пратеник

Спасовски: „Побарав да ме сменат од координатор во СДСМ поради резолуцијата за Бугарија, а не поради изборите“

Актуелниот пратеник и поранешен министер за внатрешни работи Оливер Спасовски , во госрување во ТВ Сител откри дека одамна побарал да биде разрешен од функцијата координатор на пратеничката група на СДСМ. Тој истакна дека неговото барање не било поврзано со слабите резултати на локалните избори, туку со сосема друга ситуација во партијата.Спасовски објасни дека решил да се повлече во периодот кога во јавноста се подготвуваше резолуцијата за односите со Бугарија. Според неговите зборови, веднаш кога документот требало да се достави во Собранието, тој изразил несогласување со стратегијата што ја туркал дел од раководството — особено со идејата за таканаречените „црвени линии“ во билатералниот спор.Како што кажа, токму поради тој предлог-курс побарал да не ја извршува повеќе координаторската позиција.Спасовски додаде дека со години предупредувал дека во партијата се замолчува реалната слика за состојбите, што, според него, на крај довело до „целосно дно“ на последните локални избори.Тој смета дека СДСМ може да се опорави само ако повторно ги активира луѓето кои се повлекле од партиските активности, а задача на новиот претседател Венко Филипче е да ги охрабри тие кадри да се вратат. Притоа нагласи дека не мисли на оние што преминале во ВМРО-ДПМНЕ, туку на поранешни членови што останале пасивни, но не и политички префрлени.

Македонија | пред 4 седмици

Трагичен инцидент во Хелсинки – пратеник се самоуби во парламентот во Финска

Финска јавност е потресена од трагичен инцидент што се случи денеска во зградата на парламентот во Хелсинки, каде што еден од избраните претставници си го одзел животот. Настанот се случил околу 11 часот претпладне, потврдија службите, кои истакнаа дека е регистрирана една смрт, а полицијата не гледа елементи на насилство.Медиумите во Финска наведуваат дека станува збор за пратеник, но неговото име засега не се објавува додека не бидат известени членовите на семејството.На местото пристигнале повеќе екипи на итната помош и полицијата, како и противпожарно возило. Очевидци за локалните медиуми изјавиле дека најпрво со вклучени сирени пристигнала амбуланта, по што пред парламентот дошло големо противпожарно возило, полициско комбе, а потоа и оклопен полициски „мерцедес“.Финската јавна радиодифузна служба Yle пренесе дека во парламентот веднаш била покрената координирана акција на спасувачките служби.Директорот на полицијата, Аро Тоивонен, за медиумите изјави дека сите служби за итни интервенции се на лице место, но дека во овој момент не може да даде детали. „Парламентот е специфична институција и нормално е вакви ситуации да бидат проценети со дополнителна претпазливост додека сè уште е нејасно,“ изјави Тоивонен, без да ги потврди или негира медиумските написи дека починатиот е пратеник.

Свет | пред 4 месеци

СДСМ нема да учествува во гласањето за интерпелацијата на јавниот обвинител: „Одлуката е на обвинителот, а не на Собранието“

Пратеничката група на СДСМ и коалицијата нема да учествува во гласањето за интерпелацијата на јавниот обвинител, бидејќи, како што изјави пратеникот и потпретседател на Собранието, Јован Митрески, интерпелацијата не мора да има правни последици и одлуката за натамошните чекори е во рацете на самиот обвинител.– Интерпелацијата во принцип значи барање политичка одговорност, но тука зборуваме за човек од третата власт, судската власт, која по Устав треба да биде независна – рече Митрески на денешната прес-конференција.Тој појасни дека интерпелацијата не претставува одлука за разрешување, туку политички чин кој не е задолжително обврзувачки.– Дали ќе има правни последици зависи од самиот обвинител, дали ќе поднесе оставка или не. Ако точката беше одлука за разрешување, ќе отворевме дебата дали сме задоволни или незадоволни од работата на обвинителот, согласно членот 63 став 3 од Законот за јавно обвинителство, каде јасно стои дека Советот на јавни обвинители мора да даде позитивно мислење за разрешување – потенцираше Митрески.Од СДСМ повторуваат дека остануваат на ставот за независност на обвинителството и ослободување од какво било политичко влијание.– Јавното обвинителство мора да биде независно и сите одлуки мора да се носат согласно законот – изјави Митрески.Осврнувајќи се и на изјавите на премиерот Мицкоски, Митрески рече дека во јавноста се отвораат легитимни прашања за конзистентноста на неговите ставови.– Премиерот порано тврдеше дека постапката за разрешување е започната и нема запирање, а потоа по трагичниот настан во Кочани изјави дека нема да има разрешување додека не заврши истрагата, па дури и рече дека е задоволен од тоа како се води истрагата. Се поставува прашањето дали е навистина задоволен, кога во истрагата не се опфатени началници од Тошковски – рече Митрески.Тој го искористи обраќањето и за директна порака до обвинителот.– Господине јавен обвинител, вие го водите најтешкиот предмет за најголемата трагедија во поновата историја – пожарот во Кочани. Очекуваме вистинска, не селективна правда. Од вас зависи дали после гласањето за оваа интерпелација ќе бидете со штитот или на него. Одлуката е ваша – рече Митрески.СДСМ, како што додаде, нема да учествува во постапка која нема обврзувачка правна тежина.

Македонија | пред 4 месеци

„Шансата е потрошена“ - пратеникот Стојаноски за интерпелацијата на Коцевски

Веќе стигнуваат првите реакции на социјалните мрежи во однос на пишувањата за интерпелацијата за првиот човек на обвинителството. Пратеникот во македонскиот парламент од редовите на владејачката ВМРО-ДПМНЕ, Бојан Стојаноски, објавувајќи пост на ФБ, цени дека јавниот обввинител, Љупчо Коцевски си ја потрошил шансата.Време е за правдата да ги стигне тие кои што се огрешиле пред законот.Последниот бедем на одбраната на криминалот на СДСМ и ДУИ заминува во историјата.Правда ќе има !

Коментари | пред 4 месеци