СКОПЈЕ

Шенки Версаче со остар тон до Христијан: Мицко, Арачиново нема криминалци

Полициски службеници пред неколку дена привеле 31 годишен жител на скопско Арачиново, поради закани упатени кон вработени во интернет портал.Како што соопшти МВР, приведениот се сомничи дека ден претходно, по електронски пат, испратил порака со заканувачка содржина кон вработени во новинска агенција – интернет портал, поради претходно објавен текст„Во службен разговор во полициска станица тој го признал делото. Во координација со Јавен обвинител, по целосно документирање на случајот против него ќе биде поднесена соодветна пријава“.Лидерот на опозициската ВМРО-ДПМНЕ, Христијан Мицкоски се огласи со дијаметрално спротивен став.Точно знаеме во Арачиново која е групата, точно знаеме кои возила ги возат, точно знаеме каде живеат, точно знаеме со што се занимаваат и точно знаеме со кои полициски функционери се на линија рече претседателот на ВМРО-ДПМНЕ, Христијан Мицкоски при негова посета во Бутел.Но, на сето ова возврати и Шенки Версаче.Човекот кој е познат на јавноста како фан на светскиот бренд ,,Версаче”, живее во ,,замок”, носи ланци со злато и живее во Скопје, но има потекло од Арачиново.„Мицко, Арачиново нема криминалци, тебе ти е гори затоа што Арачиново го изгоре режимот, но и тебе ќе ти гори, во Арачиново, 99 проценти се домаќини луѓе“ напиша Шенки.

Коментари | пред 3 години

Хаос во ЈСП: Нема гориво, има дефекти - Скопје може да остане без превоз

Градскиот автобуски превоз на Јавното сообраќајно претпријатие Скопје е пред колапс, така што постои опасност утрешниот ден да почне со многу проблеми за скопјани кои на работа патуваат со автобус, алармираат возачи и вработени во јавното претпријатие со кои конктактираше Плусинфо.– Од петокот од 17 часот нема нафта во гаражите во Автокоманда и во Ѓорче Петров. Денеска 3-4 автобуси на ЈСП останаа на улиците без нафта. Во моментов десетина автобуси се принудени да се повлечат во гаражите. Секој момент може да се случи кинеските двокатни и украинските автобуси да немаат повеќе нафта за возење – велат изворите на Плусинфо од ЈСП.Целиот текст можете да го прочитате тука

Скопје | пред 3 години

Скопје го одбележува 13 Ноември – Денот на ослободувањето

Денеска се одбележува 13 Ноември – Денот на ослободувањето на Скопје во Втората светска војна.На 13 ноември 1944 година, борците од 42. и 50. Народнослободителна дивизија на македонската војска и 16. Македонска бригада го ослободија Скопје од фашистичка окупација.По неколкудневните тешки борби со припадниците на 22-та Гренадиска германска дивизија, составена од 47-от и 65-от полк и делови од 11-та воздухопловна десантна дивизија, како и со германската тврдинска бригада „Ангермилер“, која беше распоредена пред Качаничката Клисура, борците со победоносен марш влегоа во градот.Собраниска делегација, предводена од потпретседателот Горан Мисовски и од пратениците Даниела Марковска и Тони Јаревски и владина делегација во чиј состав се министите за правда НиколаТупанчески, и за локална самоуправа Ристо Пенов и заменик-министер за транспорт и врски Беким Реџепи, ќе положат цвеќе на Градските гробишта „Бутел“ и на споменикот Ослободители на Скопје, на платото пред Владата.Детскиот културен центар „Карпош“ и годинава традиционално ја организира манифестацијата „Го градам мојот град 2022“, на која учествуваат децата од предучилишните установи.Оваа манифестација има за цел да ги истакне детските творечки способности и креативност и да ги запознае децата колку големо значење има празникот 13 Ноември за Град Скопје.Годинава манифестацијата ќе се одржи во виртуелно издание, од 12:00 часот на фејсбук страната и на You Tube каналот на центарот на следниот линк.По повод празникот 13 Ноември е најавена улична трка поради што од 16:30 до 19 часот поголем дел од линиите од јавниот превоз ќе имаат изменет режим на сообраќање од вообичаениот. Трасите на движење се објавени на веб-страницата на ЈСП „Скопје“ и на нивниот Фејсбук.

Скопје | пред 3 години

Засилени контроли низ цела Македонија, 161 возач добија казни

Во текот на вчерашниот ден (02.10.2022) во периодот од 14.00 до 19.00 часот Министерството за внатрешни работи спроведе засилена акциска контрола за санкционирање на возила кои непрописно престигнуваат на територијата на Република Северна Македонија, при што санкционирани се 161 возач. Од нив, 71 на територијата на СВР Тетово, 23 на територија на СВР Битола...Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Скопје | пред 3 години

Исклучување микрофони, навреди, хаос: Славески ѝ се налути на Данела за „шпицниот“ „рачиња во мед“ „Талат Славески“

Данела Арсовска ја употреби фразата „рачиња во мед“ кога зборуваше за ексдиректорот на Водовод, Златко Перински, на што остро реагираше Трајко Славески.„Во име на советниците и во свое име, со оглед дека неколку пати се повторува синтагмата ‘рачиња во медот’, а се уште трае сезоната на собирање мед, лично проверив, поранешниот директор на Водовод и Канализација не е пчелар. И јас замолувам, советот доколку има некои докази за сторен престап, да се изнесат“, Трајко Славески, сите се смееја.Градоначалничката на Скопје му врати.„Минатиот пат кога бев на оваа говорница, имаше преседан, кога за првпат, претседател на Совет исклучувал градоначалник од говорница. Морам да ви кажам дека ако вие сте провериле за директорот дека не е медар, тогаш соодветно сте требале да проверите дека и јас за разлика од вашиот шпицен градоначалник, не сум хаус мајстор. Така да, ако зборувате за јавни навреди, што пласирате по јавноста, внимавајте на вашиот личен интегритет и не зборувајте за другите луѓе. Ако барате нешто од другите, појдете од себеси и својот интегритет да го ставите, за да другите слушаат што говорите“.Потоа, Славески се впушти и во одбрана на Мицкоски затоа што Арсовска го нарекува „шпицен градоначалник“.„Минатата и оваа седница, слушаме странски зборови кои јас не ги разбирам, овдека има превод од македонски-албански и обратно, се користат германизми, србизми фрази како ‘смањите доживљај’ и ве молам да се придржуваме на Деловникот за работа за тоа кои јазици можат да се користат во салата на Собрание на Град Скопје“, кажа Славески.Стефан Андоновски, советник од ВМРО-ДПМНЕ и порача на Арсовска да се моли пред слика на Мицкоски.„Во секоја реченица, градоначалникот употребува со погрдни зборови за претседателот на ВМРО-ДПМНЕ. Наместо тоа, таа би требало, да си закачи дома слика од него и да му се моли секој ден, затоа што да не беше тој таа немаше потписи да собере, а не да се кандидира за независен градоначалник. На мапа немаше да можат да ја најдат, да не беше Христијан Мицкоски и ВМРО-ДПМНЕ како поддршка. Немаше да има 10 луѓе на митинг, да не беше ВМРО-ДПМНЕ, Алијанса, Левица. Да не беше Мицкоски, на анкетите беше меѓу последните кои луѓето ги препознаваат, рејтинг имаше од 10 проценти бидејќи 90 отсто не знаеја за кого станува збор. Пред да ставате такви изрази во уста, размислете кој ве направил, кој ви ја поддржам кандидатурата, без која немаше да бидете ни директор на Стопански комори“, и рече Андоновски.Арсовска имаше одговор и на ова.„Голема благодарност до членовите на ВМРО-ДПМНЕ. Што се однесува до шпицниот градоначалник Христијан Мицкоски, тој поддржал кандидат кој победи. Ако мислел дека таа поддршка ќе му биде условена со дозовла да краде, лаже, манипулира – извинете тоа нема да се случи ниту треба да услов за да некој му биле вечно благодарен. Тој што така пресметувал, се излажал. Величење на таква личност не треба да е во ничиј карактер. Цени народот и ве гледа“, рече Арсовска.Трајковски и го исклучуваше микрофонот на Арсовска, додека таа говореше за Мицкоски.„Господине Талат Славески јас ве замолувам.......“, рече Арсовска, по што претседавачот на Советот пак и го исклучи микрофонот.„Ова е лична навреда, ви одземам збор. Напуштете ја говорницата, јас имам име и презиме. Не правете сцени. Напуштете ја говорницата. Пауза од 20 минути“, рече Славески, по што ја запре седницата.

Скопје | пред 3 години

Арсовска до советниците на Мицкоски: Лицемери

Арсовска им порача на советниците од ВМРО-ДПМНЕ дека се лицемерни. Додаде дека треба да престанат да саботираат, и само декларативно да се залагаат за модерно Скопје.„Хипокризија на денешницава. Генералниот секретар до пред некое време, мислам две недели, беше човек кој што е ваш близок. Кога замина од тука се заблагодари на партијата и претседателот наместо на Градот и граѓаните. Требаше да го прашате зошто не реализирал се ова што требало бидејќи тој беше еден од лицата, непосредно надлежен за овие реализации. Ве молам да се однесуваме како што треба. Не може нешто што вчера сте застапувале денеска да кажувате дека не чини. Не може нешто што до вчера сте поддржувале денеска да сакате да саботирате или да сакате да го поставувате во негативно светло. Ако веќе декларативно, шпицниот градоначалник излегува и кажува дека ќе ја поддржите оваа програма, однесувајте се соодветно, поддржете ја. А не со подметнувања, критики и на крај декларативно да кажете дека ќе ја поддржите. Фер и коректно од почеток до крај, не со манипулации“, рече Арсовска.

Македонија | пред 3 години

Карамбол во Град Скопје, препукувања меѓу директорите на Арсовска и советниците на ВМРО-ДПМНЕ

Жестоко препукување помеѓу новиот в.д. директор на ЈСП Александар Стојкоски кој е кадар на градоначалничката Данела Арсовска и советници од ВМРО-ДПМНЕ. На Советот на Град Скопје се зборуваше за ставање во функција на нови автобуски линии по барање на граѓаните. В.Д. директорот на ЈСП Стојкоски реагираше дека има неисплатливост и бараше советниците да им објаснат на граѓаните кога истите ќе бидат укинати. А советникот Филип Јаневски од ВМРО-ДПМНЕ му врати: „Нема да ја укинете линијата ако ние тоа не го дозволиме. Значи Господ да ви се јави на сон и да ви каже да ја укинете прво ќе дојдете тука да прашате, дали 23 советници ќе одлучат.„Имаше иницијатива за број 2 да иде до Ченто. Ќе добиете изработен елаборат колку е загуба на еден автобус. И вие само поднесувате иницијативи а не прашувате дали тоа е исплатливо или не, не оставате ЈСП да преговара“, рече Александар Стојкоски, в.д. директор на ЈСП.Советникот Филип Јаневски му кажа дека и воведната линија 2Б на ЈСП, не може да се види по градските улици.„Сите овде, членови на Советот сме избрани од граѓаните. Директорите се именувани функциониери. Настапот на директорот од оваа говорница е: ‘поднесувате иницијативи...’, па извинете ако поднесуваме иницијативи. Да си одиме дома ако не? Што се однесува на иницијативата за продолжување на 2-ка до Ченто, на 31 август на седницата имавте можност да излезете и да кажете дали е исплатлива, дали не е, дали може да се изведе или не. Вие не земавте збор. 37 советници гласаа ‘за’ и ја донеле најдобрата одлука. Одлуките на Советот се обврзувачки за сите. Во иницијативата стои дека треба да доставите предлог одлука во рок од 30 дена, за продолжување на 2-ка, а не за воведување на нова линија 2б, која помпезно ја најавивте. 24 поминаа откако наводно ја воведовте таа линија, јас не сум сретнал човек кој видел како изгледа тој автобус. Јас го чекав и сабајлево, го нема, не постои. Не го виделе ниту во Чаир ниту во Ченто. Вие не сте задолжен за тоа дали е исплатливо или не, туку да спроведете“, Јанески.В.Д. директорот на ЈСП, посочи дека нема исплатливост, па тоа е причината поради што по кратко време се укинуваат линии, но и дестинациите на кои се обраќаат сега автобусите – ќе бидат скратени.„Во Шуто оризари гравитираат дневно 21 автобус, имаме по 3400 валидации. Дали е тоа доволно за да биде оваа линија рентабилна? Вие како советници го договаравте договорот со приватните превозници. Фрапантни се анализите кои ги правиме, а тоа е дека во ниту еден приватен автобус нема фискален апарат. Со тоа е нанесена штета на ЈСП. Во врска со предлогот кој го поддржувам за подобрување на градскиот превоз во Шуто Оризари, ние со градоначалникот разговаравме и кажавме на кој начин тоа ќе го решиме. Вие кажете ни, дали ние треба да купиме нови возила за да опслужиме Шуто Оризари или ќе може градоначалникот да премести 50 кабли за да добие поквалитетен превоз. Како што сме постапиле со 2б, како што барате и за 19А да оди до Клинички центар, ќе ве молам кога ќе излеземе со анализа дека е таа неисплатлива, ќе ве молам вие да им објасните на граѓаните зошто ќе биде укината“, рече в.д. директорот на ЈСП.„Се навлегува надвор од ингеренциите на директорите на јавните претпријатија. Како кажа: ‘Кога ќе видите дека нема рентабилност објаснете им на граѓаните зошто ќе ја укинеме линијата’. Нема да ја укинете линијата ако ние тоа не го дозволиме. Значи Господ да ви се јави на сон и да ви каже да ја укинете прво ќе дојдете тука да прашате, дали 23 советници ќе одлучат. Затоа што нас е легитимитетот и одговорноста. Не може самоволие да демонстрирате. Повлечете поука од пред 2-3 недели кога наводно самоволие резултираше со разрешување. Кај вас е директно и јасно самоволието“, рече Јанески.

Скопје | пред 3 години

Андоновска до Арсовска:Честито коалиција со ДУИ, но чесно ќе беше ова да го направевте пред изборите

Марија Андоновска, советник од ВМРО-ДПМНЕ во Град Скопје на денешната седница на Град Скопје потенцираше дека од градоначалничката Данела Арсовска не добиле ниту еден одговор на поставените советнички прашања.-За жал не добивме ниту еден одговор на поставените советнички прашања, тие советнички прашање не ги прашуваме за нас лично, тие советнички прашање ги поставуваме за оние кај што чукавме по врати, сега тие доаѓаат прашуваат и ние мора да им одговориме. Што да им одговорам, дека сте имале попаметна работа, сте менувале во канцеларијата на генералниот секретар ролетни, тоа да им го кажам па не сте имале време да одговорите, тие работи ви се поважни, камери сте ределе, врати сте ставале нови, ама не сте имале да одговорите. Ве молам претседателе да ги добиеме одговорите на нашите советнички прашања бидејќи ние сме должни да им одговориме на граѓаните, рече Андоновска,Таа во текот на своето обраќање ја честиташе новата коалиција помеѓу градоначалничката Арсовска и ДУИ и воедно укажа дека ако ова се случило пред изборите граѓаните немало да и ја дадат поддршката на Арсовска. Андовска исто така побара од Арсовска ако тоа е исправно да си даде оставка и да излезе на избори со овие коалициони партнери.-Воедно сакам да ја честитам еве вака јавно новата коалиција помеѓу градоначалничката и ДУИ, сигурна сум дека ако ова се случеше пред изборите, граѓаните немаше да дадат поддршка. Ако вие сметате дека ова е исправно, повелете тука дајте си оставка и излезете на избори со овие коалициони партнери, кажа советничката.Андоновска потсети дека ВМРО-ДПМНЕ ја поддржи програмата „За модерно Скопје“ но на денешната седница има 16 точки, а нема ниту една точка од таа програма на дневниот ред.-Ние ја поддржавме програмата „За модерно Скопје, денеска на оваа седница со 16 точки нема ниту една точка од таа програма за која што ја поддржаа и граѓаните и ВМРО-ДПМНЕ и Коалицијата, за жал, додаде Андоновска.

Скопје | пред 3 години

Објавени новите директори на јавните претпријатија во Скопје

Денес се назначени новите в.д директори на Јавните претпријатија во СкопјеСо ЈП Лајка назначена е да раководи Радмила Пешева, додека со ЈП Улици и патишта Саид Саид. На в.д директорската позиција во ЈП Паркинг назначен е Крсте Петревски, во ЈП Паркови и зеленила Реџепи Зухејр, додека со ЈП Дрисла назначен е Александар Кузинаков.Во ЈП Комунална Хигиена продолжуваат со раководство Косана Мазнева, ЈСП Александар Стојковски и ЈП Водовод Марјан Митевски.„Новите в.д директори ќе имаат обврска и одговорност во следните 6 месеци да ги спроведат неопходните реформи со цел консолидација на јавните претпријатија во периодот кој следи од аспект на справување со економската и енергетската криза. Обврските се во насока на оптимизација на средствата и процесите, намалување на трошоците и кратење на сите непродуктивни трошења, како и спроведување на реформата во сегментот на вработувања во претпријатијата со која нема да се дозволи лица кои не одат на работа или не ги извршуваат работните обврски да бидат платени од буџетските средства“, велат од Град Скопје

Скопје | пред 3 години

Нема фотографија

Потврдена е коалицијата меѓу клептоманската СДС и уценетата Арсовска

„Клептоманите од дезертерската СДС секој ден ја потврдуваат новата коалиција со уценетата Данела Арсовска. Веќе станува очигледно дека Арсовска има за задача да одработува за дезертерот Ковачевски, да дефокусира од секојдневните скандали, од неспособноста и катастрофалната енергетска и економска состојба во која се наоѓа државата“, вели ВМРО-ДПМНЕ и додава:Коалицијата веќе не ја ни кријат. Взаемно си помагаат, затоа што имаат големи бизнис интереси и мерак за матни зделки. Поддршката која СДС и ја дава на Арсовска се гледа и преку скапата кампања и билбордите кои и ги плаќаат во време на криза. Во услови кога немаат дела, својата неспособност ќе ја покриваат со манипулации и лаги. Парите и енергијата кои ги трошат против ВМРО-ДПМНЕ да ги насочеа кон граѓаните ќе донесеа барем некаков бенефит.Нека им е со среќа соработката.

Македонија | пред 3 години

Млад скопјанец ограбен на Партизанска, со закана му одзеле пари

На 16.09.2022 во 14.00 часот во Полициската станица Центар, Х.Ј.(25) од Скопје пријавил дека околу 12.30 часот на бул.„Партизански Одреди“ две лица со закана му одзеле пари.Се преземаат мерки за расчистување на случајот.

Скопје | пред 3 години

Од шеги до заговори: Немој да пиете шилеговача, видовте што се случува со Данела

Караницата на релација ВМРО-ДПМНЕ - Данела Арсовска не застанува. Скопската градоначалничка последно го повика Христијан Мицкоски, лидер на опозициската партија, да дојде и лично да се пресмета со неа. Тој пак, преку телевизиско интервју ги смируваше страстите посочувајќи дека ова не е војна. Сепак, се чини дека страстите се зовриени, ако се има во предвид дека секојдневно ВМРО-ДПМНЕ испраќа соопштенија до медиумите со кои ја девалвира и дискредитира Арсовска.И јавноста има свои коментари. Дел се шегуваат, на дел ништо не ми е јасно, а трети, имаат своја страна.Дел од нив, објавени на „Твитер“, во проодлжение:„Данела, сега, добра е или лоша? Не разбрав“https://twitter.com/KRodzers/status/1569741548212060162„СДСМ и се воодушевува на Данела. Каков ти е денот таква ти е годината“https://twitter.com/Schiffer_PG14/status/1570374548075290628„Ќе потврди ли сега дпмне дека Данела е Бугарка?“https://twitter.com/AnaFiljana/status/1570507059850018819„Исто како што заврши Тривке невини ќе заврши и данела без ниту еден реализиран проект...“https://twitter.com/NoStAlGicArOt/status/1570358754012499971„Фала #Данела за денешните вмровски солзи. Кралице моја. Срно моја“https://twitter.com/100deutschemark/status/1569321593557368833„Кај е шпицниот Градоначалник, кај се крие? - ДанелаЈас од Нервно:“https://twitter.com/CheGuev21277156/status/1570425607888195586„Уште 5-6 глупи мемиња со Данела и нова година“https://twitter.com/mancesterovec7/status/1570522125718659074„Данела пред поплавите да го фатеше директорчето у мед ќе и простевме“https://twitter.com/Act_A__Fool/status/1570522809310511107„Ипак ја мислам дека Данела премлада влезе у политика.. Мислења?“https://twitter.com/HerrPIPO/status/1570532535914090498„Немој да пиете шилеговача, видовте што се случува со Данела , па таа стана ШИЛЕЖЕ“https://twitter.com/WolverineNase/status/1570550762266296320„Данела решила да се справува со корупција. Сасвим нормално е дека нема да има поддршка од ниедна политичка партија“.https://twitter.com/AntovSr/status/1570648404145090561„Имајки го предвид минатото на Данела не верувам дека решила да се справува со корупција или пак да одолее на партиски влијанија. Мислам дека едноставно не сака да дели со ниту една партија“.https://twitter.com/ibogovitelicno/status/1570650477527986178„Данела Арсовска вели била најдобар градоначалник до сега. За мене од почеток до сега е најголемо разочарување и промашување“https://twitter.com/Nedopirliva1/status/1570656280519540737„И после #Данела не била царица! *само да се мрчело“https://twitter.com/MKDProLet/status/1570656640063635456„Значи Данела е есдееес“https://twitter.com/PinderhughesMKD/status/1570665409262788615„Во ред е да реагира ако брцнале во градскиот мед ама таа се жешти како да брцнале внејзиниот домашен мед, која сама го направила...🙄 Данела пчелката стана оса!“https://twitter.com/ANGELa99046218/status/1570667276617273345„Мора да признаеме дека Данела и се допадна на „заедницата“ затоа што покажа твитерашки шмек, користи наши финти за кревање на рич и си лапа симп фоловери (гласачи) со навежбано „дрско“ а у ствари простачко онесување..“https://twitter.com/zoranveli/status/1570667484927365123

Коментари | пред 3 години

Перински:Со вакви искажани фрази Арсовска не заслужува повеќе да е градоначалник на градот Скопје, ја повикувам да си даде оставка

Златко Перински, во своето гостување во вестите на Сител зборуваше за тендерот за пречистителна станица и потенцираше дека во ваков случај невозможно е да се влијае на исходот и е невозможно да се намести ваков тендер.-Во проект кој што е финансиран од страна на европски банки, дел со кредитни линии, дел со грантови каде што се вклучени странски консултанти во фазите на евалуација и ефектите и исходите од фазите на евалуација ги одобрува или позитивно ги оценува носителот на кредитната линија во случајот Европска инвестициона банка е невозможно да се влијае на исходот и е невозможно да се намести, рече Перински.Тој во текот на своето гостување посочи дека штом се докаже дека сето ова е невистино градоначалничката да смогне сила да си поднесе политичка одговорност т.е оставка.-Навистина се смешни инсинуации кои што беа презентирани на неколку портали и од страна на градоначалничката во нејзиното вчерашно излагање. Мене ми е навистина жал што на овој начин се потруди, проба да моето изминато работење го оцрни, па затоа јас јавно сакам да ја повикам дали доколку овие изјави се докажат во идниот период дека се невистини, дали ќе смогне сила и храброст да им се извини на скопјани за искажаните невистини и дали ќе си поднесе политичка одговорност т.е оставка? Со вакви искажани фрази според моја проценка госпоѓата Данела Арсовска не заслужува повеќе да е градоначалник на градот Скопје, кажа Периснки.Перински исто така порача дека никој до сега го нема оцрнете неговото име и презиме и дека ова работа ќе ја тера до крај.- Јас во животот мој не сум дозволил никој да го оцрни моето име и презиме, јас ќе ја буткам работата до крај. Дополнително ме мотивира фактот што само 5 минута пред вчерашниот прес добив уште една комфирмација од Европската инвестиционата банка дека до сега процесот е кристално чист и нема ниту една дамка, така да тоа ми е дополнителен мотив за да докажам дека работите кои што градоначалничката ги сподели со јавноста се тотална невистина, додаде тој.

Македонија | пред 3 години

Советничка група на ВМРО-ДПМНЕ во Град Скопје: Антидатирањето на бројчиња во архива е кривично дело

„Вчера Арсовска на прес конференција ги пофали директорите на јавните претпријатија дека се на ниво на задачата и дека одлично ја извршуваат, а денес лаже кога вели дека ги разрешува поради несоодветно работење. Ниту понуда од Арсовска до директорите за доброволно заминување, ниту барање за оставка имало.Ја потсетуваме Арсовска дека антидатирањето бројчиња во архива е кривично дело, а лажењето на јавноста е лицемерие кое скопјани не го заслужуваат. Одлуките на директорите се последица на паниката на Арсовска дека никој не сака да соработува со градоначалничка која очигледно не е способна да донесе резултати кои ги вети“, велат од Советничка група на ВМРО-ДПМНЕ во Град Скопје.Тие додаваат:Ваквиот чекор е доказ дека власт по секоја цена и преку газење на принципи не е прифатливо за ВМРО-ДПМНЕ. Функцијата значи одговорност спрема граѓаните.

Македонија | пред 3 години

Арсовска им врати на директорите: Јас ви дадов понуда да дадете оставка или да ве разрешам

„Поради несоодветно работење, неиспорачување резултати и непочитување на насоките на градот Скопје, директорите добија понуда да си дадат оставка или да бидат разрешени“, вели градоначалничката на Град Скопје, Данела Арсовска.Ова доаѓа откако директрите на „Паркинзи-Скопје“ и „Дрисла“, дадоа оставки.„Градот Скопје е град на сите скопјани, затоа сите носители на овие одговорни раководни функции во градот се должни да даваат отчет пред граѓаните, а не пред партиските лидери. Скопје мора да биде модерен град, град за сите скопјани“, додава таа.

Скопје | пред 3 години

ВМРО-ДПМНЕ се оградува од Арсовска: Не сме задоволни од неа, наместо да се пресметува нека решава проблеми!

Скопската градоначалничка Данела Арсовска, повеќе нема поддршка од ВМРО-ДПМНЕ, освен за поединечни проекти за кои веќе има усогласеност и се промовирани во време на изборите. Портпаролката на партијата, Марија Митева, испрати и јавна порака до Арсовска. Според неа, партијата е незадоволна од резултатите на Арсовска, иако, кога ја поддржале за време на изборите, верувале во неа.„Како партија која го поддржа концептот за модерно Скопје и застана зад кандидатурата на Арсовска, искрено верувајќи во овој концепт, можам да кажам дека не сме задоволни од сега сработеното од градоначалничката. Сметаме дека е малку реализирано, а може и треба да се испорачаат повеќе резултати кои ги заслужуваат скопјани. Поддршката која ја дадовме за неа е темелена на принципи, и секако таа ќе ја повлечеме тогаш кога ќе видиме дека тие принципи не се почитуваат“, кажа Митева.Портпаролката одговори и дали мнозинството советници во Град Скопје ќе и ги гласаат проектите и одлуките на Арсовска.„Имено ова се однесува дека во иднина само оние проекти и онаа политика која е во функција на модерно Скопје и која ја поддржуваме ќе биде одобрена и изгласана во Советот. Но исто така, ќе го задржиме правото да бидеме жестоки критичари на нејзините политики кои излегуваат надвор од тој концепт“, посочи таа.На крајот, Митева упати и порака до скопската градоначалничка: „Би и порачале на градоначалничката дека наместо неосновани пресметки и упади на прес-конференции, треба да се започне со проекти и со решавање на потребите на скопјани“.

Скопје | пред 3 години

Данела не знае за што ќе го гони Перински: Прво го обвини дека влијание врз тендер, а сега дека е нетранспарентен

Градоначалничката на Скопје, Данела Арсовска не знае за кое кривично дело ќе го пријави директорот на Водовод, Златко Перински. Таа кажа дека не знае ништо за процесот за проектот за пречистителна станица финансиран од европски банки, но не одговори како без информации го обвини Перински дека сторил криминал за што ќе поднесува и кривична пријава. Во соопштението за разрешувањето на Перински се вели дека има сомнеж дека влијаел во постапката за избор на изведувач на тендер, а на прес-конференција посочи само дека тој не бил транспарентен и затоа го тргнала од директорската позиција.„Ние изразивме сомнеж бидејќи минатите месеци, Град Скопје нема добиено никаква информација во која насока се движат сите процеси кои се поврзани со избирање на најдобар понудувач. Ова е проект кој се прави со европски средства во вредност од 137 милиони евра. Ние имаме индиции дека не е транспарентен процесот и бараме да се сменат промени на членовите на комисиите. Нетранспаретноста на целата постапка ги покрена сомнежите. Ние нема да дозволиме европски средства да бидат изиграни. Во интерес на сите е да знаете што е позадината. Со самото тоа што Градот барал потранспаретна постапка и не било спроведено, имаме сомнежи дека се обидувало да се влијае на постапката“, кажа Арсовска.Прашана од кај знае дека има криминал, ако не знае ништо за проектот, Арсовска рече: „Да спречите нешто да се украде е исто како да се превенира. Јасен беше одговорот. Документацијата која ја имаме, ќе ја предадеме, друг ќе одлучи“.„Ние ги имаме нашите индиции, ги имаме релевантните документи, пред Обвинителството ќе ги поднесеме. Транспарентноста не е криминал, тоа е дека нешто се тера а не се прави пред јавноста“, рече Арсовска, а прашана кое е делото рече: „Тоа не е нешто наше кое треба да го тераме, не сме јавен обвинител ниту суд“.

Македонија | пред 3 години

(ФОТО) Зграда во Центар 16 часа без струја, станарите пријавиле во ЕВН, а оттаму ја префрлаат вината

Зграда во Дебар Маало веќе 16 часа нема струја. Станарите велат дека пријавиле во ЕВН, но оттаму велат дека за тоа е одговорна општината.„Среде Центар во Дебар Маало цела зграда нема еве веќе 16 часа струја. Станарите пријавиле во ЕВН, од ЕВН ги праќаат во Општина Центар, Општина Центар се прават наудрени! Дрво има паднато на самиот кабел за струја кој го има прекинато дотокот на струја за зградата. Дрвото е веднаш до градинката на среде улица, повторно Општината не реагира!Горан Герасимовски градоначалниче, вака ли се грижи општината за Центарци?Кога ќе се активираат службите за ова што се случува во срцето на нашата општина?Доколку не сте виделе на терен, повелетe слики во прилог да ја видите состојбата“, стои во објавата.„Службите на Општина Центар изминатото деноноќие се на терен, ги расчистуваат паднатите дрвја и гранки и на одредени локации ги санираат штетите настанати од вчерашното невреме кое го зафати Скопје. Градоначалникот на Општина Центар, Горан Герасимовски, веднаш по невремето излезе на терен и заедно со службите, вршеше увид и помагаше при расчистувањето велат од Општина Центар„Утринава имавме состанок на општинскиот Штаб за заштита и спасување. Во контакт и координација сме и со останатите надлежни институции и ги преземаме сите мерки за расчистување на паднатите дрвја, гранки и покриви. Во текот на денот ќе се врши и проценка на штетите од поплавите кои зафатија дел од општинските градинки и училишта и работиме на нормализирање на состојбата“, изјави градоначалникот Герасимовски, по завршувањето на состанокот на штабот.До општината вчера пристигнаа многу пријави за оштетени возила, живеалишта, деловни простори, проблеми со шахтите и сливниците и сите тие се проследени до надлежните сектори или институции за натамошно постапување.

Скопје | пред 3 години

Професорка објаснува зошто се поплавија улиците по вчерашното невреме

Проф. д-р Дивна Пенчиќ на социјалните мрежи објави статус во кој вели дека една од причините за неистекување на водата по вчерашното невреме се „жардињерите“ долж булеварите.„Зошто толку се затнаа улиците?Една од причините за неистекување на водата се и оние тн „жардињери“ во кои го „заробивме“ зеленилото долж булеварите и покрај зградите!Сакајќи да го решиме проблемот со газење на тревата и паркирање по зленилото, на некој градоначалник и неговите архитекти им текна да го заградат со ѕидчиња!Е сега нема како водата од улците да се впие при обилни дождови! Ниту една атмосферска канализација не може да се направи со капацитет кој може вакви обилни поројни дождови да ги прифати, и така не се ни проектира. Улиците немаат толков профил за да се стават цевки со поголеми профили, а има и други инсталации кои се водени под улиците. Затоа се планира зеленило кое не е во „саксија“ и тоа треба да впие дел од водата.Дополнително, кога сите градски површини и јавни и приватни по дворови, ќе се избетонираат, пополочат и тоа со непропусни/непорозни материјали, резултатот е дека градот е еден ГОЛЕМ БАЗЕН, кој се преплавува.Е тоа е“, се вели во објавата.

Коментари | пред 3 години

Коментар на денот: Маме му e*авте на Скопје, во 2022 граѓаните одат низ фекалии по улици

Новинарот Кристијан Ландов на социјалните мрежи објави статус во врска со вчерашните поплави во главниот град.„Ја би ви кажал, наместо да се препукувате, да се засрамите. Сите, од Петре до Данела, сосе СДСМ и ВМРО-ДПМНЕ, ДУИ и компанија.Некад мора онака сељачки да се каже: Маме му ****** на Скопје. Засрамете се и скријте се, затоа што во 2022 година во т.н. метропола, граѓаните ви одат низ излиена канализација по улици“, стои во објавата.

Коментари | пред 3 години

(ФОТО) Скопјанец за пример: Секогаш ги отвора шахтите за време на поројни дождови, никој друг не мрда со прст

На социјалните мрежи вчера беа објавени фотографии од скопјанец, кој ги отвора шахтите.Во објавата се вели дека неговото име е Зоки, а тој секогаш кога има поројни дождови ги отвора шахтите.„Имам чест да го познавам. Се вика Зоки, и секогаш излегува да ги отвори шахтите при поројни дождови и ги затвора после повлекување на водата. Ниту еден друг негов сосед не мрда со прст“, стои во објавата.https://twitter.com/yarrre/status/1564644824657104896?s=20&t=9HFFIj39mH-B9EWQvt3Mmg

Коментари | пред 3 години

„Сега Вучиќ ќе испрати екипа да го среди Скопје“, „Белград на води, Скопје под води“, реакции по поплавите во главниот град

По невремето, кое го поплави половина град, граѓаните се пошегуваа на социјалните мрежи. Велат дека како и за секоја друга работа, и овој пат Вучиќ ќе испрати помош за градот.https://twitter.com/callmemicce/status/1564684688299626496?s=20https://twitter.com/P0KIO/status/1564684628723728384?s=20https://twitter.com/Kafedzijata_/status/1564682492308758528?s=20https://twitter.com/RadeMetalec/status/1564681328762699776?s=20https://twitter.com/FallUsHype/status/1564685806245134337?s=20https://twitter.com/Stopareska/status/1564673103434846212?s=20 https://twitter.com/Svakjas/status/1564669096473628672?s=20https://twitter.com/PravednaTavita/status/1564665352679788545?s=20https://twitter.com/dodo__81/status/1564673550115639296?s=20https://twitter.com/Shushmula/status/1564693003314335745?s=20

Коментари | пред 3 години

Данела Арсовска се огласи неколку часови по невремето

„Силното невреме со обилни врнежи кое во изминатите неколку часа го зафати Скопје, предизвика поплави на повеќе места низ градот. Свикав итен теренски состанок на Штабот за заштита и спасување на Град Скопје, во моментов екипите интервенираат на повеќе од 30-тина локации каде има поплавувања по големото невреме“, напиша Данела Арсовска.Таа додаде:Тимови составени од јавните претпријатија расчистуваат на терен каде остануваме се до целосно санирање на проблемите на критичните места. Сите екипи се мобилизирани и се на терен, меѓу кои и противпожарната бригада на градот Скопје, која со успешна интервенција успеа да спаси над 20 лица.Силното време предизвика и материјални штети кои веќе се санираат, а воедно вечерва кризниот штаб по целосна анализа на состојбите ќе најави решение за овие проблеми, но ќе се бара и одговорност за несоодветната атмосферска инфраструктура особено на ново реконструираните градски булевари каде се предизвикани најголеми штети.

Скопје | пред 3 години

Заглавено возило под подвозникот кај Бриколаж, се работи интензивно на негово извлекување

Попладнево сум на терен заедно со екипите на ЈКП Гази Баба и екипите на јавните претпријатија на Град Скопје каде што се санираат последиците настанати од големото невреме кое го зафати Скопје, вели градоначалникот на Гази Баба, Бобан Стефковски.„На неколку локации е собрана поголема количина на вода и настанат е прекин во сообраќајот.Заглавено е едно возило под подвозникот кај Бриколаж и се работи интензивно на извлекување на возилото.Граѓаните да бидат спокојни. Јас и целиот кризен штаб од општината остануваме на терен до целосно расчистување на последиците од невремето“, објави тој.

Скопје | пред 3 години

(ВИДЕО) Нови снимки од поплавениот „Ист гејт“, посетителите одат низ река од вода која поплави и дуќани

И новиот трговски центар Ист Гејт Мол не остана отпорен на невремето. Дел од дуќаните се соочија со проблем откако трговскиот центар почна да се полни со вода.Освен дуќаните поплавени се и подземните гаражи.Исто така деес поради силното невреме се поплавија и ТЦ „Бисер“, ГТЦ и Соравија.

Скопје | пред 3 години