СТАНКОВИЌ

Станковиќ: Македонија има значаен исчекор во Реформската агенда, потврда има од голем број шефови на мисии на земјите членки на ЕУ

Македонија бележи значаен напредок во спроведувањето на Реформската агенда, при што за најголем дел од предвидените точки веќе има позитивни оценки од претставници на земјите членки на Европската Унија, изјави пратеникот Малиша Станковиќ од ВМРО-ДПМНЕ на гостување во дебатната емисијa на ТВ 24.Тој посочи дека Реформската агенда опфаќа период од 2024 до 2027 година и содржи вкупно 21 точка, од кои за 16 веќе има позитивни реакции од шефови на мисии на земјите членки на ЕУ. Според него, до извештајниот период се очекува реализација на уште две точки, со што би се достигнале 18 од 21 исполнети мерки во текот на 2026 година.Станковиќ истакна дека Владата одржала состанок со шефовите на дипломатските мисии на ЕУ, на кој бил оценет напредокот и биле констатирани конкретни резултати во спроведувањето на реформите.Во однос на европската интеграција и прашањата поврзани со уставните измени и билатералните спорови, тој нагласи дека е потребен предвидлив, транспарентен и јасен процес, со цврсти гаранции за државата.Според него, Реформската агенда се темели на Копенхашките критериуми, кои остануваат клучна рамка за напредокот на земјата кон Европската Унија.

Македонија | пред 6 часа

Станковиќ: Владата ги намали акцизите за горивата, преку конкретни мерки го штити стандардот на граѓаните 

„Дизелот на светските берзи се зголеми над 10 отсто. Интервенцијата на Владата, со намалување на 4 денари за акцизата по литар дизел придонесе да не биде многу повисока цената од онаа која што ја имаме сега“, истакна Малиша Станковиќ, пратеник од редовите на ВМРО-ДПМНЕ во гостување во емисијата Топ тема на Телма телевизија.Станковиќ посочи дека државата не може да биде изолирана од глобалните процеси, особено поради случувањата на Блискиот Исток и нагласи дека мерките коишто ги презема Владата, односно намалување на акцизите и продолжување на понискиот ДДВ предизвикуваат конкретни резултати. Тој додаде дека Владата останува посветена да го заштити животниот стандард на граѓаните.„Треба да сме свесни дека сепак ова е една криза која што не се случува само на Република Македонија, се случува на целиот свет и преку мерките коишто ги презема Владата ја контролираме ситуацијата во која што се наоѓаме. Сепак, во Македонија се вози најевтин дизел и најевтини бензини, и воопшто нафтените деривати се најевтини во целиот регион. Така што, сметам дека ја контролираме ситуацијата и мерките на Владата веќе предизвикуваат конкретни резултати“, дециден е Станковиќ.

Македонија | пред 3 седмици

Станковиќ: Буџетот за 2026 година е реален и има мерки за самовработување и сузбивање на сивата економија

На денешната собраниска седница се обрати пратеникот од Коалицијата предводена од ВМРО-ДПМНЕ, Малиша Станковиќ кој истакна дека буџетот е изготвен врз основа на реални економски  показатели и дека проекциите на приходната страна се остварливи.Станковиќ посочи дека  растот на планираните приходи е резултат на подобрена наплата на царини и концесии како и на позитивните трендови кај активните мерки за вработување.„Првата работа околу буџетот кога го анализираме и гледаме  треба да ја видиме  приходната страна, значи се предвидува еден буџет од 374,9 милијарди денари и е за 6% поголем од средствата кои предвидела државата да ги собере во буџетот во  2025 година. Сметам дека овие средства се реални да се соберат, земајќи ја во предвид 2025 година, каде што имавме сериозно зголемување на наплатата на царини, концесии, пред неколку дена се случи една позитивна вест а тоа е видовме каков е интересот на граѓаните за сите оние мерки кои ги предвидува Владата  за самовработување, 6045 апликанти тоа значи дека во наредната 2026 година по основ на вработување можеме да очекуваме поголеми приливи, тоа ни дава за право дека овие средства кои ги предвидува Владата на Република Македонија се остварливи“, рече Станковиќ.Тој нагласи дека Владата активно работи на сузбивање на сивата економија, истакнувајќи дека се спроведуваат активности со цел да се намали загубата на јавни приходи и да се зголеми финансиската дисциплина.„Втората работа, веќе се работи сериозно на намалување на  сивата економија, огромни средства од 600 до 700 милиони евра на годишно ниво се одлеваат на сивата економија. Мораме да ја сузбиеме сивата економија и оваа Влада прави сериозни напори за сузбивање на сивата економија. Првата работа воведувањето на е-фактурата е една од тие мерки којашто ни овозможува да ја контролираме сивата економија во државата. Второ институциите почнуваат да даваат резултати“, вели Станковиќ.

Македонија | пред 4 месеци