србија

21-годишен фудбалер и неговата девојка загинаа во трагедија во Нови Сад

Голема трагедија ја потресе Србија вчера, кога падна настрешница на железничката станица во Нови Сад, при што загинаа 14 лица, а над 30 беа повредени.Во страшната трагедија загинаа и фудбалер и неговата девојка, а информацијата ја соопшти клубот.Фудбалскиот клуб Потисје од Кничанин се огласи на Фејсбук од каде ја известија јавноста дека еден од загинатите е нивниот играч Милош Милосављевиќ, а до него е неговата девојка Анѓела Руман.„Со голема тага и неопислива болка ја известуваме јавноста дека нашиот соиграч, пријател и брат Милош Милосављевиќ Киви (роден 2003 година) и неговата девојка Анѓела Руман (родена 2004 година) ги загубија животите во страшна несреќа во Нови Сад. Датумот и времето на комеморацијата и погребот ќе ги објавиме во догледно време. Почивајте во мир ангели, никогаш нема да бидете заборавени!“ - напишаа од клубот на својата сметка.

Свет | пред 1 година

Објавен идентитетот на загинатиот Македонец во Нови Сад

Од четиринаесетте загинати во несреќата што се случи на Железничката станица во Нови Сад, идентификувани се седум лица.Ова е списокот на загинатите што го објави весникот „Информер“:Ангела Руман (20) од Стара ПазоваСања Арбутина Ќириќ (35) од КаќСтефан Хрка (27) од БелградМилош Милосављевиќ (21) од Книќанин (Зрењанин)Ѓуро Швоња (77) од СтепановиќевоВукашин Раковиќ (69) од БуковацВаско Саздовски од Македонија - непозната возрастСабота е прогласена за Ден на жалост во Србија, а во градот Нови Сад е тридневна жалост.

Свет | пред 1 година

(Видео) Македонски државјанин загина во страшната несреќа во Нови Сад каде се урна дел од старата Железничка

Државјанин на Македонија е меѓу 14. загинати во несреќата предизвикана од уривањето на настрешницата на старата зграда на Железничката станица во Нови Сад, кажа вечерва српскиот претседател Александар Вучиќ.„За пет лица досега не успеавме да го потврдиме идентитетот. Осум лица се од Србија, а едно лице е државјанин на Северна Македонија“, кажа Вучиќ.Тој изјави дека бара Обвинителството во Нови Сад и Владата на Србија да ги гонат и најстрого да ги казнат одговорните за уривањето на дел од настрешницата во Нови Сад.– Одговорните, ве уверувам, ќе бидат казнети. Барам политичка, а пред тоа и кривична одговорност, рече Вучиќ.Тој посебно им се заблагодари на спасувачите, „на луѓето кои цел ден се бореа и страдаа, на работниците кои со своите машини се обидоа да го спасат секој живот што можеше да се спаси“.– И денеска во оваа голема трагедија успеавме да ги покажеме срцето и душата на нашиот народ, не само Нови Сад, цела Србија застана и остана без зборови. Во еден момент кога спасувачите успеаја да ја извлечат младата жена, а докторите веќе беа подготвени да и ја отсечат раката, затоа што беше притисната од неколку тони, па некако успеаја да ја извлечат со машини, видов солзи радосници кај нашите спасувачи во целата трагедија и сите маки, а тоа покажува колку се големи овие луѓе и каква е целата наша нација, рече Вучиќ.

Свет | пред 1 година

Во Нови Сад е прогласена тридневна жалост

Во Нови Сад е прогласена тридневна жалост, поради трагедијата во која загинаа најмалку осум лица кога врз нив се урна настрешницата на железничката станица.„На територијата на градот Нови Сад е прогласен Ден на жалост, по повод тешката несреќа предизвикана од уривањето на настрешницата на железничката станица во Нови Сад, три дена, почнувајќи од 02.11.2024 година. соопштија од кабинетот на градоначалникот Милан Ѓуриќ.Денеска околу 11:50 часот се урна стариот дел од настрешницата на железничката станица во Нови Сад при што загинаа осум лица.

Свет | пред 1 година

(Видео) „Удри страшно, луѓето беа под конструкцијата во тој момент“: Се урна стариот дел на влезот во Железничката станица во Нови Сад

Страшна драма во Нови Сад! Се урна стариот дел на влезот во Железничката станица.Конструкцијата на настрешницата пред железничката станица во Нови Сад се урна околу 12 часот, а според последните информации има и жртви. Делот кој се урна е изграден во 1964 година и до денес не е обновен.На теренот има голем број противпожарни и амбулантни возила, а пристигнуваат и работници кои ги отстрануваат бетонските блокови и стигнат до повредените.Според очевидци, ударот бил страшен и звучел како бомба.„Удри ужасно, луѓето беа под конструкцијата во тој момент“, рекоа луѓето кои имаа среќа да се извлечат од местото на несреќата.

Свет | пред 1 година

Хорор во Србија: до смрт претепана девојка

23-годишниот Д.И. е уапсен во Александровац, Србија, под сомнение дека претепал девојка која починала како последица во болница.„Припадници на МВР Александровац од околината на тоа место го приведоа Д.И.(23), поради постоење на основано сомнение дека сторил кривично дело семејно насилство со смртен исход“, соопштено е.Тој е осомничен дека и нанел повеќе удари по главата и телото на својата 23-годишна партнерка, од кои таа починала во болница, пишува Телеграф.По наредба на вишиот јавен обвинител во Крушевац, на осомничениот му е одредена мерка притвор до 48 часа, по што со кривична пријава ќе биде изведен во обвинителството.

Свет | пред 1 година

Тројца мажи се обиделе да ја запалат куќата на масовниот убиец од Србија

Полицијата во Младеновац уапсила тројца мажи кои во саботата вечерта се обиделе да ја запалат куќата на семејството на Урош Блажиќ, масовен убиец во селата Мало Орашје и Дубона. Според порталот Телеграф.рс, тројца мажи со автомобил „фиат“ се упатиле до куќата на Блажиќ во Дубона и се обиделе да го запалат објектот. Но, пожарот зафатил само сува трева, а полицијата успеала да го изгасне пожарот пред доаѓањето на пожарникарите.Осомничените биле брзо запрени и уапсени и приведени на распит.Да потсетиме, крвавиот напад на Блажиќ во селата кај Младеновац се случи во мај 2023 година, само еден ден по пукањето во основното училиште „Владислав Рибникар“ во Белград. Блажиќ започна да убива во Мали Орашје, а потоа се упати кон Дубона. Полудениот напаѓач по масакрот побегнал, а потрагата по него траела до раните утрински часови кога бил пронајден на 50 километри, во близина на Крагуевац.Убил девет лица, а ранил 14.

Свет | пред 1 година

Вулин од Казан: Се надевам дека има место за Србија во БРИКС, Вучиќ и се восхитува на Русија

Потпретседателот на српската влада Александар Вулин престојува во Казан, каде се одржува самитот на БРИКС во организација на Владимир Путин. По тој повод тој даде интервју за РИА Новости и рече дека српскиот претседател Александар Вучиќ и неговиот руски колега се пријатели.„Србија изразува надеж дека ќе има можност да стане членка на БРИКС, организација која нуди поголема слобода и не бара промена на политичкиот систем или пристапување кон режимите на санкции“, рече Вулин во интервјуто.Тој истакна дека Србија се чувствува добредојдена меѓу пријателските земји на БРИКС, кои, како што наведе, обезбедуваат слобода на избор, што е важна алтернатива за Белград.„За прв пат можеме да избереме. Треба да научиме дека, на крајот на краиштата, можеме да избираме. Ова е многу важно за нас. Многу сум заинтересиран да дознаам повеќе за БРИКС и се надевам дека ќе има место за Србија“, рече Вулин на маргините на самитот.Вулин рече дека БРИКС не бара од своите членови да ги променат политичките системи или да се приклучат на санкциите. Тој посочи и дека претседателот на Србија е голем поддржувач на пријателството со Русија и дека ја почитува нејзината историја и култура.„Мојот претседател навистина се восхитува на историјата на Русија, нејзината култура и тој е непоколеблив поддржувач на пријателството меѓу Русија и Србија. И, ако можам да го кажам тоа, Вучиќ и Путин се пријатели“, рече Вулин, додавајќи дека Вучиќ планира да присуствува на 80. годишнина од победата над нацизмот во Москва.„Затоа очекувам средба меѓу претседателот Вучиќ и претседателот Путин во Москва, но дали ќе се сретнат во трети земји, сега не можам да кажам“, вели Вулин.Покрај Вулин, во српската делегација на самитот на БРИКС во Казан се и министерот за одбрана Братислав Гашиќ, министерката за економија Адријана Месаровиќ и министерот без ресор Ненад Поповиќ, задолжен за меѓународна економска соработка и социјалната положба на Црквата.

Свет | пред 1 година

ЕУ го избра Пицула да биде известувач за Србија; Вучиќ: Ја разбравме пораката

Хрватскиот европратеник Тонино Пицула е именуван на три важни функции, меѓу кои се издвојува онаа на постојан известувач за Србија, соопштија вчера од кабинетот на Пицула.Имено, Пицула во следните пет години ќе биде задолжен за анализа, следење и известување до властите на Европската унија за ситуацијата во Србија и за усогласување со европското правно законодавство, основните вредности и конкретните политики.На оваа позиција Пицула во име на Европскиот парламент ќе ги покрива сите теми поврзани со односите меѓу Европската унија и Србија и ќе го претставува Комитетот за надворешни работи на Европскиот парламент.„Со оглед на големото искуство што го стекнав и моето познавање за состојбите во Западен Балкан, како и за политиката за проширување на ЕУ, ова назначување го доживувам како признание за мојата мината работа. Оваа нова позиција претставува континуитет на бројни активности, особено за време на мојот минат мандат.Како и секогаш, го поздравувам и поддржувам фактот што политиката на проширување повторно е во фокусот на ЕУ. Очигледно има поголема политичка поддршка од претходно, но пристапниот процес сепак мора да се заснова на исполнување на критериумите! Секоја земја треба да се оценува поединечно според нејзините резултати“, посочува Пицула.Стигнаа реакции и од Србија.Претседателот на Србија, Александар Вучиќ изјави дека Србија добро ја разбира пораката што и ја испрати Европскиот парламент со назначувањето на хрватскиот пратеник Тонино Пицула за известувач на Европскиот парламент за Србија.„Не брзам да коментирам, ќе разговараме со него и ќе соработуваме со него. Но, многу добро ја разбравме пораката на Европскиот парламент“, рече Вучиќ по трилатералната средба со премиерите на Словачка Роберт Фицо и Унгарецот Виктор Орбан во Комарн, одговарајќи на прашање за назначувањето на Пицула.Вучиќ истакна дека најголем дел од функциите во Европскиот парламент, кои се однесуваат на Србија, ги извршуваат Естонците.„Знаете дека Каја Калас е одговорна за безбедноста и надворешните работи на Европската унија. Главен човек е Матија Маасикас, исто така од Естонија. Значи двајца од нив се од Естонија. Знаете ли кој е известувач за таканареченото Косово во Европскиот парламент? Според моите сознанија, сега повторно ќе биде назначен Естонец. А знаете ли кој раководи со Канцеларијата на Европската комисија во Косово? Повторно естонски. Сосема необично, ќе се согласите. Но, добро, ни доделија Хрват“, рече Вучиќ и додаде дека проблемот не е во тоа што Пицула е Хрват, туку во неговите ставови.Реагираше и Ана Брнабиќ. „Секоја чест. Разбравме се“, напиша на Твитер Ана Брнабиќ, шеф на српскиот парламент.

Свет | пред 1 година

Во тешка сообраќајна несреќа во Њујорк загинаа Србинка и Црногорец, се собираат средства за да се донесат телата во нивните држави

Во тешка сообраќајна несреќа во Њујорк, за време на викендот, загинаа Србинката Тамара Лападатовиќ и нејзиното момче, Црногорецот Александар Јокановиќ.Тамара и Александар биле на мотор во неделата кога автомобил налетал на нив во близина на 3-та авенија на Менхетен, објавија српските медиуми.„32-годишен маж и 35-годишна жена загинаа откако мотоциклот со кој се возеле удрил во Toyota RAV4 во близина на 3-та авенија и улицата E. 103 во Менхетен околу 4:43 часот“, соопшти полицијата.Брзата помош пристигнала на местото на несреќата, но можеле само да констатираат смрт на девојката и нејзиното момче.Од силината на ударот и двајцата починале на лице место.На веб-страницата GoFundMe се собираат средства за телата на настраданите, Тамара и Александар да бидат вратени во Србија и во Црна Гора.

Свет | пред 1 година

Познати речиси сите детали од обвинението: што снимија камерите во Бањско Поле каде што беше убиена Данка Илиќ

Обвинението за убиството на двегодишната Данка Илиќ во Бањско Поле беше покренато пред точно две недели, односно на 24 септември, а како што објавија тогаш српските медиуми, опфатени се Дејан Драгијевиќ и Срѓан Јанковиќ, како и таткото на Дејан, Радослав, а јавноста со будно око го чека епилогот на овој случај, односно дали ова обвинение ќе биде прифатено од судот или не.Познати се речиси сите детали од обвинението, но она што се уште не е објавено е што пишува во обвинителниот акт кога станува збор за снимките од камерите од Бањско Поле каде што наводно е убиена Данка.„Во обвинителниот акт пишува дека камерите го снимиле движењето на возилото во кое се наоѓале Дејан и Срѓан, но не и дека е снимен контактот помеѓу возилото и детето во Бањско Поле. Поточно, не се гледа дека детето било удрено од автомобилот“, објавија српските медиуми.Наведено е и дека Днка Илиќ (2) е убиена така што и го прекинала доводот на воздух со рака, но исто така се забележува дека ова тврдење се заснова на признанието на обвинетиот, кое подоцна го повлекол.Како што се наведува понатаму, судот по обвинението треба да се произнесе до крајот на овој месец.Откако Вишиот суд ќе донесе одлука, се чека Апелацискиот суд во Ниш.

Свет | пред 1 година

Детето-убиец од Србија првпат пред суд, сместен во специјална затемнета, стаклена „кутија“

Момчето (14) Коста Кецмановиќ, кое уби девет соученици и чувар во основното училиште „Владислав Рибникар“, ќе биде донесено во зградата на Специјалниот суд за да сведочи во постапката против неговите родители, како и против инструкторот на стрелиштето. Тоа ќе биде првпат Кецмановиќ да ја напушти психијатриската клиника по злосторството на 3 мај 2023 година.Според информациите што ги има „Новости“, К.К., во придружба на психијатар, со возило на Брза помош ќе биде пренесен од клиниката до зградата на улицата „Устаничка“.Во судницата ќе биде сместен во стаклена „куќичка“ за заштитени сведоци, која е затемнета, за да може директно да види сè, а никој да не го гледа. Судијата, обвинетиот, адвокатите и семејствата на неговите жртви ќе го гледаат на монитори и ќе слушаат преку звучници.Со К.К. во судница, покрај споменатиот детски психијатар, ќе има и колизионен старател, кој му е одреден од Центарот за социјална работа, бидејќи е малолетник, но сам ќе седи во таа „куќичка“.Улогата на психијатарот ќе биде да го набљудува додека сведочи и на крајот да интервенира и да побара пауза, доколку поради некоја причина не се чувствува добро.Оштетените семејства на убиените и ранетите во делото ќе бидат поставени зад непробојно стакло во делот каде што седи јавноста во таа судница, што инаку е исклучено во овој случај, и во стаклениот дел пред нив, кој е одвоен со уште едно непробојно стакло од судницата каде се судијата и адвокатите ќе седнат обвинетите.

Свет | пред 1 година

(Видео) Тешка сообраќајка кај Нови Сад, луѓе излегуваат од возилата, деца бараат помош, објавени првите снимки

Во тешка сообраќајна несреќа што се случи денеска на стариот пат меѓу Нови Сад и Инѓија, според првите неофицијални информации загинал возач на патничко возило.„Во несреќата учествувале патничко возило и училишен автобус. Според неофицијални информации, возачот на патничкото возило е повреден. Припадници на итната помош се на лице место, а сообраќајот е во прекин“, наведува 192_рс.Автобусот излетал од патот, а на видеото се гледа како луѓето излегуваат од превртеното возило. Од другата страна на патот е автомобил кој е целосно уништен. Првиот дел е удрен, а на коловозот има расфрлани делови.Патничкиот автомобил, чиј возач го загуби животот, од силината на ударот завршил во ендек од другата страна на патот и целосно бил згмечен.Наводно, десетици патници побарале помош, но ничиј живот не бил во опасност.Во училишниот автобус имало деца. Сообраќајот на овој дел од патот е забавен.

Свет | пред 1 година

На обвинетите за убиството на Данка Илиќ им е продолжен притворот: Зад решетки остануваат уште 30 дена

Вишото јавно обвинителство во Зајечар ги обвини Дејан Драгијевиќ и Срѓан Јанковиќ за убиство на двегодишното девојче Данка Илиќ и предложи да бидат осудени на доживотен затвор. Вишиот суд во Зајечар им го продолжи притворот за нови 30 дена.Да потсетиме, на осомничените за убиството на девојчето денеска им е одреден притвор.Вишото јавно обвинителство во Зајечар против нив поднесе обвинителен акт поради сомнение дека убиле девојче на 26 март во селото Бањско поле. Во обвинението е вклучен и Радослав Драгијевиќ (70), таткото на обвинетиот Дејан, кој е испратен на потврда до судот, поради сомнение дека учествувал во преместувањето на посмртните останки на исчезнатото девојче. Радослав Драгијевиќ се брани од слобода.„Обвинението во кое беше предложено судот да ги казни доживотен затвор двајцата обвинети за убиството на девојчето е проследен на потврда. Судот може да го потврди обвинението или да го врати назад за да ја дополни истрагата. Обвинението и да се врати на измена, обвинетиот нема да биде пуштен на слобода, бидејќи е поднесен во законскиот рок од шест месеци, кој обвинетиот може да го помине во притвор до обвинението“, објаснува соговорникот на Курир.Дејан Драгијевиќ и Срѓан Јанковиќ беа уапсени на 4 април и оттогаш се во притвор. По апсењето, тие наводно признале дека со службениот автомобил го удриле девојчето во Бањско поле, но и дека Дејан, бидејќи Данка давала знаци на живот, го убил детето. Наводно, тогаш рекле и дека телото на девојчето го фрлиле во дива депонија, а два дена подоцна го префрлиле во дворот од семејната куќа во селото Злот.Телото на девојчето, кое последен пат беше видено на 26 март, до денес не е пронајдено, иако се пребарани повеќе од 30 локации.

Свет | пред 1 година

Полицијата во Белград го евакуира Сава центар поради дојава за бомба

Поради дојава за бомба која ја добиле, во тек е евакуација на „Сава Центар“.Дојавата за бомба била испратена на електронската пошта на еден од порталите со седиште во Сава центарот.Како што дознава N1, во мејлот пишувало дека бомбата била поставена на вториот кат.Полицијата ги евакуира луѓето и врши проверка.

Свет | пред 1 година