ТЕХЕРАН

(Видео) Огромна експлозија во Техеран – густ чад над престолнината на Иран

Министерството за одбрана на Обединети Арапски Емирати денеска соопшти дека нивната противвоздушна одбрана активно соборува ирански ракети и дронови, а набргу потоа се појавија информации дека и во Техеран одекнала силна експлозија.Според достапните податоци, нападот на територијата на ОАЕ зафатил повеќе локации, а биле користени и балистички и крстосувачки ракети.Засега ниту една страна официјално не презела одговорност, додека Министерството за надворешни работи на Емиратите порача дека државата го задржува своето „целосно и легитимно право“ да возврати.Истовремено, опозициски медиуми од Иран известија за голема детонација и густи облаци чад на западот од Техеран, пренесува „Jerusalem Post“.Во понеделникот, тројца индиски државјани биле полесно повредени во напад со дрон врз нафтен комплекс во Фуџаира, потврдено е од локалната канцеларија за медиуми.Подоцна истиот ден, иранската државна телевизија, повикувајќи се на воени извори, соопшти дека нападот врз нафтените постројки не бил однапред планиран.Според тие наводи, инцидентот во пристаништето е последица на „авантуризам на американската војска со цел да се создаде премин за нелегален транзит на бродови“ низ Ормускиот теснец, изјавил официјален претставник, пренесоа иранските државни медиуми.

Свет | пред 1 седмица

Од Техеран полетаа првите меѓународни летови од почетокот на војната

По првпат од почетокот на конфликтот кој пред околу два месеци го започнаа САД и Израел, од меѓународниот аеродром во Техеран повторно полетаа меѓународни летови, јавуваат иранските државни медиуми.Летовите од меѓународниот аеродром Имам Хомеини се реализирани кон Истанбул, Мускат и саудискиот град Медина, соопштија државната агенција IRNA и државната телевизија IRIB. Медина е едно од клучните одредишта за муслиманските верници кои патуваат на аџилак во Мека.Иран го затвори својот воздушен простор за цивилен сообраќај по нападите на 28 февруари, по што следеа одговори со ирански удари врз заливски земји сојузници на САД, што предизвика сериозни нарушувања во глобалниот воздушен сообраќај, особено во Дубаи и Абу Даби.Постепеното отворање на воздушниот простор следи по примирјето што стапи на сила на 8 април со посредство на Пакистан. Иранските власти претходно одобрија и аеродромот во Машхад повторно да прима меѓународни летови со цел да се намали притисокот врз Техеран.И покрај отворањето, дел од европските авиокомпании и натаму го избегнуваат иранскиот воздушен простор поради безбедносната неизвесност и зголемените ризици за цивилното воздухопловство.

Свет | пред 2 седмици

Хаос во Техеран го кочи договорот – Трамп постави ултиматум

Американскиот претседател Доналд Трамп им дал краток рок од три до пет дена на иранските власти да се усогласат и да излезат со конкретен одговор за мировен договор, во спротивно, продолженото примирје ќе биде прекинато, пренесуваат американски медиуми повикувајќи се на извори од администрацијата.Според истите извори, во Вашингтон владее уверување дека внатрешните поделби во Техеран се главната пречка за договор. Воените структури, предводени од Револуционерната гарда, се во судир со цивилните преговарачи, додека врховниот лидер речиси воопшто не комуницира со јавноста.Тензиите дополнително ескалирале по првата рунда разговори во Исламабад, кога военото раководство отфрлило дел од договореното од дипломатите, особено околу отворањето на Ормутскиот теснец.Во меѓувреме, американскиот потпретседател Џеј Ди Венс чекал со часови на писта за лет кон Пакистан, но патувањето било откажано поради отсуство на согласност од иранска страна за нова рунда разговори.Иако во Белата куќа се разгледувале и опции за нови напади врз иранската инфраструктура, Трамп на крајот одлучил да ѝ даде уште шанса на дипломатијата. Според негови соработници, тој смета дека воено веќе го постигнал максимумот и сака да го заврши конфликтот.„Претседателот донесе цврста одлука да ја заврши војната, но нема да се откаже од притисокот“, велат извори блиски до администрацијата.Како клучен адут останува поморската блокада, за која Трамп тврди дека го довела Иран во сериозна финансиска криза. Според него, Техеран губи стотици милиони долари дневно и е под силен притисок да постигне договор.Сепак, во Вашингтон предупредуваат дека доколку во наредните денови не се постигне напредок, воената опција повторно ќе се врати на маса.

Свет | пред 3 седмици

Техеран предупредува: ескалацијата во Ормус може да го загрози и Баб ел-Мандеб

Иранскиот медиум Тасним, повикувајќи се на извор во Техеран, јавува дека Соединетите Американски Држави би можеле да ја изгубат контролата врз Баб ел-Мандеб доколку преземат мерки против Ормускиот теснец.Во изјавата се наведува дека американските закани за поморска блокада и ограничување на пловидбата низ Ормускиот теснец се оценети како неефикасни и дека не придонесуваат за решавање на кризата.Изворот предупредува дека ваквите потези би можеле да имаат последици за поширокиот регион, вклучувајќи го и стратешки важниот Баб ел-Мандеб, при што би се зголемиле трошоците за транспорт на енергенси и за глобалната трговија.Соопштението доаѓа по најавите од Вашингтон за мерки поврзани со бродскиот сообраќај кон и од иранските пристаништа, што дополнително ги заостри тензиите меѓу двете земји.

Свет | пред 1 месец

Израел се извини поради оштетувањето на синагога во Техеран

Израелската армија изрази жалење откако синагога во Техеран беше оштетена во ракетен напад извршен претходно денеска.„Израелските одбранбени сили жалат поради колатералната штета на синагогата и нагласуваат дека нападот бил насочен кон висок воен објект, а не кон место за богослужба“, се наведува во соопштението упатено до Си-Ен-Ен.Армијата додаде дека целта бил висок командант во штабот „Хатам ел-Анбија“, кој го користат иранските вооружени сили, и дека пред нападот биле преземени мерки за намалување на штетата врз цивилите.Оштетувањето на синагогата се случи пред завршувањето на Пасха, еврејскиот празник кој го одбележува излегувањето на Израелците од египетското ропство.Си-Ен-Ен геолокализираше фотографии и видеоснимки објавени од иранските медиуми, кои прикажуваат голема штета на синагогата „Рафи Нија“, со книги на хебрејски разфрлани меѓу урнатините.Иранската новинска агенција ISNA соопшти дека синагогата, едно од верските средишта на техеранските Евреи од периодот на Пахлави II, е „целосно уништена во воздушниот напад“.Пред револуцијата во 1979 година, во Иран живееле околу 60.000 Евреи, додека според последниот попис од 2016 година, нивниот број се намалил на нешто помалку од 10.000.

Свет | пред 1 месец

Напад врз електроенергетскиот систем на Иран: Прекини на струја во Техеран

Напади врз електроенергетската инфраструктура предизвикаа прекини во снабдувањето со електрична енергија во делови од Техеран, како и во пошироката Техеранска област и покраината Алборз, соопшти иранското Министерство за енергетика.Заменик-министерот Мостафа Раџаби Машхади изјави дека при нападите бил погоден далеководен столб на влезот во Карај, град кој се наоѓа северозападно од Техеран. Претходно беа регистрирани осцилации во снабдувањето со струја токму во овој регион.Дополнително, источниот дел на Техеран останал без една трафостаница за пренос на електрична енергија, што директно влијаело врз стабилноста на мрежата.И покрај инцидентите, Машхади порача дека граѓаните „не треба да бидат загрижени“, нагласувајќи дека надлежните служби веќе работат на санација на штетите и нормализирање на снабдувањето.Нападите врз критичната инфраструктура доаѓаат во период на зголемени тензии во регионот, при што електроенергетскиот систем станува една од клучните цели во конфликтот.

Свет | пред 1 месец

Иран со порака за преговори: Техеран бара компензација и укинување санкции како услов за мир

Иран не ја започна војната, но претрпе „значителни загуби“ во човечки животи и цивилна инфраструктура, изјави Фатеме Мохаџерани.Таа нагласи дека прашањето за компензација е едно од клучните што треба да се отвори во евентуалните преговори, додавајќи дека меѓу приоритетите на Техеран се и контролата врз Ормуски теснец, како и укинувањето на меѓународните санкции.„Подготвени сме да се движиме кон одржлив мир“, изјави Мохаџерани, оставајќи отворена можност за дипломатско решение на конфликтот.Изјавата доаѓа во услови на зголемени тензии на Блискиот Исток и паралелни дипломатски сигнали од повеќе страни за потенцијално отворање на преговори.

Свет | пред 1 месец

Техеран со предупредување до соседите: „Не дозволувајте да ве вовлечат во војна“

Иранскиот претседател Масуд Пезешкијан упати остро предупредување до земјите во регионот да не дозволат „непријателите“ да водат војна од нивна територија, оценувајќи дека тоа директно ја загрозува нивната безбедност и сопствениот развој.Пораката ја објави на социјалната мрежа Икс, каде повтори дека Иран, според официјалниот став на Техеран, не спроведува превентивни напади, но дека ќе одговори решително доколку бидат погодени клучни објекти.„Многу пати рековме дека Иран не изведува превентивни напади, но ќе возвратиме силно доколку нашата инфраструктура или економските центри бидат цел“, напиша Пезешкијан.Во обраќањето до државите од Блискиот Исток, тој беше експлицитен дека нивниот избор на позиционирање во кризата ќе има долгорочни последици.„Ако сакате развој и безбедност, не дозволувајте нашите непријатели да ја водат војната од вашите земји“, порача иранскиот претседател.Изјавата доаѓа во момент на нагласени тензии и растечки ризик од поширока регионална ескалација, при што Техеран сигнализира дека секој напад врз витални економски и инфраструктурни точки би добил „силен“ одговор. Во вакви услови, предупредувањето до соседните држави се чита како обид да се спречи отворање нови фронтови преку нивни територии и да се намали просторот за операции на противничките сили во непосредното окружување на Иран.

Свет | пред 1 месец

Иран: Ормутскиот теснец е отворен – но не и за „непријателите“

Иран повторно испрати порака дека клучниот поморски коридор – Ормутскиот теснец – формално останува отворен за меѓународен сообраќај, но не и за бродови поврзани со, како што наведуваат, „непријателите на Иран“.Иранскиот претставник во Меѓународната поморска организација (ИМО), Али Мусави, изјави дека пловидбата е можна, но само со претходна координација со Техеран и во рамки на безбедносни аранжмани.Пораката доаѓа во момент на зголемени тензии, откако американскиот претседател Доналд Трамп му даде рок од 48 часа на Иран „целосно да го отвори“ теснецот за поморски сообраќај.Според иранската агенција Мехр, Мусави истакнал дека Техеран е подготвен за соработка со ИМО со цел да се обезбеди безбедноста на поморскиот транспорт, но нагласил дека дипломатските напори зависат од прекин на нападите и градење меѓусебна доверба.„Дипломатијата останува приоритет, но поважен е целосен прекин на агресијата“, изјавил Мусави.Во меѓувреме, безбедносни експерти од британскиот Центар за поморски трговски операции регистрирале најмалку 26 инциденти во регионот од почетокот на конфликтот, што укажува дека Ормутскиот теснец станува алатка за геополитички притисок.Токму ваквата ситуација веќе има директни последици врз глобалниот пазар, со раст на цените на енергенсите и зголемена неизвесност во меѓународната трговија.

Свет | пред 1 месец

Иран со балистички ракети го напаѓа Заливот, Израел возвраќа со удари во срцето на Техеран

Ескалацијата на конфликтот на Блискиот Исток продолжува со нов бран напади – Иран лансира балистички ракети и дронови кон земјите од Заливот, додека Израел соопшти дека изведува воздушни удари во центарот на Техеран.Министерството за одбрана на Обединетите Арапски Емирати информираше дека нивната противвоздушна одбрана пресретнува ракети и дронови кои доаѓаат од Иран. Властите нагласија дека звуците што ги слушаат граѓаните се резултат на активните пресретнувања.Во исто време, Саудиска Арабија соопшти дека кон Ријад биле лансирани три балистички ракети. Една од нив била пресретната, додека останатите паднале во ненаселени подрачја. Дополнително, во текот на ноќта биле соборени и пет дронови.Заливските држави од почетокот на конфликтот се мета на ирански напади, кои Техеран ги оправдува како одмазда за американско-израелската офанзива.Од друга страна, израелската армија соопшти дека спроведува напади „во срцето на Техеран“, еден ден по силните ирански удари врз југот на Израел. Во нападите врз градовите Арад и Димона биле повредени повеќе од 100 лица, меѓу кои и деца, а причинета е значителна материјална штета.И покрај близината на Димона до стратешкиот нуклеарен истражувачки центар, Меѓународната агенција за атомска енергија соопшти дека нема индикации за оштетување на објектот.Конфликтот влегува во нова, поопасна фаза, со директни напади врз повеќе држави и растечки ризик од регионална дестабилизација.

Свет | пред 1 месец

(Видео) Експлозии одекнаа во Техеран, напади во повеќе делови од градот

Во текот на ноќта и утринските часови во саботата, во иранската престолнина Техеран се слушнале повеќе силни експлозии, јавуваат локални и меѓународни медиуми.Според првичните информации, најмалку три експлозии биле регистрирани во источниот дел на градот, а детонации се слушале и во неколку други населби, меѓу кои Екбатан и Олимпиското село.Нападите доаѓаат откако Израел претходно соопшти дека на првиот ден од Новруз и Рамазан Бајрам извршил повеќе удари врз цели во Техеран.Засега нема официјални информации за евентуални жртви или материјална штета, а надлежните институции сè уште не излегоа со детално соопштение.Ситуацијата останува напната, а се очекуваат дополнителни информации во текот на денот.

Свет | пред 1 месец

Техеран ќе им го конфискува имотот на Иранците што работат со Америка и Израел

Иран ќе ги заплени имотите и средствата на иранските граѓани во странство, кои ќе се оценат за „виновни за соработка“ со САД и Израел, во услови на војната што Вашингтон и Тел Авив ја водат против Техеран, соопшти Канцеларијата на иранскиот државен обвинител.Во соопштението издадено во неделата се споменува закон донесен минатиот октомври, кој предвидува дека секоја соработка со Израел, САД „или други непријателски држави или групи е предмет на конфискација на целиот имот и други законски казни според Исламскиот кривичен законик, објави државната телевизија Прес ТВ, пренесуваат иранските медиуми.Секоја оперативна акција во име на ционистичкиот (израелски) режим или непријателски влади, вклучувајќи ја и американската влада или други непријателски режими и групи, или во име на кој било од нивните поврзани елементи, против безбедноста на земјата подразбира конфискација на целиот имот, според Исламскиот кривичен законик усвоен на 21 април 2013 година, како што е изменет, и смртна казна“, се вели во законот цитиран од Прес ТВ.Според иранските власти, повеќе од 1.200 луѓе се убиени, вклучувајќи го и врховниот лидер ајатолахот Али Хамнеи, а повеќе од 10.000 се повредени откако САД и Израел започнаа заеднички напад врз Иран на 28 февруари.Техеран возврати со напади со беспилотни летала и ракети насочени кон Израел и земјите од Персискиот Залив кои имаат американски воени бази.Иранското собрание на експерти во недела го избра синот на Хамнеи, Моџтаба Хамнеи, за нов врховен лидер на земјата.

Свет | пред 2 месеци

Техеран предупредува: Отровен воздух ги загрозува граѓаните по нападите врз рафинериите

Иранското Министерство за надворешни работи предупреди дека нападите врз нафтената инфраструктура во земјата ослободуваат опасни и токсични материи во воздухот, што, според Техеран, претставува сериозна закана за здравјето на населението.Портпаролот на министерството Есмаил Багаеи изјави дека нападите врз нафтени складишта и рафинерии предизвикуваат големо загадување на воздухот.„Нападите врз нафтени складишта ослободуваат опасни и отровни материи во воздухот, што во големи размери ги загрозува животите на луѓето“, изјави Багаеи.Во текот на ноќта, според иранските медиуми, биле погодени неколку нафтени рафинерии во земјата. Меѓу целите било и нафтеното складиште Шахран, кое се наоѓа на северозападниот дел од иранската престолнина Техеран.Иранските државни медиуми јавија и за експлозии во градот Ком. Полуофицијалната новинска агенција Тасним објави дека американско-израелски напади погодиле две локации во овој град.Ком се наоѓа јужно од Техеран и важи за едно од најзначајните центри на шиитското верско образование во Иран. Градот веќе беше меѓу местата каде беа пријавени експлозии по почетокот на американско-израелските напади врз повеќе цели низ земјата.Засега нема официјални информации за евентуални жртви или за обемот на материјалната штета.

Свет | пред 2 месеци

(Видео) Ескалација на конфликтот: Израел гаѓа енергетски ресурси во Иран

Израелската офанзива врз Иран влезе во нова фаза, во која како цели се наведуваат енергетските ресурси во земјата.На социјалните мрежи се појавија снимки на кои се гледаат огнени експлозии и густ чад над Техеран. На една од снимките, направена од автомобил во движење низ градска улица, се гледа како големи облаци чад се издигнуваат над делови од иранската престолнина.Снимките беа објавени откако Израелските одбранбени сили соопштија дека погодиле „неколку комплекси за складирање гориво“ во Техеран.Нападите претставуваат дел од засилените воени операции меѓу Израел и Иран, кои во последните денови доведоа до значителна ескалација на тензиите на Блискиот Исток.

Свет | пред 2 месеци

(Видео) Израел започна напади врз клучната инфраструктура – експлозии и густ чад низ Техеран

Израел соопшти дека започнал широки напади врз клучната инфраструктура на режимот во Техеран.Дописници на CNN јавуваат за воздушни напади низ главниот град на Иран. Иранските медиуми јавија дека низ цел Техеран се слушале силни експлозии, а меѓу целите биле и главните трговски улици во престолнината.На видеа кои кружат на социјалните мрежи се гледаат експлозии, густ црн чад и луѓе кои бегаат од областа.Претходно, Израелски одбранбени сили (IDF) ја срамнија со земја претседателската палата во Техеран, каде што се наоѓал врховниот лидер на Иран, Ајатолах Али Хамнеи, заедно со своите соработници.Иранскиот портпарол на Централниот штаб на армијата, пoлковник Ибрахим Золфгари, изјави дека одговорот на американско-израелските напади ќе биде проширен и интензивиран, и дека иранската војска продолжува да пресретнува израелски и американски авиони и дронови низ целата земја.Кукавички воени сили и објекти на ционистичкиот режим се сокриени меѓу цивилните области, но откривањето и нападите на агресорите ќе продолжат, а во наредните денови трендот на нападите ќе стане поинтензивен и пошироко распространет“, рече Золфгари.Според него, иранската војска рано утрово следела и уништила еден борбен авион F-15E и четири напредни извидувачко-борбени дронови – Hermes 900 и MQ-9 – над западните, југозападните и јужните делови на земјата.Овие напади предизвикаа хаос во Техеран, со експлозии, густ чад и евакуација на цивили.

Свет | пред 2 месеци

(Видео) Воздушен напад на болница во Техеран, медицинскиот персонал итно ги евакуирал новороденчињата од инкубаторите

Болницата „Ганди“ во центарот на Техеран е тешко оштетена во воздушните напади што, според иранските извештаи, ги извеле Соединетите Американски Држави и Израел. Болничките власти соопштија дека специјализираниот центар за вонтелесно оплодување е речиси целосно уништен, пренесе „Прес ТВ“.Во нападот била погодена и блиска станбена зграда, додека медицинскиот персонал итно ги евакуирал новороденчињата од инкубаторите. Снимките објавени по нападот прикажуваат медицински работници како ги пренесуваат бебињата во возила на брзата помош, додека припадници на иранската Црвена полумесечина работеле на нивно извлекување од оштетените болнички простории.Портпаролот на иранското Министерство за здравство, Хосеин Керманпур, изјави дека пациентите и медицинскиот персонал биле принудени да ја напуштат болницата по експлозиите во нејзина близина.Пациентите беа носени во раце од страна на негувателите додека излегуваа на улиците исполнети со чад по експлозиите на проектили во близина на болницата – наведе Керманпур во објава на социјалната мрежа Икс.Според достапните информации, нападите погодиле и други медицински установи во Техеран, меѓу кои болниците „Хатам ал-Анбија“ и „Мотахари“.Во јужниот град Ахваз неколку проектили паднале во близина на болницата „Абузар“, поради што итно биле евакуирани 21 пациент, меѓу кои и лица на интензивна нега.За нивното пренесување биле ангажирани 30 возила на итната медицинска помош. Извештаите наведуваат дека биле погодени и три бази на службата за итна медицинска помош во Сараб, Чабахар и Хамедан.Членката на иранскиот парламент и на парламентарната комисија за здравство, Фатеме Мохамад Беиги, изјави дека за време на нападите биле оштетени или уништени пет болници и медицински центри.Овој незаконски чин на агресија доведе до уништување на здравствените установи, како и до повреди меѓу студентите и локалното население – наведе таа во соопштение.Иранскиот претседател Масуд Пезешкијан ги осуди нападите врз цивилната инфраструктура, истакнувајќи дека таргетирањето медицински и образовни установи претставува кршење на хуманитарните принципи.Тој ја повика меѓународната заедница да реагира и да ги осуди ваквите напади. Генералниот директор на Светската здравствена организација, Тедрос Адханом Гебрејесус, изрази загриженост поради оштетувањето на болницата „Ганди“, нагласувајќи дека здравствените установи мора да бидат заштитени во согласност со меѓународното хуманитарно право.Мора да се преземат сите напори за да се спречи здравствените установи да бидат вовлечени во конфликтот – наведе Гебрејесус.

Свет | пред 2 месеци

Силни експлозии одекнуваат во Техеран, Израел потврди воздушен удар

Силни експлозии повторно одекнаа во иранската престолнина Техеран, а израелската војска потврди дека извршила воздушен удар во тој дел од градот.Според соопштението на Израелски одбранбени сили, израелското воздухопловство спровело напад со цел, како што се наведува, висок командант на иранскиот режим.Детали за евентуални жртви или материјална штета засега не се објавени. Иранските власти сè уште немаат официјална потврда за природата на нападот, ниту за тоа дали целта била погодена.Нападот доаѓа во услови на засилени воени дејствија меѓу Израел и Иран, со чести воздушни удари и одмазднички напади во последните денови. Ситуацијата во регионот останува напната, без навестувања за смирување на конфликтот.

Свет | пред 2 месеци

(Видео) Оштетена палатата Голестан во Техеран

Делови од палатата Голестан, единствениот споменик на светско наследство на УНЕСКО во главниот град на Иран, биле оштетени во воздушен напад изведен од САД и Израел во ноќта кон понеделник, објавила иранската влада.Оштетени се делови од палатата, вклучувајќи дрвени врати, традиционални персиски прозорци наречени орси и делови со украсни огледала. Штетата ја потврдил и министерот за културно наследство, туризам и ракотворби Сеид Реза Салехи Амири за време на посетата на 2 март 2026 година.Министерот најавил дека ќе се изработи извештај за инцидентот кој ќе се поднесе до УНЕСКО, истакнувајќи дека нападот претставува кршење на меѓународното право.Музејските артефакти од палатата Голестан не се оштетени, бидејќи претходно биле пренесени на безбедна локација, по дванаесетдневниот конфликт во јануари годинава.Палатата Голестан е историски комплекс на згради и градини, чија изградба датира од времето на владеењето на шахот Тахмасп I од династијата Сафавиди. За време на периодот Занд, кратко служела како резиденција на Карим Кан, а во времето на династијата Каджар била значително проширена како дом на кралското семејство во новата престолнина.Во времето на Пахлави, палатата се користела за официјални церемонии и приеми на претседатели и угледни странски гости. На списокот на светското наследство на УНЕСКО е внесена во јули 2013 година.

Свет | пред 2 месеци

(Видео) Брутална закана од Техеран: „Подземен тунел“ полн со дронови

Иран објави видео кое, како што се тврди, прикажува тунели на Револуционерната гарда во кои се складира оружје користено во нападите врз американските бази во регионот.Иранската новинска агенција „Фарс“ сподели редок увид во она што го опишува како подземен арсенал на дронови.Видео снимката е објавена во време кога Иран продолжува со одмазничките напади кон водечките американски сојузници на Блискиот Исток, по заедничката воена операција на САД и Израел извршена за време на викендот.Снимката покажува подземни тунели исполнети со редови дронови, кои потоа се поставени на десетици ракетни фрлачи. Исто така, се прикажуваат ѕидовите на оружарницата украсени со ирански знамиња и големи фотографии на починатиот врховен лидер, ајатолах Али Хамнеи.Не е јасно кога или каде е направена снимката, ниту дали прикажува дронови и ракети што се користат во иранскиот одговор на заедничките американско-израелски напади.

Свет | пред 2 месеци

Експлозии во Техеран, иранската агенција јавува за воздушен напад

Неколку експлозии одекнале во Техеран, јавува иранската новинска агенција Тасним, повикувајќи се на извори од теренот.Според извештајот, „воздушен напад погодил подрачје во близина на Плоштадот на револуцијата“, каде што во моментот се одржувал собир на кој демонстранти ја осудувале, како што се наведува, „агресијата“.Во информацијата се додава дека иранската противвоздушна одбрана пресретнала напад над небото над централниот дел на Техеран. Засега нема официјални податоци за евентуални жртви или материјална штета.

Свет | пред 2 месеци

Вучиќ: Оштетена е српската амбасада во Техеран, нашите луѓе се повлекуваат кон Баку и Азербејџан

Претседателот на Србија, Александар Вучиќ, во неговото денешно обраќање го коментираше оштетувањето на српската амбасада во Техеран.Таа е оштетена, цел на американскиот напад беше базата Басидж. Шрапнели ја оштетија нашата амбасада. Важно е да кажеме дека нашите луѓе се повлекуваат кон Баку и Азербејџан, документацијата е уништена и запалена целосно, во согласност со правилата. Нашиот амбасадор ќе замине во Баку со луѓето од дипломатското претставништво, но на лично инсистирање ќе се врати во Техеран, таму имаме еден брачен пар со сурогат бебе и сакаме да направиме сè што можеме за да им помогнеме“, рече тој.„Ние ги подготвивме авионите на Ер Србија, и тоа ме погодува, затоа што така и за време на короната им зборувавме на луѓето да не одат на Бали, па моравме на трошок на граѓаните на Србија да испраќаме авиони за да ги враќаме“, нагласи тој.

Свет | пред 2 месеци

(Видео) Израелска војска: Удираме во срцето на Техеран

Техеран го потресуваат нови експлозии, а снимки и фотографии од густ чад се појавуваат на социјалните мрежи.ИДФ пред нешто повеќе од половина час објави дека „започнале удари врз срцето на Техеран“.„Воздухопловните сили, водени од воената разузнавачка служба, токму сега започнаа широк бран напади врз цели на иранскиот терористички режим во срцето на Техеран“, додава војската.„Во текот на изминатиот ден, воздухопловните сили спроведоа обемни напади за да воспостават воздушна надмоќ и да го отворат патот кон Техеран“, се наведува во соопштението.

Свет | пред 2 месеци

(Видео) Прослава во Техеран по гласините за смртта на врховниот лидер

Во одредени квартови на Техеран вечерва започна прослава откако се проширија непотврдени вести за смртта на врховниот лидер, ајатолах Али Хамнеи.Како што јавуваат извори, на улиците одекнуваат од сирени на автомобили и радосни повици.Претходно израелскиот премиер Бенјамин Нетанјаху изјави дека постојат „сè повеќе знаци“ дека врховниот лидер на Иран „не е повеќе жив“, но таа информација сè уште не е официјално потврдена, пишува BBC Persian.

Свет | пред 2 месеци

Иран: Над 200 загинати во нападите, повеќе од 700 повредени

Вечерва низ Иран се слушнале нови експлозии, а според првите извештаи погоден е и главниот град Техеран. Еден сведок за BBC Persian изјавил дека се слушнала силна детонација во западниот дел на Техеран, додека новинарите на агенцијата AFP јавиле за „низ нови експлозии“ во главниот град.За експлозиите во Техеран известила и иранската државна новинска агенција IRNA. Истовремено, иранската агенција Fars јавува дека два кварта во јужниот град Бушехр, каде што се наоѓа нуклеарната електрана, „биле цел на проектили“, пренесуваат светските агенции.Непосредно по веста за експлозиите, Израелските воздушни сили се огласиле на социјалната мрежа X. Во објавата стои дека „покренале уште еден воздушен напад и напаѓаат места за лансирање проектили и одбранбени системи во централен Иран“.Според податоците на Иранскиот Црвен полумесец, повеќе од 200 лица загинале, а 747 се повредени низ 24 провинции во настаните кои таа организација ги опишува како американско-израелска агресија.

Свет | пред 2 месеци

(Фото) Вака изгледа небото над Иран додека Техеран најавува жестока одмазда по американско-израелските напади

Соединетите Американски Држави и Израел извршија напади врз Иран, отворајќи ново поглавје на судири на Блискиот Исток. Американскиот претседател Доналд Трамп изјави дека целта на нападот е елиминирање на безбедносната закана за САД и отворање можност Иранците сами да ја сменат својата власт. Пентагон соопшти дека американската операција го носи името „Епски гнев“, додека израелската страна ја нарекува „Лавја рика“.Иран возврати со лансирање ракети кон Израел, соопшти израелската армија, а иранските сили, според извештаи, погодиле и повеќе американски воени локации во регионот. По нападите, и Техеран и Тел Авив го затворија својот воздушен простор за цивилен сообраќај.Американски воени извори наведуваат дека обемот на воздушните и поморските операции сè уште не е целосно познат, но дека кампањата се очекува да трае повеќе денови. Ирански претставник изјави за Ројтерс дека Техеран подготвува жестока одмазда.Во видео-порака, Трамп потсети на деценискиот спор меѓу Вашингтон и Техеран, вклучително и заложничката криза од 1979 година, кога американската амбасада во Техеран беше заземена, а 52 Американци беа држени како заложници 444 дена. Тој ги повика Иранците да останат во засолништа бидејќи „бомби ќе паѓаат насекаде“, додавајќи дека по завршувањето на операцијата народот ќе може да ја „преземе својата влада“.Израелскиот премиер Бенјамин Нетанјаху изјави дека заедничката акција ќе создаде услови „храбриот ирански народ да ја земе својата судбина во свои раце“. Според извор за Ројтерс, врховниот лидер на Иран, ајатолахот Али Хаменеи, не се наоѓа во Техеран и е префрлен на безбедна локација.Овој напад следува по 12-дневниот воздушен судир меѓу Израел и Иран во јуни, како и по повторените американско-израелски предупредувања дека ќе следуваат нови удари доколку Иран продолжи со нуклеарната и балистичката програма. Израел инсистира секој евентуален договор да подразбира демонтажа на иранската нуклеарна инфраструктура, додека Техеран изјавува дека е подготвен да разговара за ограничувања во замена за укинување на санкциите, но без поврзување со ракетната програма.Ескалацијата, која се случува во периодот на Рамазан и непосредно пред еврејскиот празник Пурим, дополнително ги намалува изгледите за дипломатско решение на долгогодишниот нуклеарен спор и носи ризик од поширока регионална дестабилизација.

Свет | пред 2 месеци