настан

„Каде одиме…?“ на Стефан Димовски денеска во галерија „КО-РА“

Вечерва, 25 октомври, во големиот салон на галеријата „КО-РА“ во Домот на културата „Кочо Рацин“ во Скопје, од 19 часот ќе биде отворена самостојната изложба на уметникот Стефан Димовски насловена „Каде одиме…?“.- Светот на Стефан Димовски не престанува да нѐ изненадува, секогаш со еден нов изблик на колоратурна свежина, со сиот изблик на хроматска ведрина, со магичнoста на колажните структури и гамата преточена од хармониите на флуидни пасажи до игросказот на колажните сегмнети преточени во питорескна структура, до пастуозноста на акцентите кои ја посочуваат импресијата од најразнородна екпресија, која го проткајува сетосеобилство на разнородни инвентивни сегменти, секогаш сплотени како самопоникнати, затечени и инсертирани секвенци, воспани со различни соодноси, модулации и ре-модулации, пишува Виолета Калиќ, дипломиран историчар на уметноста во каталогот за изложбата на Димовски.Како што додава, со сета повеќекратна симболика, која рибата како мотив ја има низ севкупната генеза запазено, оваплотен во неброени монументи, мозаици, од античкиот или ранохристијанскиот период сѐ до денес, во еден непрекинат континуитет, таа плени и вдахмовува, секогаш еден нов приод и интерпретација.- Овој циклус посветен на рибата, како мотив кој побудува неисцрпна имагинација и разнообразна интерпретација, ја отсликува пак сета неисцрпна и непредвидлива фантазија на авторот, посочува Калиќ.Стефан Димовски е роден 1983 во Скопје, во уметничко семејство. Сериозно започнува да се занимава со акварел во 1995. Долгогодишниот престој во Франција му увозможува да воспостави контакти со познати акварелисти, и да ја усоврши акварелната техника до перфекција.Досега има учествувано на повеќе групни изложби во Сан Рафаел, а исто така своите дела ги изложувал во повеќе галерии на југот на Франција.Негови дела се наоѓаат во повеќе институции и приватни колекции во земјава и странство. Во неговите дела покрај чистиот акварел, присутна е и комбинирана техника (акварел, колаж, акрилик, сепиа, пастел).

Магазин | пред 3 години

„Ожени ме“ – театарска претстава на Театар „Провокација“ во КИЦ

Во Културно-информативниот центар – Скопје вечер ќе биде изведена театарската претстава „Ожени ме“ во режија на Роберт Ристов. Драматизацијата е работена според мотиви од урбаните сценарија: „Ожени ме“, „Заедништво“, „Храна и љубов“ и „Брачна приказна“.– „Ожени ме“ е насловот на една од двете претстави („Ожени ме“ и „Разведи ме“) кои, всушност, се две поглавја од „Флип-изданието“ на претставите со заеднички наслов „Две нијанси црвена“. Ова е еден уникатен начин да се опфатат две теми/претстави кои претставуваат лице и опачина, едната на другата – информира организаторот.Во претставата, улогите ги толкуваат актерите Изабела Јакимова и Бранко Атанасов.

Магазин | пред 3 години

Концерт на пијанистката Кристина Светиева

Во Музејот на македонската борба вечер (17 октомври) во 19 часот, во рамките на фестивалот „Златна лира“, концерт ќе одржи пијанистката Кристина Светиева.На концеротот „Музичка импресија“, по повод 160-годишнината од раѓањето на Клод Дебиси, ќе бидат изведени делото „Прелудиуми“ (1 книга) и циклусот „Images – слики“ (2 книга).Пијанистката Светиева успешно настапувала на подиумите низ државава (фестивалите „Охридско лето“, „Скопско лето“, „Денови на македонска музика“), но и надвор од земјава (Турција, Италија, Франција, Бугарија, Шведска, Холандија, Хрватска, Чешка, САД). Носител е на повеќе високи државни и меѓународни награди и признанија. Влезот за концертот е слободен.

Магазин | пред 3 години

Познатиот водител и комичар Срѓан Динчиќ со новото стенд-ап шоу за прв пат во Скопје

На 22-ри октомври во Кино Фросина во Младинскиот Културен Центар со почеток во 20:30 часот, публиката ќе има можност за прв пат во Скопје да го гледа новото стенд-ап шоу на познатиот српски водител и комичар Срѓан Динчиќ со наслов „Во Процес“.Балканската публика за прв пат го запознава Срѓан Динчиќ од реалното шоу „Survivor“ по кое својот талент да ја насмее публиката го користи неуморно пробивајќи се во телевизиските води и константно творејќи комични материјали. На публиката во Македонија и е познат по неговиот авторски проект, но пред се како водител на квизот „Столици“, а најверојатно нема да се зачуди никој ако чуе дека е и сценарист на познатото ток-шоу „Вечер со Иван Ивановиќ“.Срѓан Динчиќ од 2011-та година неуморно работи и на белградската стенд-ап сцена каде има бројни успешни настапи со повеќе соло стенд-ап шоуа како: „Под невидливиот чадор“, „Лага заснована на вистински настан“, „Ѓаволот јагода“ и „Трета држава“. Со последното стенд-ап шоу доживува голем успех и настапува низ целиот Балкан и пошироко, а има отварано шоуа и за познатите комичари Еди Изард и Дилан Моран.Пред публиката во Скопје за прв пат ќе се претстави со своето петто стенд-ап шоу наречено „Во Процес“ каде ќе не води низ неговите животни ситуации со неговиот многу специфичен поглед на светот. Работи кои на сите ни се случиле, но не ни биле толку смешни. Можеби е време да ги погледнеме сите проблеми на поинаков начин, а можеби само треба да дојдеме на стенд-ап шоу за да го видиме хуморот во тоа.Skopje Comedy во соработка со Standup.rs ве поканува да бидете дел од ова неповторливо искуство со еден од најдобрите Балкански комичари кое не треба да го пропуштите. Билетите се достапни на bileti.mkc.mk и на билетарницата на МКЦ.

Магазин | пред 3 години

Самостојна изложба и промоција на книга на Невена Алексовски

На 13-ти октомври во 19:00 во просториите на PrivatePrint ќе се отвори првата самостојна изложба на уметницата Невена Алексовски кај нас, насловена „Земјата во нашите џебови“. На изложбата ќе се промовира и нејзината нова книга со наслов „Меланхолија на напуштените краишта“, која ја уреди и издаде PrivatePrint. Изложбата е во склоп на јубилејното издание на фестивалот за феминистичка култура Прво па женско организиран од Тиииит! Инк.Невена Алексовски е словенечка уметница со македонско потекло која е активна на словенечката независна уметничка сцена со бројни самостојни и групни изложби. Со изложбата „Земјата во нашите џебови“ ги истражува нејзините семејни корени, потеклото и припадноста и на односот кон земјата. Тргнувајќи од сопственото и семејното искуство на преселба, таа го претставува сложеното преплетување на историјата, родот и личните географии, дополнето со разновидни социо-политички пластови. Заедно со изложбата ќе ја промовира и својата книга „Меланхолија на напуштените краишта“, која дополнително ќе овозможи да ги проследиме патеките и личната динамика на нејзините претци.

Магазин | пред 3 години

Кој ќе настапи на овогодинешната „Питијада“ во Велес

По три години пауза оваа година ќе се одржи велешкиот фестивал на питата и виното. Оваа година „Питијада“ ќе се одржи од 7-ми до 9-ти октомври пред „Панини“.На тридневаната програма има музика за сечиј вкус. Така најголемите имиња на фолк сцената во Македонија доаѓаат во Велес! Миле Кузмановски, Наум Петрески и Зуица Лазова, Сузана Спасовска + Академци ќе настапат на „Питијада.Освен фолк естрадата, тука ќе бидат „The Hounds“, „ДНК“, „Фолтин“ и „Љубојна“ + „Brass fantasy“.За најмладата публика ќе бидат омилените ликови од „Дајте музика“ и „5+ бенд“ кои доаѓаат во Велес со свој концерт!

Магазин | пред 3 години

Тони Цетински вечерва на штипска „Пастрмалијада“

Со сечење на џиновската пастрамајлија синоќа почна 14.издание на штипската манифестација „Пастрмалијада“. Штипјани, но и гостите од земјава уживаа во настапите на ДНК, хрватската пејачка Јелена Розга, оркестарот на маестралниот Џамбо Агушев, а за младите забавата продолжи со познати диџеи.Оваа манифестација се одржува по две години пауза.Манифестацијата продолжува и вечерва со настапите на Зоран Илиев, Куку Леле и Тони Цетински.

Магазин | пред 3 години

„Сетстат“ во проширен состав - оркестар ќе настапат вечерва на „Крај Вардарот Џез“

Втората фестивалска вечер на „Крај Вардарот Џез“ ќе се одржи вечерва со почеток во 20 часот во камерната сала на Македонската филхармонија.Настапуваат култните „Сетстат“, кои одбележуваат 30 години јубилеј од своето постоење како џез формација. Оваа вечер, публиката ќе има уникатна можност да ги слушне во невидено издание досега, во проширен состав-оркестар. Сетстат ќе се претстават со специјална селекција на музички материјал од својот три децениски опус, кој ќе биде наново аранжиран за ваков состав. Ова ќе биде единствен и прв настап од ваков тип поставен во Филхармонија. Сетстат имаат издадено 9 студиски албуми, а во очи на фестивалот ќе се појави нивниот нов, 10ти албум, насловен како „Соба 107“.„Ние не сакаме да зборуваме за некаков „јубилеј“. Едноставно не се чувствуваме „престарени“ за оваа работа. Се уште сме деца. Наталоженото искуство од годините, па ако сакате и од децениите, ни дава можност само поинаку да ги гледаме работите. Го завршивме нашиот нов албум „Соба 107“ кој светлината на денот ќе ја дочека вечерва на концертот. Во настапот на Сетстат интегриравме четворица млади македонски џез музичари, кои најдоа свој израз при снимањето на новиот албум на „Соба 107“. Многу логично за нас беше да ги поканиме на заеднички настап. Морам да признаам дека енергијата со која тие ни пристапија за нас е исклучително инспиративна“, вели Владан Дробицки, лидер на џез формацијата Сетстат.Во оваа специјална вечер, пред Сетстат Оркестар ќе настапи „Toka Shitet“ (ака Идриз Амети), фронтмен на групата Blla Blla Blla со соло изведба на авторска музика на шаркија.Toka Shitet е уметничко име на Идриз Амети, кој има 4 студиски албуми зад себе. Како соло уметник свири на шаркија (традиционален балкански инструмент). Амети е присутен на музичката сцена од 1986 година и работи со различни бендови и уметници.„Крај Вардарот Џез” е меѓународен фестивал на современ џез, светска и етно музика, а оваа година е селектиран како еден од 10те фестивали од Балканот, кои ќе учествуваат во програмата за размена на Фестивали и клубови (FEX - Festival & Club Exchange Program), која се имплементира во рамки на платформата МОСТ музика (MOST music). Целта е да се поттикне музичкиот пазар на Балканот преку поврзување и поддршка на уметници, менаџери, фестивали и институции и да го доближи до светскиот музички пазар. Ова му овозможува на КВЏ во текот на 2023 година програмска соработка со Тандем фестивал од Европа во рамки на која ќе се овозможи гостување на домашни музичари на фестивалот во Европа и обратно, директна соработка помеѓу организаторите на обата фестивали, отворање нова мрежа на соработници со останатите учесници во програмата и секако поголема видливост и препознаеност на „Крај Вардарот Џез“ во поширокиот европски музички контекст. Работата на платформата МОСТ музика е поддржана од програмата Креативна Европа на ЕУ.Фестивалот се организира во соработка со Културно-информативниот центар на Република Бугарија во Скопје, и се реализира со поддршка на Министерството за култура на Р.С. Македонија.

Магазин | пред 3 години

Шејла Камериќ со самостојна изложба во Скопје - „Доаѓаме со поклон“

На 27-ми Септември во Чифте Амам во 19:00 се отвара голема изложба на познатата уметница Шелја Камериќ насловена „Доаѓаме со поклон“.Во пријателска соработка помеѓу КРИК – фестивал за критичка култура и Фестивалот за феминистичка култура и акција – ПРВО ПА ЖЕНСКО, првпат во Македонија ќе пристигне Шејла Камериќ, една од најзначајните уметници со огромен број меѓународни референци, со изложбата со наслов „Доаѓаме со поклон“.Шејла Камериќ (Сараево, 1976) живее и работи во Берлин, Истра и во Сараево. Студирала на Уметничката академија во Сараево. Се занимава со теми што произлегуваат од нелинеарни историски наративи и лични приказни. Камериќ се фокусира на политиката на сеќавањето, облиците на отпор во човековиот живот и на особеностите со кои резултира борбата на жените.Претставувањето на делото на Шејла Камериќ во Скопје го разгледува долгогодишното портретирање на жените како вештерки и/или предмети. Алудирајќи на добро познатите тематски интереси на радикалниот феминизам, социјалистичкиот феминизам и постструктуралистичките гледишта, изложбата исто така има цел да расветли обични, домашни и познати секојдневни елементи и да им даде акцент на проблемите на кои обично не им обрнуваме многу внимание. Оваа намера е внимателно внесена во новата измена на централното дело на изложбата „Доаѓаме со поклон“, кое прикажува необично долга, тенка црвена ткаенина што почнува како типичен украс – панделка од женската долна облека и завршува така што ја заплеткува публиката со својата сопствена материјалност. Овој гест – претераното издолжување на панделката – си поигрува со идејата за предмет што и не е веќе предмет, туку има свој сопствен живот, своја сопствена волја и моќ.Метафоричката вредност што ја содржи ова дело постои и во многу други на разни начини. Многу од делата нè потсетуваат на предмети од домаќинството и на типично женски рутини: плетење, ткаење, работа во градината; да се биде мајка; па дури и да се биде подарок, подарен некому (затоа, доаѓаме со поклон). Шејла Камериќ ги употребува овие процеси и состојби за да ги истражи и доведува во прашање (де)конструкцијата на родот, идентитетот, интимноста и сексуалноста, како и општествената, политичката и економска потчинетост на жените и нивните претстави во рамките на патријархалните општества и неолибералниот капитализам. Во таа смисла зборот „поклон“ со англискиот „спелинг“ bow би можел различно да се прочита и протолкува: тоа bow се однесува и на наведнување, свивање, покажување дека се предаваме, покоруваме, прифаќаме, што исто така вообичаено може да се види пред или по перформансот. Да се прочита зборот различно и да се согледа и со оваа конотација исто така е поврзано со тоа како живееле жените во општествата што ни се познати досега.Изложбата е во соработка со Националната галерија „Чифте амам“, кои како и секогаш го промовираат современиот концепт на отворени јавни институции. Кураторка на изложбата е Наталија Пауниќ. Воедно, во рамките на изложбата ќе имаме ретка можност да го проследиме разговорот и претставувањето на Шејла Камериќ, преку кој ќе имаме привилегија да ги слушнеме мноштвото родови, политички, уметнички, естетски и социо-културни перспективи на уметницата. Преку разговорот ќе нѐ води кураторот, историчар и теоретичар на уметност и култура од Белград, Бранислав Димитриевиќ, но секако Камериќ ќе биде отворена и за прашања и коментари од посетителите на изложбата“, велат организаторите на настанот.КРИК – фестивал за критичка култура и Фестивалот за феминистичка култура и акција – ПРВО ПА ЖЕНСКО со оваа изложба имаат цел да отворат критичка дебата за влијанијата, дијалогот и полемичките перспективи на современата уметност и нејзината одговорност во преиспитувањето на важните општествени прашања, кои ги засегаат плуралните идентитетски стереотипи преку кои културата има опресивна и маргинализирачка улога, особено кога станува збор за читањето на родовиот, женски наратив.Изложбата ќе вклучува и дела пренесени од нејзината последна соло изложба во Белград, „Мајката е кучка“, други фотографски дела („Емабаразада“ и „Непознато“), како и дела од сериите „Мажена “, „Исчезната“ и „Дигитални актови“. Исто така, ќе содржи и едно ново дело, „Градина со рози“, кое продолжува со истражувањето на формалната линија што ни е веќе позната од „Мажена“, истовремено носејќи ја заробеноста на женското тело во различна насока. Плетените цвеќиња или поточно рози (цветови исполнети со симболичното значење на љубовта, моќта, убавината, сексуалноста, мистицизмот и жртвувањето) веднаш нè потсетуваат на Hortus conclusus, мотив од христијанската иконографија, популарен во доцниот среден век и раната ренесанса. Како што тврди Лиз Херберт Мекевој од Универзитетот „Свонси“: „Идејата да се заштитат жените од грев е неискрена, иако сеприсутна. Во повеќето култури на женската сексуалност се гледа како на опасна од страна на мажите. Со нејзиното затворање тие ја спречуваат таа закана, а истовремено се преправаат дека ги заштитуваат жените од мажите“.

Магазин | пред 3 години

Светски познатиот пијанист Дејан Илијиќ и стипендист на Беркли настапува вечерва на „Крај Вардарот Џез“

Вечерва, со почеток во 20 часот во камерната сала на Македонската филхармонија започнува фестивалот „Крај Вардарот Џез“. Фестивалот е во организација на дискографската куќа „ПМГЏез“.На првата интернационална фестивалска вечер настапуваат извонредни музичари од регионот, Спејс Трио (Space Trio) од Бугарија и најреномираниот српски џез состав, Ејот (Eyot).Дејан Илијиќ е светски познат пијанист и фронтмен на водечкиот српски џез состав „Ејот“, кои романтично и еклектично комбинираат џез со локални и светски етно мотиви. Ејот се најзафатениот српски џез ансамбл, според бројот и фреквентноста на настапите ширум светските џез арени.По повод нивниот настап вечерва, Дејан Илијиќ вели:„За Скопје не врзуваат многу нешта, а првенствено фактот дека нашиот прв албум „Horizon“ го снимивме во вашиот град, во студиото „F.A.M.E.S“ во 2009-та година. Конечно ќе имаме извонредна можност да го претставиме нашиот материјал пред скопската публика. Покрај музичките настапи со Ејот, имам и динамична концертна соло кариера. Досега, имам издадено 6 албуми, најмногу за соло клавир, а пишувам музика и за филм и театар. Минатата година, запишав специјализација на Беркли, отсек филмска музика и оркестрации за филм и тв. Само пред еден месец, од Беркли добив „Berklee Celebrity Scholarship“, врз база на мојата досегашна работа. Се доделуваат вкупно 16 стипендии, а за мојот отсек 2. Ова е огромен поттик и потврда дека сум на добар пат. Моментално работам на музиката на Ејот, аранжирана за симфониски оркестар и се надевам дека публиката ќе има можност да ја слушне во блиска иднина“, вели Илијиќ.Помеѓу многуте изведби, Ејот имаат настапувано на Џез фестивалот во Дубаи 2010, победата на МИДЕМ натпреварот во Кан 2011, турнејата низ Азија во 2012, настапот на Белградскиот Џез фестивал во 2013та, концерти во култните џез клубови во Лондон (Jazz Café), Париз (Sunset Sunside), Цирих (Moods), Јокохама, како и огромната руска турнеја во 2018та година. Својот четврти албум го снимија заедно со фамозниот продуцент Стив Албини во Чикаго.Вечерва, покрај Ејот во рамки на фестивалот настапуваат и Спејс Трио, формација од добро познати музичари од бугарската вибрантна фри-импро сцена. Групата работи по принципот на „инстант композиција“ а ја води спонтаноста во изразот. Спејс Трио се современи, слободни импровизатори и креатори на звук. Музичари, кои обрнуваат внимание на вибрациите, не како реакција на фиксирана идеална изведба, туку, како авантура и се чини, секогаш звучат различно. Членови на оваа формација се: Живко Братанов – пиано, Георги Ангелов – перкусии и Васил Хаџигрудев – контрабас. Специјално за настапот во Скопје ќе им се придружи истакнатиот џез музичар од помладата генерација од Скопје, Дени Омерагиќ (Светлост, Одрон Ритуал Оркестар).Втората фестивалска вечер ќе се одржи утревечер на 24 септември во Македонската филхармонија со концертен настап на сега веќе култните „Сетстат“, кои одбележуваат 30 години јубилеј од своето постоење како џез формација. Публиката ќе има уникатна можност да ги слушне во досега невидено издание, во проширен состав-оркестар. Во оваа специјална вечер, пред Сетстат Оркестар ќе настапи „Toka Shitet“ (ака Идриз Амети), фронтмен на групата Blla Blla Blla со соло изведба на авторска музика на шаркија.Фестивалот се организира во соработка со Културно-информативниот центар на Република Бугарија во Скопје, и се реализира со поддршка на Министерството за култура на Р.С. Македонија.

Магазин | пред 3 години

Нема фотографија

Не го пропуштајте „Звукот на Скопје“, вечерва и утре скопски летен фестивал на отворено

Една од најголемите манифестации на Културно информативниот центар- Скопје „Звуците на чаршијата“ вечерва и утре на скопјани им нуди дводневен концентриран скопски летен фестивал на отворено. На повеќе локации во Скопје ќе настапат актуелни и свежи локални и интернационални имиња.Вечерва, петок (16 септември) на платото пред Филхармонија во 22 часот натапува Констракта и „Земља грува“, Дина Јашари и бендот „Хајка“, низ чаршијата ќе бидат бендот „Вива стрингс“ и германскиот бенд „Дијаз војтас дуо“ ( Diaz Wojtas Duo), а во галеријата Империјал I, во КИЦ ќе биде отворена изложбата „Македонија“ (MASEDONIA) од бразилските уметници Даниел Kастинет ( Daniel Chastinet) и Вилсон Нето (Wilson Neto), кои преку уметноста на создавање заедно патуваат во потрага по себе. Во 2019 година, уметниците учествувале на уметничка резиденција Де Ниро, во Битола, и ги донеле своите скици и цртежи, материјални и нематеријални интернализирани визуелни и душевни записи. Нивната изложба „Македонија“ е разговор меѓу два света, покана за приближување и поместување на границите меѓу местата и културите, изложба што го слави пријателството. Двајцата уметници, со духот на блискоста, во своите дела биле водени од новите простори, кои ги содржеле старите византиски фрески, кули направени со лушпи од јајца, уличките и манастирите, статуите без глава, иконите со издлабени очи, џамиите...Плоштадот „Мајка Тереза“, на платото пред зградата на Филхармонија, паркот Ибни Пајко и неколку локации во чаршијата и следниот ден ќе бидат локациите на кои ќе се одржат музички настапи, изложби, театарски претстави, поетски читања. „Љубојна“, Тони Китановски и Черкези, „Бла, бла, бла“, „Foolish Green“, „Брука бенд“ ќе настапат на плоштадот „Мајка Тереза“ ( пред Филхармонија), а во паркот Ибни Пајко ќе се претстават бендовите „Баклава“, Дориан и Добрила, „Перија“. Во рамките на таа сцена ќе се одржи и поетско читање, ќе биде изведена и детската претстава „Куферко, светскиот патник од Македонија“, а публиката ќе има можност да ја погледне и изложбата на колажи на Игор Калц.Фестивалот се организира во партнерство со компанијата „Пакомак“ и вечерва наместо влезница понесете едно пластично шише или лименка, а в сабота влезот е слободен.Ова е фестивалската програма и сатница на „ЗВУКОТ НА СКОПЈЕ“ПЕТОК, 16 септемвриПлоштад Мајка Тереза:- Хајка 19:30-20:30- Дина Јашари & другари 20:30-22:00- KONSTRAKTA & Zemlja Gruva 22:00-24:00Низ чаршија:- Вива Стрингс 18:00-19:00- Diaz Wojtas Duo Стоковна мост 18:30-19:30КИЦ (Империјал I):- MACEDONIA, изложба на Daniel Chastinet & Wilson Neto 20:00САБОТА, 17 септемвриПлоштад Мајка Тереза:- Брука бенд 19:00-19:40- Foolish Green 20:00 - 20:40- Бла бла бла 21:00 - 21:40- Toни Китановски 22:00-22:40- Љубојна 23:00-24:00Ибни Пајко- Изложба на колажи на Игор Калц 18:00-24:00- Поетско читање 18:00-19:00- „Куферко, светскиот патник од Македонија“19:00-20:00- Баклава 20:30-21:15- Добрила и Дориан Дуо 22:00-22:45- Перија 23:00-24:00

Магазин | пред 3 години

Констракта настапува на „Звукот на Скопје“: Скопската публика е построга и не може се да помине кај неа

Плоштадот пред Филхармонијата („Мајка Тереза“) е местото каде в петок (16 септември) ќе настапи Констракта и „Земља грува“ (Zemlja gruva), која годинава ја претставуваше Србија на натпреварот за најдобра песна на Евровизија и предизвика големо интересирање во регионалната, но и европската јавност и медиуми со впечатливиот сценски настап, ангажираноста и пораките кои ги испрати преку својата изведба.Посочувајќи дека скопската публика е построга и не може се да помине кај неа, Констракта најави:-Репертоарот го сочинуваат сите песни што се објавени како Констракта и оние што ги сакаме од „Земља грува“. Настапуваме како Констракта и „Земља грува“. Звукот е нешто поинаков од оној што го правевме порано, има повеќе електроника и нема дувачи, кои беа карактеристични за „Земља грува“, вели Констракта во интервју со Весна Дамчевска за „Скопјекулт“, градскиот културен водич.Нејзината оригиналност и писменост, која е „во судир“ со сета поп, фолк и турбофолк музика распространета во Србија и во екс-југословенскиот регион ја издигнува над постоечките жанрови и нуди поинаков универзум. Според критичарите нејзината музика се смета за „претставување на светот, земјата, климата, уметноста и културата на кои таа и многу луѓе припаѓаат“.-Денес низ музиката главно обработувам теми што ме интересираат, а кои главно се одраз на општествените движења. Музички, Констракта не е стилски одредена, преовладува електорниката, а блиски ми се хип-хопот, афробитот, па и трапот..., вели Констракта за „Скопјекулт“.

Магазин | пред 3 години

Дина Јашари в петок на „Звукот на Скопје“: Возбудена сум што ќе свириме дома

Дина Јашари е дефинитивно најголемото освежување на новата македонска музичка сцена. Таа заедно со бендот кој, како што самата го нарекува „Дина Јашари и другари“ во рамките на манифестацијата „Звукот на Скопје“ ќе настапи истата вечер со Констракта - в петок (16 септември) на плоштадот „Мајка Тереза“ (пред Филхармонија).-Како и на секој мој настап ќе ги свириме моите песни во полн состав со мојот бенд кој јас си го нарекувам „Дина Јашари и другари“. Возбудена сум што ќе свириме дома, затоа што повеќето настапи годинава ми беа во околните балкански држави, изјави Јашари во интервју со Весна Дамчевска за „Скопјекулт“, градскиот културен водич.Извонредниот пристап кон пишувањето песни, прекрасните сонливи аранжмани, емотивни лирики, современа, модерна и свежа продукција и секако, хипнотизирачките настапи во живо со полно право ја ставаат Дина на пиедесталот на новата локална музичка сцена.-Мислам дека ние младите/новите артисти немаме друг избор освен да бидеме свежи. Треба да носиме нова квалитетна македонска музика на оваа сцена, што веќе гледам дека се случува и многу ми е мило за тоа, вели Јашари за „Скопјекулт“.Минатата година, покрај бројните настапи, го издаде своето прво EP насловено „Дома“ кое ја зацврсти на мапата како една од најталентираните млади артистки на Балканот. Дина Јашари во 2022 реализираше и 3 мини турнеји и забележа настапи во култни концертни простори како Кино Шишка - Љубљана, А38 - Будимпешта, Мочвара - Загреб, КЦ Град - Белград....

Магазин | пред 3 години

Нема фотографија

Поинакво музичко патување викендов со „Звукот на Скопје“

Манифестацијата „Звукот на Скопје“ почнува в петок ( 16 септември) и на градот му носи свежина и нова енергија преку содржините што ги нуди. Музички ѕвезди, инспиративни изложби, театарска претстава за деца, поезија...Скопјани викендов ќе имаат забава за паметење.Плоштадот пред Филхармонијата („Мајка Тереза“) е местото каде в петок ќе настапи Констракта и „Земља грува“ (Zemlja gruva), која годинава ја претставуваше Србија на натпреварот за најдобра песна на Евровизија и предизвика големо интересирање во регионалната, но и европската јавност и медиуми со впечатливиот сценски настап, ангажираноста и пораките кои ги испрати преку својата изведба. Нејзината оригиналност и писменост, која е „во судир“ со сета поп, фолк и турбофолк музика распространета во Србија и во екс-југословенскиот регион ја издигнува над постоечките жанрови и нуди поинаков универзум. Според критичарите нејзината музика се смета за „претставување на светот, земјата, климата, уметноста и културата на кои таа и многу луѓе припаѓаат“.На настапот на Констракта, му претходи младиот панк бенд „Хајка“ од Скопје. Станува збор за бенд од помладата генерација, инспирирани од минатото и бит-генерацијата. Досега имаат издадено едно EP и еден албум, а во поддготовка е и вториот албум „Мека Машина“. Младите музичари имаа забележителни настапи на „Здраво Млади“ и „Земјотрес“ и токму тие ќе го отворат „Звукот на Скопје“ на 16 септември, а по нив следува настапот на Дина Јашари & другари, која е најголемото освежување на новата македонска музичка сцена. Извонредниот пристап кон пишувањето песни, прекрасните сонливи аранжмани, емотивни лирики, современа, модерна и свежа продукција и секако, хипнотизирачките настапи во живо со полно право ја ставаат Дина на пиедесталот на новата локална музичка сцена. Минатата година го издаде своето прво EP насловено „Дома“ кое ја зацврсти на мапата како една од најталентираните млади артистки на Балканот.Низ чаршијата, љубителите на класичната музика ќе имаат можност да го проследат настапот на гудачкиот квартет „Вива стрингс“. Овој класичен камерен состав го сочинуваат: Елена Талевска, прва виолина, Димитар Михајловски, втора виолина, Дубравка Зајкова, виола и Дејан Теодосиевски, виолончело.Од своето оформување целта на „Вива Стрингс“ квартетот е заедничко музицирање, изнаоѓање на алтернативен простор за сопствена афирмација, за сопствен израз, презентирање и етаблирање на сите негови членови. „Вива Стрингс“ се редовен претставник на камерното музицирање и недвосмислено ја етаблираат класичната музика и квалитетната уметност на пошироката публика. Неговите членови се дел од Македонска филхармонија, каде важат за истакнати и докажани професионалци.Diaz Wojtas Duo ќе настапат пред Стоковната куќа „Мост“, а за љубителите на ликовната уметност, Културно информативниот центар-Скопје, кој е организатор на манифестацијата „Звукот на Сопје“, в петок овозможи да се погледне изложбата „MACEDONIA“од бразилските уметници Даниел Kастинет ( Daniel Chastinet) и Вилсон Нето (Wilson Neto) во просториите на КИЦ (Империјал I). Двајцата автори во 2019 година учествувале на уметничката резиденција Де Ниро во Битола и оттаму ги пренесуваат своите скици и цртежи, материјални и нематеријални интернализирани визуелни и душевни записи. Нивната изложба „Македонија“ е разговор меѓу два света, покана за приближување и поместување на границите меѓу местата и културите, изложба што го слави пријателството. Двајцата уметници, со духот на блискоста, во своите дела биле водени од новите простори, кои ги содржеле старите византиски фрески, кули направени со лушпи од јајца, уличките и манастирите, статуите без глава, иконите со издлабени очи, џамиите...Зборуваат за нивните чувства, соништа, нивните села, нивниот светоглед.

Магазин | пред 3 години

Вечерва свечено отворање на фестивалот на дуодрама Бранко Ѓорчев- Неготино

Вечерва со почетокот од 19:30 часот, во НУЦК „Ацо Ѓорчев“ – Неготино, започнува Првилот интернационалниот фестивал на дуодрама „Бранко Ѓорчев “- Неготино (05.09 – 09.09.2022год.) е единствениот фестивал на ДУОДРАМА во Македонија.Добивај вести на виберФестивалот е во организација на Општина Неготино и Театар Провокација – Скопје. Главен покровител и иницијатор за истиот е Општина Неготино. Концептот и логистиката за фестивалот се на „Театар Провокација“.На фестивалот ќе бидат доделени следниве награди: награда за најдобра машка улога, награда за најдобра женска улога, најдобра режија, специјална награда и ГРАНД ПРИ.Жири комисијата е во состав: Благоја Чоревски – Чоре (актер), Мирјана.П.Ристов (актерка) и Билјана Крајчевска (драматураг), секој докажан во својата област!Селектор на фестивалот е актерот и режисер Роберт Ристов. Ова е неговата селекција на претстави за овогодинешниот фестивал:Претставите ќе бидат одиграни по следниот редослед:05.09.2022 од 19:30 во НУЦК „АЦО ЃОРЧЕВ“„КИСЛОРОД“ , според текст на Иван ВирипаевРежија: Иван ЈерчиќИграат: Викторија Степанова-Јанкуловска и Никола СтефановНУ НАРОДЕН ТЕАТАР – Битола06.09.2022 од 19:30 во КАФЕ БАР АМАРО„АНАТОМИЈА НА НЕВЕРСТВОТО“ – Валентин КрасногоровРежија: Александра Кардалевска, драматург: Дарко СпасовИграат: Жаклина Петровска и Тони ДенковскиНУ ТЕАТАР КОМЕДИЈА – Скопје06.09.2022 од 21:00 во МУЗЕЈ НА ГРАД НЕГОТИНО„ОЖЕНИ МЕ“, по мотиви од сценаријата: „Ожени ме“, „Храна и Вино“ и „Брачна приказна“Режија: Роберт Ристов. Играат: Изабела Јакимовска и Бранко АтанасовТЕАТАР ПРОВОКАЦИЈА – Скопје07.09 од 19:30 во МУЗЕЈ НА ГРАД НЕГОТИНОГРЕТА –според: Луц Хибнер и Јохан Волфганг Фон Гете,Режија: Тамара Стојаноска. Играат: Димитрина Мицкоска и Ане БлажоскиТЕАТАР ЗЛАТЕН ЕЛЕЦ – Скопје08.09.2022 од 19:30 во НУЦК „АЦО ЃОРЧЕВ“МОЈОТ СОПАТНИК СТРАВОТ – Иван ТомашевиќРежија: Иван Томашевиќ. Играат: Анета Томашевиќ и Иван ТомашевиќСЦЕНА МАСКА, Р. Србија09.09.2022 во НУЦК „АЦО ЃОРЧЕВ“19::30 ДОДЕЛУВАЊЕ НА НАГРАДИ20:00 STAND UP COMEDY со ТИНО и АТАНАС (во чест на наградените)

Магазин | пред 3 години