МВР

Мотоциклист со тешки повреди однесен во болница: изгубил контрола и излетал од патот

На 19.09.2024 во 20.25 часот во Полициската станица Струмица било пријавено дека на локален пат помеѓу селата Робово и Муртино, струмичко, Р.П.(36) од село Владевци, струмичко, управувајќи мотоцикл „јамаха“ со струмички регистарски ознаки, изгубил контрола и со мотоциклот излетал надвор од патот.Во несреќата со тешки телесни повреди се здобил мотоциклистот, констатирани во Медицински центар Струмица.Увид на местото извршила екипа на Полициската станица Струмица.

Македонија | пред 1 година

Приведен 30-годишник: Со закана со пиштол ограбил аптека во Ново Лисиче

На 19.09.2024 во 21.55 часот на подрачјето на општина Аеродром, полициски службеници од Единицата за интервентна полиција при СВР Скопје го лишиле од слобода Б.П.(30) од н.Илинден, Скопје.Тој се сомничи дека околу 21.30 часот во аптека во населба Ново Лисиче со закана со пиштол кон вработените одзел пари од дневниот промет. Пиштолот бил пронајден и одземен, а биле пронајдени и парите и биле вратени на сопственикот.Лицето било задржано во полициска станица и по целосно документирање на случајот против него ќе биде поднесена соодветна пријава.

Скопје | пред 1 година

Прегазен малолетен пешак во Прилеп

На 18.09.2024 во Полициската станица Прилеп било пријавено дека на крстосницата од ул.„Мице Козар“ со ул.„Никола Карев“ во Прилеп, патничко возило „мазда“ со прилепски регистарски ознаки, управувано од Е.Р.(38) од Прилеп, удрило во малолетен пешак од Прилеп, а потоа и во паркирано патничко возило „фиат“ со прилепски регистарски ознаки.Во несреќата со тешки телесни повреди се здобила малолетничката, констатирани во Градската општа болница Прилеп.Извршен бил увид од увидна екипа од ОВР Прилеп.

Македонија | пред 1 година

Несреќа кај Граничниот премин Балановце: Се судриле мотоцикл и две возила, мотоциклистот со тешки повреди

На 18.09.2024 во 22.25 часот во СВР Куманово било пријавено дека на регионалниот пат с.Слупчане, липковско - Граничен премин Белановце, се случила сообраќајна несреќа помеѓу мотоцикл „хонда“ без регистарски ознаки, управуван од Р.А.(20) од село Слупчане, патничко возило „фолксваген голф“ со кумановски регистарски ознаки, управувано од С.М.(46) од село Липково и патничко возило „шкода“ со кумановски регистарски ознаки, управувано од Ф.Р.(40) од село Слупчане.Во несреќата со тешки телесни повреди се здобил мотоциклистот, констатирани во Градската општа болница Куманово.Извршен бил увид од увид екипа од СВР Куманово.

Македонија | пред 1 година

Осум лица добија кривични по несреќа на автопатот Скопје - Куманово: во овој настан починаа маж и дете

Единицата за насилен криминал при СВР Скопје, до ОЈО Скопје, поднесе кривична пријава против Д.Д.(40), Д.М.(59), П.Г.(42), П.М.(56), С.С.(39) и Р.П.(58), сите од Скопје и скопско, против З.Н.(61) од Битола и Х.Р.(58) од Косово, како и две правни лица од Скопје и едно правно лице од Гостивар поради постоење основи на сомнение за сторени кривични дела „предизвикување опасност при градежни работи" предвидено и казниво по член 289 став 1 од Кривичниот законик во врска со кривично дело „тешки дела против општата сигурност“ предвидено и казниво по член 292 став 2 од Кривичниот законик и кривично дело „загрозување на безбедноста на сообраќајот“ предвидено и казниво по член 297 став 1 од Кривичниот законик во врска со кривично дело „тешки дела против безбедноста на луѓето и имотот во сообраќајот“ предвидено и казниво по член 300 став 2 од Кривичниот законик.На 02.09.2024 во 11.30 часот во СВР Скопје било пријавено дека на автопатот Скопје – Куманово, на околу два километри пред наплатна станица Миладиновци, патничко возило „мерцедес“ со кумановски регистарски ознаки, управувано од Б.А.(34) од село Опае, кумановско, удрило во непрописно поставени сообраќајни знаци за пренасочување на сообраќајот и во запрено товарно возило „ман“ со скопски регистарски ознаки, сопственост на правно лице од Скопје, а непрописно паркирано од Р.П.(58) од село Глумово, скопско. Во несреќата од здобиените повреди на местото на настанот починал возачот Б.А., а подоцна, во Комплексот клиники „Мајка Тереза“ во Скопје од здобиените повреди починал и малолетен сопатник од село Опае.

Македонија | пред 1 година

Лишен од слобода разбојник во Скопје поради извршени разбојништва во обложувалници

На 17.09.2024 во 18.30 часот во Скопје, во Старата скопска чаршија, инспектори од ОКР Центар и Бит Пазар при СВР Скопје го лишија од слобода С.А. (36) од тетовско, кој претходните денови извршил кривични дела „разбојништво“ во обложувалници и помали трговски објекти на територија на Скопје, заканувајќи се со скалпел.При преглед кај него е пронајден скалпел и пари кои потекнуваат од кривичните дела.Известен е јавен обвинител и по целосно расчистување на кривичните дела, против С.А. ќе биде поднесена кривична пријава.

Скопје | пред 1 година

Кривична пријава за стружанец поради предизвикување пожар

Надворешната канцеларија за криминалистички работи Струга поднесе кривична пријава против А.М.(43) од Струга поради постоење основи на сомнение за сторено кривично дело „предизвикување општа опасност“.На 08.09.2024, пријавениот на земјен пат во с.Мислешево запалил сува трева и ѓубриште и заминал од местото, а огнот се проширил и на друг плац во кој имало барака, сопственост на М.К..

Македонија | пред 1 година

Полициски службеници пуштиле на слобода затвореник бидејќи немало место во затворот

Одделот за внатрешна контрола, криминалистички истраги и професионални стандарди до надлежното Основно јавно обвинителство за гонење на организиран криминал и корупција - Специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава за кривично дело ,,неизвршување на судска одлука“ по член 377 од КЗ против Т.Л., И.Д. и Р.Т., полициски службеници од ПС ОН Битола во СВР Битола.На 02/03.06.2024 прво и второ пријавениот не постапиле по писмена наредба на Основен суд Кичево за спроведување на осудено лице во казнено поправна установа заради извршување на санкција утврдена со правосилна пресуда, заради издржување на казна затвор во времетраење од една година. Имено, откако претходно бил пронајден и лишен од слобода, осудениот А.А. од Кичево, од страна на прво и второ пријавениот бил спроведен до КПУ Затвор Битола, а откако од страна на вработен во затворот осудениот наводно не бил примен поради немање на слободни места во затворската установа, прво и второ пријавениот, без да изготват било каква службена документација, го пуштиле осуденото лице на слобода без одобрение на судот, кој ја издал писмената наредба. Наведеното го извршиле со претходно одобрение на третопријавениот во својство на одговорен, кој не издал наредба осуденото лице да биде доведено и задржано во ПС ОН Битола заради понатамошна постапка спротивно на член 15 од Правилникот за вршење на полициските работи во МВР.Одделот за внатрешна контрола, криминалистички истраги и професионални стандарди согласно своите надлежности и овластувања ќе поднесе предлог за поведување на постапка за утврдување на дисциплинска одговорност против полициските службеници Т.Л., И.Д., и Р.Т. и ќе изрече задолжителни мерки за отстранување од работното место до завршување на дисциплинската постапка.

Македонија | пред 1 година

18-годишни момчиња фатени со дрога, кај малолетник пронајден боксирач

Денеска (17.09.2024) во 00.20 часот во Скопје, на подрачјето на Бит Пазар, полициски службеници од Единицата за интервентна полиција при СВР Скопје ги лишиле од слобода М.Н.(18) и В.Н.(18), двајцата од Скопје, затоа што кај нив била пронајдена и одземена марихуана.Истовремено бил приведен и малолетник од Скопје, затоа што кај него бил пронајден и одземен боксирач. По целосно документирање на случајот ќе следуваат соодветени поднесоци по член 215 од Кривичниот законик и член 80 од Законот за оружје

Скопје | пред 1 година

21-годишна девојка со тешки повреди: Изгубила контрола над мопедот и излетала од патот

На 16.09.2024 во 18.00 часот во Полициската станица Крива Паланка било пријавено дека на локалниот пат кон манастирот „Св.Јоаким Осоговски“, К.Д.(21) од Крива Паланка, управувајќи мопед со кривопаланечки регистарски ознаки, изгубила контрола и излетала надвор од патот.Во несреќата со тешки телесни повреди се здобила К.Д., констатирани во Градската општа болница Куманово.Извршен бил увид од увидна екипа од ОВР Крива Паланка.

Македонија | пред 1 година

Претрес во Куманово: Приведен дилер, пронајдена дрога

На 16.09.2024 во 20.45 часот во Куманово, полициски службеници од СВР Куманово го лишиле од слобода Б.И.(41) од Куманово.При претрес во неговиот дом, извршен со судска наредба, биле пронајдени и одземени бела и кафеава прашкаста материја и дигитална вага. Б.И. бил приведен во полициска станица и по целосно документирање на случајот, против него ќе следува соодветна пријава.

Македонија | пред 1 година

Претрес во Гевгелија, пронајдена дрога

На 16.09.2024 во 13.40 часот во Гевгелија, полициски службеници од СВР Струмица - ОВР Гевгелија го лишиле од слобода И.Г.(44) од Гевгелија. При претрес во неговиот дом, извршен со судска наредба, биле пронајдени и одземени стебла канабис, предмети исполнети со зелена растителна материја и употребени шприцеви со игли со остатоци од непозната материја.За настанот бил запознаен јавен обвинител од Основното јавно обвинителство Гевгелија и по документирање на случајот против И.Г. ќе биде поднесена соодветна пријава.

Македонија | пред 1 година

Прегазен пешак во Скопје, однесен во болница со тешки повреди

На 12.09.2024 во 16.40 часот во СВР Скопје било пријавено дека на крстосницата од ул.„Васко Карангелевски“ и ул.„Владимир Комаров“ во Скопје, патничко возило „нисан“ со скопски регистарски ознаки, управувано од В.К.В.(38), удрило во С.К.(19), двете од Скопје.Во несреќата со тешки телесни повреди се здобила С.К., констатирани во Комплексот клиники „Мајка Тереза“.Извршен бил увид од увидна екипа од СВР Скопје.

Скопје | пред 1 година

Се судриле „пасат“ и „пежо“, три лица повредени

На 15.09.2024 во 22 часот во ОВР Кавадарци било пријавено дека на регионалниот пат Кавадарци - село Возарци се случила сообраќајна несреќа помеѓу патничко возило „пасат“ со кавадаречки регистарски ознаки, управувано од Т.Б.(19) од село Дебриште, кавадаречко, и патничко возило „пежо“ со битолски регистарски ознаки, управувано од 40-годишната М.В. од Битола.Во несреќата со тешки телесни повреди се здобила сопатничката во возилото „пежо“ Л.В.(73) од Битола, а со телесни повреди се здобил малолетен сопатник во возилото „пежо“ и возачот на возилото „пасат“, констатирани во болницата во Кавадарци.По овластување на јавен обвинител увид извршила увидна екипа од ОВР Кавадарци.

Македонија | пред 1 година

Две лица со тешки повреди: Со возилото излетале од патот

На 15.09.2024 во 22.10 часот во СВР Штип било пријавено дека на магистралниот пат Штип – Неготино, патничко возило „фолксваген голф“ со кавадаречки регистарски ознаки, управувано од Б.Д.(27) од Кавадарци, излетало надвор од коловозот.Во несреќата со тешки телесни повреди се здобил возачот Б.Д. и неговиот сопатник Х.С.(18) од Кавадарци, констатирани во Градската општа болница Велес.Извршен бил увид од увидна екипа од ОВР Штип.

Македонија | пред 1 година

МВР: Краен рок за промена на возачките дозволи со старото уставно име е 31.12.2024, граѓаните да ги заменат навреме

,,Министерството за внатрешни работи ги потсетува граѓаните дека важноста на возачките дозволи со старото уставно име, согласно со промената на законот за безбедност во сообраќајот, е заклучно со 31.12.2024 година.Министерството ги повикува сите граѓани кои се уште имаат возачка дозвола со старото уставно име, да ја обноват својата возачка дозвола, до истекот на рокот, со цел да не се создаваат непотребни гужви.Сите капацитети на министерството и шалтерите на управните служби функционираат во полн капацитет и можат да ги услужат граѓаните да ги заменат своите возачки дозволи во редовниот рок до 31.12.2024, без никакво доцнење и гужви.", информираат од МВР.

Македонија | пред 1 година

Среде ноќ, малолетници им се „силеле“ на полицајци

Денеска (15.09.2024) во 03.30 часот, пред угостителски објект во Градски парк Скопје, полициски службеници од СВР Скопје привеле двајца малолетници од Скопје кои се однесувале агресивно кон полициски службеници додека тие извршувале службени дејствија.По документирање на случајот ќе бидат поднесени соодветни поднесоци.

Скопје | пред 1 година

Две тешки сообраќајки: Пет повредени, дел со тешки последици, меѓу кои малолетник

На 14.09.2024 околу 13 часот во СВР Битола е пријавено дека на регионалниот пат Прилеп – Битола, пред влез за с. Добрушево и с. Клепач, се случила сообраќајна несреќа помеѓу патничко моторно возило „фолксфаген" со охридски регистарски ознаки, управувано од С.Н.(66) од Охрид и трактор „имт" со прилепски регистарски ознаки, управуван од С.Н.(41) од с. Канатларци,прилепско. Возачот на возилото „фолксфаген“ и неговата сопатничка З.И.(44) од Прилеп се здобиле со тешки телесни повреди, а возачот на тракторот со телесни повреди, констатирани во болниците во Битола и Прилеп.Денеска (15.09.2024) во 00.45 часот во Полициската станица Неготино било пријавено дека на крстосницата од ул. „Индустриска“ и локалниот пат за с. Курија, се случила сообраќајна несреќа помеѓу патничко возило „шевролет“ со кавадаречки регистарски ознаки, управувано од Д.В.(34) од село Возарци, кавадаречко и мотоцикл со велешки регистарски ознаки, управуван од малолетник од село Виничани, општина Градско. Во несреќата со тешки телесни повреди се здобил малолетен сопатник од мотоциклот од село Виничани, констатирани во Градската општа болница Кавадарци, додека со телесни повреди се здобил возачот на мотоциклот.

Македонија | пред 1 година

Центар, Бит Пазар и Кисела Вода биле мета на полицијата ноќеска: уапсени четири лица, меѓу кои малолетник и млада девојка

Денеска (15.09.2024) во 01.50 часот во Скопје, на подрачјето на Бит Пазар, полициски службеници од Единицата за интервентна полиција при СВР Скопје го лишиле од слобода О.И.(29) од Скопје, поради тоа што кај него била пронајдена и одземена бела прашкаста материја. По целосно документирање на случајот ќе следува соодветен поднесок.На 14.09.2024 во 23.55 часот во Скопје, на подрачјето на Центар, полициски службеници од Единицата за интервентна полиција при СВР Скопје го лишиле од слобода Т.Н.(25) од Ресен поради тоа што кај него била пронајдена и одземена марихуана. По целосно документирање на случајот ќе следува соодветен поднесок.На 14.09.2024 во 18.00 часот во Скопје, на подрачјето на Кисела Вода, полициски службеници од Единицата за интервентна полиција при СВР Скопје лишиле од слобода малолетник од Скопје, поради тоа што кај него била пронајдена и одземена марихуана. По целосно документирање на случајот ќе следува соодветен поднесок.На 14.09.2024 во 18.55 часот на подрачјето на Центар, полициски службеници од Единицата за интервентна полиција при СВР Скопје ја лишиле од слобода А.И.(20) од Скопје, поради тоа што кај неа била пронајдена и одземена марихуана. По целосно документирање на случајот ќе следува соодветен поднесок.

Скопје | пред 1 година

Акција среде ноќ во Кондово

Денеска (15.09.2024) во 02.45 часот во село Кондово, скопско, полициски службеници од Единицата за интервентна полиција при СВР Скопје, постапувајќи по судска наредба од Основен суд Скопје 1, го привеле А.А.(27) од село Сарај, скопско, кој бил баран за издржување на затворска казна. А.А. бил спроведен во Казнено поправна установа Идризово.

Скопје | пред 1 година

Автомобил на инспектор за дрога во МВР запален во Ѓорче Петров: возилото било паркирано пред неговиот дом, палењето било среде ноќ

Автомобил сопственост на инспектор за наркотици бил запален во Ѓорче Петров, пред неговиот дом. Ова се случило ноќта 13-ти спрема 14-ти септември. Возилото, според информации на „Скопје1“ било паркирано пред домот на инспекторот, кој пак, учествувал во низа претреси на нарко-дилери низ Скопје.„На 14.09.2024 во СВР Скопје било пријавено дека околу 03.30 часот во Скопје, на територија на Ѓорче Петров, било опожарено патничко моторно возило „голф“ со скопски регистерски ознаки, сопственост на Д.Д. од Скопје“, велат од МВР за „Скопје1“.Според првичните информации од истрагата, автомобилот бил таргетиран, а во околината има и камери како од системот „Безбеден град“ така и од приватни објекти. Ќе се проверува кој го нарачал, но и кој го извршил палењето на автомобилот. Дополнително, се утврдува и кој бил главниот мотив за ваквото кривично дело.Извршен е увид од СВР Скопје и се преземаат мерки за расчистување на случајот.

Македонија | пред 1 година

Малолетничка и сопатничка повредени во сообраќајка кај Страцин, однесени во болница

На 13.09.2024 во 12.05 часот во Полициската станица Кратово било пријавено дека на магистралниот пат А-2 во с. Страцин, кратовско, на место викано „Поповски рид“ патничко возило „фолксваген поло“ со кратовски регистарски ознаки, управувано од Б.С.(59) од село Туралево, кратовско, излетало од коловозот.Во несреќата со тешки телесни повреди се здобила неговата сопатничка Х.А.(33) од Кратово, а со телесни повреди се здобил возачот на возилото и малолетна сопатничка од Кратово, констатирани во Градската општа болница Куманово.Извршен бил увид од увидна екипа од ОВР Кратово.

Македонија | пред 1 година

Пет лица се под прогон за предизвикување на пожари во Битола и битолско

СВР Битола до Основното јавно обвинителство Битола поднесе пет кривични пријави против четири лица и едно правно лице по член 288 од КЗ за пожари предизвикани во периодот од 15.06.2024 до 10.09.2024 година. Поднесена е кривична пријава против Ѓ.Д. (70) од Битола, заради постоење на основи на сомнение дека тој на 29.07.2024 запалил оган во нива, негова сопственост, во атарот на село Братиндол, битолско, со цел да уништи инсекти. Поради ветрот пожарот се проширил и во соседните ниви, по што бил изгаснат од страна на Територијалната противпожарна единица Битола.Поднесена е кривична пријава поради основи на сомнение дека пријавениот сторил кривично дело „предизвикување општа опасност“, предвидено и казниво во чл.288 ст.1 од КЗ. Поднесена е кривична пријава против Т.И.(27) од с.Кременица,битолско, заради постоење на основи на сомнение дека тој на 04.09.2024 запалил стрниште во атарот на село Кременица, битолско и со тоа сторил кривично дело „предизвикување општа опасност“ предвидено и казниво во чл.288 ст.1 од КЗ.Поднесена е кривична пријава против правно лице по чл. 288 ст.5 бидејќи на 03.08.2024 околу 17.55 часот во с. Стрежево,битолско, од искрење на жиците кои биле паднати од бандера во сопственост на пријавеното правно лице, предизвикан е пожар со кој се зафатени сува трева и дрвја. Поднесена е кривична пријава против Р.Р.(58), со привремен престој во Битола, заради тоа што на 04.08.2024 запалил плевна во с. Црнеец,битолско, а потоа огнот се проширил и во околината каде горела сува трева. Поради основи на сомнение дека пријавениот сторил кривично дело „предизвикување општа опасност“ предвидено и казниво во чл.288 ст.1 од КЗ, поднесена е кривична пријава.Исто така, поднесена е кривична пријава и против П.Б. (46) од Битола, заради основано сомнение дека пријавениот на 04.08.2024 околу 20 часот во с. Лопатица,битолско, на место викано „Белан атар“ запалил скара во близината на неговото лозје и истата ја оставил неизгасена, со што предизвикал пожар односно сторил кривично дело „предизвикување на општа опасност “, предвидено и казниво по чл. 288 ст.1, од КЗ.

Македонија | пред 1 година

Загина 60-годишна жена од Прилеп: Автомобил удрил во неа додека возела електричен тротинет

На 12.09.2024 во 15.11 часот во ОВР Прилеп било пријавено дека на ул.„Трајко Николоски“ во Прилеп, патничко возило „мерцедес” со прилепски регистарски ознаки, управувано од К.Д.(47) од Прилеп, удрило во електричен тротинет, управуван од В.П.(60) од Прилеп.Во несреќата, В.П. се здобила со тешки телесни повреди и била пренесена во Градската болница Прилеп, каде што во 17.45 часот починала.Увид на местото на несреќата извршила увидна екипа на ОВР Прилеп.

Македонија | пред 1 година

Нема фотографија

Пронајдена дрога во Охрид, приведен 58-годишник

На 12.09.2024 во 20.55 часот на улица „Никола Карев“ во Охрид, полициски службеници од Oдделението за недозволена трговија со дрога при СВР Охрид го лишиле од слобода С.Л.(58) од Охрид. При претрес во неговиот дом, извршен со судска наредба, биле пронајдени и одземени марихуана и шишиња со течност помешана со зелена растителна материја. По целосно документирање на настанот, против него ќе биде поднесена соодветна пријава.

Македонија | пред 1 година