СКОПЈЕ

Ако се ваши проектите во програмата зошто не ги гласате, праша Арсовска во Советот на Град Скопје

Градоначалничката на Град Скопје, Данела Арсовска во денешното обраќање во Советот на Град Скопје потенцираше дека единствено нешто за кое се заинтересирани советниците од ВМРО-ДПМНЕ е паушалот од 500 евра. Таа посочи дека советниците на ВМРО-ДПМНЕ наместо да ја оправдаат довербата на граѓаните и во Советот да гласаат за проектите и програмите во интерес на оние кои што ги гласале тие ја злоупотребуваат говорницата за популизам.Градоначалникот се обидува да ги реализира оние работи кои што ги ветил пред граѓаните за разлика од вас кои што ќе дојдете тука, ќе си ја искористите оваа говорница за популистички политички говори, ќе отидете во бифе ќе отседите два-три часа, ќе си го земете паушалот од 500 евра и ќе заминете дома. Така да почитувани советници ако сакате да зборувате за оставки депонирајте си ги вашите слободно затоа што вие сте тие што кочите цела година да нема нови автобуси за граѓаните, и кочите се што е од интерес за граѓаните да се реализира она кое што вие сте им го ветиле на последните локални избори, вели Арсовска.За иронијата да биде уште поголема советниците на ВМРО-ДПМНЕ кои бараа поддршка од граѓаните со програмата на Арсовска, денес во Советот прават се за истата да не се спроведе.-Вие баравте поддршка за програмата кај граѓаните, вашиот претседател Мицкоски збореше по медиумите дека треба да се поддржи таа програма. Дури ве изнаслушавме и како кажувате дека сте ја правеле таа програма, ако сте ја правеле таа програма зошто не ја гласате? Ако се ваши проектите во програмата зошто не ги гласате, додаде градоначалничката.Одговорноста за проблемите со кои се соочува Град Скопје лежи единствено во Советничката група на ВМРО-ДПМНЕ која е власт и го има мнозинството во Градот а ги блокира сите програми и проекти од интерес на граѓаните.Второто лицемерие е што Вие сте мнозинство во Советот и се што не функционира во овој град е ваша одговорност, верувам дека сите го знаат тоа. Денеска не гласавте програма од областа на сообраќајот во Град Скопје, значи се што е од областа на сообраќајот во Град Скопје е закочено, веќе дојде месец април. Денеска не гласавте програма за заштита на животната средина, после немој да излезете да говорите за заштита на животна средина затоа што вие блокирате и не гласате програма за животна средина. Не ги гласате активностите од областа на локалните економски развој, не ги гласате активностите за соработка со здруженија и фондации, посочи Арсовска.Најголемата иронија истакна градоначалничката на Град Скопје е фактот што истите програми кои денес советниците на ВМРО-ДПМНЕ не ги гласаат ги гласале кога градоначалник бил Коце Трајановски од редовите на ВМРО-ДПМНЕ, но ги гласале и кога ВМРО-ДПМНЕ било опозиција, а градоначалник бил Петре Шилегов.-Не знам како и под кои услови овие програми сега не во се прифатливи, а Ви биле прифатливи кога истите програми без никакви измени наназад веќе децении сте ги гласале. Кога бил вашиот градоначалник Коце Трајановски, потполно истата оваа програма тогаш чинела, сега не ви чини. Кога бил градоначалник Шилегов ако сте биле опозиција, и тогаш ви чинела истата програма да ја гласате а сега не ви чини. Како тоа истата програма со истите работи внатре со истите точки кои треба да се имплементираат тогаш сте си ја гласале без никаков проблем, а сега не, додаде таа.На лицемерието на ВМРО-ДПМНЕ му нема крај заклучи Арсовска бидејќи не само што советниците не гласаат за програмите туку пред граѓаните не образложуваат зошто го прават тоа.-И најголемото лицемерие е да не гласаш програма што е во интерес на граѓаните и да кажеш дека не е добра а не кажуваш што е тоа што не чини. Знаете зошто? Бидејќи ако кажете што не чини тоа значи дека дека не чинело ни кога бил Коце Трајановски градоначалник и кога бил Петре Шилегов градоначалник затоа што се работи за истата програма, заклучи градоначалничката на Град Скопје.

Скопје | пред 2 години

Витина: Позитивно сум ја изгласала точката за ослбоодување од плаќање на комуналии на училишта

„Жалам што и Вашиот медиум одлучи да биде пропагатор на лажните вести лиферувани од штабот на ВМРО-ДПМНЕ, без притоа да ги проверите информациите или да побарате и став од другата страна“, вели Ирена Витина и додава:„Вистината е спротивна на лиферуваната лажна вест од штабот на ВМРО-ДПМНЕ, а доколку ја гледате и снимката од преносот на седницата на Советот на град Скопје, јасно ќе забележите дека наведените точки кои беа ставени на гласање на денешната седница на Советот на град Скопје, а кои се однесуваат на ослободување од плаќање на комуналии за изградба и реконструкција на училишта и градинки сум ја изгласал позитивно.За жал, фабриката за лаги на ВМРО-ДПМНЕ се обидува да го затскрие нивниот срам со лиферување на вакви манипулации и лажни вести. Тие се срамат да признаат дека овие проекти за кои гласаа денес се финансирани од Владата предводена на СДСМ, благодарение на неспособноста на градоначалниците во општините на град Скопје од ВМРО-ДПМНЕ.Непринципиелната коалиција СДС-ДПМНЕ сепак, нема да успеат да ја покријат со ширење на лажни вести.Барам од Вашиот медиум во целост да го објави овој демант, лажната вест да ја отстрани и да се извини поради непочитување на обврската за целосно и вистинито информирање на јавноста со обезбедување на став и од втората спомената страна. Во спротивно, ќе бидам приморана вистината да ја барам пред надлежните судски инстанци“.

Скопје | пред 2 години

Позитивно сум ги изгласал точките за ослободување од плаќање комуналии за изградба на училишта, врати Трајановски на ВМРО-ДПМНЕ

„Жалам што и Вашиот медиум одлучи да биде пропагатор на лажните вести лиферувани од штабот на ВМРО-ДПМНЕ, без притоа да ги проверите информациите или да побарате и став од другата страна. Вистината е спротивна на лиферуваната лажна вест од штабот на ВМРО-ДПМНЕ, а доколку ја гледате и снимката од преносот на седницата на Советот на град Скопје, јасно ќе забележите дека наведените точки кои беа ставени на гласање на денешната седница на Советот на град Скопје, а кои се однесуваат на ослободување од плаќање на комуналии за изградба и реконструкција на училишта, градинки и спортски сали сум ги изгласал позитивно.За жал, фабриката за лаги на ВМРО-ДПМНЕ се обидува да го затскрие нивниот срам со лиферување на вакви манипулации и лажни вести. Тие се срамат да признаат дека овие проекти за кои гласаа денес се финансирани од Владата предводена на СДСМ, благодарение на неспособноста на градоначалниците во општините на град Скопје од ВМРО-ДПМНЕ.Непринципиелната коалиција СДС-ДПМНЕ сепак, нема да успеат да ја покријат со ширење на лажни вести.Барам од Вашиот медиум во целост да го објави овој демант, лажната вест да ја отстрани и да се извини поради непочитување на обврската за целосно и вистинито информирање на јавноста со обезбедување на став и од втората спомената страна. Во спротивно, ќе бидам приморан вистината да ја барам пред надлежните судски инстанци“, вели Александар Трајановски.

Свет | пред 2 години

(Фото) Арсовска тврдеше дека открила екоцид, ама нека и ја покаже некој еколошка бомба се прави од несобраниот отпад во Ѓорче

Градоначалничката Данела Арсовска со прст не мрда по низата реакции од граѓаните дека контејнерите во Ѓорче Петров остануваат затрупани во смет. Граѓаните кога немаат каде да исфрлат отпад, тоа го прават покрај нив.Комунална хигиена, јавно претпријатие со кое раководи кадар на Арсовска, го остава таму каде што е оставено. Жителите потсетуваат дека таа се изнасликала со депонија и посочувала дека открила екоцид, па ја прашуваат: „Ова што е? Еколошка бомба? Среде населени места?“.И ваква е сликата постојано. Најстрашното, според жителите, е што доаѓа лето. Ќе се фрла сѐ повеќе храна која се умирисува, а со тоа ќе се шири лоша миризба. Велат дека плаќаат постојано комунални трошоци, а добиваат игнорирање од градот во кој живеат.Без разлика на реакциите, Комунална хигиена крева раце поради хаосот во Ѓорче Петров со отпадот. Истовремено, за да не остане и да скапува отпадот, го собираат општинските служби.

Скопје | пред 2 години

Данела за сите кражби од големи размери нема да ја спаси ни Тодор Александров да воскресе, затвор не и бега, тврди Мухамеди

Умејр Мухамеди е поранешен соработник на градоначалничката на Скопје, Данела Арсовска. Тој замина од Град Скопје, па напиша дека бил натепан. Сега, со нов жесток напад над Арсовска. Зборува за тендерите кои се плаќаат од државни пари, па посочува: „Данела за сите овие кражби од големи размери нема да ја спаси никој“.Неговото пишување во целост:„Ај вака да објасниме некои работи:1. Данела Арсовска склучува договор во вредност од 500.000 евра за чистење на кејот на Вардар. Изведувач е “Гама Градба”, багерите се појавуваат една недела и ги снемува. Кејот на Вардар го чистат јавните претпријатија на градот. Од податоците кои ги добив на е-finance на фирмата Гама Градба редовно и се плаќаат големи суми.2. Данела Арсовска склучува договор со фирмата Нексос инженеринг за чистење на снегот, набавка вредна 65.000.000 денари, во договорот стои дека и да има и да нема снег парите треба да и се исплатат на фирмата. Носителот на набавката е близок со Стевчо Јакимовски и кон истата фирма исплатите се вршат редовно.3. Данела Арсовска склучува договор во вредност од 60.000.000 денари за набавка на садници (најголема набавка на садници во историјата на градот). Јас и пишувам дека нема многу засадени садници а вредноста на набавката е преголема она ми вика дека биле засадени 600.000 дрвја. Носител на набавката е “хорти ком” (нејзин пријател).4. Данела Арсовска преку ЈСП склучува договор со Пуцко Петрол за набавка на нафта и нафтени деривати, вредноста на набавката е 27 милиони евра (најголема во историјата на градот односно двојно поголема од претходните набавки), во меѓувреме преку комунална хигиена склучува нови договори за набавка на нафта. (кражба од невидени размери).5. Данела Арсовска им ги централизира поголемите набавки на средните училишта и преку таканаречена групна набавка она да одлучува која фирма ке го добие тендерот.6. Данела Арсовска (не она лично) сече дрвја за кок нема “одобреније за сеча” за 500 евра. (За ова тие изгубените во простор од ЗХГ немаа никаков коментар).7. Сите вредни вработени со по 20 години искуство ги исклучува од работниот процес и ги носи во пожарна преку брутален мобинг и незаконски постапки.Данела Арсовска се “кара” со Умејр Муамеди бидејки за сите овие набавки и за многу други работи директно сум и се спротиставил и за тоа имам и докази. Данела Арсовска за сите овие кражби од големи размери од идната власт нема да ја спаси од кривичен прогон ни Ванчо Јовановски ни Никола Груевски, дури и Тодор Александров да воскресне затвор не и бега.Има и многу други работи но сето тоа кога ке дојде времето да се докажеме во суд“.Претходно:(Фото) Соработник на Арсовска си замина од Град Скопје, па објави дека бил натепан: Напаѓачот ме нападна со зборовите зошто пишуваш против Данела - Скопје1.мк (skopje1.mk)Правник ја искина дипломата откако почна бришење на казни од Кривичен законик во Собрание - Скопје1.мк (skopje1.mk)

Коментари | пред 2 години

(Видео) Мостот „Беласица“ зјае полузатворен веќе девет месеци: Арсовска не кажува дали го поправа, ниту дали ќе го пушти целосно

Мостот „Беласица“ остана заборавен од Град Скопје и градоначалничката Данела Арсовска, осум месеци по пожарот кој изби. За сообраќај беа пуштени само две ленти, а на средината и натаму останаа поставените конуси, кои означуваат забрана за користење на останатите ленти. Точно 20 дена, нема одговор од кабинетот на Арсовска дали преземаат нешто во насока на целосно пуштање во употреба на овој мост. За тоа време, на терен, не може да се забележи дека се работи било што.Прашавме и дали Град Скопје има временска рамка до кога планира овој мост да биде вратен во целосна функција, на што исто така добивме игнорантски однос. И ова не е првпат, вообичаеното однесување на Арсовска е да ги игнорира новинарските прашања, а градот да не дава одговори.За тоа време, граѓаните и натаму нервозни особено во наутро и после пладне, кога одат и се враќаат од работа. Мостот „Беласица“ кој го спојува едниот со другиот дел на Скопје е често блокиран, а колони возила чекаат за да поминат преку него.Одговорност за опожарувањето не понесе никој, непознато е и дали полицијата откри кој и зошто го подметна пожарот.

Скопје | пред 2 години

(Видео) И на Арсовска повеќе не и е Нова година, втора недела го откитува Скопје

Еден месец по празничните новогодишни денови, а втора недела по ред – трае откитувањето на скопските улици. Касното украснување, донесе и касно откитување. Фирмата која ги постави сијаличките треба да добие 30.000 евра. Дел работеа, дел не – но во градот имаше празнична магија. Истовремено, во тек е истрагата за Данела Арсовска, на која во Град Скопје ѝ влезе Финансиска полиција. Си отиде и Дедо Мраз со кого Арсовска играше шах додека инспекторите ровареа по канцелариите. „Скопје1“ го праша директорот на Финансиска полиција, Горан Иванов дали утврдиле законски прекршувања од страна на Градот и Арсовска со склучување на договорот со фирмата-украсувач. Оттаму очекуваме одговори. Градот беше накитен на крајот од декември. Поради ова, Арсовска најави дека следната Нова година, ќе го украсува од октомври за да нема критики.

Скопје | пред 2 години

Нема фотографија

(Видео) „Сѐ што допре кметицата, пуздер направи“

Чекавме да се накити, па два месеци чекавме да се раскити метрополата. Дрвените куќички се уште се на градскиот плоштад. Отворени, валкани, во нив преспиваат и бездомниците а често служат за вршење нужда. Скопјани се револтирани. Новинарот Никола Т. Калајџиски на ФБ напиша:„ЈАВАШЛАКЗаборавените куќарки од Нова година.Два месеца подоцна.Ни ги остави за срам среде плоштад.Дерогирани.Преноќиште за бездомници и питачи.Претворени во јавни писоари.Слика на престолнината.На градот на културата.Се' што допре кметицава пуздер направи...“, напиша тој.

Скопје | пред 2 години

Славески остана без помошничката во Град Скопје: Еве ќе се обидам да се снаоѓам сам

Претседателот на Советот на Град Скопје, Трајко Славески, кажа дека помошничката која му помагала на седниците, се пензионирала. Тој се пожали дека сега мора да се снаоѓа сам, оти никој нема овластување за да ја замени помошничката.„Јас се извинувам, ќе ве молам за разбирање, јас немам тука помошник, Јасминка која беше привремено на оваа функција, се пензионираше. Ниту еден службеник за поддршка на Советот, нема овластување на помага на Советот, па еве ќе се обидам да се снаоѓам сам. Невообичаена ситуација. Јас ги немам точните називи ниту на предлозите“, рече Славески.Тој побара пет минути пауза, за да се обезбедат точните предлози кои треба да се најдат на седница.

Скопје | пред 2 години

Откако скапуваше со години, продолжува реконструкцијата на Универзална сала: Ќе биде готова 2026 година

Реконструкцијата на Универзална сала која почна во 2021 година, а работите стојат во место со години, ќе продолжи, најави претседателот на СДСМ, Димитар Ковачевски. Тој вината за стопираните работи ја префрли кај градоначалничката Данела Арсовска. Реконструкцијата започна во време на Петре Шилегов.„Она што го почнавме пред повеќе месеци, ќе добие епилог. Ќе го вратиме симболот на модерно Скопје. Уште генерации и генерации ќе уживаат во Универзална сала. Реконструкцијата се очекува да заврши во 2026 година, кога објектот треба да ги прими првите посетители. Кога Министерството за култура ќе ја финализира градбата, ќе го предаде во Град Скопје“, рече Ковачевски.Тој кажа дека работите во Универзалната сала стоеле во место, поради градоначалничката Данела Арсовска.„Ги одземавме ингеренциите и ги продолживме договорите за реконструкција на Универзална сала“, додаде тој.Арсовска ја стопираше реконструкцијата бидејќи тврдеше дека зградата не е стабилна.

Скопје | пред 2 години

(Видео) Го има некој видено Скопје?

Македонија ја узгуби позицијата на најзагадена држава и сега е на 26. место споредено со сите држави во светот. Сепак, концетрацијата на ПМ10 честички и маглата се тука. Од цела Македонија, во Шуто Оризари е најзагадено, а потоа следува Битола, па Струмица. Па доаѓаат две скоспки општини - Ѓорче Петров и Сарај.Сепак, на надморска висина од околу 600 метри, Скопје не се гледа.Фотографиите се направени од Раштак, село во Скопска Црна Гора.Скопје е потопено под маглата.Еве како изгледа мапата на најзагадени земји.Вака изгледа Скопје.

Скопје | пред 2 години

Апел од МВР, откако беа казнети 151 возач само во Скопје

Секторот за внатрешни работи Скопје во текот на вчерашниот ден (20.12.2023) продолжи со контролите во областа на сообраќајот.„На територија на град Скопје изречени се вкупно 151 мерка, меѓу кои за возење повеќе од дозволената брзина 30 санкции, седум мерки за возење без возачка дозвола, пет мерки за користење на мобилен телефон, пет санкции за минување на затворен сигнал-црвено светло...Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР.

Скопје | пред 2 години

(Видео) Скопје не е загадено само ако си Данела Арсовска - од Водно се гледа дека градот и оваа зима се гуши

Скопје се гуши, жителите реагираат поради високата загаденост на воздухот, додека градоначалничката Данела Арсовска се чуди на реакциите и тврди: „Не ја разбираме потребата од пласирање на лага за наводна загаденост на градот Скопје“.Екипата на „Скопје1“ беше на Водно. Од врвот Крстовар на 1066 метри се гледа чадот над градот. Оној, кој Арсовска не го гледа и не и пречи.Видете повеќе:Претходно:

Скопје | пред 2 години

Собранието денеска ќе одржи седница со која ќе се одбележи шеесетгодишнината од катастрофалниот земјотрес

Собранието денеска ќе одржи седница со која ќе се одбележи шеесетгодишнината од катастрофалниот земјотрес што го погоди Скопје на 26 јули 1963 година.По оваа седница Собранието ќе ја продолжи 121. седница.На 26 јули 1963 година во пет часот и 17 минути се случи катастрофалниот земјотрес во Скопје, со помали потреси до пет часот и 43 минути. Животот го загубија 1.070 лица, а 3.000 беа повредени. Над 200.000 луѓе остана без покрив над главата.

Скопје | пред 2 години

Во Скопската Котлина ќе има услови за невреме

Управата за хидрометеоролошки работи(УХМР) излезе со вонредна информација и предупредува на невреме.„Поради насобраната голема енергија во атмосферата и благо зголемената влажност над нашето подрачје, денес во попладневните часови во северните делови ќе има услови за локално невреме со интензивен пороен дожд и електрични празнења, силен ветер (над 70 км/час) и појава на град. И во делови од Скопската Котлина ќе има услови за невреме со силен ветер, дожд, електрични празнења и појава на град“, велат оттаму.Инаку, во регионот неколку дена по ред има невреме.

Скопје | пред 2 години

За сите сторители кои допринесоа главниот град да се дави во смет, можно е да бидат поднесени кривични пријави, вели Спасовски

Министерот за внатрешни работи, Оливер Спасовски тврди дека ако се покажат за точни информациите дека иселеници земаат плата од „Комунална хигиена“ – секој еден ќе сноси одговорност. Тој е дециден: „Нема да имаме отстапка, за ниту една ситуација, ова треба да биде санкционирано за да се стави крај“.„Навистина ниту Скопје, ниту граѓаните не го заслужија ова што се случи изминатите денови. Еколошка катастрофа која го загрозува здравјето и животот на граѓаните. И без да навлегуваме во причините – ова е катастрофа. Најмалку сакам превирања да влијаат на животот на граѓаните. Ние вчера очекувавме и мислам дека денеска треба да биде доставен записникот од Инспекторатот за животна средина, комуналниот инспекторат, инспекторите на Град Скопје, за да ги видиме нивните наоди. Во координација сме со обвинител. Ако има елементи за кривично дело, за сите сторители кои допринесоа главниот град да се дави во смет – можно е да бидат поднесени кривични пријави“, најави Спасовски.

Скопје | пред 2 години

Скопје е пред банкрот, ВМРО-ДПМНЕ денеска на седница да одговори каде се парите, вели СДСМ

Град Скопје, како резултат на неспособноста на локалната власт на ВМРО-ДПМНЕ, има долг од три милиони евра, но има и блокирана сметка и се ближи кон целосен банкрот, вели СДСМ„Најголемата единица на локалната самоуправа со убедливо најголем буџет од 100 милиони евра, ВМРО-ДПМНЕ ја доведе до состојба на нефункционалност и пред банкрот.Потрошија над 100 милиони евра народни пари и го донесоа Скопје пред банкрот, а банкрот значи целосен распад на системот на Градот.ВМРО-ДПМНЕ денеска на седница на Советот на Град Скопје посветена на актуелната финансиска состојба да одговори каде се парите.Граѓаните се разочарани од неспособната градска власт на ВМРО-ДПМНЕ кое го има претседателот на Советот, мнозинството во Советот и мнозинството во управните и надзорните одбори на скопските јавни претпријатија.Скопје и скопјани не заслужуваат ваква неодговорна градска власт“, се вели во соопштенеито.

Скопје | пред 3 години

Волонтери тврдат дека Арсовска ги брка од плоштадот, Град Скопје негира

Инспектор од Град Скопје наредил до утре да се тргнат донациите собрани за Турција и Сирија од скопскиот плоштад, а пунктот го нарекол „депонија“. Ова е сведоштвото на волонтерка која изминатите денови со десетици други млади лица помага за граѓаните на двете погодени земји од земјотресите. Христина Панова бара градоначалничката Данела Арсовска да каже зошто им смета пунктот за донации.„За жал, денеска на пункт се појави инспектор од градот испратен од генералниот секретар и градоначалничката нарекувајќи го собирањето донации на плоштадот ‘депонија’ и со наредба сето ова да се собере и исчисти плоштадот до утре сабајле. Зарем ова е хуманоста и солидарноста на Град Скопје? Барам итно градоначалничката Арсовска да се произнесе по овој настан и да даде одговор што им смета пунктот за донации на плоштад и итно да обезбеди сала каде волонтерите ќе можат да ги собираат и спремаат донациите од Скопје во нормални хумани услови (знаејќи дека надвор е ладно). Никој не е будала бидејќи така му текнало и бидејќи нема што да прави – па ај ќе одиме ќе си играме на плоштад, ќе собираме работи на минусни температури“, посочува волонтерката.Градот треба да биде благодарен на овие млади деца што ја покажуваат солидарноста и добрината на скопјани, посочува Панова.„Градот наш што нели пак ќе никнеше… Градот на солидарноста, градот на хуманоста, денеска на плоштад ‘Македонија’ прати инспекција да ги брка младите волонтери коишто неколку дена по ред деноноќно се отворени и достапни за граѓаните и собираат донации за настраданите семејства во земјотресите во Турција. Како што сите знаеме, уште од првиот ден кога нѐ потресе страшната вест за разорниот земјотрес во Турција, во којшто животот го загубија 22 327 лица заклучно со овој момент и над 80 000 повредени.. илјадници и илјадници семејства останаа без кров над глава, без топла облека да се пресоблечат нели, без храна, без сѐ она за што работеле и вложувале изминатите години од својот живот, група млади студенти од Турција кај нас излегоа и отворија пункт за донации. Тоа се млади деца полни со надеж, полни со енергија и љубов и изминатите денови 24 часа на ден се на пунктот и селектираат и пакуваат донации пристигнати од нашите граѓани. Јас сум една од многуте што се приклучи на оваа иницијатива, а ги има десетици коишто секој ден ги гледам таму (Македонци, Албанци, Турци, Роми)“, додава таа.Волонтерите добиваат и благодарности од Турција за помошта која ја пружаат и за ангажманот за собирање донации.„Сакам да знаете дека сѐ она што беше направено до сега луѓето го гледаат, го препознаваат и изразуваат почит и благодарност за добриот чин на секој еден кој подаде рака на нашите пријатели од Турција“, посочува волонтерката.Град Скопје испратија став до сите медиуми во кој негираат дека инспектор бркал волонтери„Со индигнација ги демантираме гнасните лаги дека наводен инспектор во градот Скопје ‘ги бркал’ луѓето кои собираат хуманитарна помош! Волонтери на градот Скопје се активни учесници на штандот на плоштадот ‘Македонија’ каде секојдневно се собираат потребните средства за хигиена, облека, храна и останати потреби за настраданите во Турција и Сирија. Срамно, на граница со мизерност и политички очај е ставањето на меѓународна хуманитарна катастрофа во дневнополитички теми. Просто неверојатно е со каква леснотија се лаже за вакви чувствителни теми. Но, срамот не е на градот, туку на поединци кои ги креираат и шират овие лаги!“, пишува во соопштението на Град Скопје.

Скопје | пред 3 години

(ВИДЕО) Катастрофа во Скопје: Прозорец виси од петти кат на напуштена зграда

На социјалните мрежи објавено е видео од напуштена зграда во Скопје и прозорец кој виси.Зградата се наоѓа во центар позади Рекорд, а прозорецот виси од петтиот кат.Околу објектот нема поставено заштитна ограда и истиот претставува опасност за минувачите.

Скопје | пред 3 години

(ФОТО) Опасно е да живее во Скопје: Енормно загадување, магла и усмрден воздух

Зимата е и сезона за опасно живеење во Скопје. Екстремното загадување до завршувањето на зимата ќе биде скоро па секојдневие. Од вчера, мерните станици во градот покажуваат високо ниво на загадување. Не постои мерна станица која покажува дека во одреден дел на градот има чист воздух.Иако грејната сезона е штотуку започната, во главниот град веќе едвај се дише. Граѓаните се жалат на лоша миризба.Засега јавноста не слушна ниту план за оваа состојба односно нејзино решавање.

Скопје | пред 3 години

„Од денешната седница имаме и лоши вести“, ЗХГ објави детали за седницата на Град Скопје

„Од денешната седница имаме и лоши вести!“, велат од Зелен хуман град и додаваат:❌ Нашиот втор предлог за дополнување на дневниот ред на истата седница – заклучокот за суспензија на урбанистичкиот план околу улицата Васко Карангелески во Општина Аеродром, Советот одби воопшто да го постави на дневен ред!Ова беше поднесено заедно со локалните жители поради градење на булевар до основно училиште, уништување на зеленило и креирање на небезбедна околина за децата и жителите на домот за стари лица на таа улица. Еве што се случи:1️⃣ На граѓаните од Аеродром не им беше дозволено да присуствуваат на седницата, седница што е јавна и на која треба секој според Деловник да добие дозвола за присуство од претседателот на Советот.2️⃣ Заклучокот на ЗХГ не беше прифатен на дневниот ред од службите и беше ставен на гласање од советниците дали ќе стане дел од дневниот ред.3️⃣ ЗА предлогот да влезе на дневен ред гласаа само 9 советници, што не беше доволно, а граѓаните од Аеродром беа повторно изневерени.4️⃣ Сето ова се случи иако предлог-заклучокот го доставивме до сите советници со образложение од 5 страници во кое беа цитирани научни студии и анализи, официјални извештаи и статистики од државни и меѓународни институции и на изработката на оваа издржана анализа работеше мешовит експертски тим од ЗХГ кој се состоеше од стручни лица за урбанизам, сообраќај, хумана медицина, животна средина и правни работи.5️⃣ Ова се деветте од 45 советници кои гласаа ЗА заклучокот да влезе како точка на дневен ред:- Драгана Велковска (ЗХГ)- Горјан Јовановски (ЗХГ)- Страшо Ангеловски (ВМРО и коал.)- Василка Китановиќ (ВМРО и коал.)- Филип Јаневски (ВМРО и коал.)- Теодора Крстевска (ДОМ)- Никола Пановски (ЛДП)- Амар Мециновиќ (Левица)- Александар Николовски (Левица)Ова се советниците кои воопшто имаа желба да се отвори дискусија по оваа точка за да се спречат штетни последици по јавниот интерес.✊ Ние нема да се откажеме од борба, но овој случај е очебиен пример колку е неопходно мнозинство од независни членови на локалните совети кои НЕ гласаат според директиви од центри на моќ.

Скопје | пред 3 години

(ФОТО) Скопска мизерија

Сјајот и бедата на урбаниот скопски живот на само неколку километри од центарот на главниот град наспроти бронзата и мермерите, се случува вистинска хуманитарна мизерија. Ова е сликата што ќе ве затекне во некогашниот дом „Ранка Милановиќ“ во Скопје. Деца во отпадот, искршени прозорци, стаорци низ дворот, ужасна реа, во овие услови живеат околу стотина бездомници во напуштената установа.Статус на темата има и Горјан Јовановски - советник во Град Скопје од Зелен Хуман Град. Тој вели:По неколку пријави од граѓани, и наш член денес помина покрај заводот за згрижување и воспитување на деца и младинци “Ранка Милановиќ” спроти Бриколаж.Очигледно е дека се гори отпад и гуми во рамки на комплексот, а нашиот член и вербално е нападнат од луѓето таму кога се обиде да види поблиску што се случува.Го контактиравме Инспекторатот на Град Скопје (02 3297 231) од каде добивме информација дека ќе испратат инспектори. Се обидовме да стапиме во контакт и со Инспекторатот на Општина Гази Баба, но поради крај на работното време во 16ч, никој не крена на телефон.

Коментари | пред 3 години

Данела има седум прашања за Мицкоски и пет за Битиќи, меѓу другото и дали местел тендери преку Унгарија

Скопската градоначалничка Данела Арсовска постави низа прашања до ВМРО-ДПМНЕ, на кои посочува дека очекува одговори. Ова доаѓа по низа пресови и соопштенија во која таа е посочена како виновник за блокадата на Скопје„Што се однесува на патетиката на ВМРО-ДПМНЕ, ги повикуваме да одговорат на следните прашања:- Дали Христијан Мицкоски со неговиот директор на штаб Орце Тодоровски, инаку притворен и првообвинет во случајот „Делчевски Ниви“, договараа набавка на 150 автобуси од Унгарија?- Дали Христијан Мицкоски и неговиот актуелен шеф на штаб, Ивица Томовски, преку негови фирми е единствен подобен за одржување и чистење во општините, училиштата и претпријатијата каде ВМРО-ДПМНЕ е власт?- Дали Христијан Мицкоски заедно со Ковачевски имал тајна средба во еден скопски локал?- Дали е точно дека Христијан Мицкоски, Александар Николоски, заедно со Зоран Заев и Венко Филипче пред два месеци имале заеднички ручек во ресторан во Малешевијата каде се зборувало за уставните измени?- Дали е точно дека Христијан Мицкоски има истрага во ОЈОГОКК за криминал со хидроцентрали кој се држи во фиока?- Дали е точно дека брат на член на обезбедувањето на Христијан Мицкоски, сопственик на фирмата „Моби Саунд“ е единствен организатор на манифестации во општините каде власт е ВМРО-ДПМНЕ?- Дали е точно дека Игор Јанушев, другар на Христијан Мицкоски и актуелен пратеник, како директор на ЈСП склучил штетен договор со милионски пенали доколку се раскине, со фирмата „Маратон“ за рекламирање на автобусите на ЈСП и дали е точно дека од овој бизнис се делат провизии?“, пишува Арсовска.Таа додава:Што се однесува до изјавата на вицепремиерот во владата на СДСМ Фатмир Битиќи, пред да зборува за некаква неподготвеност на Градот, прво да одговори на следните прашања:- До каде е автопатот кон Охрид?- До каде е автопатот кон границата со Бугарија?- До каде е Клиничкиот центар?- До каде се инвестициите од Гугл и Фејсбук?- До каде е инфлацијата?

Скопје | пред 3 години

Пенов ќе ги реши блокадите: Самоволие!

Ристо Пенов, министер за локална самоуправа, одби да каже кои се мерките кои државата ќе ги преземе за да ги тргне блокадите од скопските улици. Тој посочува дека ситуацијата се следи и за истата додаде дека е непријатна. Се пожали дека и тој додека патувал кон Струмица, едвај го напуштил главниот град.„Ја следиме таа ситуација. Непријатна е. Преголема штета трпат граѓаните поради некакво самоволие кое е присутно на улиците во Скопје. Ние доаѓајќи накај Струмица, едвај излеговме од Скопје. Непотребно. Тој протест треба да биде насочен кон тие што го креираат. Штетата ја плаќаат граѓаните. Секој по половина час вози повеќе, се вози повеќе, се троши гориво, се губат бизниси и работни часови, што е огромна штета за граѓаните.“, кажа Пенов.Во главниот град втор ден по ред се блокирани раскрсниците. Приватните превозници најавија дека нема да ги тргнат автобусите од улиците се додека не им се платат средствата кои Град Скопје им ги должи.

Скопје | пред 3 години

Мртов и искасапен од кучиња е пронајден скопјанецот по кого месец и половина се трагаше во скопско Орман

По два месеци трагање, вчера соселанец го нашол телото на исчезнатиот маж по кој се трагаше скоро месец и половина. Според сознанија на „Скопје1“, телото било искасапено и од кучиња, кои се улични во селото. Од МВР излегоа со кратка информација.„На 03.12.2022 во 09.30 часот во СВР Скопје било пријавено дека во с.Орман, скопско, во близина на реката Лепенец, на место викано „Лески“, било пронајдено тело на починато лице. Полициски службеници извршиле увид, а по наредба на Јавен обвинител телото било дадено на обдукција“, посочуваат од МВР.Семејството трагаше по старецот, организираше акции, но не успеа да го пронајде. Според нивното сведоштво, излегол да фрли ѓубре пред дворот и не се вратил. Се пребаруваше и реката Лепенец, но залудно.

Скопје | пред 3 години