русија

Градот Скопје одлучи како да и помогне на Украина

Градоначалничката на Скопје, Данела Арсовска, поднесе предлог до Советот, Градот Скопје да помогне со хуманитарна помош за граѓаните на Украина во износ од 7 милиони денари.Оваа одлука за хуманитарна помош е израз на солидарност за граѓаните на Украина зафатени со воениот конфликт.„Живееме во турбулентни времиња соочени со големи предизвици. Никој не сака конфликти и страдања, да се обидеме да помогнеме колку што можеме. Скопје е град на солидарноста и ние скопјани најдобро знаеме колку значи кога ќе пристигне хуманитарна помош кога е најпотребна, особено за лицата кои кои останаа без своите домови“, изјави Данела Арсовска.

Скопје | пред 3 години

Нетфликс ги стопира сите проекти поврзани со Русија

Netflix во моментов ги стопира сите телевизиски проекти поврзани со Русија поради нападот на Украина, пренесува Variety, специјализиран портал за филмската индустрија.Русија се соочува не само со економски санкции, туку и со бојкот на филмската и телевизиската индустрија. Канскиот филмски фестивал во вторникот објави дека руските претставници нема да учествуваат на овогодинешниот фестивал доколку не заврши војната во Украина.Нетфликс сè уште размислува што да прави за актуелните настани во Источна Европа, со оглед на тоа што треба да произведе четири серии кои доаѓаат од Русија. Популарниот сервис за стриминг се уште нема објавено официјален коментар.Претходно оваа недела, Нетфликс соопшти дека нема намера да додава државни канали на руската верзија на услугата, иако нејзините правила не забрануваат дистрибуција на такви канали.Русија е една од 190-те земји каде што е достапен Netflix.

Магазин | пред 3 години

Kој треба да го глуми Зеленски на филм

Претседателот на Украина, Волдомир Зеленски, преку ноќ ја доби поддршката на социјалните мрежи и стана еден од омилените политичари во светот. Неговите обожаватели одат дотаму што веќе размислуваат кој актер би можел да го глуми, ако се снима филм за војната во Украина. Повеќето фанови на Твитер велат дека идеален избор ќе биде Џереми Ренер, најпознат како Хокај од филмовите на Марвел и серијалот „Одмаздници“.„Дали на сите им е очигледно дека Џереми Ренер е единствениот логичен избор кој може да го глуми Зеленски во биографските филмови? Сценаристите речиси сигурно веќе подготвуваат ваков филм“, напиша корисник на Твитер кој сподели слики од претседателот и актерот.https://twitter.com/VincentVega677/status/1497917703839010820?ref_src=twsrc%5Etfw%7Ctwcamp%5Etweetembed%7Ctwterm%5E1497917703839010820%7Ctwgr%5E%7Ctwcon%5Es1_c10&ref_url=https%3A%2F%2Freporter.mk%2Fdzet-set%2Fvojnata-ushte-ne-e-zavrshena-a-lugeto-veke-razmisluvaat-koj-treba-da-go-glumi-zelenski-na-film%2FОсвен што личат, двајцата се со приближно иста висина, длабоко поставени очи, кратка кафена коса и речиси идентична линија на вилицата.Меѓутоа, забавата на Твитер престана за брзо време, оти луѓето почнаа да пишуваат дека Украина е среде вистинска војна.https://twitter.com/NorthCaroliNats/status/1497722587496910852?ref_src=twsrc%5Etfw%7Ctwcamp%5Etweetembed%7Ctwterm%5E1497722587496910852%7Ctwgr%5E%7Ctwcon%5Es1_c10&ref_url=https%3A%2F%2Freporter.mk%2Fdzet-set%2Fvojnata-ushte-ne-e-zavrshena-a-lugeto-veke-razmisluvaat-koj-treba-da-go-glumi-zelenski-na-film%2F„Украинците ги губат своите животи и ги уништуваат своите домови и бизниси, а ние навистина имаме луѓе кои твитаат ‘Џереми Ренер треба да го глуми Зеленски во филм за ова’, стои во коментарите“.„Тоа е најпатетичното и најневкусното нешто што можете да го замислите во моментов. Ова не е забавно. Луѓето умираат, раселени се од своите домови“, вели друг.По ова, споредбите на Твитер стивнаа. Но, за потсетување, самиот Зеленски беше актер пред да стане претседател. Во јавноста се прераскажуваат сите негови улоги, учеството во Танц со ѕвездите, како и синхронизацијата на популарни цртани филмови.

Магазин | пред 3 години

Интернетот е преплавен со мемиња за Путин, во Русија за ова се оди во затвор

Додека овие денови беснее војната во Украина, корисниците на социјалните мрежи се забавуваат со различни монтажи на рускиот претседател Владимир Путин.https://twitter.com/theMemesBot/status/1496230064366620673?ref_src=twsrc%5Etfw%7Ctwcamp%5Etweetembed%7Ctwterm%5E1496230064366620673%7Ctwgr%5E%7Ctwcon%5Es1_&ref_url=https%3A%2F%2Fwww.index.hr%2Fmagazin%2Fclanak%2Finternet-preplavili-memovi-o-putinu-u-rusiji-se-za-njih-ide-u-zatvor%2F2343946.aspxПо нападот на Путин на Украина, многу корисници на социјалните мрежи почнаа да објавуваат шеги и меми за рускиот претседател. Ваквите шеги се забранети во Русија, а на секој што ќе реши да се пошегува со некој од владејачката партија му се заканува затвор.https://twitter.com/realdogeboss/status/1498338325760917506?ref_src=twsrc%5Etfw%7Ctwcamp%5Etweetembed%7Ctwterm%5E1498338325760917506%7Ctwgr%5E%7Ctwcon%5Es1_&ref_url=https%3A%2F%2Fwww.index.hr%2Fmagazin%2Fclanak%2Finternet-preplavili-memovi-o-putinu-u-rusiji-se-za-njih-ide-u-zatvor%2F2343946.aspxДоколку се шегувате со владетелите во Русија, според законот од 2019 година ви се закануваат 15 дена затвор и парична казна. Сепак, многу Руси кои завршуваат во затвор за овој прекршок подоцна се обвинети за создавање лажни вести, за што казната е многу построга.https://twitter.com/Kateryna_Kruk/status/1497731623005179904?ref_src=twsrc%5Etfw%7Ctwcamp%5Etweetembed%7Ctwterm%5E1497731623005179904%7Ctwgr%5E%7Ctwcon%5Es1_&ref_url=https%3A%2F%2Fwww.index.hr%2Fmagazin%2Fclanak%2Finternet-preplavili-memovi-o-putinu-u-rusiji-se-za-njih-ide-u-zatvor%2F2343946.aspxПутин сака светот да има слика за него како силен и моќен човек, поради што во Русија е можно да се купи апсолутно се со неговиот имиџ. Маици, чаши, чоколадо, вотка, сето тоа се предмети кои го красат лицето на претседателот, а многу од нив го прикажуваат како јава мечка без маица или удира американски орел.https://twitter.com/beeple/status/1498824790727090186?ref_src=twsrc%5Etfw%7Ctwcamp%5Etweetembed%7Ctwterm%5E1498824790727090186%7Ctwgr%5E%7Ctwcon%5Es1_&ref_url=https%3A%2F%2Fwww.index.hr%2Fmagazin%2Fclanak%2Finternet-preplavili-memovi-o-putinu-u-rusiji-se-za-njih-ide-u-zatvor%2F2343946.aspxhttps://twitter.com/realdogeboss/status/1498339064692436996?ref_src=twsrc%5Etfw%7Ctwcamp%5Etweetembed%7Ctwterm%5E1498339064692436996%7Ctwgr%5E%7Ctwcon%5Es1_&ref_url=https%3A%2F%2Fwww.index.hr%2Fmagazin%2Fclanak%2Finternet-preplavili-memovi-o-putinu-u-rusiji-se-za-njih-ide-u-zatvor%2F2343946.aspx

Магазин | пред 3 години

Се собираат донации за Украина! Ова се неопходни продукти!

Во скопски Ѓорче Петров е отворен пункт за собирање помош за Украина и граѓаните кои се погодени од војната која ја започна Русија. Тетјана Урбанович, Украинка која живее во Македонија упати апел до сите хумани граѓани.„Здружението на Украинци Лесја Украина и иницијатива „Greening of the planet“ отворија пункт на собирање на хуманитарна помош за Украина во -Магацин на компанија “Кодинг Горска” на адреса: Ѓорче Петров, ул. Шарпланина бр. 4 Секој работен ден од 10:00 до 19:00 часот , сабота од 10:00 до 14:00. Потребната хуманитарна помош е наведена во списокот подолу. Секоја помош е добредојдена!“, вели таа.

Македонија | пред 3 години

Твитер го ограничува досегот на медиумите на Путин во Европа

Твитер објави дека ќе ги почитува санкциите на Европската унија наметнати на руските државни медиуми РТ и Спутник штом оваа одредба стапи во сила, објави синоќа социјалната мрежа.„Санкциите на Европската унија веројатно ќе бараат од нас, преку правни мерки, да ограничиме одредени содржини во земјите-членки“, рече портпаролот на Твитер во изјавата испратена до Ројтерс преку е-пошта.„Имаме намера да ја исполниме оваа наредба веднаш штом стапи во сила“, додаде тој.Еврокомесарот за внатрешен пазар Тиери Бретон вчера изјави дека Европската комисија очекува одобрение од земјите-членки за забрана на руските државни медиумски содржини до крајот на денот.Твитер најави дека ќе продолжи да ја ограничува видливоста на овие содржини, како и да ги означува надвор од Европската унија.Facebook, Google, YouTube и TikTok исто така најавија дека ќе го блокираат пристапот до RT и Sputnik на нивните платформи во Европската унија. Мета, која е сопственик на Фејсбук, вчера објави дека ги санкционира руските државни медиуми и на глобално ниво.

Магазин | пред 3 години

Украинската пејачка се откажа од Евровизија

Организацискиот одбор во Украина, одржа уште едни избори за Евровизија, па одлучи која песна ќе ја претставува нивната земја на овој натпревар во Торино, откако Алина Паш се откажа.Украина го испраќа оркестарот Калуш и песната „Стефанија“ во Италија. Водечкиот пејач на групата Олех Псиук беше воодушевен кога ја слушна веста.-Благодарни сме на сите што не поддржаа во финалето и ни дадоа место на евровизиската сцена. На секој човек од Украина му ветуваме дека ќе ја оправдаме нивната одлука. Во овие тешки моменти за нашата земја, на сите ќе им покажеме кои сме. Подготвени сме Украина да и ја претставиме на цела Европа, изјави Псиук за официјалните евровизиски канали.Во коментарите на Јутјуб добија пораки со поддршка од целиот свет.Алина Паш, која пред неколку дена го освои првото место, објави зошто се повлече од натпреварот.-Не сакам да учествувам во оваа виртуелна војна и омраза. Не сакам повеќе да бидам во оваа валкана приказна. Со тешко срце ја повлекувам кандидатурата за претставник на Украина на Евровизија. Навистина ми е жал. Сакам да им се заблагодарам на сите што ме поддржуваат, истакна таа.Се започна откако во јавноста протече информацијата дека Алина го посетила Крим во 2015 година, поради што почнале да ја напаѓаат на социјалните мрежи и да и се закануваат. Меѓу другото, и било кажано дека е непријател на Украина.

Магазин | пред 3 години

Македонци заглавени во Харков, каде се најголемите војни

Само 20 граѓани заминале од Украина пред да почне војната. Низ безбедносни коридори, извлечени се уште 30 граѓани. Вкупно 50 граѓани биле таму. Според министерот за надворешни работи, Бујар Османи, околностите во Украина ќе се влошуваат.„15 се монитори во специјалната мониторинг мисија на ОБСЕ. 15 наши граѓани, цивили, се извлечени, во партнерска соработка со други држави, пред се со Бугарија. Шестмина од нив од ЕСА, а десет преку конвои на Бугарија, кои извлегкуваа 200 нивни граѓани“, кажа министерот Бујар Османи.Тој додаде: „Очекуваме денеска да ги извлечеме и остантите монитори. Има семејство со петдневно бебе во Харкив каде се одвиваат најголемите воени дејствија. Во постојана комуникација сме со нив. Не можеле да одговорат на повикот, бидејќи чекале породување. Имаме комуникација со многу држави, за тие кои имаат пристап до тој град, кој се наоѓа до границата со Русија, да го извлечеме тоа семејството“.

Македонија | пред 3 години

Македонски возачи на камиони заглавени во Украина, не ги пуштаат да излезат од државата со руска роба

Министерот за надворешни работи, Бујар Османи, посочи дека македонски возачи на камиони се заглавени во Украина. Тие не можат да ја напуштат државата, бидејќи украинските власти не дозволуваат да излезат од државата бидејќи превезувале руска стока.„Имаме проблем со транспортери, кои се на границата Украина-Полска. Тргнале од Русија накај дома. Не ги пуштаат Украинците бидејќи во нивните камиони имаат руски продукти. Тие се на безбедно. Можат само сами да ја напуштат државата, но не и со камионите. Тие се во камионите сега. Се обиде нашиот амбасадор од Варшава да ги извлече, отиде на границата, но Украинците имаат други проблеми, не ги пуштаат“, рече Османи.Досега, досенесна е одлука за војна и хуманитарна помош од Македонија до Украина, а пак, истовремено, Владата го затвори воздушниот простор за Русите.

Македонија | пред 3 години

ВИДЕО: Пристигна укранската делегација на преговори со Русија

Делегатите на Украина на местото на преговорите пристигнаа со хеликоптер. Претходно, на границата меѓу Унгарија и Белорусија пристигнаа руските делегати. Меѓу делегатите на Украина е и министерот за одбрана Резников.https://twitter.com/nexta_tv/status/1498215362881544194

пред 3 години

Последни информации за Македонците кои се евакуираат од Украина

Министерот за надворешни работи, Бујар Омсани, на социјалните мрежи објави последни информации за Македонците кои се евакуираа од Украина„Шест наши граѓани тукушто ја поминаа границата на Украина и се наоѓаат на безбедно во Молдавија од каде продолжуваат кон Бугарија и потоа на пат кон земјава.Активностите продолжуваат, се прават сите напори за да бидат евакирани сите граѓани кои ќе побараат помош“, се вели во објавата.Претходно МНР информираше дека е во постојан контакт со Властите на Романија и Унгарија, од каде исто така е остварена соработка и овозможена асистенција за нашите државјани кои се наоѓаат во Украина.„Граѓаните кои се во можност треба да се упатат во западниот дел на Украина, кон Конзулатите на Романија во Солотвино и Чернаути, како и кон конзулатите на Унгарија во Узгород, Берегове и Мукачево. Информираме дека на овие локации ќе им биде пружена дополнителна помош и асистенција во насока на нивна евакуација од Украина преку овие земји. Во постојан контакт сме и со Властите во Молдавија, од каде исто така имаме добиено потврда за вклучување на нашите државјани во евентуалните нивни коридори за евакуација.Министерството за надворешни работи е во постојана комуникација со сите наши партнери, и се прават напори да се обезбедат и други безбедносни коридори/конвои. Во таа насока информираме дека е активиран и механизмот на ЕУ за цивилна заштита, и за евентуално новите воспоставени коридори МНР дополнително ќе информира.Оние наши државјани кои сѐ уште не оставиле свои податоци, веднаш да го контактираат Министерството за надворешни работи, со цел достава на прецизни податоци и информации за нивната локација и состојба, со цел да се оствари можност да бидат дел од координацијата на процесот за евакуација.Потсетуваме дека дежурниот телефонски број +389 75 273 732 е постојано активен“, велат од МНР.

Македонија | пред 3 години

(ФОТО) Актерот Шон Пен испрати порака од Украина: Ова е брутална грешка

Американскиот актер и режисер Шон Пен моментално е во Украина, каде планира да сними документарен филм за тековниот конфликт, а во изјава за „People“ рече дека „американската душа ќе биде изгубена“ доколку Украинците се остават сами на себе.Тој целиот конфликт го нарече „брутална грешка“. „Тоа е веќе брутална грешка на одземени животи и скршени срца, а ако не попушти, верувам дека Путин ќе ја направи најстрашната грешка за целото човештво“, рече Пен.Тој понатаму рече дека претседателот Зеленски и украинскиот народ се издигнале како историски симболи на храброст и принципи, и ја нарече Украина врвното „копје на демократијата“.– Ако дозволиме Украина да се бори сама, душата на Америка е изгубена – изјави познатиот актер. Како што објавија украинските медиуми пред неколку дена, Пен дошол во оваа земја за да му ја каже на светот вистината за руската инвазија. 

Магазин | пред 3 години

Македонските семејства кои бараа помош денес ќе бидат евакуирани од Украина

Информираме дека денес, преку воспоставениот коридор обезбеден преку координација со Владата на Република Бугарија, две семејства со наши државјани од Одеса, Украина, веќе се дел од коридорот и очекуваме во текот на денот да пристигнат во Бугарија. Во контекст на истата соработка, упатуваме апел до нашите граѓани кои се наоѓаат на територијата на Украина, доколку се во можност, да се упатат во Одеса, во просториите на Генералниот Конзулат на Република Бугарија, од каде сѐ уште има активни коридори за евакуација.Информираме дека сме во постојан контакт со Властите на Романија и Унгарија, од каде исто така е остварена соработка и овозможена асистенција за нашите државјани кои се наоѓаат во Украина. Граѓаните кои се во можност треба да се упатат во западниот дел на Украина, кон Конзулатите на Романија во Солотвино и Чернаути, како и кон конзулатите на Унгарија во Узгород, Берегове и Мукачево. Информираме дека на овие локации ќе им биде пружена дополнителна помош и асистенција во насока на нивна евакуација од Украина преку овие земји. Во постојан контакт сме и со Властите во Молдавија, од каде исто така имаме добиено потврда за вклучување на нашите државјани во евентуалните нивни коридори за евакуација.Министерството за надворешни работи е во постојана комуникација со сите наши партнери, и се прават напори да се обезбедат и други безбедносни коридори/конвои. Во таа насока информираме дека е активиран и механизмот на ЕУ за цивилна заштита, и за евентуално новите воспоставени коридори МНР дополнително ќе информира.Оние наши државјани кои сѐ уште не оставиле свои податоци, веднаш да го контактираат Министерството за надворешни работи, со цел достава на прецизни податоци и информации за нивната локација и состојба, со цел да се оствари можност да бидат дел од координацијата на процесот за евакуација.Потсетуваме дека дежурниот телефонски број +389 75 273 732 е постојано активен.

Македонија | пред 3 години

Македонија воведе забрана за влез во воздушниот простор на територијата за руските авиокомпании

Владата на Република Македонија на денешната 18-та седница донесе одлука да се приклучи на препораките на ЕУ и на земјите членки кои веќе донесоа таква одлука, да воведе забрана за влез во воздушниот простор на територијата на Северна Македонија за авио компании од Руската Федерација.Од оваа одлука се изземаат хуманитарните и летовите кои се во случаи на итност.„Владата ја задолжи АД во Државна сопственост за вршење на дејноста давање услуги во воздухопловната навигација М-НАВ да ја отпочне постапката за спроведување на оваа одлука и да ги извести Европските воздухопловни власти за забраната за влез во воздушниот простор на Северна Македонија за авио превозници регистрирани во Руската Федерација“, велат од Владата.

Македонија | пред 3 години

И Македонија го затвора воздушниот простор за руските авиони

И Македонија го затвора воздушниот простор за руските авиони, откако тоа го направија повеќе европски земји во изминативе неколку дена.Оваа информација ја објави самиот министер за надворешни работи Бујар Османи.„Владата тукушто одлучи да им се придружи на други ЕУ држави во забраната за прелет на руските авиони во воздушниот простор. Ние сме одлучни во нашата поддршка за Украина и ја повикуваме Русија веднаш да престане со воените акции. #StandWithUkraine“ – напиша на друштвените мрежи Министерот за надворешни работи Бујар Османи.

Македонија | пред 3 години