петар богојески

Мирјана Најчевска јавно му се извини Петар Богојески - „Тој не е глуп, туку опасен човек за демократското општество“

Професорката Мирјана Најчевска објави јавно извинување откако на 18 август 2025 година преку адвокат ангажиран од Петар Богојески добила барање за извинување за својот статус на Фејсбук од 5 август, во кој го нарекла „глуп како точак“.„Со овој пост јавно се извинувам за кажаното. Во мојот пост се употребени несоодветен речник и несоодветна споредба“, напиша Најчевска.Таа образложува дека речникот е несоодветен затоа што не станува збор за глупост, туку за „свесен говор на омраза и поттикнување на меѓуетнички конфликт“. Како доказ посочи на јавно објавениот став на Богојески во кој постапувањето на Јавното обвинителство против навивачи што скандирале „Добар Шиптар, мртов Шиптар“ и „Гасна комора за Шиптари“ го нарекува „лов на вештерки“, како и на негови повици до младите „да не се плашат да бидат гласни“.Во извинувањето Најчевска додава дека споредбата е несоодветна затоа што со тоа го навредила велосипедот, „кој многумина го ценат како спортски реквизит и еколошко превозно средство“.Истовремено, таа го повикува Јавното обвинителство да испита дали постојат основи за поведување постапка против Богојески за говор на омраза и поттикнување на етнички конфликт, „особено затоа што станува збор за континуирана и систематска употреба на таков говор и навреди врз основа на етничка припадност, уверување, политичка или партиска припадност и род“.„Уште еднаш го повторувам моето извинување што го нареков Петар Богојески глуп. Тој не е глуп, туку опасен човек за демократското општество кое го градиме и за мултикултурната заедница во Македонија базирана на почитување на различностите“, заклучува Најчевска.Јавни настапи со навредиВо јавните настапи на социјалните мрежи, Богојески користи речник исполнет со навреди и омаловажувања.Во коментари на Фејсбук, тој на соговорници им се обраќал со изрази како „забегани сте“, „болни“, „шутрак“, „стока неписмена“, па дури и со прашања од типот „ти даваш ли газ за вечера“.Тој користел навреди и на национална основа. Во една објава напишал: „Едно прашање до шиптариве, зошто не гласате за градските луѓе, писмени луѓе, изживеани луѓе со докажано минато, еснаф луѓе…имате такви ваши шиптари“.Во друга прилика, дури изразил и желби за смрт кон дел од граѓаните: „Ајде да ве собере Бог уште малку и ќе куртули Македонија од најскапаната генерација во последните 10 века“.

Македонија | пред 4 месеци

„Левица убива деца“ – партијата најави тужба против Богојески поради скандалозната изјава

Партијата Левица најави тужба за клевета и навреда, како и кривична пријава за предизвикување омраза, раздор и нетрпеливост врз основа на политичка припадност против, како што го нарекуваат, „владиниот функционер“ Петар Богојески.Во соопштението испратено до јавноста, од Левица велат дека повод за овие правни чекори е „срамната, крајно вознемирувачка и лажно обвинувачка објава“ на Богојески, кој е „актуелен функционер во Владата на ВМРО-ДПМНЕ, новопечен доцент на Воената академија и близок соработник на премиерот Христијан Мицкоски“.„Скандалозните јавни обвинувања дека ‘Левица убива деца’ не се само злонамерни, налудничави и целосно неосновани, туку претставуваат директно поттикнување омраза и загрозување на безбедноста на нашите членови“, посочуваат од партијата.Дополнително, според нив, прогласувањето на сите левичари за „психопати“ од страна на лице „кое со децении е носител на високи извршни функции во државната администрација“, претставува „игнорантно, неодговорно, а во неговиот случај и простачко однесување“.Од Левица оценуваат дека се работи за „политичка злоупотреба на трагичниот настан во Прилеп“, со „паушално поврзување со Левица“, што, според нив, е „циничен и безобзирен обид за политичко профитирање и дискредитација на политички противници од страна на власта“.

Македонија | пред 5 месеци

„Бугарските служби и нивните измеќари од Левица и СДС подготвуваат терен за моја дискредитација“, вели Богојески

„Веќе подолго време на социјалните мрежи се подготвува терен за моја дискредитација, со подготовка на лажни профили со мој украден идентитет и фалсификувани „документи и фотографии / скринови” од наводна моја комуникација!“, напиша на социјалните мрежи Петар Богојески, лидер на партијата Македонски концепт.„Носител на тие активности се бугарските служби и нивните домашни соработници, СДС и Левица (нема разлика помеѓу нив, комуна си е комуна), а тоа го прават години и години, особено последниве месеци!МОРАМ ДА ПРИЗНАМ дека сум целосно разочаран од Бугарите и нивните измеќари, избугарени Македонци! На времето кога беа под ссср чизма, барем ги биваше за фалсификати. Сега и за тоа не ги бидува.Но не е Бугарија, главниот проблем. Проблем се бугарските измеќари од Левица и СДС, кои веќе 24 часа неуспешно го шират фалсификатот во кој НЕМА НИТУ ЕДЕН ВИСТИНИТ ПОДАТОК!Буквално, од наведените лични податоци, до информации за државјанство или семеен статус, ништо не е точно! Најинтересно е како сум станал „северен” уште во 2009 година? Тоа само идиот можел да го стави на документ, со ваква намера!Разбирливо е, кога нема што да кажат за мене, само вакви фалсификати може да гледаме во следниве месеци!“, додава Петар Богојески.

Македонија | пред 1 година

Богојески: Албански бандити од околните села околу Скопје и од Чаир, редовно тепаат македонски деца во Дебар маало

Претседателот на Македонски концепт, Петар Богојески на социјалните мрежи објави видео во кое тврди дека албанци во Дебар маало редовно тепаат македонски деца.„Оваа недела сите го видовме знамето на голема Албанија. Зошто сите одбиваме да го погледнеме лицето на голема Албанија. Тоа лице го има секој ден во скопско Дебар маало. Каде што албански бандити од околните села околу Скопје и од Чаир, редовно тепаат македонски деца, малтретираат. Нашите деца со страв излегуваат пред своите домови, пред своите згради. Дилери на дрога, возрасни 30-40 години, дрогираа 12-14 годишни девојчиња, ги силуваа, а вие родителите молчите. Добро ако сте амеби вие, не ли ви е срам што не преземате ништо ниту за своите деца, зар сопствените деца ги оставивте на милост и немилост, имате ли барем грам достоинство. Што чекате, од партија, од СДС измеќарска да ви каже што треба да преземете, обиџуко да ви каже што треба да преземете? Не се срамите дека ги предадовте сопствените деца, сопствените ќерки? Пред неколку дена имаше повторно избодено дете со нож од такви бандити. Тоа се повторува секоја недела, нож, шрафцигер, било што“, вели Богојески во видеото.

Коментари | пред 2 години

Нема фотографија

По бугарско барање, ме викнаа во Обвинителството да објаснувам зошто објавувам историски документи, вели Богојески

Претседателот на партијата Македонски Концепт, Петар Богојески денес беше повикан во Обвинителството, како осомничен за кривично дело предизвикување на национална, расна и верска омраза, раздор и нетрпеливост.Богојески, пред зградата на Обвинителството кажа дека станува збор за цензура врз опозицијата, поради неговите јавни објави на документи од македонската историја кои не се по вкус на Бугарија.„Повикан сум во ОЈО, денеска на мој именден, Петровден. Загрозени се моите човекови права и слободи на верска основа. Спречен сум да присуствувам на утринска литургија на Петровден, оти морам по бугарско барање во ОЈО да објаснувам зошто објавувам историски документи од македонската историја, кои не се благопријатни за бугарската пропаганда во земјава и генерално во светот“, рече Богојески.Тој вели дека не се проблем обвиненијата кон него, и покрај тоа што станува збор за политичка цензура, туку проблем е што утре ден може да се воспостави цензура врз научниците, историчарите, новинарите кои ќе се обидуваат да објавуваат такви документи, ентузијасти кои работат во областа на македонско бугарските односи, особено историјата, па да дојдеме во ситуација Македонија да цензурира макдонска историска вистина по желби на Бугарија.„Доколку некој е загрозен, како личност или Бугарија можат да поведат граѓанска постапка за клевета, навреда. но вакво директно вмешување на државата преку Обвинителството, во услови кога царува криминал и корупција, секој втор политичар станува милионер, власта и ОЈО се занимаваат со цензура на опозицијата и историски документи е крајно вулгарно поведение во интерес на слободата н аговор. Заживува комунизмот, ОЈО ме кани да објаснувам за вербален деликт“, рече тој.

Македонија | пред 2 години

„Еве го документот со кој се наредува окупација на Македонија, пренесете топол поздрав до Копејкин“, вели Богојески

Петар Богојески на социјалните мрежи објави фотографии од документ од Министерството за војна на Бугарија и Генералштабот на бугарската армија со кој се наредува окупација на Македонија.„Бугарин барал документ?Известен сум дека денес во центарот на Скопје, едно момче Копејкин од Бугарија побарало документ за тоа дека Бугарија ја окупирала Македонија за време ВСВ!Почитувани,на негово задоволство, еве го документот од Министерството за војна на Бугарија и Генералштабот на бугарската армија со кој се наредува ОКУПАЦИЈА НА МАКЕДОНИЈА, бр. 1203 од 22.04.1941 година!Пренесете топол поздрав од Бунтур до Копејкин“, вели тој

Коментари | пред 3 години