МЛЕЧНИ ПРОИЗВОДИ

Д-р Ненад Лазаров: Палминото масло не е најголемиот проблем, измамите и лажното декларирање се многу посериозни

Палминото масло не е директно канцерогено само по себе, а јавноста треба да биде подобро информирана за вистинските ризици поврзани со неговата употреба, смета д-р Ненад Лазаров.Тој посочува дека палминото масло содржи значително повеќе заситени масти од многу други растителни масла, поради што може да биде понеповолно за здравјето, особено кога се користи за пржење. Сепак, според него, многу поголем проблем претставува начинот на кој се декларираат одредени производи.„Измамата е проблем. Не може и не смее да содржи палмино масло, а да се нарекува млечен производ. Тоа е едноставно и е регулирано во Европската Унија“, вели Лазаров.Тој нагласува дека прашањето за палминото масло има и сериозна еколошка димензија, бидејќи неговото производство е поврзано со уништување на огромни површини тропски шуми ширум светот.Според Лазаров, во актуелната дебата околу палминото масло постојат многу посериозни прашања од самата канцерогеност.„Проблеми има триста други во случајов, најмал е канцерогеноста“, оценува д-р Лазаров.

Коментари | пред 1 час

ekspert-objasnuva-zoshto-treba-da-prestanete-da-piete-kravjo-mleko-kafepauza.mk_

Објавени млекарите кои пласирале лажни декларации за млечните производи

Голема измама на потрошувачите откри Агенцијата за храна и ветеринарство (АХВ) по спроведените вонредни инспекциски контроли во поголемите синџири маркети низ земјава.Официјалните ветеринари подигнале вкупно 91 мостра од млеко, млечни производи и сувомеснати производи (од домашно производство и од увоз) за да утврдат дали нивниот реален квалитет соодветствува со она што е напишано на декларациите.Според резултатите, кај дел од производителите биле утврдени отстапувања во процентот на млечни масти и протеини, а во еден случај биле откриени и растителни масти во производ што се декларира како млечен.Според „КУРИР“ меѓу производите кај кои се утврдени неправилности се:Млекара Милком, мешан кашкавал, млечни масти по декларација 34.5%, по анализа 30%.Млекара Маврово, мешано сирење, по декларација 24.5%, по анализа 17.5%.Млекара Сентис АГ тетово УХТ млеко по декларација 3.2%, по анализа 2.85%. Протеин деклариран 3.5% по анализа 3%. Павлака кисела по декларација млечна маст е 18%, по анализа 14%.Млекара Ѓорѓиеви, козјо сирење, по декларација 23%, по анализа 16.3% млечна маст. Протеин по декларација 18.8%, по анализа 14.6%.Млекара ПК Златибор Србија, увоз-златиборско ситно сирење по декларација млечна маст 14.3% по анализа 1.19%.Млекара Бела фарм производ урда потекло Србија Хомоље, по декларација млечна маст 25%, по анализа 5.54%.Млекара -Продукт бренд, кравјо сирење по декларација млечна маст 15%, по анализа 11.4%. Протеини 12%, по анализа 15%.Тетовска млекара, мешано сирење, по декларација 23% ,по анализа 19.8% млечна маст.Млекара Норд милк, млечна павлака со пиперка позитивна на растителни масти.

Македонија | пред 4 часа