ТЕПАЧКА

(Видео) Објавено видео од апсење на навивачите по тепачката на аеродромот во Тузла: Се криеле меѓу куќи, во шума и поток

Навивачите на хрватскиот клуб „Хајдук“, познати како „Торцида“, извршија заседа на Меѓународниот аеродром во Тузла пред два дена на навивачи на Црвена звезда кои се враќаа од Малме.Во конфликтот учествувале 93 лица, кои подоцна биле приведени во Министерството за внатрешни работи на Тузланскиот кантон. Од нив 14 лица се уапсени, а за поголемиот дел се очекува да им биде определен притвор.Повеќето приведени се државјани на Хрватска, главно од Далмација, кои влегле во БиХ преку граничниот премин Каменско, а граничните полицајци им рекле дека одат на хуманитарен турнир во Жепче.Во инцидентот биле повредени 23 лица, меѓу кои и еден полицаец, а 18 од нив се јавиле на Ургентниот центар во Тузла. Еден маж од Приједор останал на интензивна нега, додека останатите биле пуштени.Екипа на емисијата „Случајеви X“ придружувана од специјалците на МУП ТК трагала по навивачите, пронаоѓајќи ги меѓу куќи, во шума и во локален поток.

Свет | пред 1 седмица

Тепачка кај Аеродромот во Тузла: најтешко повредениот задржан на Клиниката за анестезија и реанимација

Синоќа пред влезот на Меѓународниот аеродром Тузла, во населбата Дубрава кај Живинице, дојде до тепачка меѓу навивачите на Хајдук Сплит (Торцида) и Црвена ѕвезда, по која припадниците на МВР на Тузланскиот кантон привеле 93 лица. Со доаѓањето на полицијата на терен, поголем број учесници се разбегале пеш или со возила се оддалечиле во непознат правец.Полицијата утврдила дека претходно на аеродромот слетал авион со навивачи на ФК Црвена ѕвезда и дека до тепачката дошло веднаш по нивното излегување од аеродромскиот круг, каде што ги чекала Торцида. Во судирот се повредени 23 лица.Порталот Istraga.ba ги објави имињата на учесниците, при што се наведува дека најтешко поминал Стефан Вукшиќ (2000) од Приедор, кој е задржан на лекување на Клиниката за анестезија и реанимација. Тој има повреди на главата, ’рбетот, градниот кош, раката и повеќекратни контузии.Од Универзитетскиот клинички центар Тузла информираа дека кај Никола Каламанда (1983) од Теслиќ, Давид Рикиќ (2005) од Петрово и Здравко Дујиќ (2000) од Приедор се констатирани тешки телесни повреди.– Останатите пациенти беа дијагностички обработени и згрижени на Клиниката за болести на уво, нос и грло и хирургија на глава и врат, како и на Клиниката за ортопедија и трауматологија, по што, по укажаната медицинска помош, беа пуштени на домашно лекување – соопштија од Универзитетскиот клинички центар.(ВИДЕО) Крвава пресметка кај аеродромот во Тузла: Нападнати навивачи на Црвена ѕвезда, 23 повредени и 93 приведени - Скопје1.мк

Свет | пред 1 седмица

(ВИДЕО) Крвава пресметка кај аеродромот во Тузла: Нападнати навивачи на Црвена ѕвезда, 23 повредени и 93 приведени

Навивачи на Црвена ѕвезда, кои по гостувањето кај Малме во Лига Европа се враќале преку Тузла, биле нападнати во близина на Меѓународниот аеродром Тузла.Според порталот Avaz.ba, инцидентот се случил на околу 500 метри од аеродромот, каде што, според неофицијални информации, била организирана заседа. Во масовната тепачка учествувале припадници на навивачката група „Делии“, поддржувачи на Црвена ѕвезда, и „Торцида“, навивачи на Хајдук од Сплит.Информацијата ја потврди и портпаролката на Управата на полицијата на МВР на Тузланскиот кантон, Аднана Спречиќ, која изјави дека настанот бил пријавен на 24 јануари 2026 година околу 21:55 часот.„Пријавено е дека пред влезот на Меѓународниот аеродром Дубраве е во тек тепачка меѓу повеќе лица. На местото беа испратени повеќе полициски патроли, единици за брза интервенција и екипи на итната медицинска помош од Живинице и Тузла. Затекнат е поголем број лица, за кои е утврдено дека се навивачи на Црвена ѕвезда од Србија и припадници на навивачката група Торцида од Хрватска. Според првичните информации, повредени се 23 лица, меѓу кои и еден полициски службеник“, изјави Спречиќ.Таа додаде дека за настанот е известено Кантоналното обвинителство на Тузланскиот кантон, а истрагата е во тек. Во полициските простории биле задржани вкупно 93 лица кои учествувале во инцидентот, при што е утврдено дека ниту едно од нив не е од подрачјето на Тузланскиот кантон.Според достапните информации, навивачите на Црвена ѕвезда пристигнале во Тузла со авион од Малме и потоа организирано продолжиле кон следната дестинација. При излегувањето од аеродромската зона дошло до нападот, по што напаѓачите се разбегале низ околните улици.Полицијата продолжува со утврдување на сите околности на инцидентот, а повеќе информации се очекуваат во наредните денови.

Спорт | пред 1 седмица

Тепачка во авион што слетал од Германија на аеродромот во Скопје

На 14.01.2026 во 17:00 часот во СВР Скопје, од Граничен премин Меѓународен аеродром Скопје е пријавено дека околу 16:40 часот во авион кој слетал од Германија бил нарушен јавниот ред и мир со физичка пресметка помеѓу Г.Ф.(49) од Германија и 45-годишната Г.Ф. од Скопје од една страна и Ш.С.(38) од с.Лопате, кумановско, од друга страна. По целосно документирање на случајот ќе следува соодветен поднесок, соопшти МВР

Скопје | пред 2 седмици

(Видео) Детали: Шест ученици нападнале врсници пред училиште во Сарај, едно дете со тешки повреди

Министерството за внатрешни работи информира дека ќе поднесе кривична пријава за кривично дело „насилство“ по инцидентот што вчера се случи пред Основното училиште „Дитурија“ во општина Сарај.Според соопштението од МВР, на 12 декември 2025 година, околу 12:00 часот, во СВР Скопје било пријавено дека пред училиштето шест ученици физички нападнале двајца ученици од деветто одделение. Настанот бил снимен и објавен на социјалните мрежи, по што полицијата веднаш презела мерки за целосно расчистување на случајот.Со родителите на нападнатите малолетници бил извршен службен разговор, а денеска биле сослушани и самите оштетени ученици. Кај едниот малолетник, по лекарски преглед, биле констатирани тешки телесни повреди, додека кај вториот биле утврдени телесни повреди.Полицијата ги идентификувала и учениците кои го извршиле нападот. Станува збор за шест малолетни лица на возраст од 13 до 15 години, кои во текот на денешниот ден биле повикани во полициска станица на службен разговор.За настанот е известен и надлежен јавен обвинител. По целосно документирање на случајот, против шесте малолетници ќе биде поднесена кривична пријава за сторено кривично дело „насилство“ по член 386 од Кривичниот законик.Од Министерството за внатрешни работи порачуваат дека ќе продолжат со постапување согласно закон и дека ваквите случаи на насилство, особено кога се работи за малолетници и училишна средина, ќе бидат санкционирани без исклучок.

Скопје | пред 1 месец

(Вознемирувачка снимка) Деца од Сарај разменија боксови и клоци пред училиште, други гледаа и снимаа

Тепачка меѓу ученици во скопско Сарај е прикажана во видео кое последните денови интензивно се споделува на социјалните мрежи и предизвикува реакции во јавноста.На снимката се гледа како група ученици, неофицијално, од централното основно училиште „Дитурија“ физички се пресметуваат во училишниот двор со боксови и клоци, додека други деца стојат настрана и го набљудуваат инцидентот.Во видеото јасно се забележува дека дел од присутните ученици не се обидуваат да ја спречат тепачката, туку пасивно ја следат, а некои од нив и ја снимаат со мобилни телефони. Сцените отворија прашања за безбедноста во училиштата и улогата на возрасните во вакви ситуации.Засега нема официјални информации кога точно е направена снимката.Редакцијата на „Скопје1“ побара официјален став и информации од Министерството за внатрешни работи, од каде посочија дека полицијата веќе постапува.

Скопје | пред 1 месец

Се степале двајца возачи на автобуси кај Транспортен центар

На 11.12.2025 во 10:00 часот во СВР Скопје, Б.С.(57) од Скопје, возач на автобус, пријави дека во автобус паркиран кај Транспортен центар во Скопје, по претходно недоразбирање, бил физички нападнат од М.Р., исто така возач на автобус.Се преземаат мерки за расчистување на случајот.

Скопје | пред 1 месец

Агресивни и пијани навивачи правеле хаос во лет кон Македонија: еден приведен, десет вратени назад

Приведен навивач од Словачка, на 10 други не им беше дозволен влез во државата поради агресивно и недолично однесување во авион за време на лет и по слетувањетоНа 10.12.2025 околу 20:30 часот во СВР Скопје, од службите на Меѓународен аеродром Скопје и од Регионалниот центар за гранични работи Север е пријавено дека во воздухоплов кој пристигнал од Словачка, повеќе лица под дејство на алкохол, кои се дел од навивачка група, за време на летот и по слетувањето не ги почитувале правилата, агресивно се однесувале и ги вознемирувале останатите патници и екипажот.Полициски службеници веднаш пристигнале на местото и по преземени мерки го приведоа Л.Т.(38) од Словачка, а на 10 други лица, исто така, од Словачка, не им беше дозволен влез во државата од безбедносни причини. По целосно документирање на случајот, против Л.Т. ќе биде поднесена соодветна пријава.

Скопје | пред 1 месец

(Видео) Шамари поради крави во Крива Паланка: Мештани тргнаа да си го решаваат проблемот со добитокот, сопственичката рашамара маж

Во кривопаланечкото село Добровница повторно ескалира долгогодишниот проблем со стотиците крави кои слободно се движат низ селото и уништуваат земјоделски посеви. Последниот инцидент предизвика гнев кај мештаните, откако кравите уништиле околу 25.000 килограми зелка, што доведе до жесток судир меѓу земјоделците и сопственичката на добитокот, Ј. Ѓ.Според жителите, стадото со години се движи неконтролирано по ниви, ливади, приватни дворови и покрај магистралниот пат кон Бугарија, создавајќи ризици и во сообраќајот. Во обид да го спречат понатамошното уништување, земјоделците ги затвориле кравите, по што сопственичката се обидела да ги врати назад, што кулминирало со вербален и физички инцидент. На видеото се гледа и како жената му удира шамар на еден од мажите.Проблемот не е нов. Во март годинава, локалните жители повторно алармираа дека повеќе од 15 години трпат штети од истото стадо, кое брои околу 500 грла и се движи без надзор. Има случаи во кои кравите нападнале жители, а во повеќе наврати го загрозиле и сообраќајот на патот кон Деве Баир.Мештаните тврдат дека повеќепати поднесувале претставки до институциите, па дури и тужби против сопствениците. Но, процесите се влечат со години, а последниот случај само ја „разбуди“ повторно јавната фрустрација.Агенцијата за храна и ветеринарство има правосилна одлука за одземање на животните поради прекршување на Законот за заштита и благосостојба на животните, но таа мерка не е спроведена.

Македонија | пред 2 месеци

Работел во нивниот двор, па по расправија го нападнале: Скопјанец пријавил напад од две жени во Аеродром

Работел во нивниот двор, по што настанала расправија и физички напад.На 16.11.2025 во 19:35 часот во СВР Скопје е пријавено дека на 15.11.2025 околу 13:00 часот во општина Аеродром, Р.З.(65) од с.Трубарево бил физички нападнат од две жени, во чиј двор извршувал работни задачи. Се работи на расчистување на случајот.

Скопје | пред 2 месеци

Навивач оштетил возила и нападнал полицајци по кошаркарски натпревар во Куманово

Приведен кумановец по тепачка на кошаркарски натпреварНа 16.11.2025 во 21:00 часот во Куманово, полициски службеници од СВР Куманово го лишија од слобода К.Ж.(23) од Куманово. По завршување на кошаркарскиот натпревар во спортска сала во Куманово меѓу МКК Куманово и КК Пелистер од Битола, настанала физичка пресметка помеѓу навивачите на двете екипи, а биле нападнати и полициски службеници. К.Ж. бил забележан како оштетува возила на гостинскиот тим. По документирање ќе следува пријава. Се работи на идентификација на сите учесници.

Македонија | пред 2 месеци

Пукање и тепачка на Бит Пазар, повреден е скопјанец со остар предмет

По расправија околу сообраќајна незгода, едно лице е рането со остар предмет а напаѓачот испукал неколку куршуми.-На 26.10.2025 во 17:35 часот во СВР Скопје е пријавено дека на подрачјето на Бит Пазар, по претходна расправија во врска со сообраќајна несреќа, бил нарушен јавниот ред и мир со физичка пресметка помеѓу Б.Б.(21) и друго машко лице кое употребило остар предмет и му нанело повреда. Потоа, лицето се вратило на местото и испукало неколку истрели од огнено оружје, но никој не бил повреден. Се преземаат мерки за расчистување на случајот, соопшти МВР.

Скопје | пред 3 месеци

Пожар во камп приколка, грабеж и исчезнато лице – полициски билтен за Скопје

Во полицискиот билтен на Министерството за внатрешни работи се евидентирани неколку инциденти на подрачјето на Скопје – пожар, физички напади, нарушување на јавниот ред и мир и пријавено исчезнато лице.Вчера, околу 17:20 часот, во камп приколка поставена на нива во атарот на селото Долно Лисиче, во која престојувал В.Н. (68), избувнал пожар. Нема повредени лица, а пожарот бил изгаснат од екипа на Бригадата за противпожарна заштита – Скопје. Увид на местото извршила екипа од СВР Скопје.Ноќеска околу 00:37 часот, 40-годишниот Н.И. од Скопје пријавил дека два дена претходно, на 24 октомври околу 21 часот, на подрачјето на Бит Пазар, бил нападнат од неколку машки лица кои со употреба на физичка сила му одзеле чанта со документи, мобилен телефон и пари. Полицијата презема мерки за целосно расчистување на случајот.Вчера во 08:05 часот, 32-годишна жена од Скопје пријавила дека околу 06:30 часот, во нејзиниот дом во Кисела Вода, била физички нападната од нејзиниот поранешен партнер, 31-годишниот М.Т. од Скопје.По документирање на случајот, ќе следи соодветен поднесок до надлежните органи.На 25 октомври во 22 часот, 28-годишна жена од Скопје пријавила дека околу 17 часот, на подрачјето на Чаир, нејзината малолетна ќерка била физички нападната од две малолетнички, кои таа ги познавала, додека трето лице го снимало нападот со мобилен телефон. Полицијата работи на утврдување на идентитетот на лицата и расчистување на случајот.На 25 октомври околу 18:30 часот, по претходна сообраќајна несреќа во селото Средно Коњари (општина Петровец), бил нарушен јавниот ред и мир со физичка пресметка меѓу шест лица. Во инцидентот учествувале Ш.М. (47) од една страна и А.Ќ. (38), Е.Ќ. (62), А.Ќ. (71), И.Ќ. (54) и А.Ќ. (26) од другата. При пресметката бил употребен и тврд предмет. По целосно документирање на случајот ќе следуваат кривични пријави.На 25 октомври во 12 часот, во Полициската станица Карпош, 69-годишниот И.Т. од Скопје пријавил дека од семејниот дом се оддалечила неговата сопруга А.Т. (54), која имала здравствени проблеми и и претходно се оддалечувала, по што била пронајдена и вратена.Полицијата презема мерки за нејзино пронаоѓање.

Скопје | пред 3 месеци

МВР соопшти детали за тепачката во познатиот скопски локал: Шест лица се приведени

На 09/10.10.2025 полициски службеници од СВР Скопје ги лишија од слобода С.С.(23), М.З.(24), А.Ѓ.(42), И.М.(33), М.З.(55) и Б.Р.(29), сите од Скопје, постапувајќи по пријава дека околу 20:00 часот пред угостителски објект на ул.„Митрополит Теодосиј Гологанов“ во Скопје бил нарушен јавниот ред и мир помеѓу лишените од слобода и неколку други лица од една страна и А.М.(40), Т.Д. (41) и М.Е. (45) од друга страна. Сите тие претходно биле во угостителскиот објект.Се преземаат мерки за расчистување на случајот, по што ќе бидат поднесени соодветни поднесоци.

Скопје | пред 3 месеци

Физичка пресметка на бензинска пумпа во Карпош, приведено едно лице

Утрово околу 05:00 часот на бензинска пумпа на подрачјето на Карпош во Скопје бил нарушен јавниот ред и мир со физичка пресметка меѓу пет лица.Според информациите на МВР, во инцидентот учествувале А.М. (23), Ј.Б. (22) и Т.Н. (24) од една страна, и Х.Ш. (19) заедно со 17-годишен малолетник, од друга страна, сите од Скопје.Полицијата го привела А.М. (23), а по целосно документирање на случајот ќе следува соодветен поднесок.

Скопје | пред 3 месеци