СРБИЈА-ПРОТЕСТ

(Видео) „Весела“ математика: МВР изброи 34.300, а Архивот за јавни собири над 100.000 граѓани на протестот во Белград

Додека полицијата излезе со официјална бројка од околу 34.300 присутни на протестот во Белград, од Архивот за јавни собири истакнуваат дека снимките укажуваат на еден од најголемите студентски протести досега, каде што бројката би можела да надмине 100.000 луѓе.Директорот на полицијата на Србија, Драган Васиљевиќ, изјави дека собирот е навремено пријавен од страна на студентите и дека полицијата внимателно ја следела состојбата на терен:„На овој јавен собир, нашата процена е дека се присутни околу 34.300 граѓани. Мораме да кажеме дека го следиме доаѓањето на јавниот собир уште од претпладневните часови, имајќи предвид дека од голем број места во Република Србија тргнаа одреден број граѓани и дека процените што ги даваме се многу прецизни и објективни.“Од друга страна, Архивот за јавни собири, кој се занимава со прецизно броење на присутните на масовни собири, најави дека бројките се далеку повисоки:„Снимките од денешниот студентски собир на плоштадот Славија во Белград укажуваат на тоа дека тој ќе биде во рангот на најголемите студентски собири досега. Процената на маса од над 100.000 луѓе е многу барана, па затоа конечните податоци нема да ги објавуваме вечерва.“

Свет | пред 1 час

Академик на протестот во Белград: „Власта ја уништува Србија, студентите ќе победат“

Академикот и професор на Хемискиот факултет, Радомир Стаичиќ, на протестот на плоштадот Славија во Белград остро ја критикуваше српската власт, обвинувајќи ја дека го урива правниот поредок, универзитетите, културата и достоинството на граѓаните.„Србија и понатаму робува на бахата и дрска власт која го уништува правниот поредок, Универзитетот, културата, екологијата и земјоделството, а воздухот, шумите и полињата ги претвора во депонии“, порача Стаичиќ.Тој ја обвини власта дека се фали со купено оружје, додека, како што рече, „на преговарачка маса предава територии платени со човечки животи“.Во говорот се осврна и на српското собрание, за кое рече дека во три наврати одбило да изгласа резолуција дека врз српскиот народ во НДХ бил извршен геноцид.Стаичиќ упати критики и кон врвот на Српската православна црква, тврдејќи дека актуелниот систем на вредности најдобро се гледа преку одликувањата што ги добиле повеќе политичари и јавни личности блиски до власта.„Својот проблем мора сами да го решиме и да бидеме подготвени решително да се избориме за граѓанските права. Слободата нема цена, студентите победуваат“, порача академикот на крајот од обраќањето.

Свет | пред 2 часа

Синдикалец на протестите во Србија: „Земјата е рај за инвеститорите, а пекол за работниците“

На протестот во Србија се обрати и пензионираниот синдикален лидер Југослав Ристиќ, кој оцени дека земјата денес е „сиромашна држава на обесправени луѓе“.Тој порача дека работниците се принудени да работат прекувремено, како и за викенди, бидејќи, според него, државата не ги штити.„Работниците се препуштени на самоволието на бахати поединци. Србија се рекламира како земја со висококвалификувана, а евтина работна сила и како рај за инвеститорите. Земјите што се рај за инвеститорите најчесто се пекол за работниците, но не мора да биде така и ние ќе им покажеме дека не мора“, изјави Ристиќ.Тој додаде дека околу 1,2 милиони работници во Србија не можат да си дозволат потрошувачка кошничка.„Како да ни биде подобро? Мора да бидеме единствени. Додека на работниците во производството не им биде подобро, нема да биде подобро ниту во здравството, образованието и културата. Затоа сите работници имаат само еден интерес – да дојде до промени и да се напушти политиката на евтина работна сила“, порача Ристиќ.

Свет | пред 2 часа

Српска обвинителка на протестот на студентите: Ова не е држава, ова е анархија

Српската обвинителката Бојана Савовиќ беше дочекана со овации од присутните, кои се собрани во Белград против власта на Вучиќ.Таа испрати порака дека државата во која законите се применуваат селективно престанува да биде држава и станува мафијашка организација.Таа рече дека Србија не е држава, туку анархија.Во своето обраќање пред граѓаните и студентите, обвинителката Бојана Савовиќ остро ја осуди полициската бруталност и селективната правда:„Силата применета врз луѓе кои се лишени од слобода или кои не пружаат никаков отпор е злосторство. Ниту една униформа не смее да биде над законот. Затоа, секоја прекумерна употреба на сила, секое понижување на граѓаните, секое незаконско однесување мора да биде предмет на ефикасна, ефективна и транспарентна истрага.Ова што денес секојдневно го преживуваме: бомби, изнуди, мафијашки пресметки – не е држава, тоа е анархија“, порача обвинителката Савовиќ.

Свет | пред 2 часа

(Видео) Дронски снимки ја покажуваат бројноста на собирот во Белград против Вучиќ

Со српски знамиња и транспаренти „Студентите победуваат“, граѓани го преплавија плоштадот Славија во центарот на Белград.Собирот започна во 18 часот, а е организиран од страна на студентите кои повеќе од година бараат промена на Александар Вучиќ, демократизација и вонредни избори. Дронските снимки ја покажуваат бројноста на собирот.По кампањата на студентското движење „Студентите победуваат“ веќе неколку недели следува контракампања на поддржувачите на владејачката Српска напредна странка под слоганот „Србија победува“, што често предизвикува тензии и повремени инциденти на улиците.

Свет | пред 2 часа

(Видео) Белград врие: Илјадници студенти и граѓани на улица против Вучиќ

Студентското движење во Србија денеска го започна големиот протестен собир во Белград под слоганот „Студентите победуваат“, со јасна порака:барање за предвремени парламентарни избори и демократизација на државата. Илјадници граѓани од повеќе српски градови уште од пладневните часови се собираат на улиците на српската престолнина, а централниот протест е најавен на плоштадот Славија од 18 до 20 часот.Колони студенти и граѓани од Шабац, Кула и други градови веќе пристигнаа во Белград, носејќи транспаренти и пораки против власта на српскиот претседател Александар Вучиќ.Дел од демонстрантите порачаа дека „Србија не смее повеќе да живее во страв и притисоци“.Во исто време, во таканаречениот „Ќациленд“ кај Пионерскиот парк, се организира контрасобир на поддржувачите на владејачката Српска напредна странка. Според српските медиуми, во околината биле забележани и мажи со маски и калулки на кровот на зградата на Народната банка на Србија, што дополнително ја подгреа тензијата пред вечерашниот протест.Дополнителен сомнеж и револт во јавноста предизвика и одлуката за прекин на железничкиот сообраќај низ Србија, откако, според официјалното соопштение, била добиена анонимна дојава за поставени експлозивни направи во возови и депоа. Опозициски претставници и дел од студентите се сомневаат дека станува збор за обид да се намали масовноста на протестот.Според сведоштва објавени на социјалните мрежи, и дел од трамваите во Белград биле повлечени во гаражите без официјално известување, што дополнително ја подгреа атмосферата на неизвесност и недоверба.Додека Белград се подготвува за една од најтензичните вечери во последните месеци, вниманието на целиот регион е вперено кон Србија и пораката што денес ќе ја испратат студентите и граѓаните од улиците на главниот град.

Свет | пред 7 часа

(Видео) „Ние сме со Вучиќ“: Жители на Куманово вееја знамиња за да го поддржат српскиот претседател

Граѓани денеска се собраа во Куманово на собир за поддршка на српскиот претседател Александар Вучиќ, организиран од здружението „Мир, слога, стабилност“.На собирот беа развиорени македонски и српски знамиња, а присутните носеа и транспаренти со пораки „Ние сме со Вучиќ“ и „Куманово уз Вучича“.Од здружението порачаа дека целта на собирот не е ширење национализам, туку испраќање порака за заедништво и меѓусебна почит.Денеска, во соседна Србија, неформалната група „Студенти во блокада“ организира голем собир на белградскиот плоштад „Славија“, на кој своето присуство го најавија академици, активисти и многубројни граѓани од сите делови на Србија. Централниот протест е закажан за периодот од 18 до 20 часот, но нему ќе му претходат масовни собири на четири клучни локации во главниот град, од каде што колоните демонстранти ќе се упатат кон „Славија“.

Македонија | пред 7 часа