СОБРАНИЕ

Новите пратеници ќе седнат во удобните фотелји, конститутивна седница во вторник, 28 мај

На 28 мај, вторник ќр се одржи конститутивна седница на новиот парлсментарен состав.Од собраниската прес-служба информираа:- Претседателот на Собранието Јован Митрески, врз основа на член 9 став (2) од Деловникот на Собранието, одржал состанок со претставниците на политичките партии застапени во новоизбраното Собрание, на кој консензуално било одлучено конститутивната седница, по одржувањето на единаесеттите парламентарни избори, да се одржи на 28 мај 2024 година, вторник, во 11 часот.Митрески ги информирал присутните дека дневниот ред на конститутивната седница, според Деловникот, ќе има три точки односно избор на Верификациона комисија, избор на Комисија за прашања на изборите и именувањата, како и избор на претседател на Собранието.Конститутивната седница, според новиот Деловник, трае најмногу три дена, а Собранието е конституирано со изборот на собранискиот претседател.На денешниот состанок присуствувале Никола Мицески од Коалицијата „Твоја Македонија“ - ВМРО-ДПМНЕ; Оливер Спасовски од Коалицијата за европска иднина - СДСМ; Арбер Адеми од Коалицијата „Европски фронт“; Халил Снопче од Коалицијата „Влен“; Борислав Крмов од партијата Левица и Бобан Карапејовски од Движењето ЗНАМ - За наша Македонија.На состанокот присуствувале и Мерита Колчи Коџаџику, која како највозрасна пратеничка ќе раководи со седницата до изборот на новиот спикер. Ќе присуствува и генералната секретарка на Собранието Цветанка Иванова.

Македонија | пред 2 години

Честитка од претседателот на Собранието на Република Македонија Митрески по повод Рамазан Бајрам

Претседателот на Собранието на Република Северна Македонија, Јован Митрески, упати честитка до поглаварот на ИВЗ и до граѓаните од исламска вероисповед по повод големиот муслимански празник.Рамазан Бајрам, посакувајќи им денешниот ден да го поминат во среќа, благосостојба и во хармонија со своите најблиски.„Верувам дека, по еден месец пост, сите Ваши желби ќе бидат слушнати, а меѓусебната почит, разбирањето, толеранцијата и хуманоста, кои треба да бидат одраз на секој човек, ќе помогнат тие да се исполнат. Верските празници го воздигнуваат човекољубието, така што изминатиов месец покажавме дека не е важно на која религија припаѓаме, туку е важна меѓусебната почит и разбирање, кои нѐ прават сите нас подобри и духовно побогати“, наведува претседателот Митрески во честитката.

Македонија | пред 2 години

Изборниот законик велат не смеел да се менува пред избори, освен кога тоа им одговара на партиите на власт, коментира Најчевска

Професорката Мирјана Најчевска ги искритикува парламентарните партии што гласале за измена на Изборниот законик. Според неа, не смеел да се менува пред избори.„Изборниот законик велат не смеел да се менува пред избори, освен кога тоа им одговара на партиите на власт. Па така Изборниот законик е променет по распишување на изборите, по скратена постапка. Променети се 38 члена, меѓу кои за зголемување на бројот на граѓани кои може да предложат советник или градоначалник, одредби кои се однесуваат на финансирањето на изборите и претставувањето во медиумите и надвор од нив. И не е точно дека промените се оние кои ги барал ОБСЕ/ОДИХР. А изборното ветување на СДСМ за ЕДНА ИЗБОРНА ЕДИНИЦА И ОТВОРЕНИ ЛИСТИ не може да биде испочитувано затоа што 7 години е краток период да се усогласат ставовите, и затоа треба да добијат уште толку. Се разбира ВМРО-ДПМНЕ не ни ветуваат вакво нешто. ДУИ не ја рачунам. Тоа не е партија туку мафија“, вели Најчевска.Собранието на 147 седница по скратена постапка ги донесе законите за дополнување и измени на Изборниот законик, откако претходно беа разгледани на матичните комисии и Законодавно-правната комисија каде што не биле усвоени амандмани и немаше дополнителни предлози за расправа.

Коментари | пред 2 години

(Видео) Ќе земаат по 2.500 евра месечно, цела година: Ковачевски и Спасовски остануваат на товар на буџетот

Пред две недели, Комисијата за избори и именување во Собранието, под точка „разно“, усвоила решенија за да експремиерот Димитар Ковачевски и ексминистерот за внатрешни работи, Оливер Спасовски добиваат апанажа. Пратениците од СДСМ биле единствено присутни во салата, а со седум гласа, без никаква дискусија биле усвоени решенијата. Со ова, цела година, Ковачевски и Спасовски ќе добиваат по 2.500 евра месечно.„Поранешниот претседател на Владата, Димитар Ковачевски на кого функцијата му престана поради избор на преодна Влада, поднесе барање за остварување на плата по престанок на функцијата“, кажа претседателката на Комисијата, Марија Георгиевска и го стави предлогот на гласање. Сите седум пратеници кренаа раце и имаше седум гласа „за“.„Поранешниот министер Оливер Спасовски на кого функцијата му престана согласно Законот за Влада, поднесе барање за остварување на плата по престанок на фукција“, кажа претседателката, а и овој предлог беше изгласан со седум гласови „за“.Освен тие двајца, апанажа ќе добиваат и Весна Бендевска од Комисија за заштита од дискриминација, како и Исмаљ Камбери од Комисија за заштита од дискриминација.

Македонија | пред 2 години

Пратениците изгласаа: Функционерите нема да имаат ново зголемување на платите, остануваат исти

Пратениците ги излгасаа измените на Законот за плата и други надоместоци на избрани и именувани лица, кој беше пуштен во скратена постапка. Со него, ги намалија коефицинетите според кои се прсметува платата, со што, нема да имаат ново покачување, туку ќе ги земаат досегашните, без разлика на просечната плата во Македонија.„Со цел да се надмине оваа ситуација и да се ограничи можноста за значително или ново покачување на платите на оваа категорија, се предлага предметната измена на законот во однос на коефициентите на бодот за утврдување на надоместокот на плата на избраните и именуваните лица“, се вели во предлогот на Законот.Новите коефициненти за пресметување плата, проверете ги тука.

Македонија | пред 2 години

За албанската опозиција ДУИ го турка Законот за игри на среќа и со европско и со сицилијанско знаменце, Пендаровски е должен да го потпише доколку и во вториот обид Законот биде изгласан

Албанската опозиција е против повторното изгласување на Законот за игри на среќа. Изет Меџити, пратеник и лидер на Демократско движење, изјави дека со Законот за игри на среќа предложен од ДУИ, казина ќе може да се најдат и во училишните дворови.Коалицијата Вреди ќе каже стоп на овој предлог, кој ДУИ се обидува да го помине еднаш со европското знаме и еднаш со „сицилијанско“ знаме.Какви тајни крие овој предложен закон еднаш замаскиран со европско и еднаш со знамето на „Сицилија“, покажува членот 10 во кој се бара отстранување на обложувалниците, но не и на казината.Пратеникот на ДУИ, Арбер Адеми ја демантира опозициската коалиција и вели дека интенцијата на ВМРО-ДПМНЕ и на албанската опозиција е да не се донесе овој закон, за како што рече, да продолжи монополот на фирма која е основана на криминален начин пред неколку години.Барањето на ДУИ, рече Адеми, било отстранување на објектите на 1.000 метри од средните и основните училишта, но како што рече, за обезбедување на консензус во законодавниот дом, тие прифатиле одредба каде што е предвидено 500 метри дистанца.Првиот пат по изгласувањето, Указот не го потпиша претседателот Пендаровски. Законот, доколку по второто гласање го добие потребното мнозинство, во тој случај, според Уставот, шефот на државата е должен да го потпише.

Македонија | пред 2 години

СДСМ и ДУИ против Законот за продолжување на пасошите, за опозицијата ова се граничи со лудост

СДСМ, ДУИ и НСДП, гласаа против продолжувањето на рокот на важење на пасошите. Законот кој го поднесе опозицијата, со мнозинство гласови не беше усвоен. За гласаа 46 пратеници, а против 54.,,Пратениците на ДУИ и нивните слуги од СДС дополнително ја влошија состојбата што свесно и намерно ја создадоа со пасошите” вели Драган Ковачки, пратеник на ВМРО-ДПМНЕ.Според него, во 21 век да се ограничува слободата на движење на луѓето, да се кршат уставните права за влез и излез од сопствената држава, свесно да оневозможувате право на лекување болни надвор од нашата држава, да се ограничува правото на секој да може да избира и да биде избран се граничи со лудост.

Македонија | пред 2 години

Наместо да ги намалат, СДСМ ќе менува закони за да пак не се зголемат платите на функционерите

Наместо намалување на веќе покачените плати на функционерите, претседателот на СДСМ, Димитар Ковачевски кажа дека платите нема дополнително да се зголемат. По неколку месеци откако со укинување на одлука од страна на Уставен суд, тие земаат за 78% поголеми плати, Ковачевски најавува дека СДСМ ќе бара менување на закони за да платите на функционерите дополнително не се зголемат со растот на минималната плата.„Постоечките коефициенти ќе бидат намалени, а платите на израните и именуваните функционери нема да пораснат“, вели Ковачевски.Претходно, Ковачевски како премиер кажа дека имало 7 закони за менување. И овие закони не беа променети. Со месеци, функционерите земаат драстично поголеми плати, кои се мерат во илјадници евра. За ова се трошат 15 милиони евра на годишно ниво.

Македонија | пред 2 години

ВМРО-ДПМНЕ ќе има победа со повеќе од 61 пратеник и претседател на државата, најави Мицкоски

Во пресрет на распишувањето на изборите, лидерот на ВМРО-ДПМНЕ, Христијан Мицкоски посочи дека неговата партија ќе ја понесе победата. Денеска во 17 часот, претседателот на Собранието, Јован Митрески, ќе ги потпише документите за одржување на изборите. Мицкоски е убеден дека ВМРО-ДПМНЕ ќе има сама мнозинство во Собранието.„Историска победа на ВМРО-ДПМНЕ со повеќе од 61 пратеник и победа на претседателскиот кандидат на ВМРО-ДПМНЕ“, рече Мицкоски.Ова се седми по ред претседателски избори и 12 по ред парламентарни избори. Претседателските треба да се одржат на 24 април, а на 8 мај парламентарните избори. Доколку има втор круг од претседателските избори, тие ќе се одржат на истиот ден со парламентарните.Откако Митрески ќе ги потпише решенијата за распишување на изборите, ќе ги проследи до Државната изборна комисија. Кампањата за претседателските избори започнува од почетокот на април.

Македонија | пред 2 години

Младиот Бајрами и докторот Демири ќе водат министерства - опозицијата критикуваше, власта си ги изгласа

Со низа критики од пратениците од ВМРО-ДПМНЕ и бранење од пратениците од владејачкото мнозинство, Собранието ги избра Илир Демири и Наим Бајрами за министри. Демири кој е инфектолог е нов министер за здравство, Бајрами за информатичко општество и администрација. Тие доаѓаат на местата од нивните сопартијци Фатмир Меџити и Азир Алиу кои се од таборот на Арбен Таравари и беа разрешени.За изборот на двајцата министри немаше ниту еден глас против или воздржан, а 63 пратеници галсаа „за“.Џафери кажа дека Бајрами е млад човек кој треба да добие шанса, а Демири е познат медицинар и треба да ја добие позицијата.„Нема потреба за претставување, секој од нас имал можност да помине лично или преку член на семејството на Инфективната клиника, сме имале можност да го гледаме во работата при водењето на болницата во Тетово, делата говорат за неговата личност. Бајрами е магистер, млад човек кој треба прилика да добие за да се покаже и докаже во струката, во тој контекст нема што да се дададе во однос на тоа што го претставил како биографија“, кажа Џафери.Пратеникот Бојан Стојаноски од ВМРО-ДПМНЕ го искара.„Дали сметате дека е сериозно да предложите министер за информатичко општество, а да кажете како кваликатив дека е млад човек и треба да му дадеме шанса. За што? Како министер да стекнува знаења и да учи?“, рече Стојаноски.Според него, поради тоа што министри од функција учеле како треба да се работи, граѓаните се херметички затворени поради патните исправи.„Токму затоа што стававме луѓе кои на функција учеа како треба, сега сме заробени во државата. Токму затоа сме херметички затворени. Ја донесовте државата на дереџе да менуваме закони за патни исправи. Таквите политики на приучување на луѓе нѐ донесоа на ниво да бираме министри да бираме министри за од функција да научат како да работат“, рече Стојаноски.Контрираше и пратеничката Дафина Стојаноска.Што ќе придонесе Демири како инфектолог во Владата или како Меџити го попречи подготвувањето на изборите? Ако Меџити и Алиу беа од АА, тогаш Демири и Бајрами од каде се? Законски, нели, како што кажа Талат Џафери, не може да има два опозициски субјекта во Владата? Се изнаслушавме се, само не добивме одговор со издржано образложение. Јасно е дека европскиот фронт се распаѓа, а додека е на власт гледавме само скандали, афери, криминал и корупција, не покажа никаква програма и план. Веќе сте прочитана книга и единствено што треба да ви се случи е народ, истакна Дафина Стојаноска од ВМРО-ДПМНЕ.

Македонија | пред 2 години

„Делата нивни зборуваат, нема што посебно да додадам“, Џафери предложи министри за здравство и информатика

Техничкиот премиер Талат Џафери предложи Илир Демири да биде избран за минситер за здравство.„Нема потреба за претставување, секој од нас имал можност да помине лично или преку член на семејството на Инфективната клиника, сме имале можност да го гледаме во работата при водењето на болницата во Тетово, делата говорат за неговата личност“, кажа Џафери.Наим Бајрами е предлог министер за информатичко општество и администрација.„Тој е магистер, млад човек кој треба прилика да добие за да се покаже и докаже во струката, во тој контекст нема што да се дададе во однос на тоа што го претставил како биографија“, додаде Џафери.

Македонија | пред 2 години

Законите за коридорите 8 и 10д по скратена постапка денеска на собраниска седница

Собранието денеска треба да ја започне 115. седница на која треба да ја утврди потребата за носење на неколку закони поврзани со изградбата на коридорите 8 и 10д.На дневен ред на седницата се Предлогот на закон за изменување и дополнување на Законот за утврдување на јавен интерес и номинирање на стратешки партнер за имплементација на проектот за изградба на инфраструктурниот Коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и Коридорот 10 д (делница на автопатот Прилеп– Битола) во Република Северна Македонија, по скратена постапка, како и измените и дополнувањата на Законот за урбанистичко планирање, Законот за градење, Законот за експропријација и на Законот за работните односи, сите по скратена постапка.Овие закони, како што предложи Владата која е предлагач, ќе се разгледуваат на Комисијата за европски прашања односно тие се со европско знаменце.

Македонија | пред 3 години

Нема фотографија

(ВИДЕО) Пратеник од македонското Собрание се жали: Зимаме околу 1000 евра плата, па не можеме први со први да врземе

Пратеникот Мартин Костовски од СДСМ се жали дека со плата од 1000 евра „не може први со први да врзе“.„Зимаме околу 1000 евра плата, па не можеме први со први да врземе“, вели Костовски во изјавата.Видеото со неговата изјава го сподели твитерџија:https://twitter.com/Kalabalak_/status/1603665794738532353?ref_src=twsrc%5Etfw%7Ctwcamp%5Etweetembed%7Ctwterm%5E1603665794738532353%7Ctwgr%5Ee4d51b09e8b587c8b56ce0169c3cde73949afcab%7Ctwcon%5Es1_&ref_url=https%3A%2F%2Fskopjeinfo.mk%2Fpratenik-so-plata-od-1000-evra-se-zhali-deka-ne-mozhe-prvi-so-prvi-da-vrze

Македонија | пред 3 години

Денеска лидерска средба во Собранието

Премиерот и претседател на СДСМ, Димитар Ковачевски денеска во Собранието ќе одржи средба со лидерите на парламентарните политички партии, на која треба да се разговара за европскиот пат на земјава, како и за одлуките што во иднина треба да се носат со широк политички и општествен консензус.– Средбата која ја свикува претседателот на Владата, се организира со цел да се отвори дискусија за европската иднина на Република Северна Македонија, но и за одлуките кои во наредниот период треба да се носат во Собранието со широк политички и општествен консензус. Поканата до претседателите на парламентарните политички партии ќе биде испратена во текот на утрешниот ден, соопшти Владата во најавата за свикување на средбата на 2 ноември.

Македонија | пред 3 години

Уште непочнати, во Собрание сите испокарани: ВМРО-ДПМНЕ не доаѓа на координација кај Џафери

Од ВМРО-ДПМНЕ не дошле на координацијата со претседателот на Собранието, Талат Џафери, на првиот работен ден. Јован Митрески, координатор на пратениците од СДСМ кажа дека пробале да остварат контакт со опозицијата, но неуспешно.„Пратеничката група на ВМРО-ДПМНЕ одби да присуствува на координацијата кај претседателот. Се надевам ќе се промени тој однос. Повикувам опозицијата да ги научи лекциите од минатото и наместо блокади, да делуваат одговорно. Наместо блокада и одолговлекување на седниците, попречување на работата, потребен е ефикасен и функционален Парламент. Да не се дозволи опструкции на Собранието“, кажа Јован Митрески, координатор на пратениците од СДСМ.Според него, досега, се што се договорило на координација, се почитувало од сите страни.„Недоаѓањето на координации на опозицијата, е откако поднесоа интерпелација на Џафери“, додаде Митрески.

Македонија | пред 3 години

Кацарска до пратениците: Очекувам веќе од утре да работат ако треба и по 20 часа, додека не се изберат уставни судии

Претседателката на Уставниот суд, Добрила Кацарска, очекува пратениците „веќе од утре“ да почнат да работат, ако треба и по 20 часа, за конечно да ги избера уставните судии за да не се случи Судот да стави клуч на врата.Кацарска за „Слободен печат“ вели дека нема намера повеќе да се среќава со престедателката на Комисијата за избори и именувања или со претседателот на Собранието за да се забрза изборот на судиите бидејќи смета дека тие си ги знаат своите обврски.Кацарска потсетува дека пратениците обврските со изборот на судии требаше да ги завршат пред една година.– Работиме на работ на кворум со петмина судии, а Уставот предвидел девет. Зарем треба да му се случи нешто на некој од судиите и да ставиме клуч на Уставниот суд? Не постои друг орган што ја има нашата надлежност да врши контрола на законите кои се носат или да ги штити правата и слободите на граѓаните. Никој не им го дал тоа право на пратениците да се мајтапат со Уставот и навистина е несфатливо зошто не го почитуваат? – се чуди Кацарска.

Македонија | пред 3 години

Џафери ја прекина седницата за францускиот предлог, откако Левица повика народ пред Собрание и предвиде дека ќе се гласа

Собранието втор ден расправа по Информацијата за содржината на Предлог преговарачката рамка за пристапните преговори на Република Северна Македонија со Европската Унија, предложена од страна на Претседателството на Франција со Советот на ЕУ на 30 јуни 2022 година.Расправата ќе продолжи утре во 11 часот.И денешната расправа се одвива на ист начин како вчерашната. За збор се пријавуваат пратениците од коалицијата предводена од ВМРО-ДПМНЕ и говорат против францускиот предлог, а кога ќе се пријават пратеници од СДСМ за реплика во салата има неподнослива бука предизвикана од вувузели, труби и свирки со кои пратениците на ВМРО-ДПМНЕ ги попречуваат да говорат.Претседателот на Собранието, Талат Џафери ја прекина седницата за францускиот предлог, откако Левица повика народ пред Собрание и предвиде дека ќе се гласа.Пратеникот на Левица, Борислав Крмов преку социјалните мрежи ги повика граѓаните да излезат пред Собранието.„СИТЕ ПРЕД СОБРАНИЕ, СИТЕ!!!Талат шверцерот ќе ја тера седницата до крај!Цел ден се сили, го крши Деловникот, се заканува ПРСТИ ЌЕ КРШЕЛ НА ПРАТЕНИЦИТЕ!Излегувајте сите пред Собрание!!!“, напиша Крмов.

Македонија | пред 3 години

(ФОТО) Пратениците на скенер пред влез во собраниската сала: Власта е исплашена од народните избраници

Турканици и негодување имало пред почетокот на седницата каде се обрати на претседателката на Европската комисија, Урсула фон дер Лајен. Пратениците за првпат, пред влез во салата, биле поминувани на скенер. Не било дозволено да внесат ниту транспаренти, но според неофицијални информации, обезбедувањето попуштило.„Ни рекоа дека е наредба од претседателот“, сведочи пратеник од опозицијата за „Скопје1“.„Кога власта е исплашена од народните избраници т.е. од народот“, напиша Дафина Стојаноска од ВМРО-ДПМНЕ.Ваква пракса во Собранието за проверка, досега немало. И друг пат кога доаѓале високи европски гости, не се случувало пратениците да бидат ставани на скенери.

Македонија | пред 3 години

Собранието го доби францускиот предлог: Материјалот ќе се достави до пратениците

Ве информираме дека од Владата на Република Северна Македонија до Собранието на Република Северна Македонија е доставена “Информација за содржината на предлог преговарачката рамка за пристапните преговори на Република Северна Македонија со Европска Унија, предложена од страна на Претседателството на Франција со Советот на Европска Унија на 30 јуни 2022 година”. За ова информираше Кабинетот на Талат Џафери.Тие додаваат:„Согласно процедурите, материјалот ќе се достави до пратениците и за понатамошно постапување, соодветно и навремено ќе бидете информирани.Имајќи ги во предвид шпекулациите, Ве информираме дека за вечерва не е планирана седница. Во моментот кога претседателот на Собранието Талат Џафери ќе ја свика седницата, навремено ќе бидете информирани“.

Македонија | пред 3 години

(ВИДЕО) Како изгледа Собранието по вчерашните протести

Претседателот на Собранието, Талат Џафери денеска на својот Фејсбук профил објави видеа од состојбата на Собранието по вчерашните протести.„Последиците од синоќешното дивеење пред Собранието. Признавам и поддржувам сечие право на протест, на искажување став. Постојано и силно осудувам хулиганство, насилство, поттикнување на омраза, зашто тие не се решение“, вели Џафери.

Македонија | пред 3 години

Францускиот предлог оди во Собрание.

Францускиот предлог оди во Собрание.Премиерот Димитар Ковачевски порача дека Собранието ќе донесе одлука дали земјата ќе ги отпочне преговорите со ЕУ. Опозицијата најавува работни групи кои ќе треба да работат на спорните делови од текстот.ВМРО-ДПМНЕ најавува дека ќе се формираат работни групи кои ќе работат на предлог-забелешките на преговарачката рамка со ЕУ. Се предлага во тие работни групи меѓу политичките партии да бидат по двајца преставници од ВМРО-ДПМНЕ и СДСМ, по еден од ДУИ и Алијанса за Албанците и уште еден од помалите парламентарни политички партии. Првата средба се очекува да се случи денес.Граѓани четири ден по ред протестираат против францускиот предлог.

Македонија | пред 3 години

Нема фотографија

Познат бројот на повредени полицајци, 11 од нив се потешки слуачи

Повредени 47 полициски службеници, од кои 11 со потешки, а двајца со сериозни повреди во вечерашниот јавен собир на подрачјето на СВР Скопје, кој се одржа во периодот од 19.00 часот пред Владата на Република Северна Македонија, продолжи пред Министерството за надворешни работи и заврши пред Собранието на Република Северна Македонија околу 22.30 часот. На сите повредени полициски службеници им е укажана лекарска помош, а потешко повредените се пренесени во медицинските установи за санирање на повредите и медицинска нега.Притоа, констатирани се повеќе нарушувања на јавниот ред и мир од страна на демонстрантите, кои фрлаа со камења, јајца, железни предмети, бекатон плочки, молотови коктели, сообраќајни знаци, канти за ѓубре и пиротехнички средства, како кон објектите, така и кон полициските службеници кои вршеа службени дејства обезбедувајќи ги државните институции.За време на вечерашниот протест оштетувања на прозорците и фасадите се пријавени во сите три објекти: Владата, МНР и Собранието на Република Северна Македонија. Покрај ова, демонстрантите скршиле 16 полициски штитови, повеќе заштитни полициски шлемови и радио-врски, а оштетено е полициска куќарка пред Собранието и едно полициско возило.Во врска со немирите кои ескалираа пред објектот на Собранието на Република Северна Македонија, од страна на полициските службеници приведени се 11 лица, а за време на протестите од страна на полицијата не беа употребени ни пиротехнички, ниту хемиски средства за разбивање на толпата.МВР презема мерки за расчистување на случајот и апелира до организаторите на протестите и до граѓаните да покажат демократски капацитет, протестите да бидат мирни и демократски, да ги сочуваме редот, мирот и безбедноста. Преку насилство кон оние коишто го одржуваат редот, кон македонската полиција и објектите на институциите, не се постигнува ништо; дијалогот треба да се води во институциите на системот.Сек

Македонија | пред 3 години

Талат Џафери доби доверба да си остане собраниски спикер

Не помина интерпелацијата за претседателот на Собранието, Талат Џафери поднесена од Собранието. Доцна вечерва пратениците гласаа и со 61 глас „против“, а 43 „за“ интерпелацијата беше одбиена. Талат Џафери, ја доби довербата од мнозинството пратеници за да продолжи да ја врши функцијата.Интерпелацијата ја поднесе ВМРО-ДПМНЕ на крајот на минатиот месец. Пратениците од опозициската партија сметаат дека Талат Џафери треба да одговара пред граѓаните за својата работа. Го обвинуваат дека континуирано го прекршува Деловникот на Собранието и дека со тоа сторил огромна повреда на законодавниот дом.Последен говорник беше претседателот на ДУИ, Али Ахмети кој ретко е во Собранието и ретко се јавува за збор. Ја искористи приликата да го поддржи својот сопратиец Џафери, но и да повика на заедничка работа и храбрости во актуелната ситуација со Бугарија.

Македонија | пред 3 години

Ахмети излезе на собраниска говорница

При расправата на синоќешната седница за интерпелација на претседателот на Собранието, последен говорник беше лидерот на ДУИ, Али Ахмети. Тој изрази поддршка за својот сопартиец Талат Џафери, но зборуваше и за дијалогот и целата политичка ситуација околу Бугарија.-Ни треба да работиме зедно, сега се одлучува за постоен мир. Денес албанскиот премиер Рама рече браќа за сите, и Македонци и Албанци. Не се работи за двојни стандарди, туку за градење на иднината. Вознемирено ги следам медиумите, се сменило името на Бујар Османи во Булгар Османи. Затоа Џафери и Булгар Османи имаат мисија, затоа што ова е нашата мисија, рекол Ахмети од собраниската говорница.Претседателот на ДУИ констатира дека „вистина е дека има корупција и криминал, но мораме да се бориме заедно против него“.

Македонија | пред 3 години

Нема фотографија

Каевски кон пратениците на ВМРО-ДПМНЕ: Нервозни сте затоа што немате поддршка од граѓаните, а правдата чука на Белиот дворец

Секогаш кога во Собранието се наоѓаат закони за правосудството, вие колеги од ВМРО-ДПМНЕ сте нервозни и правите провокации, така се однесувате овие два дена, тоа го правевте и кога се носеше Законот за јавно обвинителство, тоа го правевте и кога во постапка влезе Законот за Академија за судии и јавни обвинители, порача пратеникот Дарко Каевски на денешната собраниска седница.„Сакате да ја успорите правдата, тоа е така затоа што голем број случаи ви тропаат на врата, како случајот „талир 2“ каде што треба да се одземе вашето партиско седиште. Тоа е така и за „Делчевските ниви“ кои се тесно поврзани и доаѓаат до релации до раководството на ВМРО-ДПМНЕ.“ посочи Каевски.Пратеникот Каевски истакна дека датумите 24 декември и 27 април се најголемиот пораз на демократијата, кога ВМРО-ДПМНЕ директно помагале да се наруши демократијата.„Нервозни сте, затоа што протестот ви издиша, затоа што немате поддршка на граѓаните, затоа што правдата чука на белиот дворец и затоа продолжувате со блокади и провокации во Собранието“ заклучи Каевски, повикувајќи ги пратениците на ВМРО-ДПМНЕ да работат за граѓаните а не да ги следат инструкциите од Белиот дворец.

Македонија | пред 3 години