МЕТЈУ ПЕРИ

Следува пресуда за асистентот на Метју Пери: Му давал кетамин пред смртта

На Кенет Ивамаса, поранешниот асистент на покојниот американски актер Метју Пери, денеска ќе му биде изречена пресуда откако призна вина дека му вбризгувал кетамин на актерот пред неговата смрт.На личниот асистент на ѕвездата од серијата „Пријатели“ денеска ќе му се суди пред федерален суд во Лос Анџелес, во рамки на истрагата што се води по смртта на актерот.Ивамаса, кој бил во центарот на случајот, претходно призна вина за заговор за дистрибуција на кетамин што довел до смртен исход, а обвинителството побара казна од три години и пет месеци затвор.Тој бил првиот од обвинетите кој постигнал договор со обвинителството и станал клучен сведок во постапката.Истражителите наведуваат дека во деновите пред смртта, на 23 октомври 2023 година, Ивамаса му давал повеќе дози кетамин дневно на актерот, а кобниот ден му вбризгал голема количина и потоа го оставил сам.Кога се вратил, Метју Пери бил пронајден мртов во хидромасажна када. Судско-медицинската служба на округот Лос Анџелес утврдила дека кетаминот е главната причина за смртта, додека давењето било секундарен фактор.Пери легално добивал кетамин како дел од терапија за депресија, но според судските документи барал поголеми количини од пропишаните.Актерот го ангажирал Ивамаса во 2022 година и му плаќал 150.000 долари годишно за да живее во неговиот дом во Лос Анџелес и да работи како личен асистент.Одбраната тврди дека Ивамаса бил во зависна позиција од својот работодавец и немал можност да ги одбие неговите барања, додека семејството на актерот во судските поднесоци наведува дека го смета директно одговорен за неговата смрт.Според обвинителството и судските документи, Ивамаса набавувал кетамин за Пери на црниот пазар, вклучително и преку лекарот Салвадор Пласенсија, кој го обучувал за вбризгување.Пласенсија претходно бил осуден на две и пол години затвор. Кетаминот бил набавуван и преку Ерик Флеминг, кој бил поврзан со уличен дилер.Флеминг бил осуден на две години затвор, додека дилерката Џасвин Санга, позната како „кралица на кетаминот“, добила казна од 15 години затвор.

Магазин | пред 1 седмица

Дилерката на Метју Пери се соочува со казна до 65 години затвор: „Избрала профит наместо човечки животи“

Американските федерални обвинители побараа казна од 15 години затвор за Џасвин Санга, позната како „Кралица на кетаминот“, поради нејзината улога во смртта на актерот Метју Пери, јавува ABC News.Санга, која беше уапсена во август 2024 година, призна дека го снабдувала Пери со кетамин во неделите пред неговата смрт во октомври 2023 година. Според судските документи, учествувала во дистрибуција на големи количини дрога, вклучувајќи ја и онаа која беше фатална за актерот.Обвинителите истакнуваат дека таа водела разгранета илегална активност од својот дом во Лос Анџелес, каде складирала и продавала дроги како кетамин и метамфетамин. Особено се нагласува дека продолжила со продажбата и по сознанието дека нејзините супстанции се поврзани со повеќе смртни случаи.„Избрала профит наместо човечки животи“, се наведува во поднесокот на обвинителството, истакнувајќи дека нејзините постапки покажуваат целосна рамнодушност кон човечките животи.Одбраната, пак, бара пониска казна, истакнувајќи дека Санга покажала знаци на рехабилитација, одржувала апстиненција и учествувала во програми за опоравување за време на притворот.Во случајот на смртта на Метју Пери обвинети се вкупно пет лица, вклучувајќи го и неговиот асистент и лекари кои учествувале во набавката и дистрибуцијата на кетаминот. Според обвинителите, актерот пред смртта примил повеќе инјекции од оваа супстанца.Максималната казна за Санга е 65 години затвор, а изрекувањето на пресудата е закажано за април во Лос Анџелес.

Магазин | пред 2 месеци

Метју Пери бил вљубен во Џенифер Анистон

Актерот Метју Пери, во неговите мемоари „Friends, Lovers and Big Terrible Thing“, откри досега непознати детали од неговиот живот, како и дека бил вљубен во колешката Џенифер Анистон.Пред почетокот на снимањето на култната серија „Friends“, Метју ја запознал Џенифер и веднаш се вљубил во неа, а помислил дека и таа има исти чувства кон него.Кога добил две работи во еден ден, првата личност на која се јавил за да ја сподели радосната вест била Џенифер.„Гледајќи назад, во минатото, ми беше јасно дека поради тоа помислила дека премногу ми се допаѓа или го разбрала тоа на погрешен начин, но јас само ги влошив работите со тоа што ја поканив на состанок. Ме одби, но ми кажа дека сака да ми биде пријателка. Јас ги комплицирав работите, велејќи дека ние двајцата не може да бидеме пријатели“, наведе Пери.На крајот и двајцата ги добиле главните улоги во серијата „Friends“, а Пери признава дека неговата заљубеност не исчезнала и дека поради тоа снимањето му било тешко.„Уште на почетокот на снимањето на серијата сфатив дека сѐ уште ми се допаѓа Џенифер. Нашите поздрави и разделби станаа непријатни. А, потоа се прашував колку долго е пристојно да гледам в неа, дали три секунди се предолги?“, напиша тој во мемоарите.

Магазин | пред 3 години

Срцето на Пери застанало пет минути, при реанимација му биле скршени осум ребра

Метју Пери требаше да игра улога во филмот „Don't Look Up“, но по медицинскиот зафат мораше да ја напушти актерската екипа.Актерот бил на операционата маса кога срцето му застанало пет минути, се вели во написот на Ролинг Стоун, а тоа го потврдил и во своите мемоари „Пријатели, љубовници и големата лоша работа“, пренесува Page Six.Ѕвездата на „Пријатели“ напиша дека иако снимил сцена со Џон Хил како републикански репортер, тој не се вратил на сетот. Наместо тоа, Пери остана во центар за рехабилитација во Швајцарија.Пери објасни дека бил опериран во кој во грбот му била ставена „чудна медицинска направа“. А сето ова дојде откако ги излажа своите лекари дека има силни болки во стомакот за да добие рецепт за хидрокодон.Бидејќи претходната ноќ земал опиоид, хидрокодонот подоцна бил комбиниран со анестетикот пропофол и користен за време на процедурата.„Добив истрел во единаесет наутро“, напиша Пери. „Се разбудив 11 часа подоцна во друга болница. Очигледно пропофолот ми го запре срцето. Пет минути“.Актерот појасни дека немал инфаркт.„Не, но ништо не беше подобро“, се сеќава тој. „Ми рекоа дека некој тежок Швајцарец навистина не сака момчето од „Пријатели“ да умре на неговата маса и ми правел CPR цели пет минути, тепајќи ме и удирајќи по моите гради“.За време на реанимацијата, на актерот му биле скршени осум ребра, а поради таквата состојба не можел да се врати на филмскиот сет.Пери беше отворен за неговата борба со зависноста пред објавувањето на неговата книга на 1 ноември, велејќи за Њујорк Тајмс дека проценува дека потрошил 9 милиони долари на своето патување до трезвеноста.

Магазин | пред 3 години