беше формирарана работна група за законски реформи на Судскиот совет каде во повеќе наврати беа поканети претставници на тогашната опозициска партија и сегашен носител на владејачкото мнозинство, ВМРО ДПМНЕ, на што не добивме повратен одговор.Изразуваме сериозна загриженост што поставеноста на ваквата концентрација на моќ на трите власти кај една политичка партија ќе значи на пресликување на состојбите и проблемите пред 2017 година, коишто неспорно создадоа заробена држава, констатирано во повеќебројни извештаи од меѓународните организации.Ваквите најави се избрзани и опасни, и цениме дека од страна на владејачкото мнозинство треба да се почитува процесот на правилно креирање на политики кое вклучува оценка на состојбите и консултација за сите претстојни обврски и одговорности кои Република Северна Македонија ги има во договор со Европската Унија и останатите меѓународни партнери.”, министер за правда во техничката влада, Кренар Лога.

Македонија | пред 1 година

Собранискиот претседател да ја презеде функцијата шеф на државата, оти Силјановска не кажа „северна“, вели Лога

Министерот за правда во заминување, Кренар Лога, смета дека тоа што новата претседателка Гордана Силјановска-Давкова, не кажала „северна“ при повторување на заклетвата туку се дала свечена изјава со Македонија, значи дека таа не е инагурирана за претседател.„Непочитувањето на уставното име на државата ја прави ништовна заклетвата на Силјановска.Или повторување на постапката или функцијата претседател на државата треба да ја преземе Јован Митревски (претседател на собрание), како В.Д.“, вели Лога.Остра реакција имаше и од ДУИ.

Македонија | пред 1 година

Во изводите нема да има националност - Лога ја изгуби битката

Нема да има графа „националност“ во изводите од матичните книги од родени и умрени. Уставниот суд одлучи дека одредбата е неуставна. Партијата „Левица“ го оспори ова од Законот за матична евиденција, што проба да го воведе Кренар Лога.Неможноста за избор на граѓаните да се изјаснат или да не се изјаснат за националноста, навлегува во сферата на нивната приватност и личен живот, сметаат судиите. Според нив, тоа ќе донесе неможност да се изјаснуваат нивната национална припадност, што е спротивно на темелните вредности на Уставот. Изјаснувањето на националност не е должност на граѓанинот, туку незадолжителна можност.Министерот Кренар Лога излезе со тврдење дека ова е целосно во согласност со законот од 1995-та, кој предвидува во Матичната книга на родените да се води податок за националноста на родителите. Не се согласи со мислењето на мнозинството уставни судии дека тој податок не треба да биде содржан и во изводот и најави ново Упатство со иста содржина. Конечниот став ќе го изнесе на утрешниот брифинг.

Македонија | пред 1 година

Нема изводи, затоа што Управата е во комуникација со Уставниот суд, вели Лога

Министерот за правда Кренар Лога во емисијата „Тема на денот“ во вестите на Сител рече дека деновиве Управата за матична евеиденција не издава изводи за родени, затоа што институцијата, како што рече, „има испратено прашања“ Уставниот суд.Деновиве нема изводи за ниту една потреба, откако решението на Лога за етничка графа е ставено надвор од функција од Уставниот суд.- Кажано е до директорот сите тие изводи по старото упатство да се даваат на граѓаните. Од понеделник ќе може да се земе извод. Самоиницијативно се испратени некои прашања до Уставен суд, рече Лога.Министерот рече дека неговиот ресор е во комуникација со екперти и со Уставен суд од кои се бараат насоки како да продолжи работата на Управата за матична еведиенција .- Во најголем дел сите овие години етничката припадност при вработување се злоупотребува со месеци, години наназад. Во изводот на родени, националноста е на вашите родители и вие нема да можете да ја промените нивната национална припадност, објаснуваше Лога во студиото.

Македонија | пред 2 години

Мерко најдобро е како слободен граѓанин да се соочи со обвинението, вели Лога

Министерот за правда Кренар Лога вели дека струшкиот градоначалник Рамиз Мерко мора да ја докаже својата невиност „како слободен граѓанин“, а не како функционер, по ставањето на „црната листа“ на САД.Најмалку што може да направи е да сведочи од позиција на слободен граѓанин, вака министерот за правда Кренар Лога оценува дека градоначалникот на Струга, Рамиз Мерко, прогласен за „персона нон грата“ не треба да носи државни функции.Лога во емисијата „SummerClick“ на ТВ21 рече дека само прекинот на партиските активности во ДУИ нема да значи ништо.„Мислам дека дури и господинот Мерко и сите што ќе се најдат на оваа листа, добро е да размислат и да ги преземат врз себе политичките и институционалните последици и најмалку што треба да направат е да докажат дека се невини од позиција на слободен граѓанин“, рече Лога.

Македонија | пред 2 години

Дескоска му врати на Лога: Посакувам секој следен министер да биде подобар од претходните

Професорката по Уставно право и политички систем и поранешна Министерка за правда, Рената Дескоска, неодамна истакна дека Уставниот суд треба да поведе постапка за оценка на уставноста на предлогот на Министерот за правда Кренар Лога, за воведување графа националност во изводите од матичната книга на родени.Тоа не му се допадна на Лога, па на Фејсбук тој напиша дека Дескоска е лош министер за правда.„За време на нејзиниот мандат како министер за правда, таа самата се номинираше за претставник во Венецијанската комисија, независно советодавно тело на Советот на Европа.Ако таа повикува на европски и меѓународни стандарди, тогаш таа е една од оние министри што ги прекршиле тие стандарди. Ова го нема во ниту една земја во светот. Таа е лош пример за министер во минатото, кога не прифаќаше уставните измени на Договорот од Преспа да одат преку Министерството за правда, туку преку Министерството за надворешни работи што е преседан“, напиша тој.На ова возврати и професорката Дескоска.„Кога немате аргументи, тогаш користите ad hominem напади и навреди.Јас лично посакувам секој следен министер да биде подобар од претходните, бидејќи само така може да одиме напред. А тоа може само со политики засновани на точни информации и со почитување на најдобрите меѓународни практики.P.S. Во животот сум вршела неколку функции, но потпретседател на партија никогаш не сум била, напиша таа.

Коментари | пред 2 години

Лога: Сиромашниот Mакедонец се потпишува како припадник на друг народ поради бесперспективноста и блокадата

Откако се поклони на гробовите на Јосип Брзо Тито и Енвер Хоџа, следната дестинација за поклонување на Димитар Апасиев е гробот на Бенито Мусолини, се наведува во реакцијата министерот за правда, Кнерар Лога до лидерот на Левица.-Господине Апасиев, наместо да се гордеете дека во изводот на родени ќе стои националност- Македонец/Македонка, Вие со својата деструктивна политика по секоја цена сакате да ги држите граѓаните во заблуда за свои политички цели. Како ,,самопрогласен” борец на интернационалистите, Вие треба да водите грижа за сите граѓани и народи, рамноправно да се развиваат во својата држава. Ако денеска сиромашниот Mакедонец се потпишува како припадник на друг народ не заради добивање на извод туку поради бесперспективноста и блокадата, господине Апасиев Вие сега имате можност да ги поддржите уставните измени кои ќе ни го отворат патот во ЕУ и ќе ни овозможат подобра иднина на сите. Ден поскоро во Европската Унија, значи СТОП на ДЕМАКЕДОНИЗАЦИЈАТА, му порачува Лога на Апасиев.

Македонија | пред 2 години

Лога: Во графата „националност“ во изводите ќе стои Македонец/Македонка

Во графата „националност“ ќе стои Македонец/Македонка, Албанец/Албанка и тоа е според Законот за матична евиденција, изјави за „Пресинг ТВ“, министерот за правда Кренар Лога.Дилемата се јави, откако вчера министерот го потпиша Упатството за изменување и дополнување на Упатството за начинот на водење, заштита и чување на матичните книги и списи; издавање на изводи, уверенија, преписи и копии врз основа на матичните книги; водење постапка и составување на записник за најдено дете; обновување на уништени, оштетени или исчезнати матични книги, како и за обрасците на матичните книги, регистарот на матични книги, изводите и уверенијата што се издаваат врз основа на матичните книги, каде ќе стои графа за етничка припадност.Во формуларот стои „националност“, што произлегува, според министерот, од постоечките законски одредби, а не етничка припадност.– Законот за матична евиденција не е изменет и навистина не знам од кои причини до сега не е користена именката Македонец/Македонка, изјави министерот Лога за Pressing TV.

Македонија | пред 2 години

Жените во затворот „Идризово“ ќе ги имаат правата како мажите

Министерот за правда Кренар Лога ги потпиша измените на Правилникот за распоредување, класификација и разместување на осудените лица во Казнено-поправните установи. Од Министерството за правда посочуваат дека со измените, жените кои издржуваат казна затвор ќе ги имаат истите права и поволности како и мажите. Измените доаѓаат откако ексминистерката Гордана Јанкулоска поднесе претставка до Комисијата за антидискриминација, а тие утврдија дека таа и другите жени се дискриминирани со одредбите од Правилникот.„Предвидено е доколку осудено лице од женски пол, кое е осудено на казна затвор до три години или издржало казна затвор од три години да може да ги користи поволностите во согласност со правилникот и куќниот ред од КПУ ‘Идризово’. Со измените на Правилникот повеќе нема да има дискриминација на осудените лица од женски пол во женското одделение, наспроти осудените од машки пол“, велат од Министерство за правда.

Македонија | пред 2 години

Лога за изјавата на Јолевски: Не очекував од висок претставник на судската власт да изјавува дека министерот нема право да го бара записникот од Судскиот совет

Изненаден сум од изјавата на претседателот на Советот на јавни обвинители, Антонио Јолевски и не очекував од висок претставник на судската власт кој треба да ги знае Уставот и законите ,во јавноста да изјавува дека министерот за правда нема право да го бара записникот од Судскиот совет, вели Министерот за правда, Кенар Лога.„Министерот за правда согласно Уставот е член на Судскиот совет по функција. Судскиот совет редовно го поканува министерот за присуство на седниците и испраќа извештаи за својата работа.Членот 15 од Деловникот предвидува дека записникот покрај останатите податоци содржи податоци за дневниот ред што е утврден на седницата, наводите , изјаснувањата и предлозите на присутните на седницата , спроведената расправа, донесените одлуки и резултатот од гласањето. Записникот се разгледува и усвојува на седница на Советот, а по евентуални забелешки, Советот донесува заклучок кој што е составен дел на записникот на кој се однесувала забелешката. Усвоениот записник од седницата на Советот го потпишуваат претседтаелот на Советот и генералниот секретар, односно лицето што го водело записникот. Судскиот совет има обрска примерок од записникот да достави до членовите на Судскиот совет по електронски пат.Министерот за правда како член на Судскиот совет има право да реагира и да бара исполнување на обврската за доставување на Записник од седница на Судски совет.Ве информирам дека до овој момент до Министерството за правда сеуште не е пристигнат одговор на писмениот допис од Судскиот совет со кој се бараше да се достават на увид Записникот од 438-та седница и усвоениот дневен ред.Министерството за правда и јас како министер со големо внимание ги следиме состојбите во судството и обвинителството и во оваа насока увидот ќе ни помогне во определување на правецот во кој е потребно да се движат законските измени за отстранување на сите недоследности во функција на обезбедување на владеење на правото и реформи во правосудството.Очекуваме во најскоро време да се надмине ситуацијата во Судскиот совет и тој да претставува орган кој ќе го штити а не нарушува угледот на судството“, додава тој.

пред 2 години

Лога: Во Министерството за правда сеуште не е доставен записникот од седницата на Судскиот совет

Министерот за правда Кренар Лога одговарајќи на новинарско прашање за настаните во Судскиот совет рече дека во Министерството за правда сеуште не е добиен записникот од седницата на Судскиот совет, која се одржа на 26 април, на која беше разрешена претседателката на Советот, Весна Дамева.,,Денеска проверивме пред да дојдеме овде дека такви записници не се пуштени кај нас, немаме никаква информација освен тоа што вие го имате дадено како медиуми. Другиот дел останува нејасен, бидејќи не е објавена никаква одлука во Службен весник. Така што не би сакал да навлегувам во оваа проблематика додека немам на хартија тоа што веќе го имам побарано како министер за правда” изјави министерот за правда Кренар Лога.

Македонија | пред 2 години

Новинарите мора да работат професионално и одговорно и да бидат ослободени од секакви притисоци, вели Лога

Министерот за правда Кренар Лога им го честиташе 3 Мај- Светскиот ден на слобода на медиуми на сите новинари, сниматели, фоторепортери , медиуми и медиумски работници .„Новинарите мора да работат професионално и одговорно и да бидат ослободени од секакви притисоци. Слободно новинарство е еднакво на квалитетно новинарство. Слободни и независни медиуми се неопходни за промоција и заштита на демократијата во сите сегменти од општеството. На граѓаните им се потребни точни, навремени и проверени информации. Само квалитетно, одговорно и етичко новинарство може да доведе до развој на демократијата, инклузивно и отпорно општество.. Апелирам, сите заедно да се спротиставиме на дезинформациите кои имаат за цел да создадат лажна слика во општеството и паника кај граѓаните”, порача министерот за правда Кренар Лога .Со цел подобрување на состојбата, Министерството за правда преку законските измени за граѓанска одговорност за навреда и клевета овозможи да се гарантира слободата на изразување. Со овој закон драстичното се намалува висината на казните на медиумските работници за штетата предизвикана со навреда или клевета.Со измените на Кривичниот законик нападот врз новинар се казнува како напад врз службено лице.Владата и во наредниот период ќе се фокусира на подобрување на состојбите во оваа сфера со цел да се овозможи независно , професионално и достоинствено извршување на новинарската професија

Македонија | пред 2 години