САЛИУ

Извршителката Јакимовска условно осудена за напад врз новинарот Фуркан Салиу: Ќе ја обжалиме пресудата

Судот донесе пресуда со која извршителката Весна Јакимовска е прогласена за виновна за кривично дело „спречување службено лице во вршење службено дејствие“, при што ѝ е изречена условна казна затвор од шест месеци. Според пресудата, казната нема да се изврши доколку во рок од една година не стори ново кривично дело.Настанот се однесува на случај од март 2024 година, кога, како што е наведено во пресудата, со употреба на сила и сериозна закана бил спречен новинарот Фуркан Салиу да извршува професионални задачи.По објавувањето на пресудата, Салиу остро реагираше, отворајќи прашања за заштитата на новинарите.„Спречување службено лице во вршење службено дејствие се казнува со условна казна од 6 месеци“, напиша Фуркан Салиу.Тој ја доведе во прашање и суштината на статусот на новинарите како службени лица.„Која е поентата новинарите да се водат како службени лица, ако за напад врз нив судот напаѓачите ги казнува со условна казна?“, напиша Фуркан Салиу.Во реакцијата, тој посочи дека пресудата ја смета за „морална победа“, но не и за задоволителна правна разрешница.„Ова е морална победа, ги потврдува сите наши тврдења, но не сме задоволни од судската одлука и ќе ја обжалиме пресудата“, напиша Фуркан Салиу.Тој отвори и пошироки дилеми за безбедноста и мотивот на новинарите да известуваат за чувствителни теми.„Која е поентата новинар да го ризикува својот живот за да ги брани правата на граѓаните, ако судот не ги штити истите?“, напиша Фуркан Салиу.

Македонија | пред 4 дена

Претеничката Салиу тврди:Беким Сали наскоро ќе биде премиер на Албанците во Северна Македонија

Пратеничката Имерлије Салиу од коалициската ВРЕДИ, на социјалните мрежи напиша дека премиер на Албанците во Македонија.,,Господинот, Беким Сали за кратко ќе биде премиер на Албанците во Северна Македонија”, напиша Салиу објавувајќи заедничка слика.За Сали, портпаролот на ВРЕДИ изјави дека тој ќе биде новиот прв вицепремиер кој доаѓа на местото на Изет Меџити кој е избран за градоначалник на Чаир.ВРЕДИ не ја исклучија можноста и за министерството за животна средина да номинираат друг кандидат.Премиерот Христијан Мицкоски одговори дека има добро мислење за Беким Сали, но тоа не значи дека Влен ќе добие два ресора.Сали е актуелен пратеник и поранешен министер за здравство во периодот од јануари 2022 до февруари 2023 година.

Македонија | пред 5 месеци

Салиу го тужи Латас за клевета, на следното рочиште ќе се соочат во судница

Новинарот Фуркан Салиу го тужи новинарот Драган Павловиќ-Латас за навреда и клевета. Адвокатот на Латас бара тужбеното барање да биде одбиено, додека пак, адвокатот на Салиу останува при наводите во тужбата и бара Латас да биде огласен за виновен дека сторил клевета. Целиот процес се покрена откако новинарот Фуркан Салиу беше уапсен на фудбалски натпревар, а во неговото возило било најдено расклопено оружје за кое поседувал дозвола. Во изјава на ТВ Канал 5, Латас кажал: „За мене, многу поголемо дело е носењето пиштол со себе и тоа пиштол со наполнет шаржер...“. За Салиу ова е клевета и бара правна одговорност.„Останувам при наводите за тужбеното барање. Предлагам по изведување на доказите, тужбеното барање да се усвои“, рече адвокатот на Салиу.Од друга страна, адвокатот на Латас рече дека неговиот клиент нема никаква вина за навреда и клевета.„Останувам во целост на наводите и доказите кон одговорот на тужба како и при наводите и доказите кои дополнително беа доставени во текот на расправата. Врз основа на сето наведено, предлагам тужбеното барање на тужителот да биде одбиено како неосновано“, рече адвокатот на Латас.Судијата Андреј Димовски правеше увид во доказите, меѓу кои беше опомена пред тужба, принт-скринови од објави по медиуми и на сајтот на МВР, наслови од весникот „Вечер“ каде пишува Латас, отпусно писмо од „Жан Митрев“ на тужениот.На оваа главна расправа, немаше распит на странки. Во судницата беше присутен Салиу, но не и Латас. На следната расправа закажана за нешто повеќе од еден месец, двајцата треба да одговараат на прашањата од бранителите и судот односно да се сослушаат како странки.

Македонија | пред 11 месец